رواية إبتدينها مزح وانتهينا عاشقين

البارت 20

طلعوا حمد من العمليات ، وكل حد ايدهه عع قلبه يتريوا
خبر يفرححهم ، بس صدمهم الدكتور ب الخبر انه
صار معاه نزيف داخلي ودش ف غيبوبه ، ف هذي
اللحظه الكل فقد الامل ودموعهم نزلت ، قال الدكتور
ما عليكم الا بـ الدعاء انه ربي يقومه ب سلامه ...
اهل حمد ف حالة صدمه والدموع تنزل منهم ويردوا
بصوت عالي انه ربي يشفيه ويرده لهم ب عافيته .
وصلوا ربع حمد الباقين سلموا وراحوا ياخذوا العلوم من عند مكتوم وخبرهم بكل شي .
الكل قعد يحط عن حمد ادعيه لانه حالته ما اطمن كثير .
مكتوم راح لدكتور ياخذ تفاصيل اكثر عن حمد شو راح يصير هل يحتايي علاج للخارج او لا !!
خبره الدكتور انه راح تكون عنده عمليه ثالثه بعد يومين وان شاء الله بيكون بخير .
مكتوم وقلبه ابد مب مطمن ويحاول انه ينقله مستشفى خاص علشان يرتاح بس حالة حمد ما تسمح له ف وكل امره ل ربه .
دقت غايه ل مكتوم تساله عن حمد وشو قال الدكتور لانها رجعت البيت .
--------
غايه : الو الو ..
مكتوم : من معي ؟!
غايه : انا غايه بنت عمك ، بغيت اطمن عن اخوي حمد شو قالك الدكتور ؟
مكتوم : بخير لا تحاتي ، بتكون معاه عمليه بعد يومين ان شاء الله وراح يرجع بصحته .
غايه : ان شاء الله ربي يسمع منك .
مكتوم : امين ، مابطول عليج عيل عن اذنج .
غايه : عادي الامور طيبه خذ راحتك ، وطمني عنه بين كل شوي اذا فيه تحسنات عع حالته .
مكتوم : ان شاء الله .
----------
رجعوا كلهم البيت وبعد ضرابه من بيقعد مع حمد عع رغم ما يصير حد يقعد ف المستشفى بس قعد مكتوم معاه وقال لهم انه راح يطمنهم ولا يحاتوا ... مر اليوم الاول وحمد ف المستشفى.
دق زايد عع مكتوم وشبكوا الاتصال مع خليفه وقعدوا يتكلموا مع بعض ....
-----------
زايد : كيف حالة حمد احين عساها احسن ؟؟
مكتوم : والله مثل ماهو .
خليفه : انزين ماقالوا بيعطونه شي او عمليه ولا غيره او توقعاتهم عع حالته ؟
مكتوم : قال حالته لحد الحين مستقره وبيسوا له العمليه الثالثه بعد يومين يعني باقي يوم عن العمليه وما عرف شو وقتها بيصير لانه قالي ان شاءء الله بيكون بخير .
خليفه : يالله عسى خير باذن الله ما يتساهل كل ها بس اللهم لا اعتراض .