رواية إبتدينها مزح وانتهينا عاشقين

البارت 52

خليفه : يا عيال الحلال انتو مب يهال شو ها اللي قاعدين تسونهه لميتوا علينا الناس ؟؟
مكتوم : خخخ يحترم نفسه وما يتدخل ف امور دوامي ولا يقعد يراقبني وين سرت وين يت ، ينتبه عع نفسه .
زايد : صلوا عع النبي ( عليه افضل الصلاه واتم التسليم)
اذكروا ربكم خلوا اليوم يعدي عع خير وسكروا الموضوع .
مكتوم : بسكره بس ما اريده يرمسني ولا اسمع حسه معاي .
خليفه : يا شبابب ترا ورانا سفره وما نريد نفس ثجيل رايحين نغير جو يعني تصالحوا من احين ولا تكبروا الموضوع
اكثر من حجمه .
حمد : طبهه ماعليهه منه ها يايي يمد ايده عليهه
عشان بنت بسسس .
مكتوم : اسكت لا اكسر لك اسنانك احين لا تخليني العن اصلك ، شي ما يخصك يعني ما يخصك تفهم ولا لا ؟
حمد وبضحكة مستفزه : ليش ما ضيعت عليك ؟
مكتوم : احين انت شو بلاك تريد تسوي مشاكل ها ؟؟
عندي مريضه اعالجها انت ليش تتدخل وتحاسبني من تكون ولي امري وانا ماعرف ؟
خليفه : مكتوم اسكت عنه خلاص تعرف ولد عمك كيف تفكيره ، عقله صغير وانت ريال كبير واعقل منه .
زايد : يلا يلا توكلنا من هني وبينا فليل نلتقي وسكروا الموضوع احين .
حمد : تمام يلا عيل روحنا زيود .
خليفه : وعن السرعه انتبهوو .
---------
حركوا من باركنات المول وكل واحد سار بيتهه .
حمد اول ما وصل البيت كانت غايه تترياه ف الصاله احر من الجمر ، اول ما شافته وصل ...
---------
غايه : وانت من سمح لك ادشش غرفتيي هااا شوو عندك ؟؟؟
حمد : لا تقعديي تصارخي لا اكسرج احين .
غايه : مننن امر لك ادشش الغرفه شو عندك تفتش ف اغراضي وتروح تهددد ربيعاتي وتقولهم ما يرابعوني شدخلككك ؟؟
حمد : لا تعليي صوتج لا اقص لسانج زين لا تعليه .
غايه : ترا قاعده ارمسك شو عندك شو تريد انت ؟؟!
حمد : يوم اشوف الغلط واسكت مره مرتين اعطيج تنبيه عن الشي وانتي ما تسمعين الكلام تحملي اللي يوصلج .
غايه : والله ما اتذكرك ابويه ولا امي علشان تتحكم فيني .
حمد : زين خلي ابويهه يوصل وبنشوف من بيصلب لج عودج وبيردج عن علومج هذي .
غايه : زينن بنشوف لو عساني غلطانه مالك دخل واحقيه ترمس ربيعاتي وتهددهم اذا مشوا معاي بيصير وايد اشياء .
حمد : لا تعورين لي راسي وايد بروحي مصدع .