رواية إبتدينها مزح وانتهينا عاشقين

البارت 13

ورجع حمد البيت وكمل رقاده ..... نشت ظبيه س 9 الصباح من رقاد وخلصت امورها ونزلت تتريق ويا اهلها .. وبعدها رجعت للغرفه تنتظر اتصال من الشرطه وتعرف شو صار ف السالفه حقها ، وهي تنتظر بعد ربع ساعه وصلها اتصال ، الي هو من عبدالعزيز و ماردت عليه ، وعع رغم الخوف اللي بداخلها هي قويه وموكله امرها لربها ، تماماً من بعد ما بند الاتصال اتصلوا عليها الشرطه وكملوا تحقيق وخبروها انه رفعوا عليه القضيه ويتريونه يوصل المركز ...
وصلوا البنات ضي وسميه بيت ظبيه ....
ضي اتصلت عع ظبيه تخبرها انهم تحت ... ردت عليها ونزلت تحتت تستقبلهم .. استقبلتهم ودخلوا الميلس وقعدوا يسولفوا ويخففو التوتر والخوف عن ظبيه ..
---------
ضي : فديت هالضحكة يعلها ما تفارقج ي احلى ظبيوهه ف الدنيا ياخي احب اشوفج دايما جي ، وعسى ربي يبعد عنج كل مكروهه .
ظبيه : يا حبي لج ياخي ماعرف شو ارد عليج بسس احبججج ، امين يارب وياج يي روحي .
سميه: واخيرا تغير مودجج فديتجججج وفديت ضحكتج هذي ، دام جي خلنا نطلع اليوم نغير جو شو رايكن ؟
ضي: فوقههه بس وين بنروح ؟
ظبيه : سمعت عن مكان وايد حلو يديد هو ومخصص حق النساء .
ضي : وين ها المكان تعرفين وين موقعه ؟
ظبيه : هههههههه قوقل ماب ما يقصر فديتج .
ضي : طعع تريدنا نروح ندور بعدنا المكان .
سميه : ترا مب ورانا شي ضيوهه بنروح وبندور والبترول عليج ههههههه.
ضي : لا والله احلفي بس انتي .
سميه : لا تصيحين انا عليه كل شي عازمتنكم .
ظبيه : حماسس اللي فخاطرنا عيل بناخذه اليوم هههههه.
ضي : عيل ان ما خليتج تندمين انج قلتي انا عازمتنكم ارويج ي سموي ههههه.
سميه : حبيباتي والله ما يغلى عليكن شي اهم شي وناستكن .
ظبيه : فديتج ياخيي من يوم يومج كريمه وراعية واجب وما تقصرين .
ضي: هيه احين بترفع خشمها علينا مدحناها ههههههههه.
سميه : اويهه ضيوهه بعضج ترا .
---------
طلعوا البناتت وراحوا عع وصف قوقل ماب للمكان ... نش حمد من رقاد عع ساعه 11 الصباح وغسل ويهه وراح عع المطبخ يدور له شي ياكله وما لقى شي ، قعد ينادي عع غايه تسوي له اكل .. غايه ذلت حمد لانها امس متضاربه كانت معاه وما رضت تسوي له رد عليها ما بذل نفسي علشانج بسس يوم ايي انصحج عن الشي ولا اعصب ترا اخاف عليج بس انتي بقرههه ما دري كيف تفكيرج ، فارقي عن ويهيي لا تصير حفله دون كيك عليج ....