رواية إبتدينها مزح وانتهينا عاشقين

البارت 15

وصلت سميه البيت وطرشت ل ظبيه اطمنها انها وصلت ، ردت عليها : الحمدالله عع سلامه قلبي ، بدشين كول؟ ، ردت سميه : تمام قلبي ... ودشوا كول ويا بعض يسولفن ...
خليفه دق عع زايد واتفقوا يطلعوا يلعبوا بليارد وخبروا ربعهم الباقين وتيمعوا وراحوا بموتر خليفه .
-----------
سميه : ظبيوه ياخي تعرفين شفت واحد من الشباب اللي كانوا يطالعونا لما كنا ف المول .
ظبيه : احلفي لا يكون هذاك الغثيث ؟
سميه : والله ، بس ربيعه مب هذاك اللي تقصدينه .
ظبيه : ياخي اوفر نرفزني كان يطالع .
سميه : هيه شفتهم يعع ، بس ها اللي شفته شقق هههههه.
ظبيه : طع طع وين تفكيرها ، سموي ها اشوفجج تغيرتي هههههه.
سميه : حرام نجحل عيونا بعد ههههههههههه .
ظبيه : جحلي جحلي عيونج فديتج .
سميه : تعرفي ودي احصل ريال ونعم فيه واكمل حياتي اجرب شعور الحب والاهتمام وجي صح اهلي مب مقصرين بس جي ودي اجرب .
ظبيه : نصيحه مني لا توثقين ولا تعطين الثقه لحد لانهم كلهم ملاعين ف البدايه عسل ونهايتهم مرهه اذا بتختاري اختاري الشخص الصح ، يخاف ربهه قبل كل شي .
سميه : ما عليج ان شاء الله كله خير خلييينه اول شي ايي ها الريال اللي ف بالي ههههه .
ظبيه : هيه معليه لا تستعيلي ان شاء الله ربي بيرزقج ف ولد الحلال يخاف عليج ويحطج ف عيونه ويسعدج .
سميه : امين امين الله يسمع منجج .
ظبيه : انزين الا اقولج خلينا نشوف ضيووهه خلصت مذاكره ندخلها ويانا .
سميه : هيه زين طرشي لها ، لانه مافيني ازخ الفون اطرش ههههه .
ظبيه : طعع الجلبه هههههههه .
--------------
دشت وياهن ضي الكول وقعدوا يسولفوا عن موضوع ولد خالتها ظبييه وشو صار ف التحقيق والقضيه ... قالت ظبيه ما دري بعدني بتريا باجر وان شاء الله خير ....