رواية إبتدينها مزح وانتهينا عاشقين

البارت 61

خلصو البنات كشختهم و نزلوا توجهو صوب اثينا تحديداً السوق الشعبي ، بنفس الوقت
.
حمد : مكتوم دش الفه اليايه
مكتوم : متأكد ؟
حمد : جي طالع لي ف الموقع
زايد : اقلكم كم باقي و نوصل يوعان حشى
حمد : ما تم شي باقي ٢٥ دقيقه بس
خليفه : تراني ياي ع عماي انتوا وين رايحين ؟
مكتوم : ها حمد و سوالفه ما تعرف مطلع لنا مكان شعبي يقول حلو
زايد : ما علينا من المكان اوصلوا فكوني ابا اكل
خليفه : قلنالك قريب لا تحشرنا
حمد : يلا ما تم شي
.
سميه : انزين وصلنا احين وين بنسير
ضي : اول شي خ نسير مكان نتريق لاني ميتتتتته يوع
ظبيه : حشى انتي شي وقت اصلاً ما كنتي يوعانه فيه ؟
ضي : جب بس جب اصلاً شي احلى من الاكل
سميه : جب يالياهل انتي وياها ، المهم شي مطعم قريب من هني يسووون ريوق و هالسوالف تبون نسير ؟
ضي : هيه و بدون تفكير بعد ههههههه
سميه : يلا ترا مب وايد بعيد من هني ٣ دقايق مشي بس
ظبيه : يلا خ نروح .. بعد دقايق وصلوا المطعم شافوا يلسات خارجيه و داخليه بس خافوا ع ميكبهم لا يسيح و قررو يقعدون داخل معنه الجو كان حلو
.
بعد دقايق وصلوا الشباب المطعم اللي كانوا متوجهين له و نزلوا شافوا الجوووو يجننننن
حمد : شباب شرايكم نقعد برا لان الجو صراحه بو نفرين هههههههههه
مكتوم : وياك ٣ من ربعك انت مب مع الحب
حمد : ههههههه لا صدق والله الجو ما يتفوت
خليفه : يلا عيل احين بتقعدون برا ولا داخل
زايد : برا ولا داخل اي مكان اهم شي اكل يوعان
خليفه : ها اخر مره تسفروني وياه حشرنا من متى يوعان و يوعان جنه ف مجاعه
مكتوم : خلاص انزين يلا خ نقعد برا .. و اختاروا طاوله من الطاولات اللي برا و قعدوا عليها و طلبوا الاكل
.
بعد ما خلصوا الاكل
خليفه : شباب انا بدش داخل بسير الحمام شوي بطني قلب علي ههههههه
زايد : مب منك من الاكل اللي كليته و طول الوقت يالس تحط علي و تتحرطم
خليفه : جب .. و نش دخل داخل سأل عن مكان الحمام و دلوه و راح الحمام مستعيل لان بطنه كان يعوره .