رواية إبتدينها مزح وانتهينا عاشقين

البارت 49

ظبيه : ان شاء الله ، انزين مريت ف اوقات وديي حد يكون معاي فخاطري اروح ارقد ف حضن امي واصيححح صياح لحد ما اتعب وارقد يتني فتره صرت ما احب اسمع ايي كلمه من حد ، اكرهه التجمعات ولا احب اقعد ويا اهلي يا قاعده عع الفون يا راقده ، كملت دراسه جامعه وتخرجت دورت لي عع وظايف توظفت بس ماتعدل شي بدل ما يتعدل الشي زاد من الطين بله فيني ، الناس منافقه ويطلعواً الشخص غلطان لو هو مب مسوي شي ....
---------
فجاءه مروا حمد وزايد من جنب الكوفي اللي فيه ظبيه ومكتوم ....
حمد اول ما شاف مكتوم وقف قعد يطالعه ويطالع عع ظبيه وانصدم وسكت ، شوي ودق عع مكتوم بس علشان انه انقهر لما شافه مع ظبيه .
--------
حمد : الووو وين انت ؟
مكتوم : ليش شو صاير ؟
حمد : بس اسالك وين انت ؟!!!
مكتوم : عقب بتفاهم وياك عندي مريض .
حمد : هيهه عندك مريض وساير تشرب كوفي وياها ؟
مكتوم : انت شو فيك احين عقب نتفاهم .
حمد : ترا اشوفك انا قدامكم .
مكتوم : انزين توكل من هني ونتفاهم عقب...
--------
بند الاتصال مكتوم عن حمد فويهه .
حمد عصب وماعيبه ليش سوا جي وقعد يتحرطم ويذم مكتوم انه ليش يجذب وووو ...
زايد قعد يهدي حمد ويفهمه اننه تراك فاهم الموضوع كله غلط .....
كملت ظبيه كلامها لـ مكتوم ...
--------
ظبيه : ما ادري ليش الناس احسها تكرهني عع رغم اني ما ضريت حد ولا اذيت حد ولا اكرهه حد ف حياتي ، ليش كل ها قاعد يصير معايي ما ادري مرات اتمنى اموت وارتاح ، ومن غير اهلي صح ف اشياء معاي واقفين بس اشياء كثيرههه ضديي ومحد يفهمني واذا تكلمت يفهموا غلط ، امي صح متفهمه معاي وتخاف عليه ، بس فيه اشياء ثانيه ويا ابويه وخواني اللي من ام وايد مشاكل ووو ..

مكتوم : تمام اختي ظبيه خليي كل شي ها وراجج بقولج شو تسوي فكري ف المستقبل شو قدام بيصير وياج كيف تكوني انسانه ناجحه ف حياتج دون مساعدة غيرج وانا بساعدج ف كل حاجه اقدر عليها باذن الله وبينا الكلام ها ما يكفي ادري فخاطرج وايد اشياء بس بيكون بينا تواصل انا عندي باجر سفره من ارجع من السفر برجع الدوام ونلتقي عع خير ،
بس هذا الشي ما يمنع انه ما نتواصل واسمعج ...
ظبيه : ان شاء الله ، ها الشي خفف عني شوي لما تكلمت ، وانا اصلا بعد ما بكون موجوده بسافر ، اغير من نفسيتي يمكن تتعدل الامور وغيرهه . . .