رواية إبتدينها مزح وانتهينا عاشقين

البارت 25

نزلوا المركز ظبيه وسميه ، وكلموا الضابط اللي موجود وخبروهه السالفه ، قال الضابط ل ظبيه عطيني الرقم اللي وصلج منه الاتصال وساعه كم بضبط علشان تسهل علي العمليه انه اطلع تسجيل الصوتي للمكالمه ، ظبيه عطت الضابط كل التفاصيل اللي تلزمه .. وكمل تحقيق معاها .
مكتوم يفكر ف حمد كيف حالته صارت .
اول ما وصل الدكتور مكتوم راح صوبه عع طول يساله عن حمد كيف صارت اموره هل هي تمام او لا ؟
---------
مكتوم : دكتور كيف صحة حمد احين ، ومتى العمليه ؟
الدكتور : الحمدالله حالته مستقره وهو شوي شوي قاعد يستجيب ويانا ، عمليه احين بيدخلونه قسم العمليات وان شاء الله راح يكون بخير .
مكتوم : اللهم لك الحمد حتى المبتغى ، الله يقومه ب سلامه ان شاء الله .
الدكتور : ان شاء الله .
مكتوم : دكتور كم تحتاج العمليه من الوقت ؟
الدكتور : ب الكثير ثلاث ساعات .
مكتوم : طييب عسى كله خير .
---------
راح مكتوم يطمن ام حمد انه حالة ولدها مستقره وفيها تطور للاحسن ، هني وقتها ام حمد تصيح من الفرحه انه حالة ولدها تحسنت ودعي من كل قلبها له انه يرجع بصحه وعافيه لها ...
ضي اتصلت عع سميه تطمن عع الوضع شو صار معاهم ف المركز الشرطه ...
خليفه وزايد راحوا عع المركز الشرطه علشان يخلصوا امور سيارة حمد ويستلموا الاوراق وهناك بالصدفه التقى خليفه ب سميه وتذكرها عع طول وقعد يطالعها وهي اطالعه ، خلصوا امور حمد وقال خليفه ل زايد تقدمني روح الموتر بروح الحمام وبييي.
خليفه قعد يفكر بينه وبين نفسه كيف يوصل حق سميه يريد ياخذ ايي شي يخصها علشان يتواصل معاها .
تقدم خليفه وراح صوب سميه قال لها ...
---------
خليفه : عسى ما شر شو صاير معاكم تبغوا مساعده ؟
سميه : لا مشكور .
خليفه : صدق والله ترا نحن موجودين ف الخدمه.
سميه : مشكور .
خليفه : اسالج مب انتي اللي كنتي هاك اليوم .....
سميه : هيهه نعم خير وش بغيت ؟
خليفه : مابغيت شي بس يعني كثرت التصادف ويانا هذي الايام ف ياني فضول .
سميه : انزين وبعدين ؟
خليفه : شو بلاج عصبتي ما سويت لج شي .
سميه : احترم نفسك تراك ف دائره حكوميه وقاعد تغازل صدق انك ما تستحي عع ويهك .
خليفه : خيبه خيبه هدي هدي اعصابج ماسويت فيج شي ترا مجرد يت وسالتج .
سميه : انزين وجاوبتك ممكن تتحرك من قدامي ولا اناديهم لك .