رواية إبتدينها مزح وانتهينا عاشقين

البارت 30

.... الشرطي زقر عع ظبيه علشان تدخل قاعة المحكمة ، وهني بدت الصدمه عع ريل خالتها ..
الشرطي كلم ريل خالتها وخبره السالفه من الالف للياء وانصدم ولا قدر يتكلم ف شي ...
قعد يطالع عع ظبيه بنظرات وعيونه مليانه دموع جنه يقول لها سامحيني يي بنتي ماعرفت اربي ولدي عدل .
ظبيه وهي مب قادره تحط عينها ف عين ريل خالتها ولا قادره تقوله شي لانه مستحيه من الشي اللي قاعد يصير ..
وصل القاضي .... وحكموا عليه ب السجن ثلاث سنوات ب القضيتين والغرامة.
هنا شعور ظبيه وعيونها مليانه دموع و مستانسه ونفس الوقت مب عارفه كيف بتقابل اهلهم ف الخبر ها .
طلعوا من المحكمه .. ونادها ريل خالتها وقعد يكلمها ...
---------
ريل خالتها : سامحيني يا بنتي عع اللي سواه عبدالعزيز فيج وانا ماعرفت اربيههه ، بس ليش ما يتي وكلمتينا ف الموضوع ليش خليتني انصدم ؟؟
ظبيه دموعها تنزل : ما قدرت اواجهكم ولا اخبركم لانكم ما بتصدقوني وبتفروا اللوم عليه انا وثقت ف عبدالعزيز ثقه عميه بس هو خرب حياتي وايد ودمر نفسيتي ودشيت حالة اكتائب ومحد داري عنيي .
ريل خالتها : يا قلبي يا ظبيه انتي مثل بنتي واكيد هو حصل جزاهه من القانون بس لو يتيي وزخيتني عع صوب وكلمتيني قلتي يا عمي جي جي السالفه ، انا ماعرف كيف لي ويهه احين اتكلم مع ابوج وامج وخالتج ماعرف شو بقول لهم .
ظبيه : ولا انا اعرف اقول لهم شي بكتفي ب السكوت اللي تعودوا عليه مني لانه ماقدر احط عيني ف عينهم عقب اللي صار .
ريل خالتها : ماعليه كله خير ، ارجعي البيت انتي وان شاء الله كله خير والله يحفظج وسامحيني .
ظبيه : ان شاء الله ، ويحفظك يارب ، مسموح ماسويت شي انت.
ريل خالتها : ماعرفت اربييهه عدل علشان ما يلعب ف بنات الناس ولا ف عرضهم وشرفهم ....
-------
حركوا من عند المحكمه وظبيه قررت ما ترجع البيت عع طول لانه نفسيتها بتتعب وراحت مع سميه لبيتهم وقعدت وياها
وصلها اتصال من عند امها ..
ظبيه ارتبكت وتوترت وايد كيف بتواجهه امها وشو بتقول لها ، رد عليها .
--------
ظبيه : هلا امايه شحالج ؟
ام ظبيه : انتي وينن ؟؟؟
ظبيه : ليشش معصبه انزين !!
ام ظبيه : يعني مخليه نفسج ماتعرفي شو مسويه وما تعرفي شو صاير ها ؟؟
ظبيه : ماماه اسمعي انزين مني عقب احكمي .
ام ظبيه : انتي ويننن ؟؟
ظبيه : ف بيت سميه .
ام ظبيه : ارجعي البيت نترياج انا وابوج .
ظبيه وهي تصيح : ماماه والله ماسويت شي غلط والله لا تعصبوا عليهه يكفي اللي فيني خلييي خالتيي وعميي ايوو بيتنا وعقبها انا برجع البيت .
ام ظبيه : زينن زين ظبيه اترياج انا وبتفاهم معاج ..