رواية إبتدينها مزح وانتهينا عاشقين

البارت 41

ضي : تمام انا مخلصه بس اترياج من توصلين قدام البيت دقي علشان انزل .
سميه : تمام قلبي .
ضي : ظبيوه ليش مختفيه دقيت لها فونها مبند .
سميه : ماعرف والله وينها ، من نخلص ها قبل لا نروح نتغدى بنمر بيتهم نشوفها .
ضي : هيهه زين احسن .
---------
ظبيه ناشه من وقت بس ما فجت الخدمه ولا غيره قاعده تكتب لانها ماتحب تتكلم وايد ، وفجاءه نزلت تغريده ف تويتر كتبت فيها .
{ وكانت دائماً تشعر بالوحدة ، حتى وهي محاطة بجميع اصدقائها وعائلتها ، داخلها خاوي لا يحمل الا رباً تؤمن بأنه سيخرجها يوماً ما مما يُثقل قلبها ، لازالت تحاول } .
وبعدها بكم دقيقه رجعت نزلت تغريده وكتبت فيها .
{ انا تلك الفتاه التي كسرت وهدمت وانجرحت وخذلت وبكت ايام وليالي انا تلك الفتاه التى عاشت وعانت وصبرت ولا زالت عع قيد الحياه احاربها } .
وبعدها بندت الفون ورجعت رقدت ..
ضي انتبهت عع تغريداتها وعع طول خبرت سميه ..
---------
سميه : بسم الله شو فيها ليش جي قالت اول امس مرمستنها مافيها شي !!!!
ضي : ولا قالت انه صاير معاها شي ، رجعت دقيت لها بعده فونها مبند .
سميه : احسس قلبي بدا ما يطمن لازمم نروح نشوفها .
ضي : هيههه احسننن نروح نشوفها لانه ادري فيها ما بتقول شي عع الفون وبتقول انها بخير بس اعرف انه صاير شي وياها .
سميه : هيهه ، المهم انزلي انا تحت ترا .
ضي : زين احين ياييه لج .
---------
نزلت ضي وركبت موتر سميه وحركوا عع بيت ظبيه عع طول علشان يطمنوا عليها .....
وصلوا بيت ظبيه ، دقوا جرس البيت وطلع لهم الدريول حقهم وسالنه وين ظبيه وماماه ؟!
رد عليهن ودخلهن داخل لقوا ام ظبيه قاعده ف صاله وسلموا عليها وسالوها وين ظبيه ليش مبنده فونها وشو صاير معاها ردت عليهن .
---------
ام ظبيه : والله يي بناتي ماعرف شو فيها اليوم مانزلت ولا اكلت شي مسكره الباب ومب راضيه تكلم حد .
ضي : خالوهه انزين نحن بنروح فوق نشوفها لانه احس فيها شي بس مب راضيه تتكلم .
ام ظبيه : زين شوفوها يمكن تفتح الباب لكن .
سميه : ما عليج خالوه لا تحاتي بنتفاهم وياها .
ضي : بس غريبه هي مب من عادتها جي تسوي !!
ام ظبيه : هيه بس هذي الايام من اخر سالفه صارت وكذا هي مب عع بعضها ابد .
سميه : معليه ان شاء الله كل خير ومافيها الا العافيه .
ضي : يلا روحنا فوق ..