رواية إبتدينها مزح وانتهينا عاشقين

البارت 7

قعدوا الشباب يشربون كوفي وخذتهم السوالف وضحك وحمد شاغله باله ظبيه ... خليفة رجع البيت عشان عزيمة الاهل ... وزايد قعد ويا الشباب
.
ظبية قالت للبنات يلا روحنا من هني دفعوا الحساب اللي عليهم وطلعوا من الكوفي ... حمد التفت يدور عليهم وما لقاهم .
--------------
حمد: انا استاذنكم شبابب وياييه الاهل ولازم ارجعهم البيت .
مكتوم : وانا بعد بطلع وياكم بروح اسلم عع عمي بعد .
زايد : ربي يحفظكم ، انا باخذ لي لفة عع المول جي وعقب برجع البيت .
مكتوم : تاخذ لفه تجحل عيونك شوي ها هههههه .
زايد: انا ويني وين هذي السوالف الله يهديك .
مكتوم: امزح امزح وياك لا تصيح .
زايد : هههههههههههه زين ، يلا عيل شباب نلتقي عع خير .
حمد : ف حفظ الله .
مكتوم : عيل وينها غايه راحت ؟
حمد: مادري عنها توها مطرشه لي انه خلصت و تبي ترجع .
مكتوم: اها زين ، دقلها شوفها وين .
حمد : تمامم احين بشوفها ... الوو وينج انتي احين ؟
غايه: تحت اترياكم .
حمد: زين خليج صوب البوابه رقم 5 اللي داشين منها .
غايه : تمام ، اتريياك يلا لا تخيسني ف الحر .
حمد: زين زين احين ياييي قلبي ويهج.
غايه: صدق انك حيوان .
حمد: بنتفاهم وياج عقب احين وياييه مكتوم .
غايه: زينن سلم عليه .
----------
غايه حيل مستانسه انه حمد قال لها وياه مكتوم ... وصلوا حمد ومكتوم عندها .. وسلم عليها مكتوم ، وهي الابتسامه شاقهه ويها ردت عليه السلام وطلعوا من المول ، كل واحد راح ف سيارتهه .. وغايه تتخيل ملامح مكتوم وتضحك ، وحمد يفكر ف البنت اللي شافها ..
-----------
غايه: اسالك حمد ؟؟
حمد : شووو ؟؟
غايه : مكتوم بيي البيت عندنا ؟
حمد : هيه بيي عندنا يسلم عع ابويه شعندج تسألين ؟؟
غايه : حشى عليه ما عندي شي بس حرام الواحد يسال .
حمد: صح توني تذكرت وانا كم مره قايل لج ودريي حركات التميلح و الدلع قدام ربعي وانتيي ما تسمعين الكلام شوو ؟! ولا ما تفهمين الرمسه ، والله ي غايه بذبحجج عع ايديي صدقيني اذا شفتج ولا سمعت عنج رمسه انج مسويه ومسويه محد بيوقفني ، وهذي المره بس رمستج المره الياييه اكسر عظامج .
غايه : شو بلاك عليه ترا ماسويت شي يعني الابتسامه في وجه اخيك صدقه ، وما سويت شي غلط يعني لا تقعد تحتشر عليهه .
حمد: يعني لج عين بعد تطولين لسانج صح ؟؟ أشوفج المرهه الياييه طالعه من رز البابب والله احشش ريولج حشش، مب عايبج كلامي روحي ارمسي ويا ابويه علشان اخبرهه عن سواياج.
غايه : اوهه فكنا من شرك بس انا اقول ، حشى تنكد عع الواحد لما يطلع معاك ، الله يعين حرممتك .