رواية إبتدينها مزح وانتهينا عاشقين

البارت 67

ام مكتوم رمست ام ظبيه و اتفقوا انه بييون يخطبون و يشوفون العروس يوم الخميس يعني بعد يومين ، ظبيه طبعاً كانت متوتره و متحمسه بنفس الوقت ما تنكر انها حست بمشاعر اتجاه مكتوم بس كانت كاتمتنها و خايفه من اللي صار لها قبل و الحمدالله طلع غير عن عبدالعزيز ، و كان التوترررر عندها الف و البنات كانوا دوم وياها .
.
في بيت حمد على الغداء كانوا متيمعين كلهم ياكلون
ام حمد : باركت لولد اخوك يابو حمد ؟!
ابو حمد : مكتوم ؟ ليش شفيه ؟
ام حمد : خطبته بعد يومين ان شاء الله .. غايه غصت القمه بحلجها و يلست تكح من الصدمه
حمد : صدق ؟؟! انا ليش ما كنت اعرف ؟
ام حمد : يا ولدي امس مرمسه اهل البنيه اكيد ما مداه يقولك على شي
ابو حمد : و منو سعيدة الحظ ، نحن نعرفها ؟
ام حمد : لا والله بس اللي اعرفه انه كانت تتعالج عنده
ابو حمد : يالله الله يتمم لهم ع خير يارب
حمد يفكر : تتعالج عنده ؟ ليكون اللي في بالي !؟
غايه نشت بقهر : الحمدالله شبعت .. و راحت غرفتها و هي منقهرررره و يلست تدق ريولها بالأرض من القهر و تفكر منو هذه اللي بتاخذ حبيب قلبها منه ؟ و قررت تكلمه
.
دشت الواتس جات مكتوم و كتبت له :
غايه : هلا مكتوم شحالك ؟!
مكتوم رد عليها بعد كم دقيقه : الحمدالله بخير ، عسى ما شر مرمستني صاير شي ؟ عمي فيه شي ؟
غايه : لا مب صاير و ابويه مافيه الا العافيه
مكتوم : عيل ليش مرمستني ؟ محتايه شي ؟
غايه : لا بس سمعت انك بتخطب ييت ابارك .
مكتوم : اها ، الله يبارك فيج
غايه انقهرت : مكتوم لهالدرجه ما تشوفني !! لهالدرجه ما تحس !!؟؟؟ ما تم شي ما سويته عسبت الفت انتباهك لهالدرجه انت اعمى ؟؟! ليشش ليشش ما تحس بحبي لككك !!!؟
مكتوم : غايه انا اعتبرج اخت لا اكثر ولا اقل ، و البنت اللي خطبتها احبها و هي تحبني و انا متاكد انها الانسانه اللي بتقدر تسعدني و متاكد انها بتكون احسن حرمه لي ، لو سمحتي لو ما تبين علاقتنا كأخوه تخترب بعد الزمي حدودج و لا تقريين لا صوبي ولا صوب خطيبتي فهمتي ؟ و خلج متأكده لو فكرتي بس تضايقيني ولا تضايقينها كل شي بيوصل لأخوج و ابوج
غايه من القهر عطته بلوك بدون ما ترد عليه حتى فرت فونها ع السرير و دفنت ويها بالمخده و يلست تصيح
.
حمد نش من الغداء و غسل ايده و راح الميلس طلع فونه و دق على مكتوم
حمد : هلا بولد العم
مكتوم ضحك : هلا حمد شحالك ؟!
حمد : والله الحمدالله بخير من صوبك ؟
مكتوم : والله يسرك حالي شكثر مستانس بارك لولد عمك ان شاء الله خطبتي بعد يومين ..