رواية إبتدينها مزح وانتهينا عاشقين

البارت 28

مكتوم والربع تيمعوا وقراروا من يطلع بسلامه حمد من المستشفى يسوا عزيمه ف المزرعه .
حاله حمد شوي شوي بدت تتحسن للافضل والكل مستانس .
وصل ابو حمد المستشفى اطمن عع ولده ، وسلم عليهم ، وقعد يسولف معاهم وخذتهم السوالف ومر الوقت وكل واحد رجع ل بيته .
اخر الليل خليفه دق عع زايد ومكتوم كول وقعد يرمسهم ويخططوا عع جدولهم اليديد من يرجع حمد بخير .
-----------
مكتوم : شباب شو رايكم بسفره عقب ما يتعدل حال حمد ؟
خليفه : انا عندي عادي بس خبروني علشان ارتب اموري.
زايد : انا لا شغله ولا مشغله شابك معاكم ههههه .
خليفه : من يوم يومك ههههه بس شوفوا الترتيب وخبروني .
مكتوم : بسس تم عع الاسبوع اليايي شو رايكم مدام حمد حالته بدتت تتحسن .
زايد : هيه حلوهه الفكرهه بعد نغير من نفسية حمد شوي .
مكتوم : تراها جي نغير نفسياتنا شوي .
خليفه : زين والله علشان نروح قبل العيد وارجع هني وبسافر ويا الاهل ايام العيد .
زايد : مرتب امورك ها خلوف تضرب لك سفرتين ماشاءالله.
خليفه : الاهل اسمعهم من متى يريدوا يسافروا ويقرروا وقالوا تعال ويانا تذكرتك علينا وانا ما ردتيهم شي ايي لك بلاش ما تقول لا هههههه .
مكتوم : طلعت جيي السالفه ها مال بلاش عع طول ما بتقول لا .
خليفه : ها لانه بعد الوالد قال ما بيروح وياهم عنده دوام وجي ف لازم حد يروح وياهم .
زايد : هيه زين ماشاءالله حلوو الناس كلها تسافر احين .
مكتوم : زين شباب انا استاذنكم بروح ارقد فيني تعب الف .
زايد : عوافي عليك .
خليفه : نوم العوافي عليك وتصبح عع خير .
زايد : وانا بعد بروح ارقد باجر بروح صناعيه اخلص امور موتر الاهل .
خليفه : ف حفظ الله عيل وانا استاذنكم .
---------
بندوا الكول وكل واحد راح يرقد .. مر اليوم بسلام واخبار حلوه بتشافي حمد .
صبح صباح اليوم الثاني وكل واحد راح يخلص شغله
وامورهه .
وصل اتصال لظبيه علشان القضيه ... لازم تحظر ف المحكمة ، هنا دقات قلب ظبيه زادت من الخوف وتوتر ولاول مره تدش المحاكم .....
ماعرفت تتصرف وعع طول طرشت لـ ضي وسميه علشان يساعدوها .
سميه عع طول لبست عباتها وشغلت موترها وحركة عع بيت ظبيه تشلها للمحكمة ، وطول الطريق سميه تهدي ظبيه علشان لا تتوتر ف المحكمة وايد .