رواية إبتدينها مزح وانتهينا عاشقين

البارت 64

سميه : يلا عيل ضيوه خ نروح نحن ؟
ضي : تمام بنتمشى شوي ولا تحاتين ظبوي بنكون جريب منج اي شي تبينه دقي ع طول .
ظبيه : تمام عيل انجوي ، ضيوه كل شي صوريه ع ساس تطرشيلي عقب .
سميه : طع هاي بشو تفكر .
ضي : من عيوني لا تحاتين التصوير لعبتييي .
ظبيه : يلا اقلبي ويهج انتي وياها .
سميه : هههههههه حيوانه .
ضي : يلا عيل تيك كير حبيبي .
ظبيه : من عيوني .. و طلعوا البنات من المطعم .
.
حمد ما انتبه للبنات و هم طالعين من المطعم لان كان لاهي بفونه بس خليفه انتبه لهم و دش سناب يرمس سميه .
.
"سناب " :
خليفه : ها ع وين ؟
سميه : والله بدون وجهه وين ريولنا بتاخذنا بنروح .
خليفه : دام بدون وجهه ردوا الفندق انا اقول .
سميه : مب ع كيفك جب بس .
خليفه : خلاص يبوي نمزح حشى ع طول تعصب .
سميه : هيه مسوي فيها الرجل القيور يعني .
خليفه : هي اغار عندج شي .
سميه : هيه لا تغار .
خليفه : ترا مب ع كيفج .
سميه : خلاص جب عطيتك ويه اقلب ويهك .
خليفه : هههههه يلا انزين بينا .
سميه : بينا .. و طلعت من سناب .
.
حمد : ها شباب نتوكل ؟
خليفه : هيه خلاص حللنا المطعم لين متى بنتم يالسين .
حمد : يلا عيل نشو شباب خ نشوف لنا جدول .
زايد : يلا .
مكتوم : روحوا انتوا انا عندي شغله عقبها بييكم .
حمد : ليش شعندك ؟
مكتوم : عندي شغل شوي ما بطول يعني بالكثير ساعه.
زايد : خلاص تمام نحن بنروح و يوم تخلص شغلك تعال عندنا .
مكتوم : ان شاء الله .. روحوا الشباب و دش مكتوم عند ظبيه .
.
مكتوم : ها ظبيه شحالج ؟
ظبيه : والله بخير الحمدالله احسن من قبل .
مكتوم : عسى دوم يارب تكونين بخير .
ظبيه : امين يارب .
مكتوم : يلا ارمسي اسمعج قوليلي شصاير وياج و خلي ف بالج انه الكلام اللي بيدور بينا مستحيل يطلع برا .
ظبيه : ان شاء الله .. بدت حياتي تدمر من يوم دشيت علاقه مع ولد خالتي عبدالعزيز و حبيته من كل قلبي و " قالتله كل شي صار وياها من دشت وياه علاقه لين اخر سالفه صارت وياها "