رواية إبتدينها مزح وانتهينا عاشقين

البارت 66

" نطوف الوقت شوي لين ردوا البلاد كلهم " :
.
ظبيه : بناتتت لو تعرفون شكثر استانست في هالسفره احسس ردت لي روحي والله وايد نفسيتي تعدلت .
ضي : حبيبي طبيعي لان مسافرين مع بعض كلنا استانسنا يروحي و ان شاء الله دوم نفسيتج تكون اوكيه .
سميه : انا بعد وايد استانست ان شاء الله بنعيد هالسفره مره ثانيه .
ظبيه : ان شاء الله ، سمعت صوت اشعار من الواتس .
ظبيه : يمه بنات مكتوم طرش لي شي .
ضي : انزين شوفي شو مطرش .
ظبيه فتحت الواتس ..
.
" واتس " :
مكتوم : هلا ظبيه شحالج ؟
ظبيه : الحمدالله بخير انت شحالك ؟
مكتوم : يسرج الحال والله بسألج سؤال بتجاوبيني بصراحه ؟
ظبيه : تفضل ؟
مكتوم : لو خطبتج بتوافقين ؟
ظبيه بصدمه : ها ؟
مكتوم : سؤالي وايد صعب يعني ؟؟
ظبيه : ما فهمت يعني انت بتخطبني ؟
مكتوم : لو بتوافقين من باجر بيي لين باب بيتكم .
ظبيه : ماعرف مكتوم احس خايفه مادري متردده .
مكتوم : لا تخافين ولا تتوترين ان شاء الله بحطج بعيوني بس انتي قولي تم .
ظبيه : ان شاء الله خير و لو ربي كاتب بينا نصيب بنكون لبعض .
مكتوم : انزين طرشيلي رقم الوالده عشان امي تكلمها ؟
ظبيه : ان شاء الله .. و طرشت .
.
ضي : بسم الله ظبوي شفيج جي ترتجفين ؟
ظبيه ساكته و يالسه تفكر في الموضوع
سميه : الووو ظبوي نرمسج ؟ شسالفه ؟ شقالج ؟؟
ظبيه : بيخطبني .
سميه و ضي صرخوا من الوناسسسه .
ضي : غبيه متضايقه ليش بعد شو تبين اكثر من جي ؟؟
ظبيه : مب متضايقه بس افكر في الموضوع و متوتره ماعرف شو بيصير .
سميه : لا تتوترين ولا تفكرين كل شي بيكون اوكيه و بتكونين احلى عروسس .
ظبيه استانست من رمستهم : الله يسمع منكم بناتت .
ضي : ان شاء الله حبيبي ياربي مب مصدقه بشوفج عروس .
ظبيه : هههههه توه الناس شفيج للحين ما صار شي .
سميه : شكلي بيلس ادورلي فستان من احين .
ضي : هيهه حماس حتى انا .
ظبيه : بسم الله بنات اهدوو للحين ما صار شي ترا .
سميه : استانسنا عليج يالحيوانه مب مصدقين .
ضي : امور العرس و التجهيزات كل شي تاخذين راينا و لا بلعنج فهمتي ؟
ظبيه : اكيددد لو ما اخذ راي خواتي اخذ راي منو عيل ؟
ضي : عمررري انتي والله مبروك .
سميه : الله يتمم عليج يروحي انتي .
ظبيه : الله يبارك فيكم يارب ، امين و عقبالكم ان شاء الله.
سميه و ضي : ان شاء الله.