ابنة الرئيس / مكتمله

46

فهد: وش هالموضوع هذا ؟
ظافر: كبير يا دكتور وما ينفع الا وجها لوجه .
فهد بعدم اهتمام: يصير خير .
وطلع من الواتس آب وترك جواله يشحن بعيد عنه ونام ..
-
باليوم التالي ~
جهزت اغراضها وتأكدت من كل شيء ، لبست عبايتها وحجابها وآيشا كانت معها ضبطت كل شيء وجاء العامل شال اغراضهم ، كان بوجها فهد وهو بكامل اناقته كما المعتاد بالتيشيرت الأبيض المناسب لبشرته البرونز والبنطلون الرمادي وسنيكرز أبيض وسترته بيده اشاحت النظر عنه
آيشا: اعتدت على رؤيتك باللباس الرسمي كـ حارس شخصي ماكسيمو .
فهد بإبتسامة: سعيد برؤيتك مجددا آيشا ، ننتظر قدومك بالخبر .
آيشا: أخبرت زوجي بذلك لا عليك .
فهد يناظر بساعته الي تزين معضم يده: يلا مشينا ؟
هديل احتضنت آيشا وودعتها آيشا بالدموع ، صعدوا بسيارة الآجرة للمطار برفقة إخوانه
فهد بحكم إنه برفقة هديل كان بعيد عنهم اما بندر وسامي جالسين جنب بعض .
فهد ناظرها: تغديتي ؟
هديل: منيب جوعانه .
فهد: الصيام الأكثر من ١٦ ساعة مو مناسب لسكريين .
هديل: ومين قال لك أني صمت ١٦ ساعة ؟
فهد قام: يلا نأكل لو شيء بسيط .
هديل: انت تتعمد أنك تعاندني ولا آيش ؟
فهد مشى قبالها وهي مسكت شنطتها بنرفزة وراحت وراه لكوفي بالمطار
طلب لها وله وجلسوا قبال بعض
فهد: هنا مافي قائمة للخيارات الصحية لكن جبت الاقل سكريات .
هديل بدون نفس: ماتقصر .
فهد قرب لها طبقها مع كوب شاي: الرحلة بعد نصف ساعة وضروري نتكلم بموضوع مهم ، بنرجع أول ما نوصل للخبر بنروح لعند أهلي نجلس شوي ثم نروح للبيت .
هديل: وأهلي ؟
فهد استغرب كلمتها: وش فيهم ؟
هديل: أنا احتاج أمر برضو على عمي عبدالله وخالتي وفاء وبنت عمي شهد .
فهد يناظرها كأنها تمزح أو جادة
هديل وكأنها قرأت افكاره: يظلون اهلي على أي حال .
فهد: ما أقدر امنعك لكن بكون معك ٥ دقايق كافية .
هديل ماقدرت توافق او تعارض ، بقراره نفسها ما ودها لكن حبت تعانده أو تخليه يرفض لكنه وافق بدون معارضه .
فهد سكت شوي: وقدامهم لا تبينيين أن بيننا شيء لان عمك هذا ألي وده ، أننا ننفصل ونترك بعض .
هديل: وألي صار ؟ ما كان واضح إننا على غير وفاق بالنسبة له ؟
فهد: وتراضينا ! اي زوجين تحدث بينهم مشاكل ، لكن مشاكل عن مشاكل تفرق .. وسالفة سخيفة ما تحرز اننا نتخاصم عليها على الأقل قدامه هو .
هديل برفعة حاجب: أنا صرت سخيفة الان ؟
فهد: ماقلت انك سخيفة ، قلت السالفة هي سخيفة .
هديل: أنت قلت ان السالفة سخيفة مو محرزة اننا نتخاصم ودامني تخاصمت معك يعني انا سخيفة ؟
فهد شرب قهوته: حابه تفتعلين مشكلة من جديد , من لا شيء هديل ؟
هديل عقدت حاجبها: تدري وش المشكلة ؟ انك مو مقر ان السالفة تستاهل اني اخذ موقف منها وتكون لي ردة فعل .. لكن انت تشوف ان مو من حقي لان ليلى صديقة مو شيء أكبر .
فهد: وهي كانت كذا الان لا .
هديل ثبتت عينها بعيونه الرمادية: انهي طبقك ما باقي شيء وتجي رحلتنا .
انغمسوا في افكارهم وعم الصمت وكل واحد بداخله كلام كثير لكن انهوه على هذا النحو ، صعدوا الطائرة ..
-
شافها سرحانه مد لها كوب قهوة: بينشطك استاذة شموخ .
شموخ تناظر بالكوب بغرابة رفعته وشمته بقلق
سالم بضحكة: مافي سم تطمني .
شموخ صغرت عينها بشك: واثق من كلامك ؟
سالم اخذ كوب فاضي جنبه وسكب من كوب قهوتها وارتشف من كوبه: تطمنتي ؟
شموخ مسكت كوبها: الواحد لزوم يكون حذر ، الدنيا بلاوي يا دافع البلاء .
سالم: لهدرجة؟ مع الكل ولا معي أنا بس ؟
شموخ: مع الكل طبعا .
سالم بإعجاب: دليل على وعيك ونضوجك .
شموخ " يحاول يخرفني ولا ايش ؟ حيله قديمة ومملة " بعدم اكتراث: وايش مناسبة القهوة ؟
سالم: من أمس ماكنتي على بعضك ، عسى ماشر ؟
شموخ : مجرد ارهاق عمل ، بعد رجعة الاستاذة هديل بتخف الاعباء طبعا .
سالم: متى بترجع بالضبط ؟
شموخ: بكره ان شاء الله .
سالم: بالسلامة ان شاء الله ، ليه للان ماشربتي ؟
شموخ: انتظر مفعول الكوب فيك بعد دقيقة بيبان كل شيء .
سالم بعدم استيعاب: مفعول ايش ؟
شموخ: ألي بالكوب .
سالم فتح فمه بذهول ثم اطلق ضحكة عالية كانت مسموعة للي حولهم ، شموخ توترت من ضحكته حست بربكة قلبها على غير عادة وهو يضحك تناظر بتفاصيل وجهه ومبسمه " هيه هيييه شموخ اوعك ثم اوعك تميلين ، أعوذ بالله منك يا شيطان " اشاحت النظر بعيونها عنه .
سالم بابتسامة عريضة: وليه افكر أني ااذيك ؟ مو لهدرجة .. شكلك تشوفين افلام كثيرة مو ..
شموخ بلبكة: بروح التواليت المعذرة .
وطارت للتواليت وعينه ما نزلت منها يناظرها بحالمية لما اختفت من عينه .
شموخ تحاول تتصل بهديل لكن مافي حرارة " أنا غبية نسيت أنها بالطيارة الآن ، متى ترجعين هديل أوف بس "
-
بلحظة وصولهم للخبر ..
كل واحد منهم بسيارته متجهين لبيت أهلهم .
سهى بحماس ضمت هديل : هلا وغلا وحشتيني موت .
سلمان أول ما شاف امه وابوه صار يبكي بدلع وشوق لشوفتهم .
هديل نزلت دموعها بشكل تلقائي وضمت ولدها ألي أول مرة تتركه الفترة ذي كلها .
ام بندر وابو بندر رحبوا بعيالهم بشوق..
سهى سحبت هديل على جنب: تعالي ندخل داخل ونتركهم بترحيبهم .
فهد سحب هديل لعنده: وبعدين معك أنتي! تو واصلين وتبغين تاخذين ممتلكاتي .
سهى: يمــه يالحسود .. ٣ أيام عندك ماشبعت .
فهد ناظر هديل بنظرات حست انها اخترقت قلبها وذوبت جليده: وذي ينشبع منها ؟ لو أعيش معها دهر ما بشبع .
ابو بندر بوله: اي تذكرين يا فطوم ايامنا ؟
هديل استحت من جراءة فهد قدام أهله واخوانه نزلت يده من خصرها
ابو بندر كمل بإندماج: كل ليلة تقول لي أحبك واعشقك احس اني عاشـق .
سامي بابتسامة: اخص ! اما امي كذا ؟
ام بندر بغرور وثقة: وش على بالك ! بس حريمكم يعرفون هالسوالف ذي ؟
سامي: ههههههههه يا ويلي ، طلعوا ملفاتكم يلا .
هديل قدرت تبعد من فهد وحمدت ربها أن الوضع صار مركز على عمها وعمتها بينما فهد منتبه لها بشكل كلي واخذت ولدها وطلعت لمجلس النساء
سهى: طمنيني عنك وعن كل شيء ؟ مليانة سوالف ترى
هديل: وجهك يدل على خير ؟
سهى بحماس: صارت اشياء ما توقعتها ، انا عامله حسابي ان ولاء هي بتمثل قسم الأستاذ أحمد لكن اختارني أنا !
هديل بذهول: كيف وشلون ؟ احكي لي بالتفصيل ؟