ابنة الرئيس / مكتمله

47 ( قبل الأخير ) ~

وفاء: وليه رحتي له ؟ مو قلتي لي اغسلي يدي منه وأنك بتكونين مرحلة تعافي له ؟
شهد: صحيح ، لكن ما اخفي عليك خالتي انا خاقه عليه كثير كثير .
وفاء تنهدت: يا شهد كيف تبنين علاقتك بواحد له ماضي زي دكتور فهد ؟ ذه ممكن حياته تنتهي بأي لحظة بسبب الجريمة ألي سواها والله يعلم وش مسوي بعد .
شهد حست بخوف من كلامها لكنها ادلت بالحزن: قال لي اطلعي لكن بطريقة لابسه كرفته ، لهدرجة يحبها ؟ مين الغبي ألي يرفضني .
وفاء: لنشوف بعدين مستوى المحبة حقته لوين بتوصل .
شهد اشاحت النظر بخالتها وهي تحس بخوف
-
نزلت من سيارتها وتوجهت لمكتبها ..
فريدة: الاستاذة هاجر .
هديل : خليها تتفضل .
دخلت هاجر بإبتسامة عريضة وصافحت هديل واحتضنتها بشوق ، هديل بادرتها وبإبتسامة: زيارة مفاجئة جميلة .
هاجر جلست : وحشتيني إيلينا وقلت اسلم عليك ومنها اشوف المنتجع وإنجازك فيه .
هديل: تدخلين الموقع الرسمي ؟
هاجر: أول بأول واتابع اعمالك .
هديل: بعد عمري هاجر ممتنة لك ولجيتك ، كثير مقصرة اعتذر منك .
هاجر: توك عروس شيء طبيعي ، واكيد سهى بلغتك بالمحاضرة ألي بسويها ؟
هديل: هاجر ما أقصد إني أردك لكن أنا انسانة محتاجة أصلا للي يوعيني ويكلمني ولكل شيء فـ كيف بقدم توعية ؟
هاجر: ايلينا انتي ماتعرفين أبدا قدراتك ولمساتك السحرية بصوتك ونبرتك عميقة في إصلاح وترميم النفس المكسورة .. عندك قدرة في جعل الآخرين بسعادة وتخفيف حزنهم .
هديل: آيش الفايدة ! وأنا احتاج فعليا للي يحل مشاكلي وازماتي .
هاجر طلعت من شنطتها كروت وأوراق: ذي مشاكل كتبوها العضوات بالمحاضرة ألي راحت ، وذي مشاكل اشوف أنك بتكونين افضل مني بطرحها وسردها .
هديل تناظر لكمية الأوراق: الكمية هائلة جدا هاجر .
هاجر: اختاري منها 3 كافي لان كل فترة ناخذ عدد محدد من المشاكل وألي نشوف فيها تكرر أو متشابهة ندمجهم سوا ، انا اخترت وانتي اختاري .
هديل: متى بالضبط بتكون المحاضرة أي تاريخ ؟ ووين بيكون ؟
هاجر: لذلك جيتك هنا ، عشان تشوفين هل فيه مجال بالتاريخ هذا يكون المحاضرة هنا ؟ بالمنتجع .
هديل سكتت شوي: ماعندي مانع ابدا هاجر ودامك هنا فرصة افرجيك على المنتجع كامل تشوفيه بنفسك مو بالصور .
هاجر قامت: شرف لي .
ورتها بفخر للمكان والتنظيم ألي فيه
ثم جاوا للمقهى الجديد كان راقي بإيطار أوروبي .
هاجر بإعجاب: هذا مو بس منتجع هذا بتاع كلوو .
هديل: وجالسة اعمل على قائمة المشروبات الجديدة ، جربي هذا بيعجبك .
هاجر: اثق في اختياراتك " ثم سكتت " وكيف حالك مع ماكسيمو ؟ كيف تجري الأمور بينكم بعد غيبة سنتين .
هديل بابتسامة: اغرم فيه من جديد .
هاجر بفرحة: ماشاء الله تبارك الله تستاهلين كل خير ايلينا .
هديل: بنفس الوقت .. مشاكلي معه تزيد .
هاجر: هذا هم الحبايب ، والي متعلقين ببعض تصير مشاكلكم اكثر من اي وقت ثاني وتكون سخيفة ، لا تبالين فترة ان شاء الله وبتعدي .
هديل حست ان هالكلام سمعته من قبل .. بوقت كانت بذاكرة مختلفة .
هاجر: لا تدققين كثير واتركي الحياة تمشي مثل مالمفروض أنها تمشي !
هديل: وآيش صار مع زوجك ؟
هاجر: وليد اموري معه تمام ، يحترم عملي و أشغالي ويقوم في واجباته .
هديل: المعذرة منك هاجر .. كيف تكون العلاقة بعد ألي سواه .. حديثك معه نظرتك له ، هل بتكون مثل قبل ؟
هاجر: مافي شيء مثل قبل .. المشاعر تتغير ، الاولويات .. حتى بدوامك تتغير امور مافي شيء ثابت .. لو بتزرعين بقلب ولدك وزوجك شيء .. هو الأحترام وبس ، بعد الإحترام كل شيء بيجي معه .
هديل: كيف ممكن اتخطئ الماضي ؟ وكيف ممكن أني اسامح عشان اقدر اكمل حياتي .
هاجر: في برنامج خاص لتسامح بقناة اليوتيوب ممتاز جدا وتخطي الماضي ، ضروري تسمعيه إيلينا ، راح يساعدك مثل ما ساعدتيني أنتي .
هديل: ما وراي شيء هاجر اليوم تقدرين ترسليه لي .
هاجر شربت عصيرها ثم قامت: وبتفق معك بالترتيبات .
هديل: ربي يحفظك
-
بالكافتيريا ~
سامي: ليلى الآن تأخذ مجراها ، التخبيب والتشهير أبدا مو شيء سهل .
فهد: وآيش صار على إسبانية ؟
سامي: ما يبي لها كلام فهد ! اطلب من بندر يأجل اجازتك لوقت ثاني .. أو أختار وجهة ثانية ، ابو جاسم ذه مريض دام يشوف ان زوجتك هي السبب بوفاة ولده ، وانها تزوجت على ولد عمها ، اكيد مو طبيعي يحتاج لعلاج
فهد ما خبره كل شيء ، وصل له فكرة ان ابو جاسم يشوف ولده عظيم وما يصير تستبدله بواحد ثاني فـ انتقامه لهديل .
فهد مسك يده أخوه: سامي .. لو صار لي شيء ، لا قدر الله .. هديل وسلمان بعيونك لا أوصيك عليهم .
سامي خاف من كلام اخوه: فهد لا تقول هذا الكلام ، عبدالله ذه لا يمكن يلمس شعره منك ولا من عايلتك .
فهد: أوعدني طيب .
سامي لمعت عينه: أوعدك .
فهد: معي خطة يا سامي واريدك تمشي معي فيها .
سامي بإهتمام: وش هي ؟