***
"Hold my hand Chasty," utos ni Khad, mabilis ko naman yung sinunod at inikot niya ako bago nagbend. "Very good," nakangiti niyang sabi sa akin.
Wala kami ngayong klase dahil puro practice ang ginagawa ng buong 3rd year, hindi ko nga din alam kung bakit hindi nila sinama ang 4h eh.
"Okay, good job guys, bukas ulit," sabi ng Prof at mabilis naman akong umupo sa gilid sa subrang pagod, lumapit naman sa akin si Khad at nagpahinga rin, sumunod si Pria at Cris.
"Nagugutom na ako," reklamo ni Pria.
"Gusto ko ng Ice cream, ang init kase," reklamo ko din habang ginagawang pamaypay ang kamay ko.
"Bibili ako," sabi naman ni Khad at tumayo.
"Bilihan mo rin ako ng-"
"Tanga, kasama kita," sabi naman ng isa kay Cris, natawa kami ni Pria, kamot ulo namang tumayo si Cris at nakanguso pa talaga.
"Anong flavor ng ice cream babe?" Tanong ni Cris kay Pria, napa 'yuck' naman ako sa call sign nila at natawa.
"Chocolate," sagot naman ni Pria.
"Sa'yo?" Tanong ni Khad.
"Cookies and cream na lang, salamat," sabi ko at inabot sa kaniya yung pera para pambayad.
"No need," sabi niya at hinila na si Cris palabas ng gym.
Naiwan naman kami doon ni Pria, yung iba naman ay umu-uwi na rin malapit na rin kaseng dumilim.
Kanina pa kami ditong ala una at gutom na gutom na ako dahil wala man lang kami kumain.
"Oy, Chas, congrats pala," nakangiting bati sa akin ng isa sa mga kabatch mate ko, hindi ko siya kilala pero nagpasalamat ako.
Habang nakatingin ako sa mga lumalabas sa gym ay nakita ko si Vin na may kausap na babae, 'yon din ata ang partner niya at 'yon din ata ang girlfriend niya.
Ano kayang iniisip ng girlfriend niya kapag nalalaman niyang magkasama kami? O baka naman hindi niya sinasabi kase hindi pa kami nagkikita.
Nagtataka nga ako eh hanggang ngayon wala pa rin siyang sinasabi, yung ibang babae nga dumikit pa lang ang boyfriend nila sa ibang babae grabe na magalit akala mo naman kung aagawin, sana kinadehan nila para hindi mawala tapos itali nila sa leeg nila.
"Chas, feeling ko talaga may gusto sa'yo si Khad," gulat akong napatingin kay Pria habang inaayos ang mga gamit niya.
"Paano mo nasabi?" Tanong ko, kahit alam ko na ang totoo, umamin na siya eh.
"Pansin ko lang," kibit balikat niyang sagot. Bahagya akong natawa at hindi na siya pinansin, hinintay na lang naming dalawang bumalik yung dalawang lalaki.
Ilang saglit pa ay nagulat ako dahil nasa harapan ko na si Vin.
"Uuwi ka?" Tanong niya, tinaasan ko siya ng kilay.
"Paki mo ba kung uuwi ako o hindi?" Mataray kong tanong sa kaniya.
"May paki po ako dahil nasa iisang bahay tayo nakatira," sagot niya naman.
BINABASA MO ANG
When The Rain Drops (Young Love Series #7)✓
Teen Fiction[COMPLETE] Paano kung bawat pagpatak ng ulan iba't ibang scenario ang magaganap sa buhay mo? Makakayanan mo kayang harapin lahat ng problemang meron ka kapag nalaman mong hindi naman talaga siya ang para sa'yo? Sa bawat pagpatak ng ulan, iba't ibang...
