When The Rain Drops (Young Love Series #7)✓

CHAPTER 40

***

"Cy, kakain na." Tawag ko sa kaniya, nandoon siya sa sala ay nanunuod.

"Mamaya pala yung labas ng result ng exam, tapos this monday ang graduation, nakapa-photoshoot na kayo hindi ba?" Tumango naman ako kay Vin. Inilapag niya sa hapag ang plato at kutsara.

"Anong ulam Ate?" Nakangiting tanong ni Cy.

"Tinula," sagot ko sa kaniya.

"Ikaw nagluto?" Masaya niyang tanong at manghang-mangha na ako ang nagluto ang ulam.

"Siyempre hindi," natatawa kong sagot at tinawanan niya naman ako.

"I know, you can't defeat kuya Vin's cooking skills," natatawa niyang sagot.

"Teka, kaya ko kaya, gusto mo lutuan kita ng cookie's and cake?" Hamon ko sa kaniya.

"Sure, pero kalaban mo si Kuya," napatingin naman sa amin si Vin.

"Bakit ako madamay?" Gulat na tanong ni Vin.

"Sure, alam ko naman na mas magaling akong magluto ng dessert's kaysa kay kuya mo Vin," confidence kong sagot.

"Sige, kapag natalo kita ipipinta mo na ako?" Napatanga naman ako sa kaniyang sinabi.

Huh? Talaga? Yun talaga ang parusa? Hindi ba sabi niya, ipipinta ko lang siya kapag mahal ko na siya?

"Sure," napatakip kaagad ako sa bibig ko ng lumabas yun, huh? Hindi naman yun ang nasa isip kong sasabihin ko eh, dapat nga tumutol ako dahil naguguluhan pa rin ako sa nararamdaman ko. Kita ko namang sumilay ang ngiti sa mga labi niya pero mabilis siyang uminom ng tubig para hindi ko makita.

"Anong parusa mo Ate kapag natalo mo si Kuya Vin?" Tanong ni Cy.

"Saka na kapag nandiyan na, wala pa akong maisip eh," sagot ko naman. "For now let's eat." Utos ko.

Nagsimula naman kaming kumain na tatlo, puro asaran lang dahil hanggang ngayon gusto ko pa ringagsalita si Cy tungkol sa lagay niya, kahit magulang ko sila gusto ko silang mabulok sa bilangguan. Hindi sila nababagay mabuhay at pagala-gala dito.

Nang matapos kaming kumain ay ang pagdating naman ni Pria at Cris, nakilaro sila kay Cy, mabuti na lang at nasabi ko sa kanilang dalawa na huwag magtatanong tungkol sa mga pasa at sugat ni Cy. Baka kase umiyak na naman siya at hindi tumigil.

"Fight." Si Pria ang kumukuha ng videos sa amin habang nagluluto ni Vin, sabi ko bukas na lang magluto ayan tuloy napa sabak ako sa cooking contest ng wala sa oras.

Mabuti na lang at maraming ingredients dito sa bahay dahil yun talaga ang inuuna ko kapag namamalengke. Kumuha ako ng harina at minasa ko yun, naglagay din ako ng flour para lalong umalsa ang harina. Matapos kong mabilog at malagyan ng decorations ang cookie's ay inilagay ko yun sa Oven, masama ang tingin ko kay Vin ng magsabay kami kaya tinawanan kami ng mga nanunuod. Tinaasan niya naman ako ng kilay pero hindi ako nagpatalo dahil ako ang nauna. Matapos kong malagay ang cookies ay sinimulan ko ng mag baked ng cake, chocolate cakes ang ginawa ko dahil yun ang paborito ni Cy, with rainbow sa ilalim ng bread para mas lalo niyang magustuhan.

"Times up!" Sigaw ni Pria. Itinaas ko ang dalawa kong kamay ng matapos ako, mabuti na lang nakahabol ako. Ganoon din naman ang ginawa ni Vin at masama ko siyang tiningnan pero nginisihan niya lang ako.

"Malalaman natin ngayon kung kaninong cookie's and cake ang masarap," sabi ni Pria sa camera habang pinapakita ng gawa namin.

"Kung sino ang masarap ang pagkakaluto may premyo kay Cy," sabi naman ni Cris.

"And ang mananalo ay parurusahan ang talo," dagdag naman ni Cy, nakangiti kaming lahat sa camera at kumaway.

Binigyan namin sila ng plato ang kakainin at titikman, kung sa akin ay chocolate cake kay Vin naman ay Vanilla cake with strawberry tappings. May design yun na parang robot sa taas samantalang sa akin naman ay rainbow dahil paborito ni Cy ang rainbow. Unang tinikman ni Cy ang gawa ni Vin, kumuha siya ng cookie's at kinain yun, napatango naman si Cy ng tikman niya yung cookie's, sumunod ay ang cake at napangiti siya at napa thumbs up kay Vin. Ngumiti naman ng nakakaloko si Vin kaya napa-irap naman ako.