لو قلت لقلبي توب عيني تكذبني

الجزء الخامس

في بيت ابو فهد كان فهد جالس وسعود عليه ويتضاربون
سعود : فكك يا كلبب
فهد : ورب الكعبة ماياخذه الا انا
سعود : انا فتحته طيب
فهد : فتحته ما فتحته انا الكبير
سعود : ميسااااء
ام فهد : ماتستحون على وجيهكم انتم تنادوني كأني خويتكم
سعود : تعالي شوفي ورعك ذا خليه يجيب الريموت انا فتحت التلفزيون
ام فهد : فهد عطه
فهد : يمه انا الكبير
ام فهد : هو الصغير بعدين مب قال هو اللي فتحه خلاص لافتحته انت خذه
سحب سعود الريموت وقال فهد : وجع ان شاء الله عسى التلفزيون يطيح على راسك
نزلت مناهل وهي تمشي بغنج
نواهل : يعع بلا قرف وشدي نفسك شوي
مناهل : وين بابيي
ابو فهد : تعالي تعالي
جلست جمب ابوها وقالت : يبه حول لي فلوس
ابو فهد : كم تبين ؟
مناهل : مو محدد بأخذ بطاقتك واشوف
ابو فهد : وين بتروحين ؟
مناهل : مع خوياتي اذا تسمح
ابو فهد : روحي روحي
مناهل : وانتي اذا تبين تكلمين صديقاتك وتجون معنا عادي
نواهل : تمام
سعد : يبه مابتروحون عند عمي الجمعة ؟
ابو فهد : هم بيجون وبنطلع للبر
سعد : تمام
طلعو نواهل ومناهل يتجهزون وطلعو للمول
ميهاف : من زمان عنك ليه معد نشوفك
مناهل وهي تأكل لبان : تعرفون الوحدة لا تزوجت يصير عندها اشغال وكذا
شهقت سمر وقالت : تزوجتي ؟؟؟؟
ضحكت عهد وقالت : تطقطق عليك يا غبية
سمر : مالك داعي ابد ابد ابدد
ضحكت مناهل وقالت : خل نروح كوفي الحين
دخلو ستاربكس وطلبو قهوة ولفت نظرهم بنات يضحكون بمياعة ويتدلعون قدام شلة شباب
الاء : قليلات حيا صدق
ليلاس : ماعندهم اهل هذول ؟
عهد : استغفر الله العظيم
ميهاف : مجرد تلويث سمع وبصر قسم بالله
نواهل : مين باقي يتدلع اذا شاف شباب ؟
سمر : منجد خابرتهم ماتو
حطت مناهل يدها على خدها وقالت : معليكم من الدلع والمياعة شوفو ذيك اللي حاطة جوالها تحت الطاولة توري الولد سنابها
طالعوها البنات وهم يستحقرونها
مناهل : ادور حرش والله
قامت مناهل ومشت وضربت قهوة البنات وقالت : اووه بالغلطط
البنت 1 : بالغلط هاذي وين نوديها وصختينا وحستي المكان
مناهل : قلت بالغلط لاتكثرين حكي
البنت 2 : اعتذري وادفعي
مناهل : هههه ههههه مين يعتذر لمين ؟ فلوس حرام تروح لكم بس هاه
طلعت من جيبها 500 ريال ورمتها بوجه البنت وقالت : صدقة جارية لوجه الله تعدلون فيها انفسكم
ضحكت مناهل وهي تمشي ومسكتها البنت وصفقتها كف وكل اللي بالكوفي يطالعون فيهم ومناهل مسكتها من معصم يدها
مناهل : تمدين يدك على مين ؟
البنت 3 : امد يدي عليك يا قليلة الحياا
شدت مناهل على يد البنت لين غرزت اظافرها بيدينها ونزفت
البنت تأوهت بألم وقالت : يديي تنزف الله يكسررر يدكك وخريي
مناهل : تمدين يدك على مين ؟
البنت 3 : فكيني يا مريضة
مناهل : اقضبي بيتكم لاتنشرين قذارتك على الخلق
دفتها بقوة ومشت والعيال ابتسمو بأعجاب بمناهل
عهد : يعع روحي غسلي يدك كلها دم
رفعت مناهل يدها وقربتها من شفايفها وقال : تبين الحسه ؟
ميهاف : الله يقرفكك قومييي
ضحكت مناهل وهي تقوم متوجهة للحمام
نواهل : كفو عليها خيتي هذي تربية ال حزام
قالو البنات بصوت واحد : والنعم
ابتسمت نواهل بثقة وهي ترجع ظهرها لورا وقالت : ماعليكم زود
طلعت مناهل من الحمام ( يكرم القارئ ) وهي طالعة من الكوفي وقامو البنات بعد ما دفعو
الاء : وين نروح ؟
مناهل : امممم خل نتمشى بالسيارة الجو رهيب
سمر : تم
نزلو البنات وركبو السيارة وشغلو اغاني وجلسو يتمشون ويغنون وفالين امها
●
●
●
في بيت قصي كانو العيال جالسين بالحوش حول الليث وهو يغني والرجال حولهم يشيشون والبنات والحريم جمبهم
بدور : وضع العيال مشكوك فيه ليه يبون يتزوجون من برا القبيلة الا اذا كان في بنت ببال كل واحد فيهم
عبير : اغبياء حطو انفسهم بموقع شك عند الحريم وعاد تعرفين عماتي الله يحفظهم لازم يفصفصون لازواجهم كل شي حتى ال اء
مشاعل : انتي بس طالعي كيف يناظرون العيال شوي ويحرقونهم بنظراتهم
كيان : روّحو انفسهم بيدينهم
قالت لين وهي ترمي قشر الفصفص : والله بهايم بهايم يازين آسر وصقروه بس
خولة : انتي اسكتي الاثنين هذول لاتنطقين اسمهم ابد يقشعر بدني يخوفون اعوذ بالله مدري كيف تعيشون معهم
اريج : اخواننا كيف نعيش معهم ؟
خولة : يعني كذا بس طالعو نظراتهم كيف
لفو البنات وهم يطالعون آسر وصقر اللي كانو جالسين جمب بعض ولابسين فرواتهم ومتلثمين بشماغهم كان شماغهم تحت فمهم بشوي والزقارة بشفايفهم ونظراتهم حادة وتخوف فعلا وحواجبهم معقودة
ضمت ليان ذراعها وقالت : يا مامييي وجعع
رفع صقر نظره لهم وشافهم يطالعونه ورفع حواجبه وطنشهم
صقر : وش ذا النظرات وجع
طالعهم آسر وابتسم وسكت
وقف الليث العزف وهو يهمس لآسر : تحس ذا الوقت المناسب اني افتح الموضوع مع ابوي ؟
بعد آسر الزقارة عن شفايفه وهي متوسطة اصابعه الوسطى والسبابة وزفر الدخان وقال بهدوء : لا
الليث : ليه ؟
آسر : اعمامي وعماتي و زوجات اعمامي بيتدخلون انتظر لين يصير لحاله
الليث : انا ابي العيال معي
آسر : تمام تمام بتنفرد فيه انت والعيال اسكت
الليث : يارب بسس
ابتسم آسر وهو يحط يده بظهر الليث ويضربه بشويش : لاتشيل هم الله بييسرها
تنهد الليث : ان شاء الله
مد له بكت الدخان وقال : تبي ؟
الليث : وخر ذا عن وجهي يا آسر لا اسحب اللي بفمك واطفيها بوجهك
ضحك آسر وهو يحط الدخان بجيبه وقال : براحتك
دق جوال الليث ولفو له العيال وهو ضحك ورد ورفع صوته : هلا فهد
فهد : ورب الكعبة جالس اكتشف انك قليل ادب
الليث : افاا وش شايف مني ؟
فهد : لا تسأل يا كلب لا تسأل
الليث : قول طيب ليه ؟
فهد : ساحب ليه ؟
الليث : كلها يوم يا طويل العمر
فهد : ولا انشغلت بالحب ؟
ضحك الليث وقال : انا محاصر منكم ومنهم ( يقصد من اخوياه ومن عيال اعمامه )
ضحك فهد وقال : يفهمون المهم اسمع
الليث : سم
فهد : الاهل مسوين جلسةٍ زينة بتوسع صدرك معنا انا كلمت نياف و منصور وسامي وقالو بيجون
الليث : متى ؟
فهد : يوم الجمعة
الليث : وين ؟
فهد : مخيم بالبر من بعد صلاة الفجر لين الساعة 7 الصباح اليوم الثاني
الليث : مايمدي والله انا وعيال اعمامي بنجتمع
فهد : العزيمة تشملهم
الليث : لا ثقل
فهد : مب ثقل ولا شي تعالو وانتم ساكتين وعاد لايطب لسانك لساني اذا ماجيتو
الليث : خلاص اكلمهم واردلك خبر
فهد : سريع سريع
الليث : ابشر
فهد : يلا انقلع
ضحك الليث وقفل : يا عيال خويي عازمكم يوم الجمعة على مخيم بالبر من الساعة 5 الفجر لين الساعة 7 الصباح اليوم الثاني
قالو العيال بصوت واحد : تم
آسر : بتروح ؟
سحب صقر زقارة من بكت آسر وقال : يمكن وانت ؟
آسر : مدري
قال الليث : بتجون الاثنين
ابتسمو آسر و صقر وهزو راسهم بمعنى " تمام "
●
●
●
اليوم الثاني ( يوم الاربعاء ) الساعة 8 الصباح
في بيت ابو فهد
كانو كلهم جالسين بالصالة يفطرون ونزل سعد مستعجل
سعد : انا ماشي
ابو فهد : تعال افطر
سعد : عندي عملية يبه بفطر بالمستشفى
ام فهد : الله يوفقك يا وليدي
سعد : يا حبيبتي يا يمه ادعيلي
ام فهد : روح الله ييسر عليك الصعب يا رب
باس يدين امه وراسها وكذلك ابوه وباسته مناهل وطلع متوجهه للمستشفى
محمد : حالة المريض صارت حرجة جدا وتقاريره الطبية توضح لنا ان نسبة نجاح عمليته 45 %
سعد : تمام يا محمد جهز غرفة العمليات بسرعة
محمد : تمام
راح محمد يجهز غرفة العمليات وتجهز سعد ودخل عمليته
كان محمد واقف جمبه ويمسح عرق جبينه لأن العملية كانت صعبة حيل وأول مرا يواجهه هالشي كان يشتغل والخوف يأكل قلبه ويدينه ترجف وكل مايوقف بتعب يحفزه محمد ويشجعه ويرجع يكمل لين مرت 7 ساعات
محمد : ارتاح وانا اكمل
سعد : لا
انتهت العملية وطلع سعد واهل المريض كلهم قدامه
سعد : الحمدلله نجحت العملية بس بننقله للعناية المركزة عشان يكون تحت المعاينة والمراقبة
ابو اصيل : بيض الله وجهك وماتقصر يا وليدي الله يطول بعمرك
سعد : امين يا عمي وهذا شغلي
دخل سعد مكتبه بتعب وهو يشرب قارورة مويا دفعة وحدة
سعد : الحمدلله يارب
غير ملابسه وراح للعناية المركزة وهو يسجل ملاحظات عن المريض وبعد ساعتين سمعو صوت طالع من العناية وركض سعد والممرضين للمريض
سعد : الانعااش الانعااااااش يا محمددد
فز محمد وهو يجيب الانعاش و سعد ينعشه بيدينه واخذ الانعاش من محمد وجلس ينعشه لكن ما اسعفهم الوقت وانتقل المريض لرحمة الله
بعد سعد عنه ودموعه تنزل : ماات ماااات ما انقذته مات
محمد : سعد انت سويت اللي عليك يا سعد
سعد : انا ما لحقت عليه لو ماطلعت من عنده كان قدرت الحق عليه
محمد : صل على النبي
طلع سعد و اهل المريض قدامه
ابو اصيل : وش صار يا وليدي بشرنا طمن قلوبنا
سعد : يطلبكم الحل
انصدم ابو اصيل وسرعان ما اغمى عليه وهجم اصيل على سعد
اصيل : يا كلببب مات من اول ما طلع من العملية وانت تلعب علينا وتقول انه عاش الله لا يوفقك يا ابن ******
بعده محمد عن سعد وقال : الدكتور سوا اللي عليه واكثر وكان مكتوب بالتقارير ان نسبة فشل عمليته اكثر من نجاحها قولو الحمدلله ولا ترمو اللوم على الغير هذا يومه وهذا قضاء وقدر لاتجلس تعترض قل الحمدلله
قربت اخت المريض وقالت : الله لا سامحكم لا دنيا ولا آخرة عسى هالمستشفى تنهد على رؤوسكم
مشى سعد بخطوات ثقيلة لين مكتبه ورمى نفسه بالكرسي وتخللت اصابعه بشعره وشد على راسه : ماتعرف تشتغل انت ليه دكتور ؟ ليه تصير دكتور وانت مب قدد المسؤولية ليه ليه ليه
قام سعد وهو يرمي كل اللي فوق مكتبه بالارض ويدف الكرسي حرفيا انهار : منت بكفووو منت بكفوو منت قد الشغل
دخل محمد وانصدم من الغرفة المبعثرة : سعدد اهدأ لاتهزك عملية وحدة لازم حواجز لاتهدك هالعملية
سعد : مارح يسامحوني
محمد : بالطقاق انت ماسويت الا اللي عليك لو مات بيدك ممكن بس هو طلع من من غرفة العمليات عايش ومات بالعناية يعني مو ذنبك
سعد : في عملية ثانية ؟
محمد : لا
سعد : انا برجع للبيت خلهم ينظفون المكتب
اخذ سعد اغراضه ورجع للبيت بحيل مهدود
ام فهد : هااه ان شاء العملية نجحت
سعد : الحمدلله يا يمه
طلع غرفته وتركهم
●
●
●
كان الليث بسيارته و صقر جمبه ومتوجهين للمركز
الليث : صقر افتح جوالي
اخذ صقر جوال الليث وفتحه
الليث : روح للمكالمات
صقر : رحت
الليث : دق على مناهل وحط سبيكر
صقر : اسمها مب موجود
الليث : مكتوب " كل الدنيا "
صقر : اي آخر مكالمة
الليث : اي دق
دق صقر وحط سبيكر وقرب الجوال من الليث
بعد صقر الجوال عن الليث يوم وصلهم صراخ مناهل وهي تقول له :
هاااااااااه
ابتسم صقر وقال الليث : ارجعي زي امس
مناهل : والله احمد ربك اني ارد عليك المهم وينك فيه ؟
الليث : بالسيارة رايح للمركز
مناهل : تقدر تكفخ احد هناك ؟
الليث : لا مالي حق
مناهل : امم
الليث : ليه ؟
دق باب غرفة مناهل وقالت : ليث حبيبي اصبر شوي
تنهد الليث وقال : تماام
مناهل : مين ؟
فتحت نواهل الباب ودخلت : ياخي الله ياخذك وياخذ الليث معك
مناهل : وش حارق دمك ؟
نواهل : تقهرون ماتطفشون 24 ساعة تتكلمون مرا ملل ترا المفروض تكلمون بعض يوم وتبعدون عن بعض يومين عشان ترجعون لبعض بلهفة وشوق
مناهل : خفي علينا ياللهفة والشوق
تنهدت نواهل باستهبال وهي تشبك اصابعها ببعض وقال : وينكك يا فارس احلاميي وينككك
مناهل : استبعد يجيك فارس احلام انتي في احد يطالع وجهك ؟ ما اعتقد
نواهل : قولي لحبيبك الكريه ذا يضبط لي واحد من اخوانه
رفع الليث حواجبه وقال بهمس : من زينتس انتي عاد
ضحك صقر بخفوت
مناهل : شوفي ذيب و ذياب اصغر منك عندك صقر وآسر
نواهل : وش رايك فيهم ؟
مناهل : زيهم زي الثلج لا مشاعر ولا احاسيس باردين مرا وغامضين نظرة منهم تسبب لك رعب عمر كله
ابتسم صقر وقالت نواهل : حبيبي انتي انا ابي حبيب مابي مُعذِب
مناهل : انتي تقولين ضبطيلي واحد من اخوانه هذول المتوفرين
نواهل : الله يكفيني شر الحب وطواريه وعع
طلعت نواهل وقالت مناهل : ايوه
الليث : ذي ميتة على عمرها حيل
ضحكت مناهل وقالت : عن الغلط اختي ترا
الليث : تتكلم علي وعلى اخواني سلامات على اساس صقر متشقق عليها
مناهل : وانت صدقتها نواهل وين والحب وين تتقرف منه حيل تقول يرفع الضغط وكله عبارة عن تحكم ومدري وش مو جوها ابد
الليث : امم
مناهل : ليث با بابا اصبر دقايق تمام خلك عالخط
الليث : تمام يا مناهل تمااام
سكتت مناهل وهي تشوف سعد يمشي من قدام الباب : سعدد تعال ياعيوني وقفل الباب
دخل سعد وقفل الباب ورمى نفسه جمب مناهل وهي تلعب بشعره
مناهل : وش فيك يا روحي ليه متضايق من يوم رجعت من المستشفى وانت مب عاجبني فيك شي
سعد : لا
مناهل : سعد علمني
سعد : اذا سويت شي غلط وانا مو متقصد اتعاقب ؟
مناهل : وش سويت يا سعد
سعد : سويت عملية لواحد والله يا مناهل والله انه طلع من العملية عايش و يوم اني وديته للعناية مات بعد ساعتين من العملية واهله يقولون انه مات بغرفة العمليات وانا كنت اكذب عليهم يقولون والله ما يسامحوني حوبتهم يا مناهل بتلحقني والله والله والله انه مات بعد ساعتين ما مات بالعملية والله ما مات بالعملية
مناهل : طالعني يا سعد طالعني
رفع سعد راسه وهي تحاوط وجهه بيدينها : اسمعني يا ابوي اسمعني انت تحلف انه طلع من العملية عايش صح
سعد : ايه
مناهل : معناها انت مالك دخل
سعد : طيب قالو مابيسامحوني
مناهل : عمرهم لا سامحوك انت سويت اللي عليك وماتشيل ذنب احد ربي كاتبله يموت حتى لو نجحت العملية وربي رحمك وقبض روحه بعد العملية ربي كاتب له يا روحي انه يموت انت مالك ذنب
سعد : واذا دارت الدنيا فيني ؟
مناهل : ماتدور الدنيا بأحد الا للي غلط بس اللي ماغلط ماله ذنب بعدين انا اذا مات احد من اهلي لا سمح الله بطلع الشارع وبشوف واحد بقوله الله لا يسامحك يتعاقب ؟
سعد : لا ماله دخل هو
مناهل : ايه معناها انت مالك دخل وبعدين انت شغلك رح تمر فيه مواقف كذا رح ينهارون اهل الميت وانت لازم تتحمل ما تنهار معهم وتقويهم تمام ؟
سكت سعد وقالت : تمام يا سعد ؟
هز راسه بمعنى " ايه " : تمام
مناهل : لا تتضايق يا سعد الله يخليك والله اني اتضايق معك تمام ؟ لو سمحت
سعد : ان شاء الله
مناهل : تغديت ؟
سعد : مالي خلق
مناهل : انا مناهل بقوم اتنازل واطبخ لك وش ودك ؟
ضحك سعد وقال : مشتهي مكرونة بشاميل
مناهل : حاضر اسويلك اطلق مكرونة انت نام الحين عشان تريح عمرك وتخلص المكرونة اصحيك تمام
سعد : والله اني احبك يا مناهل
مناهل : لاتقول كذا ببكي تراا
ضحك سعد وقال : خلاص انقلعي
ضحكت مناهل وهي تاخذ جوالها وطلعت وقفلت الباب
مناهل : ليث ؟
الليث : والله ماحبيتك عبث يا مناهل حنيتك تغرق بلد والله
مناهل : بعد عمري يا ليث
الليث : انا بقفل عشان تطبخين وبعد تراني مشتهي المكرونة حقتس
مناهل : بسويلك اليوم مع سعد وتعال خذها
الليث : مايمدي
مناهل : الا يمدي بحطها بالبقالة حق سرور تعرفها ؟
الليث : تمام
مناهل : ليث تراني احبك
ابتسم صقر وهو يحك خشمه والليث استحى وقال : ياجعلني ما اخلا منتس يا مناهل
مناهل : يلا يلا انقلع
ضحك الليث وقال : استودعتتس الله
قفل الليث وخلاص امتلأ طاقة تكفيه لسنين طويلة دايم صوتها يمليه طاقة ايجابية
صقر بهدوء : تحبها حيل ؟
تنهد الليث وهو يطالع الطريق : اموت والله فيها يا صقر ابيها حلالي اليوم قبل بكرا مابي عيال الا منها
صقر : بتتزوجها
طالع الليث في صقر باستغراب وقال : شلون ؟
صقر : دامك تحبها هالحب اكيد بتتزوجها بس شد حيلك
الليث : ان شاء الله
●
●
●
يوم ( الجمعة ) الساعة 5 الفجر
اجتمعو اهل ابو فهد كلهم في بيت ابو فهد وجهزو كل شي بالسيارات وتقسمو بالسيارات كالآتي :
سيارة ابو فهد كان ابو فهد يسوق وام فهد جمبه
سيارة فهد كان فهد يسوق و سعد جمبه و سعود و بعض العفش ورا .
سيارة ابو مرام كان ابو مرام يسوق و وام مرام جمبه و مرام وهيام و وئام و رهام ورا .
سيارة ابو نايف كان ابو نايف يسوق و جمبه ام نايف و ورا كانو نوف والهنوف وريوف  .
سيارة نايف كان نايف يسوق وجمبه نواف وبعض العفش ورا .
سيارة ابو ماجد كان ابو ماجد يسوق و ام ماجد جمبه وعفشهم ورا .
سيارة ماجد كان ماجد يسوق و امجد جمبه و مجد ورا .
سيارة آسر كان آسر يسوق و صقر جمبه و ذيب و ذياب ورا .
سيارة الليث كان الليث يسوق وجمبه سامي و ورا منصور ونياف .
سيارة ياسر كان ياسر يسوق وجمبه احمد و ورا كانو جمال وعمار .
سيارة قصي كان قصي يسوق وجمبه سلمان و ورا حمد .
سيارة مشعل كان هو اللي يسوق وجمبه بدر و ورا بندر .
واخيرا آخر سيارة كانت سيارة ابو فهد الثانية اللكزس كانو فيها مناهل ونواهل و عهد والاء و ليلاس و ميهاف وسمر .