وقفت مناهل وهي تبتسم وقامت ترقص والكل يطالعها كعادتها كانت تسرق انظار الكل ينعجبون فيها اكثر من العروسة نفسها
ام صقر : ما شاء الله عليها ملكة جمال يازين اختيار الليث بس
ام مشعل : اي بسم الله عليها جمال شعر و وجه وجسم واناقة وادب كاملة والكمال لله
ام بدر : لو ماخطبها الليث وشفتها انا ماكنت بتردد دقيقة وحدة وخطبتها لبدر
ام سلمان : الله يوفقهم ان شاء الله و يبعد عنهم الشر
ام ياسر : امين يارب ويرزقهم الذرية الصالحة اللي تقر عينهم
ام صقر : امين يارب عاد انا حاطة عيني على اختها لآسر
ام سلمان : ايه هي بعد تجنن
ام مشعل : مافي فرق بينهم يتشابهون بكل شي كأنهم شخص واحد وماتتفوت والله
ام صقر : الله يحميهن يا رب
الحريم كلهم قالو بصوت واحد : امين
عند البنات قامو كلهم وهم يرقصون مع بعض وكيان تتوسطهم
أريج : بيدخلون اخواني يلا
تغطو البنات ودخلو اخوان كيان و ابوهم قدامهم
كان يدورها بعيونها بين الحريم لكن ما لقاها
ونفس الشي عند اخوه كان يدور البنت اللي هو خاق عليها من بين الحريم وطاحت عينه على عينها وابتسم
آسر : صقر
صقر : سم ؟
آسر : امش
استوعب صقر انه واقف بنص الطريق ومشى وهو يسلّم على كيان
وقف الليث و أشر ل لين
لين : وش ؟
الليث : مناهل وينها ؟
لين : وراك
لف الليث وهو يشوفها جالسة رجل على رجل وتطقطق بجوالها
الليث : شرأيك فيها اليوم ؟
لين : من أي ناحية يعني ؟
الليث : نفسيتها مب متضايقة ؟
لين : ابد كانت مبسوطة وقامت ترقص و خققت ام الحريم موتتهم بعد
الليث : زين
راحت لين وهو يطالع مناهل لين رفعت رأسها وشافته
الليث بهمس : روحي روحي
ابتسمت يوم فهمته و طلعت للغرفة
الليث : انا طالع
طلع الليث وراح للغرفة وشافها
الليث : يارباه بس انتي كل مرا تطلعين تجننين اكثر من اللي قبله ؟
مشت وهي تحاوط رقبته وقربت منه ومايفصل بينهم الا شعره
حاوطها من خصرها بيد واليد الثانية وخر شعرها عن وجهها وقربها لحضنه
الليث : وش بتسوين ؟
مناهل : ما اسوي شي
قفلت زرار ثوبه ورفعت رجولها وماحس الا بشفايفها تستقر بشفايفه
شدها لحضنه وهو مايبيها تبعد ابد لكن وخر يوم طلبت منه النفس
الليث : بتخليني اتهور يا مناهل
ابتسمت وقالت : الروج بشفايفك
طلع لسانه وهو يلحس الروج وقال : اتركيه
مناهل : مهبول الرجال برا
جلس وهو يجلسها على رجوله
الليث : مناهل
رفعت يدها وهي تحطها بخدوده وقالت : لبيه يا قلب مناهل انت
غمض عيونه وهو يبتسم بهدوء وكان متخرفن مرا
نزلت يدها وهي تحك لحيته وضحك وهو يمسك يدها ويبوسط باطن كفها
مناهل : خلاص يلا روح للرجال
نزل رأسه وهو يبوس رقبتها و فكها
بعدت عنها وهي تتأفف : ليث علّمت يا ليثثث علّممتتتت شلون اطلع للبنات وقلة ادبك علي وانا لابسة علاقي كذا
ضحك وقال : لا تتحلطمين
مناهل : اكرهك
شدها وهو يبوسها بنحرها وهي بعدت عنه
الليث : يلا هذي 3 علامات ابهريني كيف بتغطينها ؟
مناهل : ترفع ضغط الضغط المهم شرايك نطلع ؟ نهج
الليث : تم
مناهل : يلا البس الحين
لبست مناهل عبايتها واخذت اغراضها و ودعت فيصل وطلعت .
ركبو السيارة وشابك اصابع يدينه بأصابعها
رفعت يده وهي تبوسها
الليث : انا مستغرب ترا
مناهل : ليه ؟
الليث : من امس
مناهل : انسى يا ليث عادي ؟
الليث : ابشري
مناهل : تمام
الليث : نرجع البيت ولا نتمشى لأن تو بدري
اخذت جوالها وهي تشوف الساعة وقالت : الساعة بتصير 10
الليث : طيب ؟
مناهل : نرجع لبيتنا
الليث : من عيوني
رجعو للبيت وهي محاوطه يده
مناهل : بلبس واجي
الليث : البسي على ذوقي هالمرا ودي
مناهل : ابشر
دخلو غرفة الملابس والليث واقف قدام الفساتين القصيرة
مناهل : اختار شي زين
الليث : وش قصدتس ؟ مب ذوّاق انا ؟
مناهل : لا بس اقول يعني
طلّع فستان اسود مااااسك عالجسم بدون اكمام عاري من الاكتاف قصير لين الفخذ ومفتوح من الفخذ اليمين فتحة لين فوق
لبست معه شرّاب اسود خفيف وخلخال بالفخذ ذهبي وحلق ذهبي وسلسال ذهبي واسوارة وشعرها سوته ويفي سوت مسكرا وايلاينر وبلاشر و روج احمر تعطرت وتبخرت .
نزلت وشافته جالس بالحوش ومعطيها ظهره ، قربت وهي تحضنه وطاح شعرها وفاحت ريحته
الليث : الله يقوينا قدام هالريحة
ضحكت مناهل وهي توقف قدامها وقالت : شرأيك ؟
وسع عيونه اول ما طاحت على خصرها ، طالعها بأعجاب كبير يقدر يقول انه طاح على وجهه طيحة قوية
الليث : ياربي يا ربي لاتضعفني
ابتسمت وهي تجلس بحضنه وحطت يدها من ورا رقبته
وقالت : شفيك ؟
الليث : ليه الواحد اذا شاف خصرتس وشفايفتس بذا اللون يقعد بعقله ؟
رفعت رأسها وهي تضحك من قلب وانفتن من ضحكتها
الليث : يا وجع قلبي وجعاااه
حطت جبينها على جبينه وقالت : من يومي اخرفنك بالكلمة
ضحك وقال : زود النرجسية يتعبتس وقلتلتس قبل
بعدت وهي تحضنه وقالت : ليث بيجي يوم وتخوني فيه ؟ بتحب غيري ؟
رفع يده وهو يحضنها وقال : اموت يا مناهل ولا احب غيرتس
مناهل : قل والله
الليث : ماتوثقين بالليث ؟
مناهل : الا
بعدت عنه وهو ماسك خصرها وقال : وش اللي خلاتس تقولين كذا ؟
مناهل : ولا شي بس الاحتياط واجب
حط كفوف يدينه على وجهها وهو يحاصر شفايفها وبهدوء شالها للغرفة وقال : شفتي شي خلاتس تسأليني هالسؤال ؟
وقفت قدام المرايا وهي ترفع شعرها وهو منسدح عالسرير
مناهل : ابد ، انت تبيني اشوف شي ؟
رفع يده وهي جلست وقال : تلغمين كلامتس ؟
مناهل : لا يا ليث
الليث : طيب تسمحين ؟
ابتسمت بتمثيل للغباء وقالت : نتعشى ؟
ضحك وقال : لاتستغبين
ضحكت وهي تبوسه من خده وقالت : مايمدي نقول لا ؟
الليث : ابد
باسها من نحرها وو...🌚
●
●
●
بعد شهرين قبل زواج احمد و أريج و فهد وكيان بأسبوع
بمكتب الليث
كانت جالسة رجل على الرجل وشالت نقابها وهي تسوي الروج
طالع فيها وهو رافع حواجبه بأعجاب ما توقع انها تفتن لهالدرجة ما كانت جميلةبس جذابة
لفت وهي تطالعه : وش فيك ؟
توتر الليث وقال : هاه ؟ وش فيني ؟
ميّ : اي وش فيك ؟
الليث : ابد مافيني شي بس كأنتس نسيتي اني فيه وفكيتي نقابتس
ميّ : لا مانسيت بس انكتمت شوي يعني كتمة وحر انهلكت
وقفت وهي تمشي بغنج وقربت منه وصارت قريبة حييييل اخذت ريموت التكييف وفاحت ريحة عطرها والليث يستنشقها وكان فعلاً فعلاً خااااق ومتخدر من ريحة عطرها و متخرفن من جمالها
مشت ميّ وهي ترجع لمكتبها وهو يطالع المكتب وشاد على رأسه يبي يطلعها من رأسه
●
●
●
في السوق كانو احمد وفهد قدام و كيان و أريج وراهم
أريج : وش باقيلتس انتي ؟
كيان : باقي بس بأخذ البوكيه و الطقم والتاج و الكعب وبشتري بخور و عطر ومناكير جديد وانتي ؟
أريج : اللي بتشترينه انتي انا بشتريه
لف احمد وقال : أي محل بتدخلونه ؟
أريج : هذا
أشرت على محل المجوهرات ودخلو يطالعون فيهم
فهد : شوفي التاج ذا ناعم حيل لاتاخذين شي فخم زود الفخامة تخلي الشي مب زين
كيان : تمام
أريج : كيان
كيان : هلا
أريج : شوفي ذا الطقم يناسب فستانتس
مشت كيان متوجهة لها واعجبها الطقم حيل
كيان : يجنن
أريج : خذيه
كيان : فهد ودي فيه اعجبني حيل
فهد : ابشري به والله
اخذه فهد وهو يحاسب عليه وبعد ماخلصو يشترون الطقم والتاج طلعو لمحل الاحذية يشوفون كعب
●
●
●
في الكوفي
سعود : عادل كبيته الله ياخذك
عادل : بالغلط
سعود : وين اصرفها ذي بالغلط توكل سوي واحد جديد
عادل : شفيك تنافخ وجع
سعود : هذا ثالث كاس تكسره يا دلخ تمشي وعيونك ورا
ضحك عادل وقال : دام اني قروشتك روح البيت وانا اكمل عنك
سعود : احلف
عادل : والله
قرب سعود وهو يبوس عادل بخده
عادل : خلا انقلع
سعود : والله ما انساها لك يا عادل كفو عليك
عادل : يلا رح رح
فصخ سعود المريلة وطلع ، ركب سيارته وهو يأخذ جواله ودق عليها
سعود : حي الله هالصوت
لين : الله يحييك شعندك طالع بدري ؟ الساعة 9
سعود : برجع لو ودك
لين : لا تعال اشتقتلك ترا
سعود : بالله عليك
لين : وربي ودي اشوفك
سعود : تم
لين : شلون ؟
سعود : والله مدري بس نفكر بها انتي معليك
لين : تم لاتطول
سعود : لا تكثرين حكي قلنا ابشري
لين : لاتنافخ طيب
سعود : طال لسانك وانا على غفلة
لين : خليني اقوم اذاكر ابرك لي
سعود : اي صح شدي حيلتس يا بابا
لين : انقلع بس
سعود : جهزيلي عمرك
لين : من عيوووونييي
سعود : ابوس ابو عيونك والله
لين : يلا باي باي
قفل سعود وهو يزيد سرعته لبيتهم
●
●
●
في بيت قصي
كانت منسدحة بتعب وقالت : قصي
رفع رأسه عن الملفات وقال : هلا حبيبي
عبير : وين نور ؟
قصي : نايمة
عبير : تشوف في تقصير مني لك ؟
قفل ملفاته وجلس جمبها وهو يمسك يدها وقال : والله اني ما اشوف الا انتس شايلتني بعيونتس و ودتس ما اتعب نفسي حتى بالرمشة
عبير : ليه قلبي يقول اني مقصرة معك يا قصي ومقصرة مراا
قصي : عبير حبيبي منتي مقصرة ولا شي لاتقولين هالكلام مرا ثانية
قوست شفايفها وهي تلف رأسها وهو نزل رأسه قريب منها وقال : صايرة هالفترة تزعلين من احاسيس بس عسى خير ؟
عبير : ولا شي
قرب وهو يطبع قبلة على شفايفها وقال : تدرين اني احبتس ؟ واموت فيتس ؟ واعشقتس ؟
ابتسمت وهي تحاوط رقبته وقالت : وانا والله اهيييييييم فيك
قصي : ايه روقي كذا لاتضايقين عمرتس زين ؟
هزت رأسها بمعنى " ايه " وقال : ودتس تسافرين تغيرين جو ؟
عبير : انت ودك تسافر ؟
قصي : عبير معليتس مني انا بالطقاق يطقني اهم شي انتي ودتس تسافرين تنبسطين ؟
عبير : والله مايهم اسافر ولا لا دامك انت قدامي والله اني اسعد خلق الله
ابتسم بهدوء وهو يحضنها داااايم تغمرها بحنانه وتعامله كأنه ولدها قبل لا يصير زوجها تخاف عليه من كل شي وماتبي تقرب من الغلط عشان لاتكدر خاطره ومهما حاول يجازيها يضيع بجمايلها معه يحبها حب مايعلم به الا الله وزاد حبه من يوم جت نور
●
●
●
في بيت ابو ياسر تحديدا بجناح ياسر
كانت منسدحة و فيصل منسدح بحضنها و ياسر جالس واللابتوب فوق رجوله ويشتغل
بدور : ياسر
ياسر : همم
بدور : فصول ناقصه اغراض
ياسر : تمام يا بدور نروح ونشتري له اللي ناقصه
بدور : تمام وانا ناقصني اغراض
ياسر : طيب
بدور : وابي فلوس بروح لاهلي وبشتريلهم هدايا
ياسر : بدور اسكتي شوي يعني انا جالس اشتغل فاضيلتس انتي وقروشتتس واهلتس و ولدتس
بدور : تمام آسفة
سكتت وهي تحط فيصل بسريره وانسدحت على جمبها وهي تعطي ياسر ظهرها
وبعد نص ساعة قفل لابتوبه بعد ماخلص شغل وقال : ايوه وش قلتي لي قبل شوي
بدور بهدوء : ماقلت شي لي ساعة نايمة
ياسر : وش يعني تبين تجننيني ؟ وش طلبتي قبل شوي ؟
بدور : ولا شي
ياسر : يا بنت الناس بالطقاق بجي اترجاتس تتكلمين بس قولي ولدي وش يحتاج
بدور : ملابس حفايض حليب كريم شامبو بودرة بس
سكت وهو ينسدح على السرير بهدوء وطنشها
بدور بهمس : عساك تفطس بهالسرير
ضحك ياسر بخفوت وقال : سامعتس ترا
بدور بقلد : سامعتس ترا وجع
قامت وهي تطلع من الغرفة وقال ياسر : مهبولة لا حول ولا قوة
●
●
●
بعد ثلاثة ايام
في مكتب الليث
كانت تمشي وهي تطقطق بكعبها كأنها معوقة وبغت تطيح وسرعان ما مسكها الليث من خصرها وقال : بسم الله عليتس
ابتسمت ابتسامة ضيعته وطلعت عطر صغير من شنطتها من غير لا يحس عليها وبخت بثوبه من غير لا يدري ، كان متخرفن الخفيف
الليث : انتبهي على نفستس وارمي هالكعب
ضحكت ميّ وقالت : من عيوني
الليث : يلا انا ماشي تبين شي ؟ توصين شي ؟
ميّ : انتبه على نفسك هذا الشي الوحيد اللي ابيه
أشر الليث على خشمه وقال : ابشري على هالخشم
ابتسمت مي وهو اخذ اغراضه وطلع متوجهه للبيت
●
●
●
وصلت البيت وهي تغني وتدندن
مناهل : اتحبنييي ماقلتهاا لك من فضووووووول
طلعت غرفتها وهي تبدل ثيابها
لبست بنطلون اسود قصير لين الفخذ مع بدي اسود بدون اكمام يعني اكمامه كانت عريضة ولبست نعال اسود وشعرها رفعته كعكة مهملة ونزلت تسوي عشاء
مناهل : يخي لو اني مب متزوجة ؟ مب احسن ؟ قاعدة عند ابوي ومامي
دخل الليث وهو يرمي نفسه بالكنب وهي طلعت من سمعت صوته
مناهل : اهلين
الليث بهدوء : ايه هلا
رفعت حواجبها من نبرته وقالت : تعبان ؟
الليث : لو تسكتين شوي اصير تمام
قربت منه وهو تجلس جمبه وصدع رأسها من ريحة العطر القوي اللي يكتم كأنه متروش به
مناهل : وين كنت ؟
الليث : ما احب هالسؤال
مناهل : بس انت زوجي ومن حقي اسأل عنك
الليث : اذا جينا نتكلم عن الحقوق انا كل حقوقي ماني ماخذها منتس عشان كذا انتي آخر من يتكلم عن الحق
مناهل : تمام
قامت من عنده وهي تقول : العشاء جاهز
الليث : تعشي لحالتس اللي يجي حولتس تنسد نفسه
قام وهو يدخل الغرفة وقالت مناهل : خون يا ليث خون وخذ راحتك وسوي اللي تبي
جلست وهي تتعشى بهدوء بدون لا تهتم له ابدا
أنت تقرأ
لو قلت لقلبي توب عيني تكذبني
Roman d'amourدخل الليث البيت والتعب لاعب فيه لعب رمى نفسه على الكنبة وهو يهف وجهه يبعد ريحة الدخان الليث : آسر تكفى وخر سكت آسر وهو يطلع زقارته الثانية ويحطها بشفايفه وياخذ الولاعة ويشغل الزقارة دخل ابو صقر وهو يقول : انا كم مرا اقول الزفت ذا لا تقربه ؟ آسر :...
