لو قلت لقلبي توب عيني تكذبني

الجزء الثالث والعشرين

يوم الجمعة الساعة 4:30 عصراً في بيت الليث
كانت منسدحة على سريرها بجمبها اليمين ويدينها تحت اذنها اليمين
الليث : مناهل ؟
ماردت عليه مناهل بسبب شرودها عنه
حاوطها وهو يسحبها لحضنه صار ظهرها على صدره ويدينه محاوطه بطنها : وش فيها حبيبتي متضايقة ؟ من يوم رجعنا من بيت ابوي وانتي مب عاجبتني شفيتس يا بابا ؟
سكتت وهي تحط يدينها فوق يدينه وشابكت اصابعها باصابعه وهو دفن وجهه بشعرها
الليث : قوليلي احد مضايقتس ؟
مناهل : وش بتسوي لو عمي ابو نايف و نايف تكلمو فيك ؟
الليث : شلون يعني ؟
مناهل : يعني لو تدخلو فيك وقالولك ليه زوجتك للحين ما حملت والله اعلم اذا دخلت عليها ولا لا وش بتسوي ؟
الليث : اولا زوجتي مب حامل لأن ربي ماكتب لنا ثاني شي لأن لنا شهر وعشرين يوم متزوجين تو بدري ثالثا على الدخلة مالهم شغل رابع شي والشي الاكيد اللي بقوله مالكم دخل هذا شي بيني وبين حرمتي انام معها ما انام معها تحمل ماتحمل نموت ننذبح هذا شي يخصنا حنا ومن خصوصياتنا حنا مال اي احد الحق انه يتدخل فيها ، بس انتي وشوله تسألين ؟ احد قالتس شي ؟
سكت الليث و ثم استوعب ان الكلام اللي قالته مناهل الحين انقال لها هي وهي تبي ردة فعلة
قعد بسرعة وقال : مين اللي قال لتس كذا ؟
مناهل : محد بس انا اسالك كذا
الليث : تستهبلين علي ؟
مناهل : لا بس محد قاله
الليث : وش اللي محد قاله من امس وانتي متضايقة والحين تسأليني ذا السؤال والله ان في احد قال لتس شي اخلصي قولي مين قاله
قامت مناهل وهي تحط كفوف يدينها بوجهه وقالت : محد يا ليث محد قوم نتجهز لاتنسى اليوم خطوبة لين وملكة اريج
الليث : ان ماقلتي انا بعرفه
باسته بخده وقالت : لاتسوي مشاكل تكفى
الليث : طيب علميني مين قاله ؟
مناهل : قول والله ماتسوي شي
الليث : والله ، قولي يلاا
مناهل : زوجة عمك محمد وفاطمة
الليث بعصبية : والله اني داري
قام بعصبية ومسكت يده وطالعته بنظرات رجاء وقالت : عشان خاطري هالمرة امسحها بوجهي تكفى يا ليث تكفى
زفر الليث وهو منقهر من حركات ام قصي اللي ماتخلص
الليث : تمام قومي تجهزي يلا
مناهل : ادخل تروش اخلص اجهز اغراضك
الليث : تمام جهزيلي الشماغ الابيض مع الثوب الاسود الشتوي
مناهل : ابشر
دخل الليث الحمام ( اكرمكم الله ) يتروش ومناهل نزلت تكوي ثوبه وشماغه وبعد ما خلصت جهزت نعاله ( وانتم بكرامة ) وعطره وعوده وساعته وخاتمه ومسبحته وطلع والفوطة ملفوفة على خصره
مناهل : البس يلا
لبس الليث و وقف قدام المرايا وهي تشخصه وتعطره وسوتله العود الازرق اللي تعشقه عليه
الليث : بحتريتس هنا لاتبطين
مناهل : انزل تحت اذا ودك
الليث : لا عادي بجلس هنا
مناهل : تمام
خلصت تتروش وطلعت وهي لابسة المنشفة ورابطة الربطة على خصرها وتنشف شعرها بفوطة صغيرة
الليث : كان نمتي بالحمام !
مناهل : انا انثى ترويشي غير ترويشك
دخلت غرفة الملابس و لبست فستان ابيض بحكم انها تو عروس حرير طويل لين الساق ماسك عالجسم واكمامه كانت رقيقة حيل ومفتوح سبعة من الصدر لبست كعب فضي وسوت مناكير احمر ولبست اكسسوارات ناعمة وشعرها فيرته من تحت وميك اب كان رسمة حواجب ورموش طرفية وايلاينر من مدمع العين وسع عيونها بشكل جميل وبلاشر برونزي وهايلاتر و روج احمر تعطرت من عطرها المفضل من رامان من عبدالصمد القرشي ومن عودها اللاوسي المفضل واخذت شنطتها الحمرا وهي تحط عبايتها على ذراعها وطلعت وشافته منسدح
مناهل : يلا قوم
قام وهو يطالعها من فوق لين تحت وعيونه تتفحصها ويتأمل كل تفصيل فيها
ابتسمت وهي تحط شنطتها وعبايتها بالسرير ومشت متوجهة للتسريحة وصوت كعبها يرن بأذنه
اخذت البخور وهي تهفه عليها وتبخر شعرها
مناهل : لاتجلس تطالعني تعال تبخر يلا خل نمشي
قام وهو يمسك طرف شماغه ويحطه على كتفها وقربها منه فصل بينهم المبخرة بس
●
●
●
في بيت قصي
كان جالس بالصالة وهو كاشخ ومتشخص وبنته بفستانها الوردي بحضنه
طلعت عبير وبيدها البخور ، رفع رأسه وهو يطالعها بأعجاب : بسم الله عليتس
كانت لابسة هي وبنتها نفس الفستان بس حق بنتها منفوش ابتسم وهو يطالع فيها
عبير : ودك تتبخر ؟
وقف وهو شايل بنته وبخرتهم الاثنين ولبست عبايتها : صرت جاهزة
قصي : ماودي نروح ابي اجلس اطالعتس ولا احد يشوفتس غيري
ضحكت عبير وقالت : اقول قم
ضحك وهو يفتح لها الباب وركبو السيارة وتوجهو للشاليه
●
●
●
في بيت ابو ياسر
كان ابو ياسر وزوجته وعياله ينتظرون البنات
جمال : سنة يتجهزن
احمد : لو انهم عرايس كانهم خلصو
عمار : الله يخارجنا بس
ام ياسر : ياسر قم شف حرمتك يمكن عجزت تتجهز و ولدك عندها رح امسكه ولا جيبه عندي
ياسر : ابشري يمه
قام ياسر ونزلو سلمى و سارة
سلمى : خلصنا
عمار : باقي بدور