عند الثنائي ( نايف و مرام )
نايف : وش يوجعك ؟ تبين نروح للمستشفى ؟ حالك مب عاجبني ابد يا حبيبي
مرام : نايف تعال اجلس جمبي
ضحك نايف وهو يجلس جمبها وقال : صرتي كأنك عجوز
مرام : نايف انا اضايقك ؟
نايف : مين قال هالحكي ؟
مرام : انا ، احسك متضايق و طفشان مني وصرت اتعبك معي و اطفشك تكفى يا نايف لاتحب غيري وانا احبك والله معد اطلب منك شي ولا اتطلب بكون اسكت بس لاتطفش مني
حاوطها من خصرها وهو يقربها لحضنه وباسها برقبتها ودفن وجهه بشعرها وقال : لعد اسمع هالكلام مرا ثانية
مرام : للحين تحبني ؟
نايف : احبك واموت فيك واهيمك واعشقك انا جايك على وجهي وانا تعبي الحين مايتقارن بتعبك وقت الولادة و بعد الولادة وانا اذا اتعب ما اتعب عشان واحد من الشارع ، انا اتعب عشان ولدي
مرام : يعني مب متضايق ؟
رفع رأسه وهو يبوس شفايفها عشان تسكت لأن مايحب هالموضوع ينفتح بينهم ابد و لو تقوله طب بالنار يطب ولا يتضايق
●
●
●
الثنائي ( قصي و عبير )
كانت ساندة ظهرها على ظهر السرير وهو حاط رأسه على صدرها وتلعب بشعره
قصي : عبير
عبير : سم
قصي : تحسين احنا كبرنا ؟
ضحكت عبير وقالت : وش الطاري ؟ تونا صغار
قصي : مدري احس صرنا كبار وعاقلين وتغيرنا
رفعت رأسها وهي تضحك من قلب وقالت : والله ماتغير الا سوالفك ماكبرنا والله
قصي : صار عندي ورعة صغيرة
عبير : يووه مناهل ذي سوت خير
قصي : ليه ؟
عبير : غيّرت فطوم
قصي : كانت فطيم يعني الخبيثة صارت فطوم يعني الطيوبة
ضحكت عبير وقالت : اي وربي صارت اختك تجنن حتى قبل لاتجي انت دقت علي وقالت هاتي نور وانتي اقعدي مع قصي من زمان ماقعدتو مع بعض
قصي : عقلت عقلت من بعد ما كلمتها
فلاش باك
قصي : فاطمة ترا اللي تسوينه غلط وتخلين الكل يكرهتس كذا وينفرون منتس
فاطمة : هم يكرهوني طيب
قصي : محد يكرهتس هم يكرهون تصرفاتتس لو تقعدين معهم وتسولفين وتغيرين اطباعتس يوم انتس تدقين بالكلام و تنغزين بالحكي لمناهل مب زين ، انتي تشوفين مناهل تستاهل ؟ ترا وربي انها مسكينة وطيبة
فاطمة : بس كانو يحبونها ومايطالعون فيني ولايهتمون فيني حتى انت وابوي
قصي : كلنا نهتم فيتس بس انتي اتركي حركاتتس ذي اللي مالها داعي محد بيزعل ويتضايق غيرتس بعدين
فاطمة : تمام
قصي : نصير عاقلين ؟
فاطمة : ان شاء الله
باس رأسها وقال : تعجبيني يلا روحي نامي ومن اصبح افلح
انتهى الفلاش باك
عبير : يا زينه العاقل حقي اللي يعقّل اخته
ضحك قصي وقال : تكلمين نور انتي ؟
عبير : يووه يا ذا النور اشغلتني عنك
قصي : اول مرا تقولين شي صح
عبير : الصح والله اني احبك
ضحك وهو يرمي نفسه بحضنها وقال : وانا والله ميت فيك
عبير : لاقط الوقت يعني ؟
ابتسم وهو يبوس عنقها وو ... 🌚
●
●
●
عند ( فهد و كيان )
كانت واقفة قدام المرايا وهي ترفع شعرها وجاء من وراها وهو يحاوطها وباس نحرها وقال : وش ذا الريحة بالله تفتح النفسس
لفت وهي تحاوط رقبته وقالت : اقول فهودي حبيبي
فهد : عيوني
كيان : في اشياء تخوف بتصير ؟ كذا احس
ضحك وقال : خايفة من تهديد مناهل ؟ والله مابي اطمنك لان مناهل ترا قول وفعل لكن دامها قايلة من البداية انها ماتقصد الليث و زوجته معناها ماتقصدهم
كيان : يعني اخوي مايجيه شي
فهد : ماتوثقين فيني ؟
كيان : لا
فهد : تقلعي تبين اقول لااا تكفين يا كيان اتشقق
ضحكت وهي تحضنه وهو شدها لحضنه وضحك
فهد : مرا ثانية اقعدي عاقلة لأن هالمرة عدّت بحضن بمزاجي المرة الجاية بتعدي بشي اكبر
رفعت رأسها وهي تضحك من قلب وهو باس فكها وضحك من ضحكها
فهد : ماتدرين انك جايبة رأسي
كيان : وانت بتجيب رأسي اذا عدّلت لهجتك
فهد : تبين اقول انتس جايبة راسي ؟
كيان : ايه
فهد : وش فرقت ؟
كيان : فرقة ان لهجتنا تجي من منطوقك احلى
ابتسم فهد وقال : تعرفين تأخذين اللي تبين انتي
كيان : وش رأيك بنت زيود انا
فهد : زيود لو يسمعتس تنادينه كذا بيقوم يصفقتس
كيان : معليك مايقول شي
فهد : ودي انام اذا ماعليتس امر
كيان : نام وانا بروح للبنات
فهد : لاا ؟ بالله عليتس ؟ يعني انا لو ابي انام بستأذن منتس ؟ انا جاي اقولتس عشان تنامين معي
كيان : تمام تمام اترك العباطة
رمى نفسه بالسرير وهي انسدحت جمبه ونامو
●
●
●
الثنائيين ( سعود و لين ) اجرئ ثنائيين بالرواية
جلس يضرب فخذه بخفيف وقال : تعالي
لين : ودي والله بس رجلك توجعك
سعود : بتتعافى من لمسة منك
ضحكت لين وهي تجلس فوق رجوله وقالت : وناسة ان الحين انت زوجي واقدر احضنك قدامهم من غير محد يقول لنا شي
سعود : يخسي من يقول والله
لين : ومتى الزواج ؟
سعود : لاجهز الجناح
لين : احبك يا سعود
ضحك وهو يبوس خدها بحنية وقال : لاتخليني انهبل واسوي شي اخص من البوسة
لين : فدا
سعود : وصخة
ضحكت لين وهي تحضنه بقوة وقالت : احبكككك ياخيي احبك احبك احبكك
ضحك وهو يحاوط خصرها بيده وقال : وانا والله اكثر
بعدت عنه وقالت : تبي شي تأكله ؟
سعود : خليني اطالعك وبشبع
لين : تمام بقوم بسرعة واجي مارح اطول
سعود : خليك
زمت شفايفها وهي تطالعه وهو يشابك اصابع يده باصابعها ورفع يده وهو يبوسها وقال : ياخي يا اني طايح على وجهي متخرفنن
لين : ما تنلام اللي يشوفني يخق
رفع حواجبه وهو يطالعها وعض شفته وضحك
ابتسمت وهي تدري بجرائتها تجيب رأسه وهالشي اللي خلاه يحبها ويعشقها
لين : ترا حتى انت جايب رأسي وانا لين ما ينجاب راسي بسهولة
شد على خصرها وهو يحاصر شفايفها وهي شدت على يده اللي ماسكتها
...خلاص نتركهم بحالهم نروح لثنائي ثاني
●
●
●
عند الحلوين ( صقر و نواهل )
صقر : ليه طايرة بعيد ؟
نواهل : انا ؟
صقر : لا انا ، ايه انتي علامتس بعيدة كذا
نواهل : لا لو نقعد كذا اليوم بس بعيدين احسن
قام وهو يجلس جمبها وقال : ابيتس قريبة مني وحيل ابي استند عليتس وقت ضيقتي وابي احتاجتس والقاتس جمبي ابي ازعل واطلع ضيقتي لتس انتي مابي احد يسمعني غيرتس ابيتس حولي يا نواهل
رفعت رأسها وهي تطالع عيونه
نواهل : صقر لاتطالعني كذا
صقر : ابي اكحل عيني بشوفتتس
نواهل : طيب اتوتر انا
ضحك صقر وقال : يا وجع قلبك يا صقر
ابتسمت وهي ترفع يدينها لوجهه وقالت : بسم الله على قلب صقر
صقر : والله اني ضعيف قدامتس
نواهل : شلون اقوى بك ؟
صقر : ابشري بي وقتها
ابتسمت وقالت : الحين عادي ابوسك ؟
ضحك وهي قربت منه وباسته من خده وابتسم
بعدت عنه وقال : اتركي الثقل يا نواهل ترا لو ثقلت اصير اخص منتس
ضحكت نواهل وقالت : لا لاتثقل خلني انا الثقيلة وانت الخفيف لو سمحت
ضحك صقر وقال : مهبولة انتي ؟
نواهل : لو سمحت صقر
صقر : مو حلوة بحق المحقق صقر ابد
نواهل : انت حبيبي طيب
صقر : ما كنت برضى بس عجبتني كلمة حبيبي من منطوقتس عشان كذا ابشري
نواهل : والله ؟
صقر : ايه بس لاتزودينها
اشرت على خشمها وقالت : ابشر على ذا الخشم
ابتسم وهو يبوس خشمها وخدها وقال : احبتس والله
نواهل : وانا والله اكثر
صقر : ابي الزواج قريب
نواهل : عندي فكرة حلوة
صقر : وش ؟
نواهل : زواجنا بعد ولادة مرام بأسبوع
صقر : بأي شهر حامل هي ؟
نواهل : الخامس و قريب تدخل السادس
صقر : لا تكفين نصبر 4 شهور ؟ وش يقويني ؟
نواهل : عشان اتجهز
صقر : مايمديتس خلال شهرين ؟
نواهل : 4 شهور ؟ تمام ؟
صقر : شهرين
نواهل : لو سمحت
صقر : والله مقدر
نواهل : بتمر بسرعة والله بس الفرق ان الشهرين مارح اسوي بها شي والاربعة الشهور بسوي بها كل شي
صقر : طيب تعالي
مسك يدها وهو يجلسها فوق رجوله وحاوطها من خصرها وقال : وش بتسوين فيها ؟
نواهل : الشهر الاول نجهز بيتنا ولا ماعندنا بيت ؟
صقر : جناح مع اهلي ؟ ولا ماترضين ؟
نواهل : جناح ؟
صقر : ما يعتبر جناح جناح يعني كأنه شقة شوفيه واذا ماعجبتس نشوف بيت ولا يزعلتس شي
نواهل : لا لا مابي اجلس ببيت لحالي استوحشه خلاص بقعد مع اهلك
صقر : تمام
نواهل : نعيد من جديد الشهر الاول نجهز فيه جناحنا الشهر الثاني والثالث يكون خاص فيني اتجهز فيه الشهر الرابع اجهز امور الزواج
صقر : طيب الشهرين اللي خاصة فيتس مايصلح تصير شهر ؟
نواهل : صقر يا قلبي انت بحاول اضغط على نفسي اخلص اموري كلها بشهر عشان الشهر الثاني اروح جلسات
صقر : جلسات وشو ؟
نواهل : كثير اسألة ينعرف انك محقق بدون اثبات
ضحك صقر وقال : جاوبيني
نواهل : جلسات ليزر جلسات مساج تنظيف بشرة حمام مغربي صنفرات ماسكات حتى شهر ماتكفي بس مابقسى عليك
صقر : الحين الجلسات ذي كلها يشوفون جسمتس ؟
توردت ملامحها بخجل وقالت : هاه ؟
صقر : الجلسات ذي يشوفون جسمتس فيها ؟
نواهل : يعني
صقر : مافي شي اسمه يعني
نواهل : ايه
صقر : سوي كل شي بنفستس بالبيت محد يشوف حرمي غيري
نواهل : بس ذي جلسات مب شي ثاني ؟
شد على خصرها وقال : اعيد كلامي ؟
نواهل : تمام تمام بخلي مناهل
صقر : حتى مناهل لا
نواهل : مين يسويلي ؟
صقر : بغلط عليتس
نواهل : وش ؟
صقر : قلنا سوي من نفستس ما تتعوقين ترا
نواهل : لا تصير كذا صقري
صقر : حلوة صقري بس لا كلامي ما اثنيه
قوست شفايفها وقالت : لو سمحتت
صقر : لاا
رفعت يدها وهي تحطها على لحيته وقالت : صقر تكفى
مسك يدها وهو يبوس باطنها وقال : لاتزعليني منتس
زمت شفايفها وقالت بملل : اوكييي
صقر : شاطرة
نواهل : ماني بزر قدامك تقولي شاطرة
ضحك صقر و وقف وقال : تحبيني ؟
نواهل : اموت فيك بعد
حضنها وهو وده يدخلها بضلوعه ولا احد يشوفها غيره
●
●
●
عند الثنائي المخيس ( الليث و مي )
كان جالس وهو مرجع ظهره لورا بتعب وجت مي وهي تجلس فوق رجوله وقالت : وش فيك ؟ احسك تعبان ؟ تراك مب عاجبني ابد
الليث : مافيني شي ياعيوني تعبان شوي بس من طريق السفر
مي : ليثي وش فيه اخوك عليك ؟
الليث : مين ؟ آسر ؟
مي : اي
الليث : مافيه شي بس هو كذا دايم يعصب من شغله ويجي يطلع حرته فيني وانا متعود اصلا
مي : بس ماينفع يكلمك كذا قدامهم
الليث : صح كلامتس بس عادي ما ازعل منه
مي : ادري ماتزعل منه بس لازم توقفه عند حده بيتمادى معك ، اليوم قدام اهلك بكرا عند الناس والعالم
الليث : ماعليتس انتي ، انتي تبين تطلعين ؟
مي : اي نطلع نمشي بالشارع كذا ملل
الليث : ابشري قومي يلا البسي
مي : تمام
قربت وهي تطبع بوسة على شفايفه ، ابتسم وهو يشوفها تمشي بدلع يعجبه
●
●
●
عند البنات
خولة : وعع وعع وعع ماتقبلتها ابدااا ابداا جريئة بشكل مقرفف
مشاعل : ذي ماتتسمى جراءة ذي وقاحة وقلة حيا
الهنوف : ماتستحي من احد ذي ؟
رهام : لو يقولون لها انسدحي معه قدامنا بتقول تم
سارة : ما اعتقد تحب الليث اتوقع انها تعاند
هيام : بتعاند اذا كان بينها وبين مناهل عداوة بس الحين مابينهم شي
فاطمة : مناهل تعبانة مرا
سكت البنات بضيق على حالها
نوف : نقوم نروح لها ؟
سلمى : اي والله خلينا نروح لها نسولف معها عشان تنسى ضيقتها شوي
وقفو البنات وهم ينفضون عباياتهم ومشو
●
●
●
ماجد : يا حظهم جالسين مع زوجاتهم
عمار : اي والله ابي اتزوج
بدر : يخلون الواحد يبي الزواج وهو مايبيه
مشعل : ظلم والله هم يتزوجون واحنا لا
ذياب : الليث ناوي يستحل الحريم كل ابوهم
ضحكو العيال وشافو البنات
سعد : يا قطيع الغنمم على وين ؟
ريوف : بنروح لمناهل
سعد : ليه وش فيها ؟ عسى محد دقها بالكلام ؟ والله ادق رأسه
سكتت فاطمة وهي تدري انه يقصدها من شافت نظراته لها
وئام : لالا مب فاطمة مدري وش فيها متضايقة اما فاطمة طاح الحطب بينهم
حمد : صارت عاقلة ؟ الف مبروك
ضحكت فاطمة ونزلت نور وهي تصفق حمد
حمد : امزححححح
فاطمة : لا تتطاول على عمتها
حمد : آسف طيب
سعد : طيب هي بس متضايقة ؟
ليان : ماندري بنروح نشوفها
سعد : طمنوني بعدين
ليان : ان شاء الله يلا باي
راحو البنات للشاليه ودقو الباب ودخلو وشافو مناهل منسدحة بالكنب وفيصل يبكي
سارة : كل ذا الازعاج ما سمعته ؟
فاطمة : مناهلل ، مناهل
سكتو البنات بخوف و ارتاحو يوم شافو مناهل تقوم
مناهل : وش فيكم ؟
رهام : كل ذا نوم ؟
نزلت رأسها عشان ما يشوفون دموعها وقالت : غفيت
فاطمة : فيتس شي ؟
مناهل : انا ؟ لا مافيني وش بيكون فيني يا حسرة بطلع اتمشى عالبحر بس
دخلت وهي تأخذ فروة سعد ولبستها واخذت شماغه وهي تتلثم فيه واخذت عودها وطلعت تمشي قدام البحر
أنت تقرأ
لو قلت لقلبي توب عيني تكذبني
Romanceدخل الليث البيت والتعب لاعب فيه لعب رمى نفسه على الكنبة وهو يهف وجهه يبعد ريحة الدخان الليث : آسر تكفى وخر سكت آسر وهو يطلع زقارته الثانية ويحطها بشفايفه وياخذ الولاعة ويشغل الزقارة دخل ابو صقر وهو يقول : انا كم مرا اقول الزفت ذا لا تقربه ؟ آسر :...
