لو قلت لقلبي توب عيني تكذبني

الجزء السادس والثلاثين

صقر : الحين اكيد كلكم فيه ؟؟
ردو العيال كلهم ب " تم "
●
●
●
بيوم السفرة الفجر في بيت ابو صقر
بعد الصلاة ترتبو بالسيارات كالآتي :
السيارة الاولى : اللي يسوق جمال و جمبه ابوه و وراه امه و عمار و المرتبة اللي ورا يجلسون سارة وسلمى
السيارة الثانية : اللي يسوق ياسر و جمبه بدور وبحضنها فيصل
السيارة الثالثة : اللي يسوق احمد و جمبه اريج
السيارة الرابعة : اللي يسوق سلمان و جمبه ابوه و وراه امه و حمد وخولة و ليان
السيارة الخامسة : اللي يسوق ابو قصي و جمبه ام قصي و وراه فاطمة
السيارة السادسة : اللي يسوق بدر و جمبه ابوه و وراه امه و بندر
السيارة السابعة : اللي يسوق مشعل و جمبه ابوه و وراه امه ومشاعل
السيارة الثامنة : اللي يسوق ابو مرام و جمبه ام مرام و وراه هيام و وئام و رهام
السيارة التاسعة : اللي يسوق نايف و جمبه مرام
السيارة العاشرة : اللي يسوق نواف وجمبه ابوه و وراه امه و الهنوف و ريوف و نوف
السيارة 11 : اللي يسوق ماجد وجمبه ابوه و وراه امه ومجد وامجد
السيارة 12 : اللي يسوق سعد وجمبه ابوه و وراه امه و نواهل و سعود
السيارة 13 : اللي يسوق فهد و جمبه كيان
السيارة 14 : اللي يسوق ذياب و جمبه ابوه و وراه امه ولين و ذيب
السيارة 15 : اللي يسوق صقر
السيارة 16 : اللي يسوق آسر
السيارة 17 : اللي يسوق الليث و جمبه مناهل و وراه مي

توكلو على الله وهم يمشون بهدوء تام
مناهل : لو سمحت ممكن اغاني ؟
الليث : امسكي
اخذت الجوال وهي تشغل اغاني وترقص وكل مابغت مي تتكلم تقاطعها ومي بتنفجر منها
مناهل : ليث حبيبيي
الليث : يا قلب الليث آمري
مناهل : جعت
الليث : ابشري الحين نوقف بقالة بطريقنا
مناهل : اوكي
مي : ليثي حبيبي وانا كمان ابي
الليث : حاضر من عيوني
وقف الليث بقالة وهو يمشي وقدامه مناهل ومي
جمال : الله يعينه
سلمان : محد قال له يتزوج الثانية
دخلو البقالة وهم يشوفونه مع مي وتارك مناهل لحالها ورجال قريب منها حيل
قرب آسر منه وهو يمسكه من ياقته ولكمه بوجهه
آسر : تنكسر يدك قبل لاتلمسها يا كلبب
مناهل بخوف قالت : لاا لا يا آسر لاااا
جاء الليث وقال : وش صار ؟
آسر : خلك يا رخمة ورا زوجتك وزوجتك ذيي جالسين يتحرشون بها
الليث : ليه ماتصارخين طيب ؟ صاحية انتي ؟؟
تجمعت دموعها بمحاجرها وقالت : خفت طيب
آسر : الحين هي الغلطانة انها ما صارخت ولا انت اللي ساحب عليها وتاركها ؟؟
الليث : لا تتدخل يا آسر عشان ماتزعل
آسر : ماعليك كلافة زعلي اصلا
طلع آسر بغضب وقال الليث : جاتس شي ؟ تعورتي ؟
عطته ظهرها وهي تتركه وركبت سيارة اخوانها وقالت : بجي معكم طفشت هناك وجيت بسولف معك
نواهل : صار شي ؟
مناهل : لا وش بيصير معي يعني ؟ المهم انا بنام والله داايخة صحوني اذا وصلنا
سعد : ناوية تدعسينها نومة لين نوصل يعني ؟ بعدين ترا بتروحين شاليه مع زوجك
مناهل : لا ابيكم تحسبوني معكم انتو ابي ارجع لحياة العزوبية
( همست وقالت ) قريب ان شاء الله
انسدحت وهي تحط رأسها على رجول سعود وفكت طرحتها وهو يلعب بشعرها
جاء الليث وقال : حرمتي عندكم ؟
سعود : اي
الليث : قولها تنزل يلا ماشين
سعود : بتجلس عندنا
الليث : ليه ؟ تونا ببداية الطريق ، مناهل تجين معي ؟
مناهل : بقعد عند ابوي
الليث : اللي يريحتس
مشى الليث وهو ضايق منها بس ما اهتم وركب سيارته وكملو طريقهم
ابو فهد : انت وش فيك تنافخ على الرجال ؟
سعود : يحمد ربه اني ماتوطيت ببطنه يا يبه ذا مب رجال
ابو فهد بحدة : سعوود
نواهل : يبه سعود مايقول شي غلط
ام فهد : وانتي تسمعينهم يتكلمون على زوجك وساكتة ؟
مناهل : لهم الحق يا يمه ، ابي انام
بعد ما وصلو الشرقية استأجرو منتجع كبير لهم كلهم بس كل واحد وعائلته
الليث : ياعمي بتجي مناهل معنا ؟
ابو فهد : والله مدري دخلت مع نواهل تقول بتقعد عندنا
الليث : سلامات فيها شي ؟
مشى آسر من عنده والزقارة بفمه وقال بهمس : بجيح لك عين تسأل ؟
لف الليث وهو يطالع آسر و وسع عيونه وقال : علامه قالب علي ذا من يوم اعرست ؟
دخل الليث الشاليه وهو يشوف مي لابسة طقم قصير ومنسدحة على الكنب
الليث : تعبانة ؟
مي : اووووه وحيل بعد
الليث : تمام وش ودتس تتعشين ؟
قامت مي وهي تحاوط رقبته وقالت : وش فيك ؟
الليث : ابد مافيه شي ، وعلى طاري العشاء ترا الاهل بيجتمعون كلهم ويتعشون سوا تبين نتعشى معهم ؟ ولا لحالنا ؟
مي : لالا نتعشى معهم
الليث : زين يلا البسي وانا احتريتس هنا
مي : تمام
طلعت مي وهي تلبس ونزلت وطلعو للحديقة وجلسو العيال والرجال والحريم اما البنات يجهزون العشاء
ريوف : كسر يكسرهم حتى احنا تونا واصلين وتعبانين
سلمى : مافيهم واحد يرحم
رهام : يارب يفطسون بأماكنهم
الهنوف : يارب
رفع ماجد صوته وقال : العشاء يا بنااتت
الهنوف : اسكتتتت
ماجد : العشاء لا اصفقك
الهنوف : ورب الكعبة ما اجيب شي موت
قام ماجد وهو يتوجهه لهم وقال : تعاندين مين انتي ؟
الهنوف : انت ، وش بتسوي ؟
ماجد : بصفقك يا الهنوف
الهنوف : تهدد انت ؟
نواف : ماتستحي انت تهدد اختي قدامنا ؟
نايف : قليل خاتمة
ماجد : يا رجال وخر لا افرشك جب العشاء
وقفت الهنوف وهي تاخذ الصحن وتوديه يمين ويسار و ماجد معصب
ماجد : بزر انتي ؟؟
ضحكت الهنوف وهي تعطيه وقالت : يلا سم الهاري بالعافية
ضحك ماجد وقال : معوقة
اخذ الصحن ومشى للعيال ، جلسو كلهم جمب بعض و الليث جلس جمب مي و مناهل جلست جمب سعود ونواهل
مي : يلا حبيبي كل
الليث : مو قدامهم يا مي
مي : ترا زوجي انت
ابتسم الليث وهو يمسك يدها ويأكل اللقمة اللي كانت بتعطيه اياها
، كانو كلهم يطالعونه بقرف وهو مبسوط
رفعت عيونها وهي تطالع جرائتهم ومبتسمين وشاقين الوجه بعد
مناهل بهمس : قليلين حياا
سعود بنفس الهمس : عز الله انك صادقة
رفع آسر صوته وقال : اووه عرفنا انك تعرفين تأكلين رجلتس يلا خليه ياكل من نفسه و كلي بلا قلة ادب سوو كذا بغرفتكم
الليث : سلامات انت ؟ وش رافع ضغطك وحارق دمك منقهر لانك مب متزوج من يوم تزوجتها وانت حاط دوبك دوبي اسوي اللي ابي لاتدخل عمرك بتزعل يا آسر
آسر : تركت بها زعل انت ؟
وقفت مناهل وهي تنفض يدينها
ابو ماجد : على وين يا بنيتي تو تجلسين
مناهل : شبعت الحمدلله
ابو فهد : وين بتروحين ؟
مناهل : بطلع للسطح
مشت وهي تتركهم وسعود و نواهل حاقدين على الليث بينفجرون والكل يطالع الشرار والحقد اللي يطلع من عيونهم له
سعود : عسى تنسد نفس اللي سد نفسك يا مناهل
وقف سعود ورفعت نواهل يدها ومسكها سعود وهو يسحبها ومشو
فهد : سعود و نواهل شايفين شي على الليث و حاقدين عليه
سعد : تركونا زينا زي البهايم هنا ماندري عن شي
فهد : اصلا غريبة سعود يدري وساكت ماعلمنا
سعد : اكيد نواهل ماسكته من رقبته
ضحك فهد وهو يشوف نايف يتهاوش مع مرام عشان تأكل
ابو مرام : يا بنيتي انتي ببطنتس ضنا
مرام : يا يبه جالس يجيبلي فواكه وخضروات وش ابي انا بذول ؟
نايف : تبي تاكل تراب ياعمي تقول تبي تراب من وين اجيبلها تراب انا ؟
ابو نايف : التراب يا تراب متواجد بكل مكان تقلع لاترجع الا ومعك تراب قم
قام نايف وهو يضحك بقلة حيلة والعيال يضحكون عليه
ياسر : بدور ماسوت كذا
بدور : بيجي نفر قريب وبنوريك
ياسر : الله يستر اجل
بعد ما خلصو يتعشون كل واحد دخل شاليهه ونامو
●
●
●
اليوم الثاني الساعة 7:00 بالليل
اجتمعو الرجال كلهم وهم يصلون العشاء وبعد ماخلصو دخلو الرجال للمجلس والعيال والبنات جلسو بالحديقة
فهد : بنلعب لعبة يا شباب
عمار : وش لعبته ؟ بزر انت
فهد : انت اسكت مابنلعب غميضة ولا طاق طاقية انثبر واسكت ، اللعبة هي عبارة عن علبتين كل علبة فيه اسماءنا كلنا العلبة الاولى رح نسحب منها اسم وصاحب الاسم عنده السؤال ونسحب اسم ثاني من العلبة الثانية وصاحب الاسم عنده الجواب
هيام : سؤال من عندك ولا ؟
فهد : لالا اللي بخاطركم اسألوه
تحمسو كلهم وهم يشوفون فهد يسجل الاسماء
فهد : يلا خلصنا
دخل يده بالعلبة وهو يحرك الاسماء وسحب الاسم
فهد : السؤال عندد جمال
ضحك جمال بخباثة وقال : العب ، اللي بعده
فهد : الجواب عند عمار
عمار : عمى ان شاء الله احسب بتسألني وحدة من البنات جايبلي السلقة ذا مابي العب
جمال : حتى انا متوقع اني بسأل صقر ولا آسر جبتولي الرخمة ذا ؟ انسحب
ضحكو عليهم وقال فهد : يلا اسأله
جمال : ماعندي سؤال له
صقر : حاط عينك علي انا وآسر وجابلك ربي عمار
ضحك جمال وقال : بجيك بجيك ، والله ماعندي سؤال لعمار عشان كذا مسموح
عمار : غصب عنك اصلا
جمال : لا تخليني اسألك سؤال كلب يخليك تجيب العيد وربعه
عمار : شش
فهد : يلا الحين الثنائي الثاني السؤال عند آسر
دخل يده وهو يشوف الاسم وقال : الجواب عند مناهل
لف الليث رأسه وهو يشوف آسر
الليث : حرمتي انا اسألها
سعود : اسأل يا آسر
آسر : انتي شايلة بقلبك على احد ولا لا ؟
سكتت مناهل وهي تلف علبة الكودرد وتطالع العشب وقالت : انا ماني شايلة بخاطري على احد ولا رح اشيل
ابتسم الليث باطمئنان
مناهل : لكن شايلة بقلبي على موقف انحطيت فيه محد يحسدني عليه انكسرت كسرة شينة لكن اللي كسرني يمين الله اني لا اكسره كسر اعظم من كسري وبخليه يبكي دمم
وقتها حس الليث بخوف من شاف ملامح الجدية بوجهها
لفو كلهم وهم يطالعون مي والليث
مناهل : وش فيكم تطالعونهم كذا ترا ما اقصد لا الليث ولا مي 
سكتو العيال من حسو الجو بدأ يخرب و دخلت التهديدات فيه والدق والتنغيز بالكلام
رفع صقر رأسه وهو يطالع فهد وفهد فهم عليه
دخل يده بالعلبة وسحب ورقة فيها خط احمر بمعنى ان الورقة فيها اسم صقر و دخل يده بالعلبة الثانية وطلع ورقة فيها خط ازرق بمعنى ان الورقة فيها اسم نواهل
فهد : السؤال عند الاستاذ صقر والجواب عند الاخت نواهل
قام سعود وهو يوقف قدام نواهل ويمد يده وقال : قومي
نواهل : خير ؟ وش تبون مني ؟؟ وخرو عني
ضحك سعود وقال : تحركي يلا
مسكت يده وهي توقف وشافت سعود يتركها وجلس مكانه
لفت رأسها وهي تشوف سعد يضحك ويرمي شي صغير لصقر
نواهل : وش فيه ؟
مسك صقر العلبة و وقف ومشى متوجه لنواهل وركع قدامها وقال : سؤالي
بلعت ريقها بخوف وقال صقر : تتزوجيني ؟
صفقو البنات والعيال يصفرون ويضحكون بحماس
ذياب : العب يحركات التركيينن
جلست نواهل تطالعه بصدمة وقالت : وش تقول ؟
صقر : ابن زايد جايتس على وجهه وميت فيتس ودي ماتكسرين بخاطري وتجاوبين ب ايه
لفت رأسها لليمين وهي تطالع مناهل تضحك وقالت بهمس : صقر مب تحس ان شوي بدري على نفسية مناهل
حست بيد تضرب راسها ولفت وشافت مناهل
مناهل : مالك دخل بنفسيتي قول ايه كلنا ندري انك متشققة عليه
ضحكو صقر و نواهل وقالت : يلا دامني مفضوحة خلها ايه ماتقعد بخاطرك
وقف صقر وقال : خلاص ماتنعطين وجه
ضحكت نواهل وقالت بهمس : ابي احضنك طيب
صقر : ياشيخة حسبي الله
قرب وهو يحضنها وفهد قال : يااا الطييبب تراك غلطاانن مب كذا الخطة
سعود : دامها خربانة خلها تخرب ، نواهل الفزعة
بعدت نواهل عن صقر وهي تمشي وجمبها سعود والعيال وراهم يبون يعرفون وش سالفتهم ، دخلو على الرجال وقال ابو بدر : سلامات ؟ عصابة ؟
رفعت نواهل رجلها وهي تسحب شماغ فهد و مناهل سحبت شماغ سعد و سعود مسك شماغه وقف هو ونواهل ومناهل وهم يرمون الشماغات عند رجل ابو صقر
سعود : طلبتك يا عمي زايد لا تردني
فزو العيال وهم يرفعون الشماغات ويردونها لهم
ابو صقر : والله انه تم ابشر باللي تبيه واعتبره جاك
نواهل : تكفى يا عمي خله يملك على لين الليلة
مناهل : ومع الطريق يملك صقر على نواهل
توسعت عيون الرجال وقال ابو ياسر : وش بلاكم انتم انهبلتو ؟
صقر : يا يبه تراني خاطب نواهل من ابوها وقلت بعلمكم بعد موافقتها
ابو صقر : يعني ؟
ابو فهد : افا يا ابو صقر ماتتشرف بنا ؟
ابو صقر : الا والله نتشرف بكم وانتم النعم فيكم بس استغربت
صقر : معليش يايبه بس مابغيت اخطب وترفضني وتكسرني قدامكم مب حلوة بحق ولد ال فيصل
لفت نواهل وهي تطالعه بطرف عين وكشت عليه وقالت بهمس : لو كسرتك بس واعلمك منهو ولد ال فيصل
سمعها آسر وضحك وقال لصقر بهمس : تقول لو كسرتك وتعلمك من ولد ال فيصل
ضحك صقر وقال : مهبولة والله تسويها
نواهل : وش قلت يا عمي ؟
صقر : يبه ترا نواهل بتخلينا مخطوبين 3 سنوات عشان اخوها يعني وافق عشان اتزوج بسرعة انا قبل لا اشيّب
ضحكت نواهل وقالت : يلا تكفى وافق
ابو صقر : الليلة ان ما جاء الشيخ مايملكون الا بعد 3 سنوات ومافي نقاش
رفع سعود ثوبه وهو يتلثم بشماغه و طيران يجيب شيخ .
ضحكو عليه كلهم ولحقوه سعد و فهد وصقر وآسر وذيب وذياب
ليان : اليوم عندنا عرسين ؟
سارة : يبيلنا نسوي حفلة حفلة
مناهل : معليكم كل شي يجي مضبوط
فاطمة : ابي احضر
مناهل : فاطمة تعالي شوي
قامو مناهل وفاطمة وراحو للمطبخ
مناهل : فيك شي ؟
فاطمة : ليه انتي شايفة ان فيني شي ؟
مناهل : ايه صايرة راكدة
فاطمة : مناهل انا آسفة عن كل شي كنت اقوله لتس مرا آسفة والله ودي ماتشيلين بخاطرتس علي وارتحت يوم سألتس آسر وقلتي انتس مب شايلة بخاطرتس علي خلي عقلتس اكبر مني وسامحيني
ابتسمت مناهل وقالت : ما يناسبك الادب ابد مارح اتعود عليك
ضحكت فاطمة : ماعليتس بقعد مثل ما انا بس برضاتس
ضحكت مناهل وقالت : اذا كذا موافقة ، يلا امشي نطلع
فاطمة : اسمعي
مناهل : وش ؟
فاطمة : امي للحين حاقدة عليتس لاتحطينها ببالتس
مناهل : ماعليك امشي يلا
طلعو للحوش وجلسو وهم يسولفون مع بعض وشوي شوي صارو يتقبلون فاطمة اما مي مطنشينها كأنها مب فيه والعيال جالسين بعيد عنهم
بدر : شف كيف مطنشين زوجة ليث
مشعل : وجودها بينهم غلط اصلا
سلمان : منجد حتى فطيم فطيم تقبلوها بينهم بس هي ابد
جمال : اصبرو ويحبونها مثل ماحبو فطيم
سمعو صوت صراخ سعد وسعود وفهد وذيب وذياب و اصوات البواري وطلعو العيال كلهم وهم يشوفون سعود واقف فوق السيارة ويرقص
سعد : جيتك يا حرمي جيتكك
بغى سعود ينزل لكن التوت رجله وطاح للارض
حمد : الله واكبر المعرس انصااابب انصابب
ضحكو سعد وفهد وهم يرفعونه وما كانو مركزين عليه انه يتألم وبقوة
فهد : حسبي الله على بنت زايد
سعود بهمس : فهد رجليي يا فهد رجلي
ارتسمت ملامح الخوف بوجه فهد وقال : منجدك انت ؟
سعود : والله رجلي يا فهد
فهد بصوت عالي : السيارة يا سعدد مايستهبل رجلههه
فزو العيال وهم يرفعونه للسيارة وراحو للمستشفى
ماجد : آثار الفرحة
نايف : كله بسبب بنت اللذين اللي اشغلت عمره
ذياب : وش دخل اختي هو مرجوج مايعرف يتحرك
طلع الدكتور وقال : التواء بسيط تجبّس ومافيه الا العافية
طلع سعود وهو ماسك عكازتين ورجله مجبسة
ضحك مجد وقال : الحمدلله على السلامة
سعود : الشيخ الشيخخ
فهد : باقي العيال عنده يصرفونه لين نرجع
سعود : امش يلا يلا
مشو وراه وركبو السيارة ورجعو للشاليه
ابو فهد : مهبول انت ماتعرف تمشي ؟ صاحي انتت ؟؟
سعود : كنت فرحان يبه
ابو صقر : الله يصلحك بس ، بخلي بنتي عندك انت ؟
سعود : ياعمي والله اني بصير عاقل تكفى لاتكنسل
ضحك ابو صقر وقال : طيب يلا تعال
بصّمو سعود وصقر واخذو الكتاب ل لين و نواهل
لين : حماااااسسس
اريج : قليلة ادب احترمي امي طيب
لين : بيصير حقي
وقعت لين وهي تطلع بسرعة وقال : ذيب وينه سعود ؟
ذيب : كان فوق السيارة مبسوط وطاح وانكسرت رجله معد يقدر يجي يشوفتس
جاء سعود من ورا وهو يمشي ببطى وقال : بكسر رأسك يا كذاب مب مكسورة ولا شي كله التواء
راحت له لين وقالت : بسم الله عليك جعله ب لين ولا فيك
رفع يده وهو يحاوط خصرها وقربها لحضنه وقال : لعد تعيدين هالكلام تسمعين ؟
ذياب : يا حبيبي في مجلس في غرف مب قدام الملأ
سعود : زوجتي استحي منكم ليه ؟
لين : اي صار رجلي
ذيب : والله مغسول وجهها بمرق والله
ضحك سعود وقال : منقهر منقهر
ضحكت لين وهي ترفع يد سعود وتحطها على كتفها وقالت : استند علي
سعود : يا زينك بس اقول فكي لا افطسك
لين : اقول لا يكثر
جاء صقر وقال بصوت جهوري : زوجتي وينها ؟
طلعت نواهل وقالت : هناا
مشت له و وقفت قدامه وقالت : سم ؟
صقر : معد فيه رسميات الحين زوجتس انا
ابتسمت وقالت : اوكي
صقر : الحين ينفع ندخل لحالنا ؟
نواهل : مدري بستأذن من فهد
مسك يدها وهو يبوس باطنها وقال : معد فيه شي اسمه بستأذن من فهد امشي
ابتسمت وهي تمشي جمبه ودخلو للمجلس

الحين نروح للثنائيين
اول ثنائي ( احمد و أريج )
احمد : وين تبين ؟
اريج : اي مكان ابي اشتري شي حلو يليق بمقامي كوني حرم احمد
ضحك احمد وقال : اي شي تلبسينه لو انه خيشة يطلع يجنن ويليق بمقامتس كونتس حبيبة احمد
اريج : حمود بس
احمد : يا قلب حمود انتي
جلست قدامه وهي تتربع وقالت : احمد
احمد : لبيه يا حبيبي آمري
ابتسمت اريج وهي تطالعه حاط يده على خده ويطالعها وهايم فيها
وقالت : طيب لا تطالعني كذا عشان اقدر اسولف
احمد : انا اناني حتى بالوقت ابي كل الوقت لي عشان اتأملتس فيه
ضحكت بخجل من كلامه وقالت : بسكت كذا والله ومعد بعرف اتكلم
احمد : تمام تمام بسكت قولي وش تآمرين عليه
رفعت راسها وهي تطالع عيونه وخدرته وابتسم من حس بشفايفها تطبع بوسة على خده قريب من شفايفه
احمد : وش تبين تسوين فيني انتي ؟
اريج : مابي شي ، ابيك انت
ضحك وهو يقربها لحضنه ودفن وجهه بعنقها وباسها
●
●
●
عند الثنائي الثاني ( ياسر و بدور )
بدور : ياسر الحين انا امسكه ولا امسكك ؟ يعني اصبر يهجد بعدين نتناقش
ياسر : ابيتس انا زوجتي انتي ابيتس تفهمين ؟
بدور : تمام يابعد عيني بس خلّه ينام وابشر وربي
ياسر : جالس ياخذتس مني الورع ذا والله ارميه بالشارع
سمعو صوت دق الباب وقال ياسر : يلا هذا اللي كان ناقص
قام وهو يتأفف وفتح الباب وشاف مناهل ، ابتسم وقال : هلا والله تعالي ادخلي انا طالع للعيال
مناهل : لالا انا مب جاية ادخل انا جيت اخذ فيصل ابيه اشتقتله
ياسر : احلفي ؟؟
مناهل : اي والله
ياسر : الله يسعدتس دنيا وآخرة يا شيخة الآن اجيبه وخذيه ولعد ترجعيه
ضحكت مناهل وقالت : تمام يلا لا تطول
دخل ياسر وقال : تعال يا غثيث تعال
بدور : وين بتاخذ ولدي ؟
ياسر : برميه بالشارع قلت
بدور : مريييضض وخر عن ولدي لا تمسكه
ضحك ياسر وقال : جيبيه مناهل تبيه برا
بدور : ربي عتقك يعني ؟
ياسر : اي والله البنت ذي نعمة وخير للعايلة كلها
بدور : تمام انا بأخذه
ياسر : طيب
قامت بدور وهي تحط شيلتها على رأسها واخذت فيصل وراحت لمناهل وقالت : متأكدة تاخذينه ؟ بيوجع راستس وماودي اشغلتس
مناهل : لا والله عادي اصلا ماعندي شي ابوي عند الرجال و امي عند الحريم وفهد عند زوجته و سعود عند زوجته و سعد عند العيال و نواهل عند زوجها مافي الا انا بالشاليه لحالي
بدور : ليه ماتروحين لزوجتس ؟
مناهل : لاهي مع مي
بدور : يا قلبي عليتس يا مناهل ، طيب ادخلي معي نسولف
مناهل : لا والله ادخلي عند زوجك انتي واضح من فرحته يعاني من فيصل
ضحكت بدور وقالت : معليتس فيه يبالغ والله
مناهل : لا تكثرين حكي جيبيه يلا
اخذت مناهل فيصل وقالت بدور : البنات وينهم ؟
مناهل : بالمجلس كلهم تحت بس مب كلهم كلهم
بدور : مين يعني ؟
مناهل : مشاعل و فاطمة و هيام و وئام و رهام و الهنوف و ريوف و نوف و سارة و سلمى وخولة وليان بس و نور موجودة مع فاطمة
بدور : وانتي ليه ماتقعدين معهم ؟
بلعت ريقها وهي تبي تخفي صوتها الباكي وقالت : ابي اقعد لحالي
بدور : مناهل متأكدة مافيتس شي ؟ بكيتي انتي ؟
نزلت دموع مناهل وقالت : يلا انا بمشي توصين شي ؟ من وجهك واضح ماتبين شي مع السلامة
مشت مناهل وتركت بدور ، تنهدت بدور بضيقة على حالها وسكرت الباب ودخلت
ياسر : وش فيتس ؟
بدور : مناهل
ياسر : علامها ؟
بدور : يا عيوني هي سألتها بكيتي قامت تبكي الله يهدي الليث بس ويسامحه كسرها كسر مب هيّن
ياسر : سامعه تهديدها انتي ؟ والله بيروح فيها وما بيفزعله لا صقر ولا آسر اللي كان يحتزم فيهم
بدور : الله يقوي قلبها يارب
ياسر : الحين ممكن تلتفتي لي ؟
ضحكت بدور وهي تبوس لحيته وقالت : كلٍ على همه سرا
ضحك ياسر وقال : ابي وجه طيب ماصرّفت فصول عشان تطلعي لي بسالفة مناهل
بدور : تمام تمام