في المستودع
جلال : في سيارات كفراتها ما تبنشرت
عصام : شيله
تجمعو العيال يشيلون آسر و ركبو السيارة و طيران للمستشفى
ذيب : دخلهه بسرعههه
اخذوه الطوارئ ودخلو العناية المركزة
دق ذياب على ابوه
ذياب : يبه آسر تصاوب
ابو صقر : صادق ؟؟
ذياب : اي احنا بمستشفى *****
ابو صقر : جايينكم الان
نص ساعة و وصل ابو صقر و معه ام صقر و كيان ولين
ام صقر : يا حسرتي وليديي بيروح مني
كيان : يمه مافيه الا الخير ان شاء الله
طلع الدكتور وهو يمسح عرق جبينه وقال : المريضض رافض رفض تام نسوي له بنج ومارح نقدر نطلع الرصاصة وهو يتألم
ابو صقر : شلون مارضى تسون له بنج ؟
الدكتور : والله يقاومنا مراا اذا احد فيكم يقدر يقنعه يتفضل
لين : مناهل مناهل تقدرله
ذيب : بروح اجيبها
●
●
●
في بيت آسر
كانت قاعدة بالحوش تشرب قهوة
مناهل : ياشينهه هو وشغله طول مراا
سمعت دق الباب بقوة وراحت بخوف وقالت : مينن ؟
ذيب : البسي يا مناهلل بسرعة
مناهل : وش فيه ؟؟؟
ذيب : البسي عبايتتس وامشييي
راحت ركض تلبس عبايتها وطلعت له
مناهل : وش فيك ؟
ركب السيارة وهي ركبت وراه و حركو للمستشفى وهي انخرشت
ذيب : ادخلي
دخلو المستشفى وراحو لغرفة عمليات آسر
الدكتور : اسمعيني هو داخل والرصاصة برجله لازم نطلعها مارح نقدر نشتغل بدون بنج لأنه رح يتألم ورح يوترنا اذا تقدرين تقنعينه ساعدينا
مناهل : تمام
دخلت مناهل عند آسر وشافه يتعصر ألم بس مايبي يوضح لأحد
مناهل : آسرر
مسك يدها بقوة آلمتها وقال : اطلعيي
مناهل : تكفى خلهم يسوون لك
آسر : بياخذوني زي ما اخذو منيرة ما ابي اخليتسس
مناهل : مارح ياخذونكك
آسر : ان كنتي تغليني خليهم يطلعونها بدون بنجج
مناهل : آسر الله يخليك
شد على اسنانه وقال : مناههللللل
تركت يده وطلعت وقالت : وش سالفة منيرة ذي ؟
الليث : ذي اختي الكبيرة اكبر من صقر وقت ولادتها زاد عليهم البنج و توفت ومن وقتها آسر يخاف من البنج
مناهل : طيب انا بتحمل المسؤولية سووله بدون بنج وبكون معكم داخل
الدكتور : صعب عليك وعليه وعلينا
ام صقر : وش تبين تعذبين وليدي انتي ؟
مناهل : اتركيني اتصرف يا خالة يتألم شوي ولا يقعد يتألم طول الوقت
ابو صقر : سم بالله يا دكتور
دخل الدكتور ومعه مناهل
كانو اثنين ممرضين واحد ماسك قدم آسر والثاني من فخذه و مناهل حاضنته وهو ماسك يدها و دافن وجهه بخصرها ويتعرق من الالم
كان الدكتور يتجهز والمساعد حقه يعقم الادوات
الدكتور : بسم الله
مسك الدكتور رجله وبدا يعقمها وآسر يشد على مناهل اكثر
مناهل : شوي ونخلص يا آسر بس شويي
بدأ الدكتور يدخل الملقط عشان يلقط الرصاصة وبكل مرا تتحرك الرصاصة يعلى صراخ آسر ومناهل تشد عليه وتبكيي
الدكتور : ماشش ما اقدر يتحركك وصراخه يوترر والرصاصة تتحرك واجدد
مناهل : تكفى حاول الله يخليك حاول
بلع الدكتور ريقه والممرضين شدو على آسر عشان مايتحرك
●
●
●
كانو واقفين يسمعون صراخ آسر
ام صقر : حسبي الله عليها تبي تذبح وليدي تبي تعذبه وهو عايش
الليث : يا يمه بتعذبه ليش هو كذا كذا رافض
ابو صقر : تتحسبين عليها ليه هذا جزاتها داخله معه
كيان : يبه زوجها غصب عنها تدخل معه
ذيب : صوتهههه يوجععع يسون له بنج بدون لا يحسس
ذياب : ايهه كذا مارح يخلصون
لين : اركدو شوي و ان شاء الله مارح يحصل الا كل خير
●
●
●
بغرفة العمليات
الدكتور : الحمدلله
مناهل : خلاص ؟؟
الدكتور : بس نعقمه و نحط الشاش
مناهل : تمام
كان آسر مغمى عليه من التعب ومناهل من زود الخوف تعبت اكثر منه لين خلصو اغمى عليها
الدكتور : انقلوهم للغرفة الثانية
اخذوهم الممرضين وطلعو
ابو صقر : سلامتهم ؟ وش جاها ؟
الدكتور : توترت و شد عليها مرا واتعبها يعني تألمت معه ومن الخوف اغمى عليها اما هو من الالم طبيعي يغمى عليه شوي ويصحون
نقلوهم للغرفة
كان آسر بالسرير و اهله حوله ومناهل جمبه بالسرير الثاني لكن لين وذيب مغطين عليه مايقدر يشوفها
فتح عيونه وقعد يطالع فيهم
ام صقر : بسم الله عليك يا وليدي
آسر : مافيني الا العافية يا يمه
ابو صقر : خطاك السوء
آسر : خطاك اللاش
عقد حواجبه وهو يدورها بعيونه وقال : وين مناهل ؟
ذياب : اغمى عليها
بعدت لين وشافها آسر وقال بقلبه : بسم الله عليتس ياعين آسر
قعدو يتحمدون له بالسلامة و يسولفون معه لين قامت مناهل
فجر : الحمدلله عالسلامة
مناهل : الله يسل
فزت وقالت : ليهه طلعتونيي ؟؟ قاعدين يوجعون آسر هناككك انا ليهه هنناااا
مسكتها فجر وقالت : اهجدي آسر مافيه الا العافية
مناهل : وش من عافية يافجر وخري عنيي
لين : رجلتس هنا
طالع فيها آسر وهو مبتسم وهي زفرت براحة وسرعان ما فكت الابرة الفراشة عن يدها وهم يطالعون فيها وقالت : آسرر يا آسرر
مشت له وهم يطالعونها مصدومين وشافوها توخر عنه البطانية وقالت : رجلكك تكفى ركز شوي بس شوي
كان الليث يطالع فيها شلون مهتمة فيه وقلبه موجعه حيلل حيل
ابو صقر : رح ناد الدكتور
طلع ذياب ينادي الدكتور و مناهل تفك له الشاش بحكم انها طالبة طب عندها خبرة شوي و آسر و الليث يتأملونها
آسر بهمس : خلاص ارجعي سريرتس حتى انتي تعبانة
رفعت راسها و وسعت عيونها وهي تطالعه وهو لف للجهة الثانية وضحك وقالت بهمس : اسكتتت
رفع يده وهو يمسح حواجبه ويضحك بخفوت
كان الليث ملاحظ انهم يتكلمون بالهمس بس مو مركز وش يقولون بالضبط
الليث بقلبه : انا غلطان يوم خليته يتزوجها ؟؟ وش سويت يا ليثث
دخل الدكتور و بعدت مناهل عنه وقعد يعقم لآسر الجرح
الدكتور : اي شد رح تتعرض له رجلك او اي جهد بهالفترة رح يصير نزيف على طول حاول ماتجهدها ، هذي زوجتك صح ؟
( يقصد مناهل )
آسر : ايه
الدكتور : تمام انا بعطيها مطهر و بعلمها شلون تنظف الجرح كل ما نزفت لأن واضح من فكها للشاش انها تعرف
ذياب : ايه طالبة طب هي
الدكتور : حلو هالشي مريح جدا يعني ماينخاف عليه نخليه عندنا
24 ساعة وبعدها يقدر يطلع
ابو صقر : طيب وهي ؟
الدكتور : هي الله يصلحها فكت المغذي قبل لا يخلص ويدها تنزف ومحد منتبه يعني هي بتنتبه عليه هي مين ينتبه عليها ؟
ضحكت لين وقالت : بزرة ذي
مناهل : شدعوه اعرف ادبر اموري انا
الدكتور : لازم تنتبهين على نفسك لان فيك شوي ارهاق ترا تهتمين فيه بس ماتهملين نفسك
رفع آسر حواجبه من حس اهتمام الدكتور الزايد وقال : مشكور اخوي ماتقصر
الدكتور : انا بكتب علاجاتك وعلاجها وانتو استريحو
فجر : سو لها المغذي
رجعت مناهل لسريرها والدكتور قرب منها و قعد يسوي لها الابرة وعيون آسر والليث عليها شوي وتطلع من مكانها
الدكتور : خلاص تخلص مغذيتها تقدر تطلع
مناهل : طيب انت قلت بيقعد 24 ساعة ؟
الدكتور : ايه
مناهل : انا برافقه
الليث : انا بقعد معه
الدكتور : افضل انه يقعد معه رجال عشان يقدر يحركه اذا بغى الحمام او شي
مناهل : بقدر احركه انا بجيب كرسي بجيب ممرض انا بدبر اموري
الدكتور : طيب
ابتسم آسر وهو كان يبيها تقعد
ابو صقر : زين احنا نستأذنكم وان احتجتو شي دقو بنجيكم باكر ناخذكم
آسر : ان شاء الله
الليث : الحمدلله على سلامتكم مرا ثانية
رفعت مناهل عيونها وشافت عيون الليث ونزلت رأسها على طول
الليث بقلبه : كانت بحضنك والحين تنزل عينها عنكك
طلع وهو ضايقة فيه الوسيعة وفجر ملاحظة عليه بس ساكتة
آسر : تعبتتس ؟
مناهل : ان كان تعبي يريحك خليني تعبانة
آسر : تعالي جمبي
قامت وجلست جمبه
●
●
●
في الطايف
ابو نايف : يقولون آسر تصاوب
ابو فهد : ايه بس الحين طلع و صار بخير
سعد : شلون تصاوب ؟
فهد : كان عنده مهمة مداهمة على مروجين مخدرات بس الحمدلله جت برجله مو بمكان ثاني
نايف : ومحد جاه شي ؟
سعود : لا بس هو لأنه كان واقف قدامهم بالضبط
نواف : ياخي الرجال ذي يعجبني مراا ما يخاف ابد
سعد : ايه ما شاء الله عليه
ابو ماجد : طيب و مناهل تعبت معه ليه ؟
صقر : كان معنا اخت اكبر مني اسمها منيرة متزوجة و وقت ولادتها زاد البنج وماتت ومن بعدها آسر صار يخاف من البنج ويوم جو يطلعون له الرصاصة مارضى يسوون له بنج و دخلت مناهل معه و مع صراخه و توتر الدكتور والضغط خافت و اغمى عليها
مجد : شلون قدرت تدخل معه ؟
صقر : الدكتور سمح لها من بعد ما قالت لهم تتحمل المسؤولية وطلبت يسوون العملية بدون بنج
فهد : مناهل تخاف من ورقة شلون تحملت صراخه
صقر : كانت تبكي يقولون
سعود : اعرفها خيتي قلبها رهيف
فهد : اي رهيف كنتو تصفقون حمادة واخته
ضحك سعود وقال : يوه من زمان عنهم
فهد : ما سلمو منكم حسبي الله
سعود : كنا نتونس فيهم بس خلاص تزوجنا تغير الوضع
●
●
●
عند الحريم
ام فهد : دقي على اختك شوفي كيفها
نواهل : دقيت ماترد رجعت دقيت على لين قالت انها نست جوالها ببيتها وهي بالمستشفى مع آسر
ام نايف : ان شاء الله مافيهم الا العافية
ام ماجد : قومي صبي قهوة يا بنيتي
قامت رهام تصب قهوة للحريم والبنات وقعدو يسولفون
●
●
●
بعد مرور اسبوعين
أنت تقرأ
لو قلت لقلبي توب عيني تكذبني
Romanceدخل الليث البيت والتعب لاعب فيه لعب رمى نفسه على الكنبة وهو يهف وجهه يبعد ريحة الدخان الليث : آسر تكفى وخر سكت آسر وهو يطلع زقارته الثانية ويحطها بشفايفه وياخذ الولاعة ويشغل الزقارة دخل ابو صقر وهو يقول : انا كم مرا اقول الزفت ذا لا تقربه ؟ آسر :...
