لو قلت لقلبي توب عيني تكذبني

الجزء الواحد والخمسين

يوم الجمعة الساعة 11:00 صباحاً
في بيت الليث
قامت مناهل من النوم تروشت و لبست لبس ناعم مرا و استشورت شعرها و رفعته ذيل حصان و سوت ميك اب يومي وتبخرت ونزلت وهي تشوف مي
مي : صح النوم
مناهل : ماتستاهلين ينقال لك صح بدنك بس يلا صح بدنك بدون نفس
مي : المفروض اموت ؟
مناهل : اخلاقك ونفسيتك ماش كل ذا عشان ليث نايم عند ندين الله يعينهم بس دام عينك عليهم ارتاحي ارتاحي شوي 24 ساعة نايمة معه اثقلي شوي
مي : مالك دخل حبيبتي اثقل ليه عشان يرميني مثل ما يرميك ؟ هذا انتي ماتخلينه ينام معك ورماك زيك الكلبة و تزوجني عليك
مناهل : طالعة منها انتي يعني ؟ ترا متزوج ندين عليك على فكرة يا حبيبتي وانا اذا ليث نام عندك او عند ندين اكون طبيعية مب زيك شوي وتتفجرين علينا ترا ذا مب حب ، ذا هوس هوس
مي : حتى هو مهووس فيني
رفعت مناهل صوتها وهي تضحك بصوت عالي ونزل الليث وقال : جعلها ضحكةٍ دايمة
مناهل : تدوم لي يا ابوو ولدي
ضحك الليث وهو يحاوطها من كتوفها ويبوسها من خدها وجلس جمب مي وهو يبوسها بخدها
الليث : وش سر الضحكة اللي واصلة آخر الشارع ؟
مناهل : ابد مي الله يسعدها قالت نكتة وضحكتني
ندين : ضحكينا معك
مناهل : لا تصيرين انتي حشرية مرا شي بيني وبين زوجة زوجي انتي داخلة خشمك معنا ليه ؟
مي : والله انك صادقة لقافة
الليث بحدة : بسسس
مي : ليث متى بترجع اليوم ؟ ما ابيك تتأخر علي اليوم يومي
ندين : ليوث انت قلتلي بتنام عندي ثلاثة ايام ورا بعض
مي : اقول لا يكثر يومي وش اللي ثلاثة ايام يومي يا ليث
الليث : لا معليتس بنام معتس اليوم
ندين : واناا
الليث : ندين حبيبتي يومها هي و انا امس نايم عندتس واليوم يوم مناهل ونمت عندتس ، بعدين انا بكون بالمكتب وبتأخر لين الليل اليوم
مناهل : ليه ؟
الليث : عندي قضية متعقدة شوي وبتأخر بها
مي : تمام انا مارح انام و بجلس انتظرك
الليث : لا نامي واذا جيت بصحيتس
مي : تمام
مناهل : ليوثي حبيبي وصلني عند اهلي
الليث : ليه ؟
مناهل : يوم جمعة والاهل كلهم بيجونا حتى اهلك
الليث : تمام
مناهل : وبقعد عندهم يومين
الليث : وشوله تقعدين يومين ؟
مناهل : الاخوان كلهم موجودين قلت اقعد معهم
الليث : بجيتس بعد الدوام
مناهل : لييثث
الليث : بشتاقلتس مقدر
مناهل : عادي اشتاق لي ليه ماتشتاق لي
الليث : مناهل حبيبي لا
مناهل : افففف
ضربت رجلها بالارض بحلطمة وراحت تلبس عبايتها وكالعادة ندين ومي يدعون عليها ويدعون على بعض
الليث : يلا انتبهو على انفسكم
قربت ندين وهي تبوسه بخده و مي تبوسه من شفايفه ومناهل تطالعهم بطرف عين وتنتظره عند الباب
مناهل : اذا خلصت تبويس وصلني لاهلي
ضحك وهو يمشي وطلعو وركبو السيارة وحركو
●
●
●
في بيت قصي
كان جالس ومنسدح على الكنب وهو شايل هم كل شي ، هم بنته وهم قلبه اللي مايدري هو اللي كسره و لا عبير اللي كسرته ، اطلق تنهيدة طويلة وسحب جواله وهو يشوف اسمها ومايدري وش يسوي
قصي : يارب
لف وهو يطالع نور اللي كانت ترسم وقام وهو يطالع رسمتها وابتسم وقال بحنية : وش ذا ؟
نور : انا وانت
قصي : ومين هذا اللي واقف لحاله ؟
نور : ماما
قصي : ليه واقفة لحالها ؟
نور : لأن يوم رحت عندها قالت لي انها جالسة لحالها ومحد جمبها واحنا تركناها وهي صارت زعلانة ومتضايقة دايم
قصي : تبين نروح لماما ؟
رفعت رأسها وهي تطالع ابوها وقالت : صدق ؟
قصي : ايه يلا تعالي نلبس
قام يروش نور ويلبسها وتروش ولبس ثوب وتشخص و ترسم وتعطر وتبخر و بخّر بنته معه وركبو السيارة وحركو
قصي : شوفي يا بابا انا بدق على ماما وانتي كلميها
نور : طيب
قصي : تقولين لها يا ماما تجهزي بابا جاي يكلمتس
نور : طيب
اخذ جواله وهو يدق على عبير و حط سبيكر
نور : مامااا
عبير : هلا امي هلا حبيبتي ، اشتقتلتس يا ماما
نور : وانا بعد اشتقتلتس وبابا اشتاق لتس
وسع عيونه بصدمة وقال بهمس : لاااا يا نوور
نور : ماما تجهزي بابا بيجي يكلمتس
عبير : حاضر من عيوني وانتي بتجين معه ؟ عشان اشوفتس واحضنتس
نور : ايه انا اول وحدة
عبير : زين لاتطولين شريت لتس العاب واجدة
نور : وانا شريت لتس هدية
عبير : يلا احتريتس
نور : احبتس
عبير : وانا اموت فيتس
نور : حتى بابا يحبتس
ضحكت عبير وقالت : وانا والله اعشق ابوتس مب بس احبه لكن الله يهدي الانفس ، يلا يا ماما يلا لاتطولين علي و بابا بوسيه بخده طيب ؟
نور : حاضر
قفلت نور وهي تبوس ابوها بخده وقصي ضحك
نور : يلا نروح نشتري لماما هدية
قصي : ابشري
راحو لمحل الذهب واشترى لها طقم ذهب و بوكيه ورد وراحو لبيت ابو عبير
ابو عبير : حي الله من جانا
قصي : الله يحيك ويبقيك يا عمي
ابو عبير : تعال تفضل
دخل قصي المجلس وبنته شايلة البوكيه الورد وقالت : جدو ماما وين ؟
عامر : وش عليتس يالملقوفة
نور : بابا يبيها
تفشل قصي وضحك عامر وقال : قليلة ادب روحي شوفيها بالصالة
حطت البوكيه الورد وراحت ركض لامها وحضنتها وسلمت على جدتها و خالاتها
عبير : شلونتس ؟
نور : طيبة ، والله يا ماما بعد ما طلعتي بابا صار دايم زعلان ترا هو يبيتس بس هو زعلان منتس لانتس اخذتي النونو منه لازم تراضينه
رفعت رجولها وهي تهمس بأذن امها وقالت : جاب لتس هدية و بيرجعتس معنا للبيت
ضحكت عبير وقالت : خلاص اص عيب
نور : يلا قومي روحي
وقفت عبير قدام المرايا وهي تجدد روجها وعطرها وخواتها يطالعونها ويضحكون
غيداء : لا نوصيتس الثقل الله يسعدتس
غدير : لا تطيحين له يا عبور
عبير : الله يثبتنا
طلعو عامر و ابوها وقالو : رجلتس يحتريتس برا
طلعت عبير و وقفت قدام الباب وهي تهف وجهها بيدينها
عبير : استر يا الله استر
رفعت يدها وهي تفتح الباب بشويش ودخلت و وقفت وهي تشوفه يتشخص
رفع عيونه وهو يطالعها وابتسم وقال : حياتس الله
مشت بشويش وهي تحس انها بتطيح وقالت : الله يحيك
وقف وهو يحضنها من قلبه وقال : اشتقتلتس
رفعت يدينها وهي تحضنه ودفنت وجهها بصدره وبكت وقالت : آسفة يا قصي والله اني آسفة
شدها لحضنه ونزلت دموعه وقال : لاتقولين شي خليتس كذا بس
بعد عنها وهو يمسح دموعها ومسح دموعه وقال : لتس رجعة ؟
هزت رأسها ب " ايه " وهو ابتسم وقال : معد فيه بُعد ؟
عبير : معد فيه بُعد
بعد وهو يأخذ السلسال ويلبسها وبأسها برقبتها وقال : ما زان الا عليتس
ابتسمت وقالت : عادي اروح واجي ؟
قصي : لا
عبير : بجيب شي
قصي : طيب يلا لاتطولين
عبير : ابشر
طلعت عبير وماهي الا دقايق و دخلت نور ومعها كيس وهو عقد حواجبه وقال : وش ذا يا بابا ؟
نور : اصبر لاتصير مستعجل
ضحك قصي وقال : عشنا صارت ترادد بنت عبير
دخلت عبير وهي تضحك وقالت : لا والله بنت قصي
قصي : اي وش ذا ؟
عبير : تحسب بس انت راعي الواجب ؟
قصي : محد قال هالحكي
مسكت يده وهي تلبسه ساعة رولكس وهو ابتسم وقالت : ما زانت الا عليك
تخصرت نور وقالت : وانا وراه ماتجيبون لي ؟
عبير : جبتلتس
طلعت وهي تجيبلها بوكيه حلويات وقالت : هاه ابلعي لين تقولين امين
سحب قصي البوكيه وقال : تبين تموتين بنتي انتي
عبير : قصييي خلها
ابتسم وقال بخرفنة : يا قلب قصي انتي
ضحكت عبير وهي تبوسه بخده ونور تطالعهم بطرف عين وهم ضحكو من نظراتها وقرب قصي وهو يشيلها وباسها بخدها
قصي : الحين جاهزة نرجع ؟
عبير : لا ، روح و تعال بكرا عشان اجهز
قصي : مقدر بأخذتس معي وبقول لعامر يجهز اغراضتس و باكر نجي ناخذهم
عبير : لا يا قصي
قصي : تمام روحي الحين وجهزي اغراضتس وانا احتريتس بالسيارة
عبير : يا قصي
قاطعها وهو يحاصر شفايفها ونور شهقت وقفلت فمها وقالت بهمس : عييبب
رفعت عبير كفوف يدينها وهي تحطها على صدره وبعدت عنه بهدوء ولفت تطالع نور وضحكت من شكلها وقالت : مب قدامها يا قصي
حاوطها من خصرها وقال : اشتقتلتس وش اسوي ؟
عبير : تمام تمام
قربت نور وهي تشوت رجل امها وقالت : ماتبوسين بابا ماتبوسينه
ضحك قصي وقال : يا زينها بنيتي اللي تغار علي
شالها وهو يبوسها بخدها وهي زعلانة منه
عبير : وصخة ماتمشي معها بوسات خد عيني عينك تتحرش برجلي
باسها قصي بشفايفها وهي طلعت لسانها تعاند بدور وهم ضحكو عليها
قصي : عساني ما انحرم من وجيهكم اللي ترد روحي يارب
ابتسمت عبير وقالت : ساعة بالكثير واصير جاهزة
قصي : تمام خذي راحتتس
●
●
●
في المكتب
كان جالس هو ونياف يتكلمون عن القضية
نياف : كثرت قضايا البنات يا ليث مب عارفين شلون نخارجهم
الليث : طيب البنت وينها ؟
نياف : مسكوها بالسجن هي
الليث : قم نروح لها
قامو الليث و نياف و راحو للسجن وطلبو انهم يشوفون موكلتهم
الليث : اسمعي علمينا وش صار من البداية بدون كذب وبصراحة تامة حنا بنساعدتس وبنوقف معتس
نياف : لاتخافين من شي مارح يحكمون عليك ولا رح يجيك ضرر بس قولي كل شي
فجر : انا والله ماكنت متعمدة والله
الليث : تمام حلو ما كنتي متعمدة بس قولي وش اللي صار
فجر : انا كنت بجامعتي زيي زي اي طالبة وكان في واحد معروف عنه انه يهدد بنات بصورهم ويطلع معهم ويسوي معهم اشياء مب كويسة
نياف : حلو
فجر : كان يمشي وراي كان يبي رقمي يبي يتواصل معي مارضيت اعطيه قام يأخذ رقمي من الطالبات اللي معي بالدفعة اخذ رقمي وجلس يكلمني وانا يوم عرفت انه هو حظرته وجاني من رقم ثاني وحظرته وجلس يجيني اكثر من رقم لين مليت انا وتركته صار يرسل لي رسايل واجدة ويكلمني و مدري وشو ومن ذا الكلام
نياف : تمام كملي
فجر : بعدين مدري شلون هكّر جوالي واخذ كل صوري ورقم ابوي وجاء وارسل لي صوري كلها ورقم ابوي وموقع بيتنا وقال لي ان ماسويتي اللي ابي بفضحك قلتله افضحني انا ماسويت شي غلط
الليث : طيب لين هنا حلوين بعدين وش صار ؟
فجر : يوم شافني مب خايفة منه ومايهمني كلامه قام يفبرك محادثات بيني وبينه وصار يهددني وقال لي قبل ماتخافين مني لأن مافي بيننا محادثات بس لأن الحين جبت المحادثات من تحت الارض بتخافين مني
نياف : لا تقولين انك خفتي منه
هزت رأسه ب " ايه " وهي تبكي وقالت : عجزت اقاوم تسلطه علي
الليث : طيب صلي على النبي وريحي لي عمرتس كملي وش صار بعدين ؟
صلت على النبي واستأنفت كلامها وقالت : بعدين جلس اول فترة يطلب مني اكلمه بشكل عادي ومتكرر وصرت كل يوم اكلمه ليل نهار اقوم واصحى على رسايله واذا مارديت عليه بيفضحني ، بعدين تطور الوضع و صار يدق علي كان يجلس ساعات طويلة بالمكالمة حتى بعض احيان والله نجلس ايام نكلم بعض
نياف : تمام للحين مادخلتو بالعميق الموضوع لين هنا رسايل ومكالمات بعدين وش صار ؟
فجر : بعدها صار يخليني اكلم اخوياه واذا رفضت يقوم يهددني صرت اكلم اخوياه ويقولون لي كلام قذر و وصخ وربي استحي اقوله
الليث : ايوه ؟
فجر : تطور اكثر وصار يطلب مني اشوفه بمطاعم او كوفيهات او مولات اهم شي كانت اماكن عامة كنت اروح اجلس معه ويجون اخوياه يكلموني كلام عادي بعدين هم يروحون وانا اروح و بيوم من الايام قال واحد من اخوياه خلها تكون تركب معنا بالسيارة وجاء يكلمني و قال لي تركبين معنا واذا مارضيتي ودعي صورك
الليث : لاتقولين ركبتي معهم
غطت وجهها بكفوف يدينها وانهارت تبكي والليث مسح شنبه وقال : طيب خلاص عادي انتي كنتي تحت ضغط وابتزاز وتهديد ماتنلامين كملي وش اللي صار بعد كذا
قالت فجر وسط شهقاتها : صارو يطلبون مني اروح معهم لفنادق وشقق وشاليهات
ضرب نياف على الطاولة بقهر وقال : عيال الكلاااببب
الليث : لا تشدها اهدأ ، كملي وانا اخوتس كملي
فجر : بعدين صارو يجوني اخر الليل لين باب بيتي يقولون احنا ننتظرك تحت واذا مانزلتي ندق الباب ونفضحك عند ابوك
الليث : طيب ليه ماكلمتي ابوتس من البداية
فجر : احنا بدو متشددين بالموت لو رفعت عيوني لرجال بالغلط يذبحني شلون لو شاف رسايل بيني وبين رجال ؟
الليث : طيب كملي
فجر : نزلت معهم وخذوني لشاليه بعيد
نياف : ما لمسوك صح ؟
رفعت يدها وهي تكتم شهقاتها وغمض الليث عيونه بقهر وقال : قولي يا فجر كملي قولي وش اللي صار بعدها
فجر : كانو يبون يلمسوني
نياف : يبون ، بس ما لمسوك
فجر : الااا الااا لمسونيي غصب عنيي
نياف : تمام لمسوك ، مجرد لمس ولا دخلو بالعميق ؟ يعني اغتصبوك ؟
رفعت نظرها بسرعة وهي تهز رأسها ب " لا " مرات متتالية بخوف وقالت : ما خليتهم ماخليتهم يسوون فيني كذاا ابدد ما ابيع نفسي اناا ابددد
ابتسمو براحة وقالو : هذا المهم
الليث : طيب كملي
فجر : جاء اللي كان يكلمني يبي يقرب مني يبي يسوي فيني اشياءه الوصخة ويوم شفته قريب مني مرا ويدينه جالسة تتوجه لجسمي طاحت عيني على المفك وطعنته برأسه واخوياه شافوني ويوم اني جربت انحاش مسكوني و جابوني هنا قالو ذبحته بدون سبب
رفعت راسها وقالت : اهلي تبروو منيي قالولي ان شفناك بنذبحكك مين لي اناا الحين
الليث : طيب تطمني وارتاحي ربي موجود ربي يمهل ولا يهمل الدنيا دوارة انا محامي و نياف محامي واغلب عيال اعمامي محامين ابيتس ترتاحين واذا جاتس احد لا تتكلمين لين نحل لتس الموضوع طيب ؟
فجر : بطلع ؟
الليث : بتطلعين
فجر : واهلي ؟
الليث : ارتاحي الحين وبعدين يصير خير
وقفت فجر وسرعان ما اختل توازنها وطاحت مغمى عليها وفز الليث وهو يشيلها
نياف : شيل نقابها خلها تتنفس شيلهه
وخر الليث نقابها وهو يتأمل ملامح وجهه البريئة
نياف : اخلصص
وقف الليث و اخذ اذن من الضباط و خذوها للمستشفى
●
●
●
في بيت ابو فهد
كانو البنات والحريم والرجال كلهم متواجدين بس العيال كل واحد انشغل بموضوعه وشغله ودوامه و ماقدرو يجتمعون ابد
نوف : يووه من زمان عن هالجلسة
جلست سمر رجل على رجل وقالت : اي والله من زمان عنها
وقفت مشاعل وهي تصب قهوة للبنات وقالت : وينها فطيم
سلمى : قالت بتطلع السطح مدري شعندها
وقفو البنات وطلعو كلهم للسطح وشافو فاطمة جالسة على الطرف وتلعب برجولها وتدندن
فاطمة : احبكك حبب عبر حد السمااء كثر ما صدرك الغالي يتنفس هوااء يا اول نبض في القلب اجمل شخص ينحب ودي منك اتقرب و يمك استقرر
مناهل : العب يا العاشقة
لفت فاطمة ومسكتها بدور من حست انها بتطيح
بدور : مهبولة تبين تموتين
قالت فاطمة بهيمان : انا متتت وخلصت
ضحكو عليها وهم يسحبونها و توسطو السطح وجلسو بشكل دائري
هيام : علمينا وشلون متّي ؟
حطت يدها على خدها وهي تطالع مناهل و نواهل
نواهل : هيهه يا مريضة سلامات تطالعينا كذاا ؟؟
مناهل : منجد نظراتها تخوف
اريج : الله مجننها يشبهكم
ليان : فهد متزوج سعود متزوج باقي سعد
فزت من اسمه وقالت : ياخي وش جبت ياعمي هادي
ضحكو عليها وعلى وجهها وقالت خولة : البنت طاحت ومحد سمى عليها
سارة : اذا حاطة ببالتس سعد مارح تتوفقين به لاتنسين امتس تكرههم كره العمى
ضربت جبهتها بفهاوة وقالت : نسيييتتتت
قامت فاطمة وهي تاخذ جوالها وراحت بعيد عنهم
ميهاف : والله انتهت خلاص
تولين : منجد