فجر : انا بطلع فوق اضبط عمري احس مكياجي ساح
وئام : تمام
طلعت فجر فوق و وقفت قدام للمرايا تعدل مكياجها وتجدد روجها وعطرها ولفت من شافته يطالع فيها بتمعن شديد وهو خاااااق كأنه ما عيّن خير ابد وهو عنده الخير والبركة باختصار " جاز له موضوع التعداد "
ابتسم وهو يطالعها وقال : بسم الله عليتس
فجر : وش تسوي انت هنااا ؟؟؟
الليث : ابد بنجي انا واخواني الحين ننزف ليه ؟
فجر : مب وقت زفتكمم انتو الحين ، تخيل يجي احد ويشوفناا هناا والله يطردوني
الليث : شدعوه كل ماشفتيني قلتي يطردوني و يطردوني مارح يطردونتس يا بابا مايطردونتس وانا فيه
لفت فجر وهي مطنشته ونزلت بسرعة بخوف وهي تدعي من قلبها ان محد شافها
ضحك الليث بخرفنة وقال : يارب وش هالمخلوقات اللي تفتن الواحد وتجيبه على وجهه ؟ الحمدلله اللي حلل الاربع ، مانسوي شي بالحرام ، ودام عندي مكان شاغر خليني استغل الوضع
ضحك بصوت عالي على دخول آسر : سلامات ؟
ضحك الليث وهو يضرب كتف آسر وقال : جازلي موضوع الزواج يا آسوري
آسر : سلامات وشو اللي آسوري ، شايفني خكرية اتمايع قدامك
الليث : شدعوه بعدين واذا جت زوجتك تدلعك
آسر : اقول ارفع علومك
وقف آسر وهو يعدل شماغه ويتشخص كان شكله ، ف خ م بشكل فضييع هو الوحيد من اخوانه اذا كشخ يصير جبار ورهيب بشكل مرعب
آسر : وش تقصد بكلامك ؟
الليث : لي فترة افكر بالرابعة ، بس هاجد عشان السالفة اللي صارت لمناهل
آسر : الله يعينك يا شيخ
الليث : امين ، الا وش صار ؟
آسر : والله باقي للحين ما رضى العم جمعان يجيب التسجيلات لكن بكرا آخر مرا اروحله اذا ما رضى مرااا ورافض بستخدم الاجبار
الليث : عساك عالقوة
دخلو ذيب وذياب و صقر
آسر : الله يقويك
ذيب : والله بنفل امها ذا زواج ليون المهبولة
طلعو ابو فهد و ابو صقر و وقفو قدام الباب ينتظرونه ينفتح عشان ينزلون
كانت لين واقفة بتوتر وسعود واقف جمبها بجمود وثبات تام ماهزته نظرات ابو صقر اللي تخرش
مشى سعود وهو يسلم عليهم و جلسو يتصورون مع بعض كم صورة وطلعو ابو فهد و ابو صقر
الليث : فل امها الحين
شغلو اغنية و قامو ذيب وذياب و الليث ولين و سعود يرقصون
صقر : لا حول ولا قوة الا بالله ، بالله ذا شكل واحد متزوج ثلاث
آسر : وابشرك بيجيب الرابعة بعد
ضحك صقر وقال : مب صاحي قسم بالله
الليث : لا تصيرون كئيبين انتو تعالو ارقصو ذي اخر العنقود
آسر : انت مكفي و موفي مب مقصر
هز الليث كتوفه باستهبال وقال صقر : ارفعع علومك خلكك رجال
الليث : فلوها يا شيخ فلوهااا معد باقيلكم خوات حللو الليلة
ضحك آسر وهو يضرب وجهه بكف يدينه وقال : اسأل الله انه يهديك
الليث : اجمعين ان شاء الله
انتهى الزواج وجاء وقت ان سعود ياخذ لين " الزفة " وطلع وهو يمسك الرشاش ويطلق بالسماء وباقي العيال معه
تركي : مبروكك وانا اخوووككك
حمد : منك المال ومنها القبايل والاجيال
ضحك سعود واطلق طلقة وحدة وقال : عقبالكم يارياجيييلل
رفعو العيال اسلحتهم واطلقو طلقات متتالية وقالو بصوت واحد : اميييننننن
ضحكو وهم يركبون السيارات وتوجهو للفندق مع سعود مع صوت البواري والرشاشات والالعاب النارية وتفحيطات العيال ودخولهم على بعض بالخط بغو يسوون مليون حادث لكن يهون لأجل الافراح لين وصلو للفندق نزلو ذيب وذياب وهم يساعدون لين لما وصلو لجناحهم و كل واحد رجع لبيته
أنت تقرأ
لو قلت لقلبي توب عيني تكذبني
Romanceدخل الليث البيت والتعب لاعب فيه لعب رمى نفسه على الكنبة وهو يهف وجهه يبعد ريحة الدخان الليث : آسر تكفى وخر سكت آسر وهو يطلع زقارته الثانية ويحطها بشفايفه وياخذ الولاعة ويشغل الزقارة دخل ابو صقر وهو يقول : انا كم مرا اقول الزفت ذا لا تقربه ؟ آسر :...
