تمت بدور النفاس و سوّت عزيمة كبيرة حيل
مناهل : الله يعينك عاد قرقة اطفال
بدور : هذي القرقة اللي من زمان احتريها
مرام : الله يرزقنا
سلمى : مستعجلة على رزقتس ليه ؟ بيجيتس لين بابتس انتي بس اشتغلي كويس
مرام : والله انتس قليلة حيا
ضحكت سلمى و بدور تستقبل هدايا البنات والحريم حتى الرجال والعيال مانسوها ابد
عبير : نور يا ماما يا ماماااا
اخذتها مناهل وهي تجلسها بحضنها وقالت : كم صار عمرها ؟
عبير : سنة و مو مقصرة ما شاء الله
مناهل : بنتك تجنن لا طالعة عليك ولا على ابوها متاكدين بنتكم ؟
عبير : ليه وش شايفتنا ؟
مناهل : ابد مو شايفتكم شي
طالعتها عبير بطرف عين وهي ضحكت
جلست سارة وقالت : انشر لكم الاخبار ؟
تجمعو البنات حولها وسحبو على بدور
بدور : تعالو ابي اسمع الله لا يوفقتس انتي وياها
قامو البنات وهم يضحكون وتجمعو حول بدور
سارة : على حسب ما سمعت و الله اعلم ان احمد بيخطب
فز قلبها من سمعت اسمه
خولة : ماعندهم نقاش ، يضبطون الاول انتهى ابدأو بالثاني على طول
نواهل : منجد اصبرو شوي
سلمى : يعنى على حسب ما سمعناه انه يبيها من زواج مرام ونايف
وئام : يعني له 3 شهور تقريبا وهو يبيها
سلمى : ايه
لين : منهي ذي اللي يبيها يحظها فيه
اريج : وانتي من قال واحد بيخطب قلتي ياحظها فيه ياحظها فيه بتصرعين الخلق عين
لين : كلي هواء
مشاعل : منهي طيب ؟
سارة : حاولنا نلقط منهي بس للاسف ماقدرنا
ليان : لأول مرا ينشرون الخبر ناقص
سلمى : خلاص ضعفت خبراتنا
بدور : وليه ما خطبها من اول ما شافها ؟
سارة : كان جالس يدور على بيت ولقى واشتراه وبعدها جلس يأثثه ويجهزه
الهنوف : البيت الحين جاهز ؟
سارة : مية مية
رهام : طيب دام البيت جاهز ليه مايخطب ؟
سلمى : خلاص طفّر معد باقي بجيبه فلس الحين جالس يشد حيله بدوامه عشان يجمع مهرها وحق الشبكة و الدبلة والفندق وشهر العسل
كيان : الله يكون بعونه صدق
بكى فيصل بكاء صرعهم كلهم
هيام : لا اله الا الله سكتيه سكتّيه
بدور : اشغل حياتي الله لا يشغلنا الا بطاعته بس
اخذته وهي ترضعه و نور استلمتها
نور : ياعيبو تطلع الننة حقها قدامنا ماما تطلع حقها بس قدام بابا
ضحكو البنات على وجه عبير المتفشل
عبير : قليلة ادب اسكتي
ضحكت مناهل وهي تأخذ فيصل من حضن بدور ماتدري ليه جاز لها هالولد دخل قلبها من يوم انولد وصارت تحبه حب مب طبيعي كأنه ولدها وصارت تعشق الاطفال من بعد ما صارت تكرههم بسببه
الاء : لو ودك بالضنا علمي الليث يشد حيله شوي
ضحكت مناهل وقالت : انقلعيي
ميهاف : صدق لو ودك قوليله يخليك تصيرين بالتاسع على طول
ضحكو البنات وقالت ليلاس : يطلع لها راسين بعد
انفجرو ضحك و مناهل تسبهم
●
●
●
عند العيال
بندر : مرا مرا مضبوط
الليث : مب مرا بس نمشي سوقنا شوي
مشعل : تنصح يا ولد الخال ؟
الليث : انصح و بقوة بعد الحقو عمركم ترا الزواج يصغر العمر
قصي : يقصر العمر قصده
ياسر : ذا من يوم جته نور والحياة مب جايزةٍ له
ضحكو العيال عليه وقال ذياب : مقصرة المدام بحقه اتوقع
قصي : عض شحمة انت وياه
بدر : دامنا بموضوع الزواج في خبر نشره عمار
احمد : عمار اهخخ يا عمار سلمى وسارة عند الحريم وعمار عندكم تشتغل ام زكي انت
ضحك عمار وقال : ابشرهم
الليث : اجل تبي تخطب من ورانا ؟
احمد : مب من وراكم بس لين اضبط اموري وتصير كلها تمام وخطبتها بعدها تعرفون
ياسر : ومين ذي
احمد : يا رجال كل تبن
ضحك ياسر وقال جمال : خسيس تراك حتى احنا اخوانك شمعنى ياسر يدري
احمد : مابي اتكلم احتراما لأخوانها الموجودين هنا
نواف : من اي عائلة ال حزام ولا ال فيصل ؟
احمد : ال فيصل
سلمان : مين هي قل ؟
احمد : امتنع و فكوني
لفو العيال وهم يطالعون ابو سلمان وراهم
ابو سلمان : قومو داخل يلا
قامو العيال وهم يتأففون ودخلو المجلس عند الرجال لكن هم بجهة والشياب بجهة
بدر : ابلش
ذيب : يلعن ابو سواليفهم المخيسة
ذياب بهمس : سواليف لين تهون
ابتسم سعود من طاريها وقال مشعل : شلون نهج طيب ؟
ماجد : حتى الوالد عينه علينا
حط آسر يده على خده وقال : والله البلشة صدق
نواف : شرايكم بجلسة مع البنات برا بالحوش
الليث : والله مايسمحون
صقر بهدوء : عمي ابو فهد جالس جمب ابوي ويفر مخه يعني اقنعو عمي ابو فهد عشان يقتنعون الباقين
سعد بتملل : وعمك ابو فهد مين يقنعه ؟
فهد : مافيني الحيلة قليل حيلة زيي زيكم
الليث : ورعته الصغيرة
ابتسمو العيال ودق الليث وحط سبيكر
سعود بهمس : افزعيلنا وانا اخوك
ضحكت مناهل من همسه وقالت : سلامات ؟
عمار : يا زوجة ولد العم الفزعة
مناهل : ابشرو بس شصاير
الليث : طويلين العمر مسكونا جمبهم وابتلشنا بسواليفهم محد بيقنع الرجال الا ابوتس ومحد بيقنع ابوتس غيرتس
مناهل : وش مكسبي ؟
مجد : كف على وجهك
مناهل : دام ذي الفاظك انسحب
ذيب : لالالا تكفين لا معليتس منه تكفين افزعي
مناهل : آسفة باي باي
سكرت الخط وكلهم طالعو مجد
مجد : نعم ؟ كذا كذا ما كانت بتوافق اعرفها بنت خالي دمنا واحد ترا
سرعان ما لفو وشافو مناهل
ابو فهد : مضيعة صالة الحريم وانا ابوك
ضحكت مناهل وقالت : يبه تسمحلي اخذ العصابة اللي هنا
( اشرت على العيال )
ابو قصي : لا يابنيتي
مناهل : ليه ؟
ابو قصي : كذا خليهم هنا
مناهل : تكفون عاد عشاني انا عاد عروس وعيب تكسرون بخاطري
ابو ماجد : وش صلة عروس بالموضوع
ضحكت مناهل وقالت : الله يخليكم تكفون تهز رياجيل ماتهزكم
ابو فهد : ابشري والله انهم يطلعون
ابتسمو العيال وقالت مناهل : جعلني افداك يا هادي
ضحكو الرجال وهم يشوفون العيال يطلعون للحوش
ابو بندر : لا حول ولا قوة مافيهم واحد صاحي
أنت تقرأ
لو قلت لقلبي توب عيني تكذبني
Romanceدخل الليث البيت والتعب لاعب فيه لعب رمى نفسه على الكنبة وهو يهف وجهه يبعد ريحة الدخان الليث : آسر تكفى وخر سكت آسر وهو يطلع زقارته الثانية ويحطها بشفايفه وياخذ الولاعة ويشغل الزقارة دخل ابو صقر وهو يقول : انا كم مرا اقول الزفت ذا لا تقربه ؟ آسر :...
