لو قلت لقلبي توب عيني تكذبني

الجزء التاسع والخمسين

اسفة عن تأخير هالبارت لكن تدرون دخلنا العشر الاواخر وكلنا طمعانين بالاجر ، والله يتقبل منا ومنكم صالح الاعمال بإذن الله

دخل للمستودع بشويش وهو رافع سلاحه على وجهه عشان يحمي نفسه ولابس بدلة الحماية كانت خطواته بطيئة مرا ، ركّب كاتم الصوت للسلاح واطلق رصاصة على رجل الحارس وعلى بطنه ودخل وهو يطلق على اي احد يشوفه قدامه لين وقف قدام الباب
آسر : اححم ، اطلق لقاء بالحياة رح يكون
فتح الباب بشويش وهو يطالع عثمان اللي قاعد يصفق واحد من رجاله ويجلده وبحركة سريعة اطلق رصاصة على يده وطاح عثمان وهز يصارخ من الالم
آسر : هلا حبيبي ؟ شلونك ؟ عساك طيب ؟ تصدق عاد واحشني بالحيل الحمدلله اللي كتب لي عمر و اشوفك وامسكك بيديني ، الله يسلم طويل العمر الفريق عصام اللي خلاني انا اجي اجرك زي الكلب يا كلب
عثمان : والله انك تندمم والله
آسر : اشش حبيبي لايطلع صوتك لا اقطع لسانك
وصلو فرق الدعم وهم يمسكون رجال عثمان وعثمان معهم
آسر : خذوهم سيدا للمركز وقولو للمحقق صقر والمحققة مناهل يستلمونهم
ذيب : ابشر طال عمرك
حط سلاحه على خصره وركب سيارته متوجهه لبيت العم جمعان
●
●
●
وصل مشعل المبنى وشاف حمد وضربو لبعض تحية وقالو بصوت واحد : استرح
ضحكو وهم يسلمون على بعض
حمد : حي الله بنت العم
مشاعل : الله يحييك
حمد بهمس : وش تسوي هنا ؟
مشعل : بعدين افهمك
حمد : تمام ان بغيتو شي انا جمبكم
مشعل : تسلم ، الباقين وينهم ؟ ذيب ذياب جمال عمار ؟ وينهم فيه ؟
حمد : ذيب وذياب طلعو مع جلال بمهمة آسر مسكو عثمان اما جمال وعمار مدري شعندهم هناك داخل
مشعل : زين
دخلو مع بعض لمكتبهم المشترك وجلست مشاعل بكرسي مشعل و مشعل جلس بالكرسي الثاني وجلس يشتغل وطلب لها قهوة وجلست تطقطق بجوالها
مشاعل : مشعل
مشعل : ها حبيبي
مشاعل : ابوي مرسل لي رسالة
عقدو حمد ومشعل حواجبهم باستغراب
مشعل : وش قال ؟
مشاعل : يقول لاتطولين ارجعي البيت بدري عشان مايجيتس شي
ضحك حمد من شاف وجهه مشعل المصدوم وهي ضحكت من ضحكهه
مشاعل : وش فيك
مشعل : وش صار بالدنيا ؟ عشان كذا انا ماخليتتس تقعدين عندهم
حمد : اعقل ياغبي وش بيسوون فيها يعني ؟ ترا بالنهاية امها وابوها هم مهما سوو تضل بنتهم من حقهم يخافون عليها
مشعل : بصوب القلم بعينك ترا يخافون عليها من مين ؟ اخوها انا بصفقك
حمد : خلاص اسحب كلامي انا اسف
مشاعل : انا بطلع ، بشم هواء انكتمتت
مشعل : لا اقعدي انا بجيبلتس ، تنبيهات ابوي مخوفتني
مشاعل : مشعل حبيبي ترا قاعد تخرشني
مشعل : ياتراب ابوي خايف عليتس يمكن في احد يراقبتس ماتدرين انثبري هنا وانا بطلع
طلع مشعل يجيب لها اكل وهي تطق القلم بالطاولة
حمد : الله يحفظتس عادي توقفين يدتس ؟
سكتت وهي تتأفف بملل وقال : وش فيتس ؟
مشاعل : انكتمتت
حمد : طيب ؟
مشاعل : وش اللي طيب
ابتسم حمد وهو يفتح الستاير والمكيف وقال : يلا الحين تروح الكتمة
مشاعل : مشكور
رجع مشعل وبيده وجبة من المطعم وحطه قدامها وقال : بالعافية
مشاعل : مشعل لا تتزوج
ضحكو عليها وقال : وان حبيت طيب ؟
انصدمو حمد ومشاعل وقالو : حبيييتتت ؟؟؟
مشعل : لا لاااا يا اغبيااء ، اقصد اذا حبيت ما اتزوج ؟
مشاعل : الا بس ماتتغير علي انا الاولى
مشعل : القلب عندتس انتي ، تسمحين لي احب رح احب اذا ماتسمحين مب لازم
قوست شفايفها وقالت : اوووووههه مشعللل
ضحك وقال : يلا يلا كلي
رفع جواله وهو يشوف رد على تغريدته وابتسم وحط جواله بجيبه وكمل شغله
●
●
●
بعد صلاة العشاء
في بيت ابو ياسر
رجع عمار البيت ودخل الحمام ( الله يعزكم ) و تروش وطلع وهو يلبس ثوبه و وقف قدام المرايا وهو يشخص شماغه ويتعطر ودخلت امه بالبخور وسلمى و سارة يطالعونه
سلمى : حشى رايح يملك مب يخطب ، يمكن يرفضونك ترا
ام ياسر : قص الله لسانتس
سلمى : امزححح امزحح
طلعو جمال و ياسر وهم ينادون عمار
جمال : يا ابن الحلال اخلصص اخلص احمد وصل وانت باقي ترا كلام رجال مب خطوبة رسمية اخلص
عمار : ياخي تحترون وانتو ساكتين ولا شلون ؟
ام ياسر : معليك منهم يا يمه خذ راحتك وسو اللي تبي انت معرس معرس
طبع قبلة على جبين امه وقال : عساني ما انحرم منتس يا يمه ادعي يوافقون
ام ياسر : ان شاء الله يا وليدي ان شاء الله
طلع ابو ياسر وقال : لا بارك الله فيكم اخلصووو
فزو العيال و نزلو بسرعة وشافو فيصل متعلق برجل ابو ياسر
فيصل : جدوو ابي اروح معكمم ، شوفني لابس ثوب وشماغ
ضحك عمار وقال : انت الخير والبركة ، امش امش
ركبو السيارة و حركو لبيت ابو تولين
ابو تولين : حياكم الله تو مانور البيت
ابو ياسر : البيت منور باهله الله يحيك ويبقيك
ابو تولين : اقلطو اقلطو حياكم تفضلو
دخلو العيال و قام عمار بسرعة يقهوي ابوه واخوانه و ابو تولين لأن ابو تولين ماعنده عيال
ابو تولين : اجلس يا ولدي اجلس لاتتعب عمرك انتو ضيوفنا
عمار : افا عليك يا عمي
جلس عمار بعد ما قهواهم كلهم وهو يطالع ابوه و ابو تولين يسولفون بأشياء مال امها دخل بموضوعه
تنحنح وهو يطالع ابوه وابوه ابتسم من نسى موضوعه
ابو ياسر : خليني ادخل بموضوعي يا ابو تولين
ابو تولين : اي اسلم
ابو ياسر : والله انا جاي اخطب بنتك لولدي عمار على سنة الله ورسوله
ابو تولين : اي واحد ؟
ابو ياسر : ذا اللي تو مقهوينا
ابو تولين : اي ما شاء الله كم عمره ؟
ابو ياسر : 23
ابو تولين : توه صغير
ابو ياسر : وش صغير الله يصلحك الرجال اشترى بيت يبي يتزوج
ابو تولين : وش وظيفته ؟
ابو ياسر : عقيد
ابو تولين : ما شاء الله تبارك الله ، خلنا نسأل عليه و نشوف اوضاعه وان شاء الله خير
ابو ياسر : حقك وحقوقك هذا بيصير رجل بنتك ومن حقكم تسألون عنه و ردو لنا خبر
ابو تولين : على خير ان شاء الله
وقفو الرجال و ابو تولين يسلم عليهم وطلعو
عمار : يبه وشوله تقول اسألو عنه وش شايفيني ؟ اسكر ؟
ابو ياسر : اقول انثبر ذا زواج مب لعبة ، يقولك بنته عمرها 19 سنة يبي يشوف انت رجال كفو تأخذ بنته بذا العمر ولا لا تفهم ؟
عمار : واقعد احتري ؟ الله اعلم متى يردون علينا
احمد : ياخي مابتموت على بال تصير جاهز مية مية يردون عليك اهجد
رجع ظهره لورا بعصبية وابوه يطالع فيه وقال : وش سوت بك البنت الله لا ياخذك منت قادر تصبر
رفع شماغه وهو يغطي وجهه وضحك وقال : يبه الله يحفظك استر علينا
ياسر : وش يستر انت بتفضح نفسك بنفسك
عمار : ابتزوج طيبب ابتزوج
جمال : بتتزوج اصبر بس
فيصل : بيصير عندنا عمة جديدة
عمار : ايه واطلق عمة بعد احسن من سالم و سوير
جمال : اجحد يا كلب اجحد
ضحك عمار وقال : وش عليك
●
●
●
في المركز
نواهل : خلصنا الشغل يا صقر و عثمان بينقلوه ومحاكمته بكرا ، خلينا نروح ناخذ مناهل
صقر : حاضر يا مناهل حاضر انتي شعندتس شادة حيلتس
نواهل : يلا ياصقر مابيها تتعب يلا
صقر : طيب يلا هاه هذاني قمت
قام صقر وهو يرتب ملفاته وطلعو
سالم : من بكرا تجون بدري
صقر : ابشر
ركبو السيارة و حركو لبيت الليث ونزل صقر يدق الباب
الليث : هلا صقير
صقر : هلا فيك ، مناهل وينها ؟
الليث : وش تبي بها ؟
طلعت نواهل من ورا صقر وقالت : بناخذها معنا تقعد كم يوم
الليث : لا خليها عندي تحت عيني
صقر : يا ابن الحلال جبها معنا اختها تهتم فيها احسن منك ، ومنها تغير جو
الليث : اخاف تحتاج شي
صقر : وانا وين طرت ؟
الليث : تمام
بعد الليث عن الباب ودخلت نواهل وطلعت لغرفة مناهل
مناهل : هلا نواهل
نواهل : هلا حبيبي ، البسي عبايتك انا بجهز شنطتك بتجين معي
مناهل : وين ؟
نواهل : بتقعدين عندي اسبوع
مناهل : لا يا نواهل و زوجك
نواهل : يختي معليك من صقر وقومي البسي ، ولا لا انتظريني
دخلت نواهل وهي تأخذ اصغر شنطة لمناهل وحطت اغراضها و رجعت تلبسها عبايتها ونقابها
نواهل : يلا
وقفت مناهل وهي تحط يد على ظهرها و يد على بطنها و شافها الليث وقام يسندها ومشاها بشويش لين ركبها السيارة
الليث : انتبهي على نفستس يا حبيبي وان بغيتي شي دقي وتلقيني قدامتس
مناهل : ان شاء الله
رفع يدها وهو يبوسها وقال : استودعتتس الله
وقف صقر بعيد وهو يطالعه بابتسامه وقال بقلبه : دام كل هالحب يطلع من قلبك وشوله سواياك اللي مالها داعي يا ليث ؟ ليه ؟ الله يهديك ويصلحك بس ويصبر هالمسيكينة عليك
نواهل : صقر يلا ؟
صقر : اي يلا
ركبو وحركو لبيتهم
●
●
●
في بيت ابو فهد
كان سعود جالس ومنسدح على سريره و وصلته رسالة من مندوب
" استاذ سعود طلبك الكامل صار جاهز تحت "
ابتسم سعود ونزل وفتح الباب واخذ طلبيته و رجعها لغرفته وراح لابوه وامه
سعود : يبه نروح لعمي ابو صقر الحين ؟
ابو فهد : وشوله ؟
سعود : نعطيهم المهر ونحدد العرس
ابو فهد : تمام
سعود : انا بطلع اكلم سعود وفهد اذا بيجيب حرمته
ام فهد : زين بس لا تطول
سعود : من عيوني ميسوو
ام فهد : قم واستح على وجهك
ضحك سعود وراح لغرفة سعد وقال : سعّودي حبيبيي
سعد : سعود ارفع علومك وتقلع
سعود : بتجي معنا ؟
سعد : وين ؟
سعود : بنروح لبيت عمو زيودي
سعد : مين ؟
سعود : عمي ابو صقر ، زايد زايد
سعد : انقلع الله لا ياخذك انقلع لين اجهز
سعود : ترسم هاه خلك شخصية
سعد : اقول انقلعع
طلع سعود وقال : شفيه ذا منفس ، والله لو انها نفسية الدورة
ضحك سعود و وقف قدام جناح فهد وهو يحك رأسه وقال : ادق عليهم ؟ مستحي والله يمكن يسوون شي وانا اخرب عليهم
ضحك من تفكيره و اخيرا دق الباب بعد صراع طويل مع نفسه و طلعله فهد
فهد : شتبي يا ورع ؟ ياخي متى تتزوج وتقضبك حرمتك ماتخلي الواحد ياخذ راحته
سعود : بنروح لبيت اهل حرمتك ، تبي تجي ؟
فهد : طيب
سعود : خلك رسمي رايحين نتكلم بموضوع مهم
فهد : طيب يارجال روح
طلع سعود ودخل تروش ولبس و ترسم وتشخص وتعطر و طلعو متوجهين لبيت ابو صقر
●
●
●
في بيت الليث
كان جالس وهو يطالع ندين اللي كانت تسوي الروج وتطبطب شفايفها وهو عض شفايفه
الليث : ترا بيروح لاتتعبين نفستس
ضحكت ندين بدلع وقالت : يروح نسوي غيره وين المشكلة ان شاء الله
ضحك الليث وهو يرمي نفسه بالسرير وفتح يدينه وهي انسدحت بحضنه وحطت يدها على خدها وتطالع وجهه وعضت شفايفها وهو ابتسم بخرفنة وقال : ندين انتبهي
ندين : من وشو ؟
الليث : مني
ندين : ليه ؟ وش بتسوي ؟
غمز لها وهي ضحكت وقربت منه وهو باسها بشفايفها وو ... 🌚
●
●
●
في بيت ابو صقر
دخلو الرجال و صقر وآسر يرحبون فيهم و ذيب يقهويهم وذياب جالس جمب ابوه عشان اذا طلب منه شي يكون حوله
ابو صقر : ارحبو ارحبو حياكم الله
ابو فهد : البقى الله يحييك
ابتسم صقر وقال : تو مانور البيت
ابو فهد : البيت منور باهله و ناسه
ابو صقر : الله يطول بعمرك ، شلونك شلون العيال والاهل
ابو فهد : والله الحمدلله كلنا بخير و نسلم عليكم انت اخباركم
ابو صقر : الله يسلمك الحمدلله كلنا بخير ، امروني وش سبب الزيارة ؟
قام سعود وهو يحط القفص الذهبي جمب ابو صقر اللي كان ملفوف بالورد الاحمر وحوله المهر بشكل حلو و جمبه بوكيه ورد و طقم ذهب و طقم الماس
ابو فهد : والله وانا اخوك جاينك نحدد موعد العرس
آسر : بس ياعمي و بنتك ؟ تو مرت بشي اوجعها امداكم تبون تحددون عرسهم ؟
طالعوه فهد و سعود بطرف عين وقال سعد : اي يا آسر الله يسعدك الزواج مارح يكون الحين بيكون بعد كم شهر
آسر : اذا كذا شرايك يبه هو يقوم يتفاهم معها مانبي نحدد شي وهي ماتدري و يكون كل شي برضاها
ابتسم سعود برضى وقال : اي خليني انا اقوم
ابو صقر : قم يا ذياب شوفله طريق
قام ذياب وراح للحريم وقال بصوت جهوري : يا بنتتت
طلعت لين وبيدها كوب القهوة وقالت : نعم ؟ مزعج انت ؟
ذياب : تعالي للملحق رجلتس يبي يحاكيتس
لين : شلون يجي من غير مايقول لي ابي اكشخ
ذياب : معليتس بيعتاد على الوضع كل يوم بيشوفتس بكشتتس قومي اخلصي
ضحكت لين وطلعت تكشخ بشكل سريع و راحت للملحق وهي تشوف سعود قدام المرايا يتشخص
لين : تجنن تجنن مايحتاج الكشخة
ضحك وهو يحاوطها من خصرها و باسها بخدها
سعود : اجلسي بقولك
جلست لين وهو جلس جمبها
سعود : اسمعي ، متى تبين العرس ؟
لين : عرس مين ؟ عرسنا احنا ؟
سعود : ايه
مسكت قلبها وهي تحسه بيطيح ببطنها وقالت : بدري
سعود : وش اللي بدري انا قلت لك اليوم اني بجيك
لين : ايه قلت لي بعد ماتعدي مناهل ازمتها
سعود : ايه بعد كم شهر بتكون عدت ازمتها وخلصت
لين : يعني مب الحين ؟
سعود : متى تبين ؟
لين : بعد ثلاثة شهور
سعود : كثير يا لين والله خليها شهر
لين : سعود شهر مايمديني اسوي شي فيه
قرب واستقرت شفايفه بشفايفها وبعد عنها بعد ماطلبت منه النفس وقال : شهر ونص
لين : تمام
ابتسم وطلع وهي لمست خدودها وضحكت وقالت : يارب قلبي لا يوقف
●
●
●
بعد شهر

الليث كان يعامل مناهل كأنها بنته ويخاف عليها من نسمة الهواء وينتبه عليها لكن اذا صار مع مي او ندين ينسى مناهل واللي جاب مناهل وينسى نفسه بعد

مشعل كان كل مايغرد يرد عليه نفس الشخص وكان متشفق يبي يعرف مين صاحب الردود لكن ماتجرأ ابدا ابدا ، وكان مستغرب من معاملة ابوه وامه اللي تغيرت معهم 180 درجة وصارو يخافون عليهم واذا طلع كل نص ساعة يتطمنون عليه

مشاعل كانت دايم تلاقي رسايل من حمد اللي يتطمن عليها طول الوقت وكان واقف معها بكل شي ويخليها تفضفض له ومهما ضاقت ماتروح لمشعل عشان ماتخليه يشيل همها وصارت ترتاح معه مراا

آسر كان رايح راجع في بيت جيرانهم ابو جمعان يترجاه عشان يعطيهم التسجيلات لكن بكل مرا كان يرجع بالرفض وما كان يبي يدخل الاجبارات الا بالاخير

عمار خطب تولين رسميا و حددو زواجهم يكون بالاجازة

فاطمة كانت تحاول قد ماتقدر تلين قلب امها على اهل مناهل عشان سعد وقاعدة تسوي اللي تقدر عليه لكن مافي اي فايدة

نياف قرر يطنش ميهاف و مايفكر بموضوعها ابد والايام بتكشفها له ومرده بيعرفها لو ما كان قريب رح يكون بعيد
●
●
●
قبل زواج سعود و لين ب 4 ايام
كانو البنات بالمشغل يتجهزون للعرس
كانت لين جالسة و الموظفة تسويلها مساج لشعرها
كيان : وين عهد و مناهل ؟
دخلت عهد وقالت : شرايكم بنات بلون الصبغة
سمر : مخيس
مرام : كذابة معليك منها وربي قويي
دخلت مناهل وهي ماسكة شعرها وبأوله ربطة وكانت قاصة شعرها لين نص رقبتها
شهقو البنات مع بعض وقالت نواهل : وش سويتيييي
رفعت يدها وهي تبعثر شعرها وقالت : مب حلو ؟
ليان : حمارة انتي ؟ هو حلو بس الطويل احلااا حرام عليتس
مناهل : عادي انقص وبيطول بعدين تغيير نفسية 90% يقولون ان قص الشعر يزيل الاكتئاب
الهنوف : حرام عليك انتي شلتي الاكتئاب منك وجبتيه لنواهل انصرعت البنت من الصدمة
لين : وبينصرع الليث كان يعشق شعرها الله يرحمه
مناهل : خليني اروح اصبغه ابرك لي
راحت مناهل وصبغته بني فاتح مع خصلات ذهبي كان مراا حلو و بعدها سوت مساج لشعرها
لفت وهي تشوف البنات ماسكات الطبل يدقون و يزفون لين
ميهاف : اول ما نبدأ وش نقوول
البنات : لا اله الا الله
ميهاف : الف الصلاة على الرسول
البنات : لا اله الا الله
ميهاف : و اول مانبدا وش نقول
البنات : لا اله الا الله
قامو اللي خلصو من التجهيزات يرقصون و يزغرطون وامتلأ المشغل بالضحك و الزغاريط حتى الموظفات طقوها ميانة معهم وقامو يرقصون
خلصت مناهل مساج الشعر وهي تطالع فيهم واخذتها الموظفة تسويلها تنظيف بشرة و تقشير لرجولها ( الله يعزكم )
دق جوالها وردت وحطت سبيكر وهي تطالع المناكير وتختار : هلا
الليث : هلا حبيبي شلونتس ؟
مناهل : كويسة ، تبي شي ؟
الليث : كفّتتس الفلوس ؟
مناهل : ايوه
الليث : الحمدلله ، اذا احتجتي اكثر علميني واحول لتس
مناهل : لا مشكور ما احتاج ، انا مشغولة مع السلامة
قفلت وهي ترمي جوالها فوق الطاولة بقرف وقالت لها الموظفة : زوجك ؟
مناهل : ايه
الموظفة : معليش على اللقافة ، بس وش فرق المعاملة بينكم ؟ ليه انتي كذا جافة معه ؟
ضحكت مناهل وقالت : تدرين ان انا وياه كنا نحب بعض 4 سنوات قبل الزواج وبعدها تزوجني ، وبسبب شي تافهه تزوج علي ثنتين وشلون تبين احاكيه
ضحكت الموظفة وهي تحط الماسك على وجهها وقالت : حبيبتي ذي الفئة من الذكور ماتمشي الا باللعن ، العنيه يمشي مضبوط
ضحكت مناهل وقالت : ابيك تسوين اظافري بخاطري لون اسود سوّد الله عيشة اللي كدر خاطري
الموظفة : امين ، ماودك بمساج للجسم ؟
مناهل : لا مابي كذا مرا وحدة ، بكرا بسوي المساج والحمام المغربي
الموظفة : اللي يريحك