لو قلت لقلبي توب عيني تكذبني

الجزء الثالث

وصلو المستشفى ودخلو مكتب سعد
سعد : طالعي اول شي تكونين رايقة ماتكونين متوترة او خايفة او شي من ذا الكلام تمام
مناهل : تمام
سعد : ثاني شي ترتبين مواعيد المرضى تشوفين اللي جو من زمان وتخلصينهم من بدري وتخلصين السريعين عشان اذا طولتي مع الباقين ماتأخري باقي الناس اللي ينتظرونك اوكي
مناهل : تمام
سعد : ثالث شي تسوينه تكسبين المريض عشان يقولك وش يحس في من اول لين آخر في مرضى مايبون عمليات يخافون يموتون وانتي لازم تبعدين هالشي عنهم لان نسبة ازدياد المرض كله بسبب النفسية اولا ثم الباقي
مناهل : اوك
سعد : انا عندي عملية قسطرة للقلب بتدخلين معي
مناهل : لاا لا تكفى لا اخاف من الدم
سعد : كلنا كنا زيك نخاف من الدم بس تعودنا وبعدين تخصصك كله دم بدم كيف تتعودين ؟ لازم من الحين تتعودين
مناهل : واذا صار لي شي داخل ؟
سعد : مايصيرلك شي وانا جمبك
مناهل : اكيد
سعد : اي الحين نروح نبدل ثيابنا ونعقم يدينا ونخش
مناهل : افك شعري ولا بطرحتي ؟
سعد : لو ودك تتفصخين بعد عادي
ضحكت مناهل وهي تضرب راسه بخفيف : كلبب
ضحك سعد : يلا يلا مافي وقت
مناهل : تماام
●
●
●
في جامعة البنات
عهد : وش صار معها ؟
ليلاس : مدري والله
مشت ليالي من عندهم وهي تشمق لهم : مالكم حس عشان المسترجلة مب معكم
الاء : تقلعي من قدامي لا اصفقك
ليالي : ماتسوين شي و مناهل مب فيه
ضحكت ليلاس وهي تحط رجل على رجل : الظاهر مشتاقة لتكفيخها ولا يتهيأ لي
عهد : هي مناهل اخذت اجازة اسبوع عشان ترجع تكفخك بقوة قوي نفسك عاد بتهد حيلك
ليالي : تخسين انتي وياها مابقى الا هي وعع
كشت عليهم وهي تمشي وهم يطالعونها بطرف عين
الاء : والله الجامعة ماتسوى من غير مناهل
ليلاس : طفش صدق
عهد : نمشي المحاضرة ذي والباقيات نسحب عليها
قامو البنات متوجهات للكلاس
●
●
●
في المحكمة كان الليث قدام القاضي ويعطيه الادلة ويتكلم بطلاقة الجمت محامي الطرف الثاني وكعادته كسب القضية بأبسط مايكون كونه افضل محامي بالمملكة
طلع وهو يطالع بالمحامي الثاني بابتسامة انتصار
الليث : لاتحط راسك براسي تمام يا شطور يلا شد حيلك يا بابا
ضحك الليث بصوت عالي وطلع متوجهه لمكتبه
الليث : يا زينه زيناااه شعور الانتصار لذييذ لذيييييذ
دخل نياف وقال : كفوو كفو عليك والله هذا ولد ال فيصل
الليث : كنت شاك بقدراتي ؟
نياف : يعني
دخل فهد وجلس على الكرسي وهو يمسح وجهه
نياف : وش فيك ؟
فهد : عندي جلسة بعد ساعتين والله القضية صعبة وخايف
الليث : فهد حط شي واحد براسك ان انت عمرك ما خسرت قضية كذا والله يجيك تحفيز قوي تفتخر بنفسك وتدفع نفسك انك توقف بكل ثقة وتكسب القضية اقلب كل شي ضدهم وخلي كل شي لصالحك
نياف : وش قضيتك ؟
فهد : وحدة طعنت واحد 13 طعنة
الليث : فهد احنا عمرنا ما دافعنا عن الخطأ دامها طعنته اتركها تتحاسب
فهد : انا افكر بخواتي يا ليث خواتي افكر ان اني اذا تركت البنت ما دافعت عنها بتدور الدنيا والله بخواتي وانا اموت ولا يضر خواتي شي
نياف : طعنته بدون سبب ؟
فهد : كان يبي يغتصبها وبسبب خوفها دافعت عن نفسها وطعنته
الليث : هذي اكثر القضايا المعقدة عندنا بالسعودية انت اذا من قلبك ودك تدافع عن البنت دافع عنها وترا للمعلومية عليها عقوبات يعني يمكن ينحكم عليها سجن بس اهوّن من القصاص
فهد : مدري والله
نياف : احنا بندخل معك للجلسة
فهد : اي والله يا ليت
بدأت جلسة فهد ودخل وهو اول مرا يتوتر لهالدرجة غمضو الليث ونياف عيونهم بمعنى " اهدأ احنا معك "
تنهد بتوتر وهو يطالع موكلته تطالع بالارض
فهد : لاتخافين بتطلعين بأقل الاضرار
ريما : تكفى طلعني
فهد : حاولي تهدأين
وقفو اول ما دخل القاضي واسترسل فهد بالكلام دفاعا عن موكلته بكل طلاقة لدرجة انه ماعطى الطرف الثاني مجال يتكلمون عطاهم ادلة وتقارير وتحاليل طبية وجاب شهود
ابتسم الليث وهو يطالع فهد من بداية ما وقف بثقة وهو يتكلم طار كل التوتر كان شكله مبهر جداً
فهد : حضرة القاضي هذا آخر شاهد عندي كان قريب موقع الحدث
القاضي : خله يتفضل
وقف الشاهد وهو ساكت بخوف وقال : هي كانت تمشي عادي وجاء واحد من وراها لمسها بمنطقة خطأ وهي بعدت عنه وماسوت له شي لكن يوم تمادى معها حاولت تدفه وتبعده عنها بس هو كان ثابت ماكانت تهزه ضرباتها كتمها وهو يشق ثيابها ويثبتها وهي بهاللحظة سحبت مقص كان بشنطتها وفقعت عينه هو صرخ وجرب يخنقها وهي بعدها طعنته عشان يبعد عنها كانت تطعنه بأماكن بعيدة عن قلبه لكن كان ثابت كان ضخم بشكل مرعب طعناتها ماتأثر فيها ليه طعنته بقلبه وطاح
فهد : معناها يا حضرة القاضي انها كانت تحاول تطعنه بعيد عن قلبه عشان بس يبعد عنه وفوق ماطعنته استمر بالاعتداء وش المفروض تسوي بهالحالة غير انها تطعنه بقلبه ؟
سكت القاضي وهو يشاور اللي جمبه وبعد ربع ساعة ضرب بمطرقته وقال : حكمت المحكمة بسجن المتهمة ريما سنة كاملة بقضية قتل غير متعمد دفاعا عن النفس
فهد : ظلم والله ظلمم
القاضي : تبي قصاص ؟
فهد : تنتظر تطالع فيه هو يذبحها قال الله تعالى ( وَلَا تُلْقُوا بِأَيْدِيكُمْ إِلَى التَّهْلُكَةِ ) تبونها تسكت ؟ اكيد تدافع عن نفسها حتى لو بالقتل
سكت القاضي يوم اقتنع بكلام فهد وقال : حكم براءة بحق المتهمة ريما
ابتسم فهد وسجد شكر لله وريما بكت وهي تشوف اهلها متوجهين لها
طلع فهد وراح لمكتبه ودخلو الليث و نياف
الليث : قلتلك انك قدها بس ماتصدق
فهد : والله هم وانزااح
نياف : انت تدري انك بتقدر تطلعها براءة بس تحب تكثر هرج
فهد : ابيكم تحفزوني المهم انا ماشي
نياف : على وين ؟
فهد : بروح اعلم خواتي وامي وابوي بأنجازاتي
الليث : يا حليله الورع
ضحك فهد وهو يطلع والليث ونياف يضحكون عليه
●
●
●
طلع من مكتبه متوجهه لحي فخم كل اللي فيه فلل وقصور
الليث : احترت والله وش اختار كل بيت يقول الزين عندي اصورلها
ولا اخليها مفاجأة خلني انزل ويصير خير
نزل وهو يأخذ رقم كان باللوحة جمب فيلا ودق : السلام عليكم اخوي ......... في فيلا بشارع ال ○○○ اذا فاضي ودي اشوفها ......... تمام .....فمان الله
قفل جواله وهو ينتظر بسيارته لين شاف رجال ونزلو للفيلا وشافوها
الليث : اووه يبيلها ترميم من داخل
الرجال : اكيد
الليث : الفلل اللي برا مرممة وجاهزة بس ينقصها الاثاث والكهرباء
الرجال : هذي ناقصها بس البويا عشان انت تحدد البويا اللي ودك
الليث : كم غرفة ؟
الرجال : تعال شوفها
الليث : ودي ابدأ من فوق
الرجال : اي تفضل حياك
الليث : الله يحيك
طلعو اول شي للسطح وكان كبيير حيل ومغطى بحيث اذا احد قعد فيه يأخذ راحته ومايضطر يتغطى من البيوت المجاورة
الليث : حلو ننزل تحت
نزلو تحت وشافو الغرف
الرجال : هذي اكبر غرفة هنا وفيها حمام الله يكرمك ( ويكرمكم )
الليث : يعني ذي اكبر غرفة وباقي الغرف صغار ؟
الرجال : لا كلهم كبار بس ذي اوسع حيل
الليث : زين ابي اشوف الغرف الباقية
لفو على كل الغرف ونزلو للطابق الارضي
الرجال : شف في هنا مجلس ومقابله مجلس المجلسين بعيدين عن بعض عشان لو كان واحد للرجال و واحد للحريم مايكونون جمب بعض
الليث : اي اي حلو
الرجال : هذي المغاسل والحمامات حق ذا المجلس الخارجي وهذي المغاسل والحمامات حق المجلس الداخلي مع الصالة
الليث : المطبخ وين ؟
الرجال : المطبخ هنا جمبه غرفتين فاضية
الليث : زين والحوش ؟
الرجال : تفضل شوفه
طلعو للحوش وقال الرجال : هذي خيمة هنا وجمبها حمامين و هذي الحديقة مع المسبح وفي كمان ملحق فيه غرفة وحمام ومطبخ وصالة
الليث : ودي اشوفه
راحو للملحق وكان الليث منبهر بالبيت واعجبه حيل وصوره
الليث : بكم البيت ذا ؟
الرجال : والله ب مليون و 500 الف
الليث : اووووه هذا من غير ترميم لو رممتها بكم بتبيعها ؟ لو ابيع كليتي ماجبت قيمته
ضحك الرجال : لاتبيع شي لو انت مقتدر اشتريه ماتقدر اتركه لغيرك
الليث : خلاص اجل انا بظل على تواصل معك وبعطيك خبر اذا بشتريه او لا لازم اخذ رأي المدام اول
ضحك الرجال وقال : لا طبعا اهم شي رأي المدام
ضحك الليث وهو يسلم على الرجال وطلع سيارته ودق عليها
مناهل : حي الله ليثوه
الليث : الله يحييتس
مناهل : ايه وش هالنبرة تقطر وناسة جعله دايم
الليث : لقيت بيت لنا
مناهل : ايوه ؟
الليث : بستشيرك فيه
مناهل : اوصفه
الليث : اول شي السطح كبير حيل ومغطى ثاني شي الدور الاول فيه 8 غرف و وحدة من الغرف كبيرة حيل فيها حمام داخلي هذي تكون لنا
مناهل : ليي انت انقلع غرفة ثانية يعني غرفة لي وغرفة لك وغرفة لملابسنا و غرفة خاصة فيني اذاكر فيها وغرفة خاصة لك يعني مكتب تبقى 3 غرف فاضية لعيالنا
الليث : تبقى 4 غرف انا وياتس غرفة وحدة
مناهل : مقدر
الليث : يصير خير
مناهل : اي كمل
الليث : الدور الارضي فيه مجلس وصالة كبيرة وغرفتين ومطبخ وفيه 4 حمامات مع مغاسل للضيوف
مناهل : وحنا ؟
الليث : فوق عند الغرف في 4 حمامات
مناهل : يعني فوق 8 غرف و 4 حمامات
الليث : ايه
مناهل : وتحت مجلس وصالة و 4 حمامات ومطبخ
الليث : وغرفتين بعد
مناهل : الغرفتين ذي وحدة لتنشير الملابس و وحدة نحط فيها العاب عيالنا
الليث : احلامتس كبيرة حتى عيالنا تذكرينهم لاتتحمسين اصبري يضبط كل شي
مناهل : مالك دخل فيني خلني اقول اللي ابي
ضحك الليث : تمام تمام قولي اللي تبين المهم وفي كمان مجلس ثاني منعزل شوي عن الصالة
مناهل : هذا حق الرجال
الليث : ايه حتى انا قلت كذا فيه 2 حمامات
مناهل : ايوه
الليث : وبرا بالحوش الحوش كبير كبير كبير حيييييل
مناهل : احسن شي عشان نسوي حديقة لعيالنا
ضحك الليث وقال متقصد الاحراج : ودتس بعيال واجد
استحت مناهل وقالت : لا تصير قليل ادب مو قصدي كذا
الليث : المهم في خيمة بالحوش يعني اول ماتدخلين البيت الخيمة على يمينتس و جمبها 2 حمامات
مناهل : البيت كله حمامات
الليث : لا الشي الحلو انه مقسم الحمامات على البيت كله يعني لو عزمنا احد مايختلطون الرجال والحريم بنفس الحمام
مناهل : اي صح عليك
الليث : وفي على يمينتس يعني قدام الخيمة الحديقة قدامها مسبح و ورا البيت في ملحق غرفة وحمام ومطبخ وصالة وفي كمان جمب الملحق مدخل يكفي 5 سيارات
مناهل : قصر ذا الله يسلمك
الليث : انا ابيتس تعيشين بقصر ابيتس تعيشين اميرة
مناهل : وااه يا ليوثي احبك
الليث : وانا والله اكثر
مناهل : يارب ماتروح
الليث : ما اروح ما اروح انتي ودعاويتس ذي دعاوي مبزرة
مناهل : حدك عااد
الليث : ارسلت لتس مقطع فيديو بالواتس
مناهل : وش مقطعه ؟
الليث : صورت الفيلا عشان تشوفينها
مناهل : تمام اشوفها وارجع ادق عليك
الليث : تمام
قفل الليث وهو يحرك متوجهه لبيتهم
كيان : صاير يرجع البيت مروق كثير
ذيب : وضعه مشكوك فيه
الليث : عفوا تبون شي ؟
ذياب : ليه الابتسامة شاقة وجهك شق ؟
الليث : تحاسبني حتى على الابتسامة انقلع يا ابوي
ركضت لين وهي تنط بحضن الليث وهو ماسكها من خصرها ورافعها
الليث : ماتعقلين انتي ؟
نزلها وهي متعلقة برقبته : وحشتنيي
الليث : وانتي اكثر وحشتيني بس انزلي
نزلت لين وهي تجلس جمب الليث
اريج : وش ذا المحبة
دخلو آسر و صقر
ام صقر : يا يمه بكرا بنروح نزور عبير ولدت
قالو كلهم بصوت واحد باستثناء اريج وصقر وآسر : ولدتتت ؟؟؟
ام صقر : اي ولدت وش تبون الطفل طول عمره ببطنها
ذيب : وش جابت ؟
طلع آسر زقارته وهو يحطها بشفايفه ورفع ولاعته وشغلها
ام صقر : جابت بنت يقولون بيسمونها نور
الليث : اكره اسم بحياتي
ام صقر : لا جتك بنت سمها اللي تبي
رجع ظهره لورا وهو فاتح يدينه وقال : اخخ بناتي يا يمهه بناتي متى تجي امهم
ضحكو آسر وصقر بخفوت
كيان : قول يا كيان اخطبيلي اخطبلك
الليث : لاتوني مو مستعد للزواج
آسر : اشتريت اللي قلت بتشتريه ؟
الليث : انتظر الموافقة من الرأس الكبير واشتريه
ضحك آسر وهو يبعد الزقارة من فمه وحاطها وسط اصابعها الوسطى والسبابة : والرأس الكبير مطول ؟
الليث : لا ارسلت له المقطع قلت اذا عجبك اشتريه
وقف اسر وهو متوجهه للدرج : الرأس الكبير ذا مخليك ماشي مضبوط
ضحك الليث وهو يسحب المخدة من تحت رأس ذيب ويرميها على آسر
ذيب : كسر يكسر يدكك رقبتي كنت بتقلعها
الليث : فداي
ذيب : انقلع يا شيخ
دخل ابو صقر وهو يتوسط الصالة
الليث : انا رايح غرفتي
ابو صقر : اجلس بكلمك
الليث : سم
ابو صقر : خلاص انت صاير كبير عمرك 25
الليث : طيب ؟
ابو صقر : متى تخطب ؟
الليث : الخبر عندك انا حرمت من داخل القبيلة
وقف الليث وطلع لغرفته وابوه تنهد بقلة حيلة وسكتو كلهم
●
●
●
في بيت ابو فهد
نواهل : والله البيت كلمة فخم قليلة بحقه يجنن
مناهل : يجنن بمعنى الكلمة
نواهل : قوليله يشتريه
مناهل : اخاف يكون مبلغ مبالغ فيه
نواهل : مالك دخل انتي وبعدين اذا اشتراه مب لك بيكون له هو ومن صالحه
مناهل : تقولين ؟
نواهل : اي اقول
انفتح الباب بقوة خرشهم الثنتين
مسكت مناهل قلبها : يبه يا يبه حرام عليك
ابو فهد : وش عندك انتي وياها بالغرفة ؟ 24 ساعة بالغرفة تتهامسون وش عندكم ؟
نواهل : وش عندنا يا بابا وش عندنا ؟
ابو فهد : الغرف ما تدخلونها الا وقت النوم يلا قدامي يلاا
قامو البنات بحلطمة وهم ينزلون تحت
اخذت نواهل جوالها و قال ابوها : اتركيه اتركيه ماجبتكم تجلسون عشان تقعدون على ذا الزفت اللي اخذ عقولكم
همس سعد لمناهل وقال : شكله بيستقعد اليوم
مناهل بنفس الهمس : اي والله شكله
ضحكو بداخلهم وهم يشوفون ابوهم معصب
ام فهد : علامك انت تصارخ عليهم ؟
ابو فهد : بيني وبين عيالي ؟
ام فهد : وانا من الشارع ؟
ابو فهد : ميساااء
ابتسمت وقالت : لبيه يا كل ميساء
انصدمو مناهل واخوانها وهم يطالعون امهم تهتز عالصامت وسرعان ما انفجرو كلهم ضحك
فهد : عشنا رومنسيااات
ابو فهد : اسكت انت
فهد : وش فيك يا الغالي معصب ؟
ابو فهد : معصب من اللي تعبدونه ذا ( يقصد الجوال )
سعود : يعني الحين يبه كل ماتزين الجلسة نفتح موضوع الجوالات ؟
ابو فهد : لا انت استثنيك من موضوع الجوالات تعال تعال
أشر لسعود بمعنى " تعال " وقام سعود يمشي ببطئ لين عند ابوه وجلس
ابو فهد : انت متى تصير عاقل ؟
ضربه برقبته وقال سعود : وشو يبه ؟ ماسويت شي ؟
ابو فهد : و سعيد اللي جالده
سعود : ماجلدت احد
ابو فهد بحدة : لا تكذببب
سعود : يبه هو اللي بدأ
ام فهد : بزر انت هو اللي بدأ انا اللي بديت متى تكبر انت وتعقل
سعود : انا ما احب احد يدوس لي على طرف جالس يرمي علي كلام اسود يا يبه اقولك وش يقول ؟
ابو فهد : وش يقول ؟
سعود : مب رجال انا يوم اقول كلام زي كذا الكلام اللي قاله مايقولونه الا عيال شوارع مالهم والي
ابو فهد : ما شاء الله متى صرت عاقل ؟
سعود : من يومي بس انت الله يصلحك ما تعطيني فرصة اظهر هالشي
ابو فهد : قم قم
قام سعود وهو يضحك وجلس جمب اخوانه
نواهل : غني لنا ؟
مناهل : ما اساعد على الفساد
فهد : هه هه من يتكلم عن الفساد ؟
مناهل : بنت ال حزام
ابو فهد : والتبن
مناهل : مشكور طال عمرك بس تراك من ال حزام بعد
ضحكو كلهم على وجهه مناهل
ابو فهد : روحي غسلي الشيشة وانتي يا نواهل شغلي الفحم
ام فهد : يا هادي انا ابي عيالك يتركون السم ذا تجي انت بالشيشة
ابو فهد : انا رجال اعرف مصلحة نفسي
قامت مناهل تجهز الجلسة بالحوش وتجهز الشيشة ونواهل تشغل الفحم وتجهز اغراض الشيشة واخذو العيال فرواتهم والبنات كذلك وطلعو للحوش
مناهل : يلا الجو يبيله عود من عزفي واغنية من صوت سعد
سعد : تمام اغنية " اعترف "
مناهل : تمام يلا