آخر وحدة بالدنيا اقولكم شهر مبارك علينا وعليكم ورمضان كريم .
اعتذر عن تأخير تنزيل البارتات لكن تعرفون قروشة رمضان تمنعني اني انزل واجد وان شاء الله بحاول قد ما اقدر انزل لكم بدون قطعات .
فاطمة بهمس : سعد اهدأ احنا نحتاجه
سعد : وشوو ؟؟ انكتمي انتي لا افصل عليك
فاروق : تكلم معها زين تر مب اصغر عيالك هي
سعد : مالك دخل هذا شي بيني وبينا انت وش عليك ؟ حاشر عمرك معنا ليه ؟
فاروق : هذيي خطيبتي
وسع عيونه بصدمة وقال : نعم ؟
فاروق : خطيبتي ولو ودك تدق على ابوها وتسأل اسأله عادي ماعندي مشكلة لو انك مب مصدقني
سعد : وش يقول ذا ؟
فاطمة : هذا خطيبي يا سعد
رفع حواجبه وهو يحاول يخفي صدمته : اهاا اوكي ماعلي فيكم الحين انا جاي ابي الموقع
ضحك فاروق بسخرية و قال : ماعليك فينا ؟ كان قلت من قبل المهم اسلم ذا الموقع
اخذ سعد الموقع وركب سيارته
فاروق : مين ذا ؟
فاطمة : اخو زوجة الليث
فاروق : اهاا ، مرا ثانية لو اشوفه ماسك يدك زي كذا اكسرها له تسمعين ؟
هزت راسها بمعنى " ايه " ومشت وركبت السيارة مع سعد وحرّك وهو ساكت مايبي يقول شي
فاطمة : سعد ؟ وش فيك ؟
سعد : وش فيني يعني ؟ مافيني الا العافية
فاطمة : بروح معك للموقع
سعد : مارح تجين تسوين شي وجودك وعدمه واحد
فاطمة : بس ابي اجي معك
سعد : قلتلك لا
فاطمة : انا اللي جبتلك الموقع مب انت اللي جايبه
سعد : امسكي موقعك وكلمي اخوك يسوي كل شي
وصلها ونزلو وهو دخل لمجلس الرجال وهي دخلت عند البنات
ام قصي : فطيم تعالي هنا اجلسي
فاطمة : بقعد هنا عند البنات يا يمه
ام قصي : اقول تعالي هنا
ام ياسر : خليها تقعد عند البنات وش تسوي عندنا هنا ؟
ام قصي : بحاكيها انا ، تعالي
قامت فاطمة وجلست جمب امها
فاطمة : وشو يا يمه ؟
ام قصي : وش تسوين عند الحثالة هناك ؟
فاطمة : استغفر الله يا يمه وش من حثالة جالسين نسولف
ام قصي : اقول لاتسولفين معهن ولا شي
فاطمة : اتوحد يمه ؟
ام قصي : وقبل شلون توحدتي ؟ تبين تصيرين داشرة زيهن ؟
فاطمة : وش دشرته يا يمه الله يخليتس طفشانة طيب
ام قصي : اسكتي وانا اعلمتس بالبيت
جلست فاطمة وهي تتحلطم من حركات امها
●
●
●
عند العيال
جمال : وش بنسوي الحين ؟
احمد : انت اهدأ شوي
جمال : لا مابهدأ اذا انتم عادي عندكم يجلس عمار بالسجن انا مب عادي عندي وان كان عمار بيجلس هناك اكثر بجلس معه
ماجد : صلي على النبي يا جمال بنطلعه ان شاء الله
سعد : بقولكم شي بس اسألك بالله يا قصي ماتسوي شي
سكتو العيال وهم يطالعون سعد
قصي : وش فيه ؟
سعد : احلف ماتلمس فاطمة ولاتجيها
قصي : وش تقول انت ؟
سعد : اول شي احلف انك ماتجي فاطمة وانا بقولكم
قصي : والله ما اجيها ولا اسويلها شي
قال سعد للعيال كل شي
جمال : يعني الحين واحد ثاني يهدد البنات من حساب عمار
سعد : ايه
حمد : يعني الموقع مع فطيم ؟
سعد : ايه
جمال : ليههه ساكتتت اخلصو يلا بسرعة
طلعو العيال واخذ قصي الموقع من فاطمة وراحو له ، وصلو للاستراحة ودقو الباب وطلع رجال ضخم
جمال : ابي مهيوب
الرجال : ماعندنا احد اسمه مهيوب توكل
مسكه آسر من ياقته وقال : طلعه لا تطلع روحك الحين يلاا
الرجال : مسوي تخوفني عشانك رجال قانون؟ ترا مارفعك الا ذا القانون يا رخمة يلا مناك يلاا
لكمه آسر بوجهه وكلبشه بعد ماصفّقه ودخلو باقي العيال الاستراحة
وشافو رجال كثير و متوسطهم رجال مربط ومنجلد جلد مايرحم
صقر : فكوه لا يجيكم اخص منه
طاهر : نعم ؟ اقول يلا يا حبيبي برا
طلعو العيال اسلحتهم وهم يفكون الرجال المربط
فهد : مين انتو ؟ وليه ماسكينه ؟
مشعل : لاتسألهم هم نسأل المنجلد
مسكو الرجال و ودوهم للنظارة و مهيوب اخذوه للمستشفى
بدر : ليه مسكوك ؟ ليه يجلدونك كذا ؟
مهيوب : كنت بكوفي جالس و عمار كان جالس جمبي دخل واحد من الرجال وكان يطالعني وانا سويت نفسي ما اشوفه وبعد ما طلعت من الكوفي لحقني لين برا ومسكني ولكمني بوجهي وهددني اذا ماسحبت جوال عمار بيذبحني وانا دخلت واخذت جوال عمار وخذيت الباسورد حقه وعطيتهم وبعدها جلسو يهددون بنات واجد من حساب عمار من جوالي وكم من مرا بغيت انحاش منهم يمسكوني ويجلدوني لين يقولون امين
سالم : طيب كم لك عندهم ؟
مهيوب : حوالي اسبوع تقريبا
صقر : طيب كم كانو ؟
مهيوب : واجد بس اللي كانو حولي 15 واحد وكل يوم يجون رجال ويروحون
احمد : شفت كبيرهم ؟
مهيوب : لا بس سمعتهم يقولون يا عثمان يدورون عليك
سالم : هذا عثمان ناوي نية بنت كلب
صقر : انا بستلمه بس خلني اتزوج ويصير خير انا اوريه ، الحين عمار وش قصته ؟ بتطلعوه ؟
سالم : ايه الحين نطلعه اكلم جمال يطلعه
دق سالم على جمال وقال : هلا جمال خلاص طلعوه
جمال : تمام
قفل سالم الخط وقال : يلا انا ماشي وانت بنحط لك عساكر حولك عشان مايجونك لين نمسكهم
مهيوب : تمام
طلعو العيال وكل واحد رجع لبيته
●
●
●
في بيت الليث
تروشت وطلعت وهي لابسة المنشفة ورابطة ربطتها على خصرها جلست قدام التسريحة وهو منسدح على السرير
رطبت جسمها بكريم جسم وعطرته بمعطر جسم خاص ولبست قميص نوم سماوي حرير لين الساق مفتوح سبعة من الصدر و باكمام طويلة وبنهاية الكم ريش سماوي ولبست معه نعال ابيض و لبست سلسال ذهبي ناعم عليه جوهرة بالوسط من سوارفسكي وحلق ناعم وخلخال ناعم وتعطرت وسوت عود على نحرها و بيدها بمكان النبض
وشعرها سوته ستريت وخلته منسدل على ظهرها ، مشطت حواجبها وسوت مسكرا وتنت على خدودها وشفايفها وجلست تنثر شعرها وهو يتأمل كل تفصيل بسيط تسويه
مناهل : متى بترجع مي ؟
الليث : الحين بروح اجيبها
مناهل : احسن عشان ماتقول اخذتي الليث مني واليوم يومي
الليث : ابي انام معتس اليوم
مناهل : اقولك اليوم يومها
جلست جمبه وهي تمسك يده وقام وجلس وهو يطالع فيها وهي تحط شعرها ورا اذنها
مناهل : واذا جبتها اكيد بتنام عندها مب عندي
الليث : بستأذن منها انا ابيتس انتي اليوم
ابتسمت مناهل وقالت : مدري
الليث : وش ماتدرين غصب
مناهل : طيب
عض شفته وهو يتأملها وخااااق مرا مرا مرا كانت طالعة تجنن يحب ويعشق كشختها ونعومتها واسلوبها معه بالذات بعد ماتزوج عليها صار يحب اسلوب عنادها مع مي اكثر
مناهل : خير تطالعني كذا ؟
الليث : قربي بقولتس
قربت منها ومسك فكها وهو يرفعها وباسها من شفايفها ونزل لنحرها وبعدت عنه : لا لا تكفى الاسبوع الجاي عندي زواج مابي رقبتي تكون كلها اشياء مو كويسة
ضحك وهو يشدها لحضنه وباسها من عنقها ومن رقبتها ونحرها وصارت علامات
وقفت قدام المرايا وهي تطالع رقبتها : والله انك حيوان مالك داعي ابدد ابدد ابددددد
ضحك الليث وهو يوقف وحضنها من ورا وقال : خليتس جاهزة بروح ربع ساعة واجي طيب ؟
لفت وهي تحاوط رقبته وقالت : طيب لا تطول علي لاني ابيك
الليث : ابشري
قربت وهي ترفع رجولها وباسته من خده قريب شفايفه وقالت : احبك
الليث : بجيتس واعلمتس شلون تحبيني
ضحكت وهي تمشي وراه وهو ينزل ، فتحت له الباب وقالت : انتبه على نفسك
الليث : من عيوني
ركب سيارته وحرك وهي دخلت وجلست بالصالة تتقهوى وتطقطق بجوالها
مناهل : وش ذا البيت اللي يصير مخيس من غير ليوثي
ضحكت وقالت : لا والله مخيس بدون ازعاج مي
وصل الليث ودخلو وقالت مي : اهلين
مناهل : وش ضيقة الصدر ذي بس يلا اهلين
مي : تكدر خاطري من شوفتك بس تهون عشان ليثي
مناهل : اقول على طاري ليثك ودي اخطفه اليوم
مي : اسفة بس انا جاية مشتاقة لزوجي
مناهل : اي بس انا ابيه لاتنسين الاسبوع اللي راح اخذتيه مرتين بيومي رجعي الدين اللي عليك
مي : تذلين ؟ احنا اتفقنا ماتقولين رجعي دينك
مناهل : اقول لا يكثر بس والليث اليوم عندي
مي : لييثث
الليث : بنام عندها الليلة
مي : لا
مناهل : نترجاك يعني ؟ تخسين وباخذه باخذه
قرب الليث من مي وهو يبوس خدها وقال : تكفين
مي : تمام
الليث : حبيبتي والله ، الحين روحي ارتاحي
مي : من عيوني
رفعت رجولها وهي تبوسه من شفايفه
مناهل : عمى ان شاء الله سويله كذا بغرفتك
مسكت يد الليث وهم يدخلون للغرفة وجلس الليث بالسرير وهو يجلسها برجوله وجلس يتأملها ، رفعت يدينها وهي تمسك وجهه وقالت : تدري انك حلو ؟
الليث : والله مازنت الا بشوفتس
مناهل : ادري
رفعت يدها وهي تخللها بشعره وتبعثره وابتسمت وقالت : ياحلو شعرك بس ياحلوه حلواااهه
ضحك وهو يمسك يدها ويبوس باطنها وقال : انا هايم يا مناهل
مناهل : ب مين ؟
الليث : في غيرتس ؟
مناهل : يعني
رفع يدها وهو يضمها لحضنه بقوة حست ان ضلوعها تتكسر وعضت شفتها من الالم
مناهل : وش فيك ؟
الليث : خليتس كذا شوي تكفين
مناهل : تعبان طيب ؟
الليث : خليني كذا اطلع شوقي لتس والله اني متوجع من زود الشوق ، والله انه لعب بي لعبٍ مب هيّن
مناهل : انت اللي قاعد تبعد مب انا
الليث : آسف يا مناهل عن كل شي صار آسف
مناهل : ماعليه
الليث : مافي بالخواطر شي ؟
رفعت يدها وهي تشد على ثوبه وقالت : ابد وان كان في تراه راح الحين
بعد عنها وهو يطالع عيونها وهي بالمثل
الليث : عيونتس تتعّبني والله
مناهل : مشكور
الليث : مشكور تدرين وين تحطينها ؟
مناهل : عيب عيب
قامت مناهل وهي تجلس فوق السرير وقالت : فيني النوم والله
طالعها الليث بنظرات رجاء وهو يبتسم وقالت : ليث لا توني متروشة والله لا
الليث : تكفين
مناهل : ليل ليل و درجة الحرارة 14 برد يا ليث
الليث : اروح ؟
مناهل : براحتك
الليث : متاكدة ؟
مناهل : ماني متاكدة من شي انت اذا تبي تروح روح
وقف الليث وقال : تمام
فتح الباب وطلع وقفله وراه
مناهل : تو يقول آسف ؟ مريض
تلحفت وهي تفكر لين غلبها النوم و نامت
●
●
●
بيوم زواج صقر & مناهل
الساعة 12:00 ظهراً يوم الخميس
في بيت الليث
قامت من النوم وهي تشوفه نايم ويدينه محاوطة بطنها
مناهل : ليث ياعيوني قم يلا
الليث : بنام شوي بس
مناهل : قم خلنا نتجهز
الليث : رحت احلق انا امس وجاهز
مناهل : طيب مابتقوم تتروش تلبس تأكل
الليث : طيب شوي واقوم
مناهل : لييثث يلاا
قام الليث وهو يتأفف غسّل وجهه وصلّى الظهر وراح يجيب غداء من برا ، مناهل قامت غسّلت وجهها وصلّت الظهر وراحت لمي
مناهل : يا كريهة
مي : نعممم حتى النوم ماتخلين احد ينام انتي ؟
مناهل : قومي تجهزي لا اصفقك ليث قال بيرجع وانتي صاحية
مي : طيب خلاص انا قمت
مناهل : لا ما قمتي اخلصي قومي صلي
مي : يالييل
فتحت مي الباب وهي تطالع مناهل بطرف عين وراحت للحمام ( اكرمكم الله ) وتوضت وصلّت الظهر ونزلو ينتظرون الليث وهم يتقهوون لين جاء قامو وهم ياخذون الاغراض وجهزو الغداء وجلسو يتغدون بهدوء لين قطعه جوال مناهل
مناهل : هلا ذيب
ذيب : تكفين يخي خارجينا
مناهل : ليه وش فيه ؟
ذيب : اختتس تبكي مارضت تتصور
ضحكت مناهل وقالت : تمام انا اجيكم الحين
ذيب : طيب انا الحين بجيتس
مناهل : تمام
قفلت مناهل وقالت : ليث حبيبي انا بروح مع ذيب وبتجهز بالقاعة لان نواهل تبيني
الليث : طيب
طلعت مناهل وتروشت ورطبت جسمها وتعطرت واخذت شنطتها وهي تحط فستانها وكعبها وطقمها و البخور والعطر ومكياجها ولبست عبايتها ونزلت
الليث : انتبهي لنفستس
مناهل : تمام
الليث : اول من يشوفتس انا تسمعين ؟
ابتسمت مناهل وهي تبوسه بخده وقالت : تمام
دق الباب وفتحه الليث واخذ شنطتها وحطها بالسيارة وركبت
ذيب : لا تبطي انت
الليث : طيب
مناهل : ليث اغراضك كلها بالغرفة جاهزة
الليث : تمام يا حبيبي
شغل ذيب السيارة وحركو للقاعة وشافت نواهل تبكي وصقر واقف قدامها والكوفيرة تعدل مكياجها
الكوفيرة : هذي المرا المليون اللي عدلت فيه مكياجها
صقر : نواهل ياعيوني بس
نواهل : معد ابي معد ابيي
جلست مناهل قدامها وهي تحضنها وبكت نواهل وقالت : مابي خليه يروح
مناهل : خليك عاقلة وش يروح تستهبلين ؟
بعدت مناهل عن نواهل وهي تمسح دموعها وتعدل مكياجها وتهديها
مناهل : خليه المصورة تصورك يلا
وقفت نواهل بعد ما ضبطوها وكملو تصوير ومناهل دخلت الغرفة الثانية تتجهز
أنت تقرأ
لو قلت لقلبي توب عيني تكذبني
Storie d'amoreدخل الليث البيت والتعب لاعب فيه لعب رمى نفسه على الكنبة وهو يهف وجهه يبعد ريحة الدخان الليث : آسر تكفى وخر سكت آسر وهو يطلع زقارته الثانية ويحطها بشفايفه وياخذ الولاعة ويشغل الزقارة دخل ابو صقر وهو يقول : انا كم مرا اقول الزفت ذا لا تقربه ؟ آسر :...
