لو قلت لقلبي توب عيني تكذبني

الجزء الثامن والثلاثين

صقر : دامك تشوف نفسك مب غلطان وماكسرت زوجتك ليه خايف على لين وكيان من اخوانها ؟
سكت الليث وهو يزفر بغضب شياطين الارض كلها فوق راسه
الليث : يعني الحين كل من بغى صفقني يصفق ؟
صقر : محد قال كذا بس انت يعني من يوم تزوجت مي وانت مطنش مناهل وساحب عليها ليه ؟ ترا ربي بيعاقبك لأنك ماتعدل بينهم
الليث : ليه امشي وراها وهي تطنشني ولا كأنها تشوفني ؟ ليه ؟؟
صقر : لأنها قاعدة تشوفك
قاطعه الليث وقال : بس بس لاتجلسون تدافعون عليها انها هي الملاك المسكينة البريئة وانا الوصخ الخبيث
صقر : طيب طلقها وخلها تشوف حياتها
الليث : ابيهاا انا تفهم انت ؟ احبها انا وابيها ورب الكعبة اني ما احب مي ولا ابيها انا ابي مناهل مابقلبي الا مناهل ليه ماتفهمون ؟
صقر : ليه تزوجت عليها طيب ؟
الليث : اشياء يا صقر بيننا ماتنقال
صقر : طيب
وقف صقر وهو يضرب كتف الليث بخفيف وقال : شد حيلك بيصير خير ان شاء الله
الليث : ان شاء الله
●
●
●
بعد 4 شهور يوم الخميس الساعة 7:00
كانو البنات جالسات وهم يفصفصون
لين : ماباقي شي خلاص كل شي جاهز
هيام : وذي باقي ما ولدت والعرس بعد اسبوع ترا مع نفسك اذا ولدتي قبل العرس بيوم او بيوم العرس
ضحكت فاطمة وقالت : تخيلي تولد بالعرس
ليان : حفلة ثانية
مسكت مرام يد الهنوف وشدت عليها وهي تعض شفتها
الهنوف : وش فيك ؟
مرام : بطنيي بطني بطني في موياا تنزلل بطنيي
الهنوف : للاا مب حولي معرف معرففف
عبير : اهدي مافي شي بتولدين الحين قومو كلمو العيال يجهزون السيارة وانتي قومي جيبي عبايتها
قامت نوف تجيب عباية مرام والهنوف راحت متوجهة للمجلس وضربت وجهها بصدر ماجد
ماجد : عمياء ؟
الهنوف : قول لنايف بسرعة يجهز السيارة مرام بتولد بتولدد بسرعة
ماجد : طيب طيب
دخل ماجد عند الرجال وهو منخرش وقال : نايف حرمتك بتولد
فزو الرجال وراح نايف للحريم وهو يشيل مرام اللي تبكي وتصارخ
والحريم حولها
نايف : وش اسويي انا
ضحك قصي وقال : علامك بشويش على نفسك لا تنهبل خلاص الحريم يجون معها اهدأ
نايف : بتموت
ياسر : صلي على النبي ما تموت كلها ولادة
نايف : مايجيها شي يعني ؟
قصي : ما يجيها شي تطمن
ركبو السيارة وهم يروحون للمستشفى وكان فيه نايف و نواف وام نايف و ام مرام وابو نايف و ابو مرام و ابو فهد
نايف : يمه يا يمه ماتسمعين صراخها والله يا يمه بتتعب
ام مرام : يا وليدي مافيها الا العافية مابيصير شي
نايف : صوتهاا عاليي
ابو نايف : اكيد وش تبيها تهمس يعني ؟
نايف : يعني ليه كذاا ؟؟
ابو فهد : استغفر الله يا نايف مايجوز تعترض
نايف : استغفر الله العظيم استغفر الله العظيم ، طيب يعني مارح تموت
ابو مرام : خلاص يا ابن الحلال بسم الله على بنتي ما بتموت
نايف : يا خاليي اخافف طيب اخاف
ابو مرام : اهدأ لو سمحت عشان نهدأ احنا بعد
طلعت الدكتورة وقالت : مبروك ما جاكم وتتربى بعزكم
نايف : زوجتي طيبة ؟
الدكتورة : اي اي طيبة ومافيها الا العافية
نايف : طيب ليه كانت تصارخ ؟
ضربته امه برأسه وقالت : حمار انت ؟ جالسين يضربون لها ابرة ؟ ولادة ذي اكيد بتصارخ
ضحكت الدكتورة وقالت : ودكم تشوفونها ؟
نايف : انا ابي اشوف زوجتي والحيوانة اللي جت وخلت زوجتي تتعب ما ابيها
ابو مرام : صاحي انت ؟
ضحك نواف وقال : لا والله يا خالي مب صاحي
ضحك نايف وقال : ابي اشيلها
ابو فهد : زوجتو بزر انتم ؟ الله يعين مرام بتربي اثنين
نايف : وش قصدك ؟
ابو فهد : اللي برأسك
الدكتورة : ادخلو داخل لين اجيبلكم الطفلة
راح نايف قبلهم ودخل وهو يجلس جمبها ومسك يدها وقال : طيبة انتي ؟
مرام : ايه ، وين ابوي وامي
ابو مرام : احنا هنا يا بنيتي الحمدلله على السلامة ومبروك ما جاك
ام مرام : تتربى بعزك يا حبيبتي
مرام : ابي اشوفها
دخلت الدكتورة وبحضنها الطفلة وقالت : رضعيها
اخذت مرام بنتها وهي تطالعها وقالت : يا حلوها
اخذها نايف وقال : قد كف يدي صغييرة حييلل
قرب نواف وهو يشيلها وقال : يا جعلني افدااهاا تجنن ياحلوها السعيلة يا حلوها حبيبة عمهاا ، نايف يصلح اخذها ؟
اخذها نايف وقال : رح تزوج وجب زيها
نواف : تكفى يا نايف والله اعطيك المبلغ اللي تبيه
ضحك ابو نايف وقال : هي بتعيش معنا وقت ماتبيها خذها
نواف : حلوة حلوة تجنن
مرام : بنت مرام
نواف : تشبه كل العائلة الا انتي
مرام : لو بيدي كان قمت صفقتك الحين بس مقدر
نايف : يلا هش هش زوجتي تبي ترضع بنتي يلا
طلعو وهم يضحكون عليه
نايف : يلا يلا رضعيها
مرام : وانت ما بتطلع ؟
نايف : عادي حبيبي انا شايفك من فوق لين تحت
ضحكت مرام وقالت : قليل ادبب
ضحك نايف وقال : يلا رضعيها حرام تبكي يلا
مرام : نذلل
جلست ترضع بنتها وهي مستحية وهو مبسوووط مراا
●
●
●
نواهل : صقر ابي اجي معك تكفى خذني تكفى
صقر : ماينفع نروح ندرعم عليهم كلنا
نواهل : تكفى صقر تكفى تكفى تكفى
ابتسم وصقر : والله نثقل عليهم
باسته بخده وقالت بنبرة رجاء : لو سمحتت
صقر : نقطة ضعف اركبي حسبي الله بس
ركبت وهي تضحك
مناهل : ماودي اضيق عليكم بس عادي اجي ؟
صقر : اركبي وانا اخوك اركبي
فتحت مناهل الباب وركبت
نواهل : تتوقعين حلوة ؟
مناهل : بتطلع تجنن انتاج نايف و مرام ذي
نواهل : حمااس
صقر : ودتس ؟
استحت نواهل وهي تضرب كتفه وقالت : بلا قلة حيا
ضحكت مناهل وقالت : عشنا اللي تستحيي
نواهل : ليه وش قالولك ماعندي دم ما استحي ؟
مناهل : شبه
انفتح الباب وقال صقر : نعم ؟
آسر : وقفني عند نص الشارع
شغل صقر السيارة وقال : وش فيه ؟
آسر : عثمان يا صقر عثمان
صقر : لا حوووولل انزلو انتو مب رايحين للمستشفى
آسر : رحح لنايف انت عيب كلهم راحو اعتذله عني وانا بشوف وش يبي
صقر : متأكد ؟
آسر : يلااا
حرك صقر وهو يوقف آسر بنص الشارع : انتبه لنفسك زين
آسر : ان شاء الله
نواهل : مين هذا عثمان ؟
صقر : هذا واحد مجرم يلاحقونه
نواهل : يلعن ام الحماس خل نروح معه
لف صقر وهو يطالعها ورافع حواجبه وقال : وش ؟
نواهل : نروح المستشفى
ضحكت مناهل بخفوت وقالت بهمس : غبية
وصلو المستشفى ونزلو وهم يشوفون العيال واقفين عند نواف
صقر : مبروك ما جاكم تتربى بعزكم
نواف : الله يبارك فيك والله يا صقر تجنن تجنن
عمار : خلاص يا ابن الحلال باقي تمسكنا واحد واحد وتقول تجنن تجنن اشغلنا انا ماسويت زيك يوم جاء فيصل وهو جاء وشال اسم العايلة كلها
مشعل : منجد بشويش على نفسك لا تموت
مناهل : نوافووه وينها ؟
نواف : داخل بالغرفة
دخلو نواهل و مناهل وسلمو على مرام وشافو بنتها " وعد "
مناهل : واااااههه يا حلوها تجننن صغيرة
نواهل : واي يدلبي اناا تجنن تجنن
رهام : ودي افعصها تنأكلل
نوف : وخرو عن بنت اخوي لو سمحتو
مناهل : وخري انتي لا احفر كوعي بوجهك وخري
ضحكو البنات وبكى فيصل
بدور : مو حلوة منتس يا مناهل تسحبين على وليدي
مناهل : اخسي اسحب عليه هذا حبيبي حبيبي
ضحكت مناهل وهي تشيل فيصل وهو سكت
مناهل : كذا نظامك يعني ؟ الناس تطنشني يلا لازم ابكي عشان يعطوني وجهه مهبول زي ابوه
فيصل : ننه
مناهل : مب وقت الننه يا قلبي
فيصل : ننه
مناهل : خلاص طيب اسكت ، بنت انتي جبتي رضاعته ؟
بدور : اسحبي عليه مع نفسه ماجبت شي
مناهل : شلون ارضعه يقول يبي ننه رضعيه من صدرك طيب
بدور : رضعيه انتي تدربي عشان اذا جاتس بزر
مناهل : ياربي وش العايلة المعوقة اللي ارسلتني فيهاا وشووو
ضحكت بدور وقالت : مع نفسه
رفعت فيصل لحضنها و مسكت يد نور وطلعت بعد ما سفلو فيها البنات من ازعاج فيصل حتى بدور طردتها
فهد : على وين ؟
مناهل : بروح للبقالة
فهد : وش تبين وانا اروح اجيبلك
مناهل : باخذ فيصل و نور يبكون اشغلو البنات داخل
فهد : تمام
طلعت للبقالة وقالت : يلا وش تبون ؟
نور : ابي ايسكريم
مناهل : حاضر
نزّلت فيصل من حضنها و راحو يقشون البقالة باللي فيها
مناهل : ايه امهاتكم مرتاحات وجايبينكم عندي تبلعون فلوسي حسبي الله ونعم الوكيييلل
حطت اغراضهم وحاسبت وطلعو وكل واحد ماسك يدها من جهة وماسك كيسه وياكلون
ضحك الليث من شافها وقال : عيالتس هذول ؟
مناهل : اي هذي بنتي عمرها سنتين و ولدي عمره سنة و توني اليوم ولدت و جبت بنت صغيرة
الليث : ما شاء الله وشلون قدرتي تقومين
مناهل : عطيت التعب لمرام
الليث : ان شاء الله يارب يجي اليوم اللي بيربطني فيتس ضنا
مناهل : ان شاء الله ، يلا خذ فصول ودخله عند ابوه
الليث : لا آسف كملي معروفتس ماني ناقص قرقة بزران
مناهل : تو تقول ان شاء الله يجيك بزر ؟
الليث : اذا جاني بزر يصير خير بتحمله لأنه ولدي ما اتحمل ولد غيري
مناهل : نذل صدق
ضحك الليث وهو يبوس خدها وقال : مشتاقلتس ترا ومي راحت لأهلها تراتس لي الليلة
مناهل : تجيني بعد ماتروح مي ؟
الليث : تعكرين مزاجي ؟
مناهل : تمام يلا انا بدخل داخل
الليث بحدة : مناهل
مناهل : طيب الليلة انا لك
ابتسم الليث برضى ودخل وهو يشيل فيصل وماسك نور بيدها اليمين و مناهل ماسكتها بيدها اليسار
فهد : العائلة المثالية الله يقر عينكم بضنا ان شاء الله
الليث : امين الله يسمع منك يارب يااااربب
جت الشرطة ودخلو المستشفى
الشرطي : السلام عليكم
تقدمو ذيب وذياب و ضربلهم الشرطي تحية
ذياب وذيب : استرح
الشرطي : العقيد عمار بن حسان بن مشعل ال فيصل
عمار : سم
الشرطي : في بلاغ واصلنا عليك
جمال : وش ؟
الشرطي : نعتذر منكم لكن لازم نلقي القبض عليه
عمار : وشوله طيب ؟
الشرطي : تعال وتفهم كل شي بالقسم
طلعو وهم يكلبشون عمار و لحقوهم من بيستفيد عمار منهم
سالم : مرفوع عليك بلاغ انك مهدد وحدة بصورها
عمار بصدمة : وش ؟؟ تستهبل انت ؟
صقر : عمار اهدأ
عمار : ماني مهدد احد انا والله
لف عمار وهو يطالع جمال وقال : جمال والله ماهددت احد والله من هذاك اليوم يوم كسرت جوالي والله ماسويت شي والله
جمال : ليه بيتبلون عليك ؟
عمار : جعلي جثة ماهددت احد والله
الليث : حلفك الحين مارح يفيد بنحل كل شي بالهداوة
دخلو عمار للحبس واخذو جواله وفتحه جمال وشافو فعلا انه كان مهدد وحدة بصورها
سالم : هذا اثبات انه فعلا مهدد البنت والبنت اهلها لو عرفو بهالموضوع والله يذبحونها
راح جمال لعمار وضربه بوجهه وقال : سود الله وجهك يا كلبب تهدد بنات الناس الله يلعنك يا وصخخ
عمار : والله ماهددت يا جمال والله
الليث : انت صادق ؟
عمار : والله اني صادق والله
سكت جمال وهو يشوف الصدق بعيون عمار ومشى 
راح ماجد ورا جمال وقال : تراه صادق
جمال : وشلون اصدقه وهو ماضيه كله بنات
ماجد : الحلف اللي حلفه قبل شوي كافي انه يمحي كل الشك اللي بدماغك بس انت للحين مب واثق فيه شوف كيف مايهمه نفسه جالس يقول لنا بقعد بالسجن كم ماتبون اهم شي علمو جمال اني ماهددت احد افزع لاخوك يا جمال
سكت جمال وهو يمسح وجهه بخوف وقال : مقدر اسوي شي وهو مب جمبي
ماجد : كان لازم تستعد ليوم زي كذا ادري ان انت وعمار زيكم زي ظل بعض وماتروحون لمكان بدون بعض لكن ملزوم الحين انك تخارج اخوك من هالبلا اللي طاح فيه
جمال : صقر واحمد و بدر
راح جمال للعيال وقال : احمد اخونا يا احمد حقق بالموضوع
احمد : طيب اهدأ ومايصير الا طيب ان شاء الله
●
●
●
عند الحريم
كانت ام ياسر تبكي والحريم حولها يهدونها
ام ياسر : يبون ياخذون وليدي ، وليدي مايسوي شي وليدي مايضر نملة عمره ماضر احد وليدي مو مسوي شيي
ام مشعل : طيب انتي اهدي الله يصلحتس ما بيتغير شي كذا
سكتو كلهم وطلعت فاطمة لبرا وشافت سعد
فاطمة بهمس : سعدد
لف سعد من سمع همس بأسمه وشافها وقال : وش ؟
فاطمة : قالولك وش فيه عمار ؟
سعد : اي
فاطمة : وش مسوي ؟
سعد : مب ناقصك انا تسحبين مني حكي
مسكت يده وهي تدخله غرفة فاضية وقالت : ما اسحب منك شيي علمني
سعد : مارح تعلمين احد ؟
فاطمة : لا
سعد : مهدد وحدة بصورها
فاطمة : كنت حاسة ، المهم اسمع انا اعرف اخترق و اهكر جوالات
سعد : طيب ؟
فاطمة : اقدر اساعد عمار بس مابي احد يدري
سعد : تمام شلون ؟
فاطمة : ابي جوال عمار ضروري
سعد : من وين اجيبه بيكون مع المحقق اكيد
فاطمة : انت عليك هالمهمة بس
سعد : وش معنى اخترتيني انا
فاطمة : لان عيال اعمامي وعيال عماتي كلهم راحو مع عمار ومافي الا انت وعيال اهلك ما امون على احد زيك
سعد : الله واكبر الميانة اللي بيني وبينك
ضحكت فاطمة وهو ضحك من ضحكها وقالت : تفزع لولد عمي ؟
سعد : ابشري
فاطمة : تمام ابي ارجع للبيت بأخذ لابتوبي
سعد : طيب لو سألو وينك وش نقول ؟
فاطمة : معليك امش يلا
طلعو بهدوء بدون محد ينتبه لهم وركبو سيارة سعد وراحو لبيت ابو قصي
سعد : خليك خفيفة بسرعة بسرعة
فاطمة : طيب شلون ادخل نسيت اخذ المفتاح
ضرب جبهته وقال : غبية انتي ؟ مهمة زي كذا اكيد يبي لنا مفتاح
فاطمة : وش نسوي ؟
سعد : تعالي
مشى سعد وهي وراه و تسلق الجدار ومسكها وتسلقت معه ونزلها وبغت تطيح ومسكها من خصرها بسرعة وصارت لاصقة بالجدار
كان يطالع عيونها وقالت فاطمة وهي تحط كفوف يدينها على صدره وصدت للجهة الثانية : بنخلص يا سعد ؟
تنحنح وهو يبعد عنها وقال : تعدينا الباب الاول شلون بندخل داخل ؟
رفعت كتوفها بلا معرفة وقال : مشكلة اللي يسوي مهمات زي كذا مع بنت
مد يده وهي ضحكت ومسكتها ومشو بشويش لين تحت شباك غرفتها
فاطمة : غرفتي اللي فوق
سعد : بشري امك
ضحكت فاطمة وشافته يتسلق من فوق سقف المطبخ وطلع ومد يده
سعد : يلا
مسكت يده وهو يرفعها لين فوق وشوي شوي لين وصلو الغرفة
سعد : وش ذا العذاب كل ذا عشان لابتوب لو اني ذكي كان عطيتك لابتوبي
دخل الغرفة معها وهو يطالعها كان اللون الاسود طاغي عليها لين صقع اصبع رجله الصغير بحافة السرير
سعد : اححح
لفت فاطمة وقالت : وشو ؟
سعد : وش ذا الغرفة تعورتت
ابتسمت وهي تجلس وهو بعد بسرعة وقال : جيبي اللابتوب يلا
دخلت غرفة الملابس وهي تجيبه وهو وقف قدام المرايا وشاف صورتها
طالعها وقال : ذي فاطمة ؟ فطيم ماغيرها ذا وجهها ؟ ياحلوها بس تهبل
ابتسم وهو يأخذ الصورة ودخلها بجيبه مايدري ليه سوا هالحركة لكن حب ان صورتها تكون عنده
طلعت فاطمة وقالت : بهكر جوال عمار الحين
تربعت فوق السرير وهو جلس جمبها ويطالع عيونها وهي مندمجة
ابتسمت وقالت : هكرت الجوال
سعد : شاطرة اللي بعده
رفعت رأسها وهي تطالعه وقالت : للحين كارهني ؟ ترا اعتذرت من مناهل ولو ودك اعتذرلها قدام الكل بعتذر
سعد : لا تعتذرين من احد
فاطمة : طيب ليه تطالعني كذا ؟
سعد : آسف ، كملي يلا
رفعت حواجبها و كملت ودخلت الانستقرام وشافت الحساب
فاطمة : سعد شوف
سعد : وشو ؟
فاطمة : نوع جوال عمار ايفون صح
سعد : ايه
فاطمة : ايه وفي جوال ثاني يستخدم نفس حساب عمار الانستقرام
سعد : وش دراك ؟
فاطمة : عمار ماعنده جوال ثاني ونوع الجوال الثاني هواوي وعمار ماعنده هواوي طيب ؟
سعد : حلو
فاطمة : عمار آخر مرا دخل حسابه بالانستقرام قبل اسبوعين من اليوم والشخص الثاني كان داخل هالحساب قبل 3 ايام
سعد : طيب ادخلي لمحادثات عمار مع البنت وشوفي
راحت فاطمة للمحادثات ومسكت فك سعد ولفته للجهة الثانية
فاطمة : صور البنت لاتشوفها
ضحك سعد وقال : فكيتي رقبتي الله يسلمك مارح اشوف شي
فاطمة : المحادثات ذي كانت قبل 3 ايام
سعد : يعني اللي يهدد البنت الشخص الثاني صاحب الجوال الهواوي مب عمار
فاطمة : ايه
سعد : طيب من وين اخذو باسورد حساب عمار
فاطمة : يمكن هكرو جواله او عمار الفاهي ترك جواله مفتوح واستغلو الوضع لاتنسى عمار عقيد وله كارهين
سعد : طيب وش السواة ؟
رفعت اكتافها بلا معرفة : مدري
سعد : تمام اتركي الباقي علي
فاطمة : طيب
استند على يده وتأوه بألم وقالت فاطمة : وش فيك ؟
سعد : مافيني شي والله بس مدري وش فيها قامت توجعني
مسكت يدها وهي ترفع كم ثوبه وشافت جرح طويل
فاطمة : شلون ماحسيت به ؟ من وين جاء ذا اصلا ؟
سعد : يمكن يوم تسلقنا انجرحت بحديدة من الحدايد اللي عالجدار بس بسيطة اعقمه وينتهي الموضوع
فاطمة بحدة : ماينتهي يا سعدد
سعد : يعني ؟
فاطمة : ماعندي معقم بس ينحل تعال
قام سعد ودخلته الحمام وفتحت المويا وغسلت جرحه ورجع وجلس على السرير وهي قدامه
فاطمة : اسمع بسوي عطر بيوجعك بس شوي طيب ؟
سعد : عطيني يدك طيب
ابتسمت يوم شافته يمسك يدها وبخت عطر على جرحه وشد على يدهااا بقوة وتألمت لكن ماوضحت
فاطمة : كسر يكسر يدتس يا فاطمة
سعد بحدة : بنتت ، وش ذا الهرج ؟
فاطمة : تمام تمام خليني الصقه ويتم الموضوع ونمشي
دخلت غرفة الملابس تنبش و تدور لصقة جروح وهو وراها
سعد : وش ذا السوق
ضحكت فاطمة وقالت : قول ما شاء الله لا ينهد فوق رأسي
سعد : طيب يلا يلا
اخذت لصقة عادية شفافة وقالت : تنفع ذي ؟
سعد : بتلصقين صورة ولا ورقة انتي ؟ تستهبلين ؟
فاطمة : وانت مين قالك ان معي صيدلية هنا
سعد : والله محد قالك تجيبينا بدون مفتاح يا دلخة
فاطمة : لاتقول دلخة طيب
سعد : خلاص اسف يلا
فاطمة : تمام
وقفت وهي تحط منديل على يده ولصقته باللصق الشفايف وضحكو
سعد : والله انك مب صاحية يلا خلينا نمشي
فاطمة : طيب
قفلت اللمبة وهي تأخذ اللابتوب ونزلو ودعست عبايتها وطاحت
ضحك سعد وقال : وش فييك
وقفت وهي تضحك بألم وقال : العباية مدري شفيها طالت
سعد : تعورتي ؟
فاطمة : لالا بسيطة
فتحت الباب وقفلوه بعد ما طلعو وركبو السيارة
سعد : الحين فكري شلون نطلع موقع صاحب الجوال ؟
فاطمة : اعرف واحد
لف سعد وقال : نعم ؟
فاطمة : اعرف واحد يطلع مواقع
سعد : طيب جيبيه اكلمه
فاطمة : لا انا بكلمه عشان يعرفني ويضبطني
سعد : طيب سوي سبيكر
دقت فاطمة وحطت سبيكر : هلا فاروق
فاروق : لبيه آمريني ؟
فاطمة : اسمع ابيك تطلع لي موقع جوال
فاروق : من عيوني لو تبين اطلعه من تحت الارض اطلعه لعيونك كم عندي فطومة انا
فاطمة : ماتقصر اي اخبار علمني
فاروق : ابشري
فاطمة : يلا باي
فاروق : انتبهي لي على نفسك مع السلامة
قفلت وهي تشوف نظرات سعد وهو رافع حواجبه : لبيه و من عيوني لو تبين اطلعه من تحت الارض و ابشري وانتبهي لي على نفسك
فاطمة : وش ترا مجرد واحد اكلمه لا احتجته
سعد : وكذا يكلمك ؟
فاطمة : وش قال ؟
سعد : انا بروحله
فاطمة : بجي معك
سعد : طيب
وصلو لبيت ابو فهد والكل موجود
سعد : بدخل قبلك طيب ؟
فاطمة : طيب
دخل سعد وهو يسلم على الرجال وشافهم كلهم خايفين وساكتين و ولا واحد من العيال رضى يقول للحريم او الرجال شي وكل ما يسألوهم ليه اخذو عمار يقولون سوء فهم وينحل
فهد : وش بنسوي الحين ؟
ياسر : لو نهدأ شوي بنحل كل شي
سعود : وين كنت ؟
سعد : ابد كان في مريض رحت اشوفه وجيت
فهد : تقول نواهل ان ماطلع عمار خلال هالاسبوع نلغي ام ام الزواج
فز صقر وقال : ينحل الليلة
ضحكو العيال عليه وقال آسر : صلي على النبي
صقر : والله انا احتري هاليوم على احر من الجمر جاية تقول لي لين يطلع عمار والله اني اطلعه الليلة
طلع صقر و وراه اخوانه واخوان عمار
دق جوال سعد وكان رقم غريب
سعد : هلا مين معي ؟
فاطمة : معجبة
سعد : كل شي الا المعجبات مب ناقص اخلصي في شي جديد ؟
فاطمة : فاروق قالي اجي
سعد : طيب صرفي نفسك وتلقيني بسيارتي انتظرك
فاطمة : ابشر
طلع سعد و قال فهد : وين ؟
سعد : عندي شغلة اخلصها واجي
سعود : بجي معك
سعد : اقول انثبر بس
طلع سعد وركب سيارته وسفطها بعيد شوي بحيث محد يشوف فاطمة اذا ركبت معه
سعد : سنة ؟
فاطمة : اسكت امش يلا
سعد : لا تآمرين
طالعت فيه وقالت بنبرة راجية : تمشي ؟
ابتسم سعد وشغل السيارة وحرك لين وصلو لكوفي وشافو واحد مستند على سيارته ولابس ثوب اسود ويدخن
سعد : واو فخم
فاطمة : صح ، حتى انا اقوله
سعد : اقول ابلعي تراب بس وانزلي
نزلت فاطمة و سعد جمبها وشاف نظرات فاروق لها ومسك يدها
فاروق : اهلين فيك تو مانور المحل والله
فاطمة : منور بأهله
فاروق : مين الاخ ؟ شاد حيله شوي ويعصر يدك
سعد : وش عليك انت ؟ اخلص وجب اللي عندك
فاروق : تأمر على مين انت ؟
سعد : لاحووول
فاطمة : فارووقق
فاروق : يا قلب فاروق انتي
مسكه سعد من ياقته وقال : بتجيب الموقع ولا كيف ؟
فاروق : تهددني ؟
فاطمة : لا يا سعد تكفى
سعد : جيب الموقع
فاروق : حاشمك عشان فطوم بس
سعد : ويقول فطووم ، يقول فطوم ذا اللي يبيني اتوطى ببطنه