لو قلت لقلبي توب عيني تكذبني

الجزء الثاني والثلاثين

يوم الأحد الساعة 2:00 بالليل
في بيت الليث
كانت منسدحة على السرير بهدوء وتطالع الجدار تحس بضيقة جتها من حيث لا تحتسب تحس ضايق خلقها ومتكدر خاطرها تحس انها تعبانة حيل فيها ضيقة الدنيا ، لفت وهي تطالع فيه وهو نايم بالعسل مايدري عن شي ، اطلقت تنهيدة طويلة وقامت تتوضأ وراحت الغرفة الثانية تصلي الوتر ، بعد الصلاة قفلت الانوار وشغّلت شموع وجلست على الكرسي وهي تقرأ قرآن بخشوع حسّت بكل الضيقة تتلاشى من داخلها ، ماحست بالوقت الا وأذن الفجر قامت تصلّي وكملت قراءة القران

صحى من النوم وهو يفرك عينه وهي مب فيه سحب جواله وهو يشوف الساعة : استغفر الله العظيم بتموت لو صحتني مرّ على الاذان نص ساعة ، حسبي الله ونعم الوكيل بس
دخل الحمام ( يكرم القارئ ) تروش و لبس ثوبه وضبّط شماغه وعقاله وتشخص وتعطر وتبخر وصلّى الفجر ولبس نعاله ونزل
الليث : وينها ؟ ( رفع صوته يناديها ) مناهلل مناااهللل
زفر بملل وهو يجلس على الكنب بتملل وغفى

الساعة 7:00
كملت تقرأ قرآن وقامت تصلي الضحى ودخلت تنظف غرفتها و تروشت ، لبست لبس دوامها اللي كان عبارة عن بلوزة بنص اكمام سماوية وسروال سماوي وسيع شوي ، لبست شوز سبورت ابيض وساعة آبل بيضاء ، لبست اسوارة فضية وسلسال فضي و حلق فضي وخلخال فضي ، مكياجها كان كالعادة مسكرا وايلاينر بلاشر وردي وقلوس ، شعرها رفعته من فوق وتركت الباقي منسدل على ظهرها
( نفس طريقة عبسي ) اخذت شنطتها البيضاء وهي تحط شاحنها المتنقل والجوال والشاحن و روجها وعطرها و بطاقتها وفلوس
حطت مريولها الابيض وعبايتها على يدها ونزلت وهي تشوفه منسدح على الكنبة : هذا اللي فالح فيه
رمت عبايتها ومريولها الابيض وشنطتها على الكنبة ودخلت المطبخ تسوي فطور
مناهل : وش بيصير يارب ؟ وش بيصير لنا ؟ وش مصيرنا ؟ بنكمل حياتنا طبيعي ولا بيجي وقت احنا مب فيه مع بعض ؟ استغر الله بس
خلصت وهي تحط الفطور بالحوش وقربت منه : ليث
الليث همهم لها وقال : وشو ؟
مناهل : قوم يلا الساعة 7:30
قام الليث وهو يمسح وجهه وقام يفطر وطلع
مناهل : لا حول ولا قوة الا بالله ضغطي جالس ينرفع
قامت وهي تغسل المواعين وطلبت تاكسي وراحت للجامعة 
مناهل : سلام
ليلاس : هلا
مناهل : علومكم ؟
الاء : الاخبار عندك
مناهل : ابد مافي شي جديد من شهرين على نفس الحال
عهد : وين بتوصلون ؟
مناهل : ما اعتقد في شي اسمه وين بتوصلون ، اسمها وين بوصل و وين هو بيوصل ، قلبي كذا محسسني ان احنا مو مكملين مع بعض
الاء : استغفرالله العظيم بس
مناهل : طاب خاطري منه معد يهمني بعده ولا قربه
ليلاس : لو صدق كان طلبتي الطلاق
مناهل : وش بقول الناس عني ؟ لها 6 شهور متزوجة امداها تتطلق ؟ مو حلوة بحقي
عهد : يعني بعدين ؟
مناهل : بعدين لبعدين احنا ابناء اليوم لانفكر بشي يعكر مزاجي اطلبو لي قهوة امخمخ
ليلاس : لو سمحت 4 سبانش لاتيه
●
●
●
وصل الليث مكتبه
ميّ : شلونك ؟
الليث : طيب الحمدلله انتي اخبارتس ؟
ميّ : تمام دامك طيب ، متى تجينا ؟
الليث : بعد العشاء اليوم
ميّ : احد بيجي معك ؟
الليث : لا
ميّ : بالسر ؟ تبي تتزوجني بالسرّ ؟
الليث : لا يا ميّ ماقلت كذا بس على الاقل نخطب و نملك وبعد الملكة كلهم يعرفون
ميّ : بتلعب علي ؟
الليث : ميّ اليوم بعد الدوام نروح نشوف الشبكة والدبلة
ميّ : كم مهري ؟
الليث : 30 الف ما يكفيتس ؟
قامت وهي تجلس قدامه بالطاولة وقالت : ليث حبيبي انا ملابسي وانا عزباء غير وانا متزوجة
ابتسم الليث من فهم قصدها وقال : كم تبين ؟
ميّ : 50 الف
الليث : ابشري بس عندي شرط
ميّ : عيوني لك
الليث : تتركين الشغل
ميّ : ومناهل ؟
الليث : لا نبدأ بالمقارنات
ميّ : يعني بتخليني اترك شغلي وهي لا ؟
الليث : مي بتتركه خليها تتخرج وبتتركه وعد
ميّ : تمام
ابتسمت وهي تبوسه بخده وهو حاوطها من خصرها وقال : اعقلي
ضحكت وهي تجلس بمكتبها وقالت : افضي المكتب اليوم واطلع كم عندي ليث انا
●
●
●
في بيت ابو نايف
نايف : بشويش يا مرام بشويش ما اروح لشغلي واجلس عندك يعني ؟
مرام : وخررر يعع وخر
نايف بتعب : ياربيييي
مرام : ما ابي طيب ما ابي
نايف : لازم تتغذين
مرام : مابي اتغذى عندك شي ؟ انقلع وخلني انام
نايف : ياااربببب
مرام بنبرة باكية : طفشت مني ؟ تبي تروح وتخليني صح ؟ الا والله طفشت مني
ضحك بقلة حيلة وهو يجلس جمبها ويحاوطها من كتوفها وقربها لحضنه : يا قلبي انتي ما اطفش منك بس اخاف عليك لازم تأكلين لأن الاكل اللي جالسة تأكلينه الحين مو كافي لك كله جالس ياكله البزر اللي داخلك لازم الحين تاكلين لشخصين
مرام : طيب مشتهية ليمون
نايف : حاضر ازرعلك شجرة ليمون تحت ابشري
مرام : لا تنسى تحبني كل يوم طيب ؟
قرب وهو يبوس شفايفها وقال : توصيني ؟ ما حبيتها منك ترا
حضنته وهي تدفن وجهها بصدره وقالت : احبك
نايف : وانا والله اموت فيك
مرام : يلا روح لا تتأخر على دوامك وانا و الحلو نستناك
نايف : مارح اطول
طلع بعد ماطبع بوسة على خدها وعلى بطنها
مرام : عساني ما انحرم منك يا رب
●
●
●
في بيت احمد
احمد : من وين ابدأ ؟
أريج : الخصر
قرب احمد وهو يقيس خصرها وحاوطته من رقبته وهو ابتسم
احمد : بتخليني اقيس ولا ؟
اريج : مشتاقة لك
ابتسم وهو يعض شفته وقال : اخضع ترا
ضحكت وهي تقول : تمام تمام يلا كمل آسفين
نزل رأسه هدوء وهو يبوس عنقها وهي تبعثر شعره
أريج : حمود يلا
أحمد : ياعين حمود انتي
اعتدل وهو يقيس من خصرها وكتوفها وصدرها والطول والعرض
احمد : خلصت ، توصيني شي ثاني ؟
اريج : بس استودعتك الله
وقف قدام المرايا وهو يعدّل شماغه وقال : مع السلامة
لحقته وهي تبوسه من خده وهو ضحك وطلع
اريج : يارب احبه بمووت
ضحكت على نفسها ودخلت غرفة شغلها
●
●
●
في بيت ابو فهد تحديدا جناح فهد
فهد : طولتي ترا
كيان : مب راضي يتسكر اصبر
فهد : لا حول
لفت وقالت بحدة : شعندك قاعد تتحلطم
وقف وهو يحاوطها من خصرها وقال : وانتي شعندك ترفعين صوتك
كيان : فهودي جالس تقهرني ترا وحيل بعد
فهد : بزعلك ترا
كيان : انا ابي ازعل
فهد : كيااان
كيان : وااااه
فهد : كياااان
ابتسمت كيان وقالت : يا كل كيان انت لبيه وش بغيت
فهد : انا بمشي وبكلم مالك يجي ياخذك
حاوطته من رقبته وقالت : وانت ترضى اروح من غيرك ؟
فهد : طيب بسرعة
كيان : تمام بس انت وش فيك اليوم ؟ معصب كذا منت رايق
فهد : وراي قضية ماني فاضي لأحد
كيان : تمام روح وانا بروح مع مالك
وقفت قدام الشماعة وهي تأخذ عبايتها وهو يطالعها
كيان : روح !
فهد : اخلصي علي
وقفت قدامه وهي تطبع قبلة على شفايفه وهو رفع يده وحاوطها من خصرها وشدها لحضنه وبعّد عنها يوم طلبت منه النفس
فهد : تعرفين شلون تروقين الواحد
ضحكت كيان وهي تقول : للحين اروح مع مالك
فهد : اقول بسرعة
ضحكت وهي تلبس نقابها ونزلو
●
●
●
في بيت قصي
قصي : جاهز ؟
طلعت عبير وهي تشخصه وقالت : جاهز
قصي : وين نور ؟
عبير : نايمة
قصي : بين اللذين تنام وقت اروح الدوام ويوم اني بالبيت تصحى كأنها جنية
عبير : متحلفة فيك اعتقد
قصي : ماله داعي تعتقدين تتأكدين المفروض
عبير : تروح دوامك ولا شلون ؟
قصي : مشتاقلتس طيب
عبير : بعدين يا حبيبي بعدين
قصي : بعدين ؟
عبير : قصيي
ضحك وهو يبوسها برأسها ونحرها وقال : يلا انتبهي على نفستس وعلى الوسخة اللي داخل
ضحكت عبير وقالت : حاضر ولاتطول على الوسخة وامها
قصي : ابشري
●
●
●
الساعة 1:00
دخل الليث جلسته ومعه ميّ وكالعادة كسب القضية وطلع من المحكمة
الليث : باقي شي ؟
ميّ : لا
الليث : تمام يلا
ميّ : يلا
ركب سيارته وميّ جمبه ، نزلت رأسها وهي تشوفه ماسك القير ومسكتها وابتسم وهو يشابك اصابعه بأصابعها
ميّ : وربي اني مبسوطة حيل وطاايرة
رفع يدها وهو يبوسها وقال : جعله دايم
ميّ : ليث مابي ترجعني للبيت بسرعة
الليث : اجل ؟
ميّ : ابي اروح اشتري فستان للشوفة الشرعية وابي اشتري فستان لحفلة الخطوبة
الليث : حاضر
ميّ : اوكي
سكتت ميّ شويات وقالت : وين بنعيش ؟
الليث : ببيتي اكيد
ميّ : تمام ، متى الملكة ؟
الليث : بعد الخطوبة بأسبوع
ميّ : والزواج ؟
الليث : بعد الملكة بشهر
ميّ : امم ، تدري ليوثي
الليث : همم
ميّ : مابي نروح فندق بعد الزواج نروح للبيت على طول
الليث : طيب
ميّ : ومابي شهر عسل
الليث : طيب
وصلو المول ودخلو محل فساتين وجلست تختار ميّ تختار الفساتين  واشترت 3 فساتين للشوفة والخطوبة والملكة
الليث : تبدأين تتجهزين للزواج من اليوم
ميّ : من عيوني
دخلو محل الاحذية واشترت 3 كعوب وبعدها راحو لمحل المجوهرات واشترت 4 طقوم كل واحد افخم واغلى من الثاني
يعني تقريبا خسر عليها 25 الف ريال
الليث : نروح محل الذهب ولا في شي ثاني ودتس فيه ؟
ميّ : لا خلاص
ركبو السيارة و هم متوجهين لمحل الذهب واشترو الشبكة والدبلة
الليث : اغراضتس ذي خذيها والشبكة والدبلة والمهر خليهم معي
ميّ : متى تجيبهم ؟
الليث : يوم الخميس يوم اجي اخطبتس
ميّ : تمام مثل ماتحب
ابتسم الليث برضاء وهو يوصلها البيت
ميّ : باي
قربت وهي تبوس خده ونزلت وهو رفع يده يشوف الساعة
الليث : اووه الساعة 4:00 جلسنا ثلاث ساعات نحوس بذا المحلات المهم ماعلينا على الاقل نستفيد
ضحك وهو متوجهه لبيته
●
●
●
بجامعة سعود
تركي : ماعندي المحاضرة والله
سعود : ماحضرتها ؟
تركي : صرفه يا رجال
ضحك سعود وقال : كلب
تركي : والله مب اول مرا اعطيه هذيك المرا عطيته وجابلي الملف بيشتكي للمحكمة توني بذاكر منه
لف سعود من سمع صوتها تقول : بسسس يا ورع
سعود : وش ؟
لين : تعال
سعود : انتظر
تركي : قم قم
قام سعود وهو يجلس مع لين وقال : سمي؟
لين : مافي شي بس واحشني
سعود : حبيبي والله وانا والله مشتاق لك بس وش نسوي
لين : طيب انت جالس تشتغل وكثر الشغل جالس يشغلك عني لا تشتغل
سعود : حبيبي اذا اشتغلت رح تنقص المدة من 3 سنوات الا سنتين عشان كذا جالس اتعب واضغط على نفسي والله عشانك
لين : يعني وش ؟
سعود : مدري
تجمعت الدموع بمحاجرها وقالت : طيب انا جالسة اشتاق لك يا سعود
مسك يدها و وقف : قومي يا لين قومي
قامت وهي تمسح دموعها بعشوائية وتمشي وراه لين راحو ورا الجامعة
سعود : ماله داعي تصيحين
لين : وش اسوي طيب ؟؟ طفشت اناا
سعود : يا عيني اللي يسمعتس يقول لنا سنين خاطبين ترا كلها كم شهر
لين : سعود روح روح
ضحك وهو يحضنها وهي دفنت وجهها بصدره
سعود : لاتوجعين قلبي والله حتى انا اشتاقلك بس وش اسوي والله يجي الفرج قريب
لين : وش دخل طيب ان المدة تقل ؟
سعود : لأن انا بعد سنتين بتخرج حلو ؟
لين : حلو
سعود : والسنة الثالثة طلبتها من ابوك عشان اشتغل واجمع فلوس واجهز جناحنا واشيل نفسي بس لأني من الحين شايل نفسي رح تصير سنتين بس
لين : يعني اصبر واجد ؟
سعود : بتخلص بسرعة ماعليك
لين : بعدين انت وصخ تخيل تشوف غيري
بعدها عنه وقال : وش قصدك ؟
لين : اللي اقصده اقصده
سعود : يعني تتوقعيين انا اطالع غيرك ؟
لين : ايه مزيون و وحدة تخرفنك وتجيبك على وجهك
سعود : يكفي انتي مخرفنتني و جايبتني على وجهي مانبي اكثر مكتفي انا
رفعت يدينها وهي تحطها على لحيته الخفيفة وقالت : قول والله
مسك يدينها وهو يبوس باطنها وقال : والله
لين : تمام يلا انا بروح لا تبدأ محاضرتي وانا مب فيه
رفع اصبعه وهو يأشر على شفايفه
لين : مب لازم كل ما اروح من عندك ابوسك عيب عيب
سعود : خطيبتي وبتصيرين حلالي
لين : افف كريهه
رفعت رجولها وهي تبوس شفايفه وقالت : كذا اروح ؟
سعود : روحي لاني لو مسكتك الحين ماتسلمين
ضحكت وهي تمشي وتركته متخرفن فيها وخاااق مراااااا
سعود : بجلس بكل مرا اشوفك اسأل نفسي وش سوت بك ؟
ضحك وهو يعدّل شماغه ويمشي بخطوات سريعه لكلاسه
●
●
●
رجع البيت ودخل الغرفة وهو يعلق ثوبه بالشماعة وجلس بسروال وفنيلة
الليث : ترجع البيت ماتلقى حرمتك ليه ؟ عشان جامعتها ، الحين صارت الجامعة اولى
توضأ وصلى العصر و رمى نفسه بالسرير ونام