لو قلت لقلبي توب عيني تكذبني

الجزء الثاني والستين

الساعة 8 خلصو كلهم يصلون العشاء وكالعادة جهزو جلستهم المعتادة لكن هالمرة كانت بالسطح مب بالحوش .

كان الليث جالس بالحوش وانتبه عليها انها داخلة للملحق و دخل وراها وهي شهقت وهو مسك يدهه وقفل فمها بيده
الليث : وطي صوتتس اسكتي بكلمتس وبمشي
وخرت يده وقالت : وش تبيي ؟
الليث : بحاكيتس وبمشي ما بأكلتس مانيب اكل لحوم
ضحكت وهو ضحك من ضحكها
فجر : اخلص وش تبي ؟
الليث : بقولتس موضوع ، اقعدي
جلست فجر وهو يجلس جمبها وقال : تحبين اهلي ؟
فجر : اي والله اني احبهم واعتبرهم اهلي الثانين ليه ؟
الليث : ودتس تكونين قريبة منهم ؟ ويجمعتس فيهم دم ؟
فجر : ايه
الليث : بتزوجتس
وسعت عيونها بصدمة وقالت : وش تقول انت ؟؟
الليث : اللي سمعتيه ؟
فجر : مستحيل ، غبي انتت ؟ متزوج ثلاث ومناهل صديقتي وانت تدري ان اهلك مايحبون مي و ندين لأنك جبتهم على مناهل يعني لو جبتني عليها انا بعد بيكرهوني وانا مستحيل ارضى بذا الشي ابد
الليث : مارح يكرهونتس ، وبعدين انا مابتزوجتس الا برضى مناهل ، وش رأيتس بهالكلام
فجر : لا تكفى يا ليث لا
الليث : عندتس افراط بالخوف
رجفت يدينها من شافت مناهل واقفة وراهم وهو شاف نظراتها اللي تدل على الخوف لف وانصدم
مناهل : شدعوه خايفين ؟
قربت منهم وجلست جمب فجر وقالت : مارح يكرهونتس وعلى ضمانتي وانتي بوجهي
الليث : مناهل اطلعي برا
مناهل : اسكت يا ليث ، فجر وافقي هو قال مارح يتزوجتس الا برضاي وانا راضية ومارح اكرهك وبالعكس بتصيرين صديقتي و تونسيني بالبيت ، انا ماعندي احد هناك هو يروح شغله و مي وندين بغرفهم اقعد لحالي ؟ انتي تكونين موجودة وبعتبرك اختي واكثر والله بالنسبة للأهل اذا شافوني راضية رح يرضون ، وبعدين انا وليث بيننا حب خمس سنوات و 7 شهور ومستحيل اخلي شي بخاطر حبيبي ، ودامك انتي بخاطره وافقي تكفين
فجر : مناهل وش قاعدة تقولين انتي ؟
مناهل : طالعيه شلون خاق عليك ويبيك ؟
لفت وهي تشوف ملامح العصبية بدأت توضح عليه كان منقهر ليه تتدخل مب عشان شي لا عشان مايبي يجرحها وهو يدري ان كل اللي قاعدة تقوله مو من قلبها وهو اذا قالت له بكلمة وحدة طلق مي وندين بيطلقهم و اذا قالت له اكتفي فيني بيكتفي فيها بس هي جالسة توريه انها راضية ومايهمها وهالشي يقهره ويخليه يعاند اكثر
فجر : مابي يا مناهل مابي
مناهل : انتي ماتبينه هو ولا ماتبين عشانك خايفة ؟
فجر : مابي عشان اخاف يطردوني من عندهم والله بضيع ومايصير عندي احد والله
مناهل : بتعيشين عندنا يا فجرر افهميني تكفين ، لاتخلينها بخاطري مب انتي قلتيلي انك تعتبريني اختك ؟
فجر : ايه
مناهل : الخوات يخلون شي بخواطر بعض
فجر : بس مب بهالطريقة
مناهل : طيب شوفي ، هو الحين شافك وشاف شعرك و وجهك وجسمك وهالشي حرام ومايجوز الا بالحلال ، لازم تعدلين غلطته وغلطتك
فجر : يعني ؟
مناهل : توكلي على الله
فجر : والله
قاطعتها مناهل وقالت : قولي ايه واتركي كل شي علي انا
فجر : تمام بس عندي شرط
مناهل : عيوني لك امري
فجر : مابي زواج
مناهل : الا والله ، بسوي زواج يحسدونك كلهم عليه والعالم كله يتمنى يكون مكانك بعدين انتي زوجة الليث تتوقعين ليث يرضى ؟ ابد مانرضى شي واجب انك تسوين زواج و كل تكاليف زواجك من و إلى علي وش تبين اكثر ؟
قربت فجر وهي تحضن مناهل و مناهل مسحت دموعها من غير لا ينتبهون عليها
مناهل : مبروك لكم مقدما واول المباركين انا مابي احد يدري لين انا اعلمهم
مسكت مناهل ذراع الليث وقالت : تعال نروح مشوار
طلع الليث وهو منصدم من حركاتها مب حركات وحدة جالسة تزوّج زوجها كأنها اخته
لبست عبايتها و طلعو لمحل الذهب واشترت اغلى طقم ذهب مع غوايش و حزام ذهب و دبلة فخمة وراحت لمحل المجوهرات واشترت طقم الماس فخم ودبلة الماس وبعدها راحت واشترت بوكيه ورد كبيييرر مرا وراحت سحبت 50 الف من حسابها و عطتها لمحل الهدايا ورتبوها مع الورود بشكل حلو
مناهل : هذي هدايا العروس الجديدة
الليث : مناهل وش قاعدة تسوين ؟
مناهل : افرح برجلي
ركبو السيارة ورجعو للبيت ودخلت مناهل مجلس الرجال وكانو كلهم موجودين و هي ماسكه البوكيه الورد و المبلغ اللي زينته و الليث واقف جمبها وماسك الطقمين بيد واليد الثانية ماسك اكياس
ابو صقر : وش فيكم ؟
قربت مناهل وهي تجلس جمب ابو صقر وباست يده ورأسه والليث شوي وينفجر من حركاتها
مناهل : عمي ابو صقر فجر بذمتك صح ؟
ابو صقر : دامها دخلت بيتي ايه تصير بذمتي وحسبة بناتي
مناهل : يعني لو ابي اخطبها اخطبها منك صح ؟
ابو صقر : هالله هالله بس لمين تبين تخطبينها ؟
فهد : شكله لسعد ما باقي الا هو
سكت سعد بخوف وهو خايف ان الكلام اللي يقوله فهد صدق لين صدمتهم مناهل كلهم
مناهل : ابي اخطب فجر على سنة الله و رسوله ل الليث
ابو فهد : يا بنيتي وش صاير لك انتي ؟
مناهل : مهرها خمسين الف هذي شبكتها الذهب وهدية طقم الماس وذي الدبلة وهدية دبلة الماس وهذا بوكيه ورد لها ، تكاليف الزواج كلها علي
نواف : وش تهرجين انتي ؟ في وحدة صاحية تخطب لرجلها ؟
مناهل : لا تحسسوني انها الاولى خلوني اسوي اللي يسعدني
سعد : وهالشي يسعدك كذا ؟
مناهل : ايه ، بقوم اخذ الموافقة
قامت مناهل والليث ساكت و متفشلل يحس انه انصفق كف وهي متعمدة تسوي كذا عشان تفشله لين سمعو صوت الزغاريط
ذيب : وافقت
مجد : ياخي المناهل ذي مريضة ؟
سعود : اقضب لسانك عشان ما اوريك مين المريضة ؟ اختي انهبلت من يوم تزوجت حسبي الله ونعم الوكيل
●
●
●
عند الحريم
دخلت مناهل وقالت : خالتي ابي اخطب فجر
ام صقر : والله الزين مايجي الا منتس ، لمين تبين تخطبينها ؟
مناهل : ليث
لفو كلهم وهم يطالعونها وهي ضحكت : شفيكم كذا تطالعوني ؟ الشرع محلل له خلوه ينبسط ، ابي موافقتك يا خالتي ، الليث و فجر يبون بعض
لفو البنات وهم يطالعون فجر بطرف عين وهي خافت من نظراتهم
مناهل : بنات انا اللي اقنعتها تتزوجه ، هي كانت رافضة وزواجهم كان قراري انا ، ارفعو اصواتكم وزغرطو
قامت نواهل تزغرط وهي حافظة حركات مناهل وهذي اول خطواتها عشان تندم الليث والبنات زغرطو وراها
بدور : الف الصلاااااة والسلااااام عليييكككك يا حبيب الله محمدد
رفعو اصواتهم وهم يزغرطون ومي مبسوطة لأنها بتجي على ندين ويبرد قلبها
●
●
●
بعد اسبوع