لو قلت لقلبي توب عيني تكذبني

الجزء الثالث والاربعين

اجتمعو كلهم بالمجلس بعد ما لفو و دوّرو وتقروشو

جمال : حرام عليتس وش ذا اللعبة ؟
مناهل : لازم تتحركون حرق سعرات حرارية ، اللي فاز بالمركز الاول له جائزة ساعة آبل وتحمدون ربكم ليل ونهار اني دفعت لكم ؟ اللي فازو صقر و نواهل مبروك
صفقو بتسليك و تعب وقالو : امم مبروك
نواهل : من غير نفس خير ؟
حاوطها من خصرها وهو يبوس خدها وقال : مبروك مني معليتس منهم
ضربت يده اللي محاوطتها وقالت : كم مرا اقولك مو قدامهم
طلعو كل واحد لبيته بتعب والليث طلع هو و مناهل يجيبون مي
وقفت قدام شباك الليث وهي تبوس خده وركبت قدام بعد مارجعت مناهل ورا
مي : اشتقتلك كثير والله
الليث : وانا والله اشتقتلتس واجد
مي : ليه ماتكون تجي معي ؟
الليث : مرا ثانية يا عيوني ، متعشيات الثنتين ؟
مي : انا متعشية و شبعانة
مناهل : وانا متعشية الحمدلله
رجعو للبيت و طلعت مناهل غرفتها ومي والليث راحو غرفتهم
انسدح على سريره بتعب وهو يشوفها تغيّر ملابسها ومد يده وهي قربت و قالت : امرني
الليث : ابيتس
مي : وانا لك
الليث : تعجبيني والله
مي : هذا مبتغاي
باسها من شفايفها وو ... 🌚
●
●
●
الساعة 7:00 صباحا
قام من النوم تروش و صلّى الضحى و لبس ملابس دوامه الرسمية وتعطر واخذ اغراضه وهو يضبط سلاحه و جهازه اللاسلكي على خصره ونزل وهو يبوس رأس امه وابوه
آسر : صبحكم الله بالخير
ابو صقر : صبحك الله بالنور يا وليدي
آسر : كيف حالكم
ام صقر : الحمدلله يارب طيبين
آسر : انا طالع و برجع متأخر اليوم تبون شي ؟
ابو صقر : اقعد افطر بعدين امش
آسر : مايمديني يا يبه الله يحفظك عندي مهمة ولازم الحق
ام صقر : طيب افطر
آسر : ابشري بشتريلي شي آكله بالطريق
قام آسر و وقفه صوت لين : آسرر
لف وقال : وشو ؟
لين : عادي توصلني معك ؟
رفع يده وهو يشوف الساعة : مايمديني كلمي ذيب ولا ذياب
طلع وركب سيارته وراح للمبنى
دخل مكتب الفريق غازي و وقع حضوره و دخل المكتب وهو يشوف ندين تشتغل
آسر : سلام عليكم
ندين : وعليكم السلام
جلس على مكتبه وقال : جبتي باقي الملفات اللي انا طالبها قبل لا اجي ؟
ندين : ايه كلها جاهزة
آسر : بيجي ليث بعد الظهر بياخذها منتس
ابتسمت وقالت : تمام
آسر : انا طالع لمهمة الحين امسكي هالملفات جهزيها ولا خلصتي عطيها جلال
ندين : تمام
طلع وشاف جلال وضرب له تحية
آسر : استرح يا جلال ، الملفات بتعطيك ندين لا صارت جاهزة
جلال : ابشر طال عمرك
طلع آسر و ركب سيارته كانت لكزس سوداء ومعه صارت فخمة
توجهه لموقع وسط الصحراء لحاله وفي زي البيت المهجور
آسر : اوريك يا عثمان
دخل بشويش وهو يسمع اصوات رجال يتكلمون
آسر : وش ذول مليون واحد هنا ؟
طلع بشويش وركب سيارته واخذ جهازه اللاسلكي وقال : جلاال ارسل 4 سيارات دعم سريع سريع
جلال : ابشر طال عمرك
آسر : تعال انت و فريقك وذيب مع فريقه و ذياب مع فريقه و سطام و فريقه
جلال : ابشر
جلس آسر ينتظر بالسيارة لين حس برصاصة تخترق الشباك و رجّع رأسه لورا وهو يسحب سلاحه ويصوب على رجلهم لين طاحو
آسر : جلال اسرع يا جلااااالل
جلال : طال عمرك حنا قريبين قريبين مراا
آسر : بسرعة شافوني اخلص
وصل جلال وهو يصوب عليهم عشان يحمي آسر وصوبوهم كلهم
ذياب : جاك شي ؟
آسر : لا ما جاني شي امسكوهم انا بلحق عثمان
شغل سيارته وهو يسرع يلحق ورا عثمان ويحاول يصوّب الكفرات عشان تبنشر لكن ما قدر بسبب سرعتهم
●
●
●
في بيت الليث بعد صلاة الظهر
قام من النوم بتعب وشافها نايمة وراسها على  صدره
الليث : مي يا عيوني قومي
قامت مي وهي تنسدح للجهة الثانية وغطت وجهها بالبطانية
الليث : صحصحي تراتس بعز الظهر قومي تروشي وصلي بعدين ترا برد وانتي مب لابسة شي
مي : طيب بعدين ياليث بعدين
الليث : مي قومي يلاا
قام الليث ودخل الحمام وهي سحبت عليه ورجعت تنام
طلع من الحمام والفوطة لافها على خصره وهو ينشف شعره بالمنشفة
الليث بحدة : ميي
قامت مي وهي تتأفف ودخلت الحمام
لبس ثوبه وصلّى وطلع متوجهه لغرفة مناهل ودق الباب
الليث : مناهلل
فتح الباب وشافها منسدحة بتعب
الليث : مناهل يا حبيبي قومي
مناهل : ليث اتركني توني راجعة من الجامعة خليني انام
جلس جمبها وهو يسند ظهره على ظهر السرير وخلل اصابعه بشعرها وقال : غريبة راجعة من بدري ؟
مناهل : عندي محاضرة وحدة اليوم
الليث : طيب يلا قومي صلي وتغدي وارجعي نامي
مناهل : ماني مشتهية اتغدى
الليث : ليه ؟
مناهل : كذا احس بطني توجعني و فيني غثيان و ماودي بشي ، اطلت برا ريحتك تكسر الراس
رفع حواجبه وهو يشم ثوبه وقال : مافيني شي توني متروش
مناهل : عطركك يا ليثث عطرككك
الليث : وش فيه عطري ؟ مب هذا اللي جايبتلي اياه وعاجبتس حيل وش فيه اليوم ؟
مناهل بنبرة باكية : ليث لو سمحت قوووم اطللعع
وخر لحافها وهو يرفعها بشويش وقال : وش فيتس ؟
مناهل : ولا شي بس اطلع اطلعع
الليث : طيب بخرج بس علميني اول وش فيتس ؟ مارح اطلع لين تعلميني
بكت مناهل وقالت : اطلععع رووح ما ابيك اطلعع
قام الليث وهو رافع حواجبه وهو متعود على بكاءها المتكرر بدون سبب عشان كذا ما اهتم ونزل تحت
الليث : مي يا عيني ودي لمناهل غداء
مي : مارح اودي شي مب خدامة عندها انا
الليث : تمام
دخل المطبخ وهو يجهز لها غداء وطلع للغرفة وشافها تسفط سجادتها
الليث : تغدي وارجعي ارتاحي
مناهل : ليث لو سمحت خذ اكلك وروح
الليث بحدة : مناهل مب عشاني اسكت لتس تقومين تقلين بالحيا يا مناهل تغدي وارجعي نامي
اخذت صينية العشاء وتركتها لين طاحت وهو صفقها كف وقال بصراخ : الدلعع ذااا مب عندي تسمعين ؟؟؟ الله يكسر يدتس الشره مب عليتس علي انا اللي طالع اعطيتس عساتس تموتين وانتي جوعانة وش علي منتس انا
طلع وقفل الباب بقوة وهي ارتعبت من ضربة الباب وبكت
مناهل : اكرهككك اكرهككك اكرهكك
دخلت الحمام وهي تمسك فمها واستفرغت وجلست تضرب المغسلة وتبكي وتقول : اكرهكك يا ليث اكرههككككك
●
●
●
في المبنى
دخل وهو معصب واصطدم فيها بالغلط وداهمته ريحتها القوية ، مسك صدره بألم وقال : سلامات ؟
ندين بدلع : آسفة استاذ لييثث ماشفتكك
ابتسم الليث وقال : ماعليه عادي وين آسر ؟
ندين : مب موجود عنده مهمة والملفات قال لي اعطيك اياها رح للمكتب لين اجيك بالقهوة
دخل المكتب وهي راحت تجيب له قهوتها وكالعادة تمشي بغنج قدام كل من بالمبنى
الليث : والله ما وداك بستين داهية يا ليث الا ريحة هالعطور
ضحك وهو يعدّل شماغه
ودخلت وهي تعطيه القهوة
اخذ القهوة ومسكت يده متعمدة وجلست قدامه وهي تكلمه عن الملفات بدلع متصنع و مياعة
ندين : عادي أسالك سؤال
الليث : اي تفضلي
ندين : انت متزوج ؟
ضحك الليث وهو يرجع ظهره لورا وقال : ثنتين
ندين بصدمة : متزوج ثنتين ؟
الليث : هالله هالله
ندين : ما شاء الله عليك ما ينلامون يوم انعجبو فيك وحبوك
الليث : ينفع اسألتس نفس السؤال ؟
ندين : اي تفضل
الليث : متزوجة ؟
ندين : لا ماني مرتبطة انا
ابتسم الليث وقال : ينفع لتس ولأهلتس زيارة قريبة ؟
ضحكت من فهمت قصده وقالت : الثالثة ؟
الليث : الشرع حلل ما حرّم
ندين : حياك الله
ابتسم الليث وهو يوقف وياخذ الملفات وقال : اجل اشوفتس على خير
طلع الليث و راح لمكتبه وهو يتجهز لجلسة اليوم
●
●
●
عند صقر و آسر
صقر : قول يا حبيبي قول
عثمان : ماعندي شيٍ ينقال
صقر : والمخدرات والاسلحة والقتل وشو ؟
عثمان بسخرية : القتل قتلت 11 مرة بالغلط يعني زلت يدي و الاسلحة في كم واحد احتاج سلاح وعطيته اما المخدرات والعياذ بالله الله يكفينا شرها
ضحك آسر وهو يحط رجل على رجل وقال : الله يزيدك ايمان و تقوى يا حبيبي ، قلتلي قتلت 11 مرا بالغلط هاه ؟
عثمان : ايه بالغلط ماكنت متعمد
صقر : علمنا شلون بالغلط
عثمان : كنت راقد و انا من يومي وانا صغير امشي وانا نايم واتحرك وآكل و اتضارب الزبدة مسكت سلاحي وصوبت
آسر : خلاص اجل معذور وتهريب الاسلحة
عثمان : قلتلك اخوياي كان بينه وبين ناس يعرفونهم مشاكل وعطيتهم الاسلحة
صقر : تعطيهم أسلحة برا السعودية ؟
عثمان : لان مشاكلهم برا السعودية
آسر : مزحنا معك و خففنا دم معك الحين تكلم زين عشان ما افرغ هالمسدس برأسك
تصنع عثمان الخوف وارتجف وقال : لااا تكفى يا آسر ارحمني لاا
صفقه آسر كف وقال : مب وقت التنكيت ، خفة دمك اتركها لابوك
ضحك عثمان بصوت عالي وقال : يا زيني وانا ارفع ضغطك
رجع آسر لين ورا وهو يصوب عثمان بكتفه بس الرصاصة مرّت من جمبه وجرحته جرح بسيط ومادخلت ليده
آسر : تحاكى
عثمان : لأنك رخمة ماصوبتني تصويبة رجال
جلس آسر يصوبه والرصاص يلمس لمس يسبب له جروح طفيفة و سطحية والجروح كانت بخده و يدينه و رجوله وبطنه
آسر : لا والله انت الرخمة اللي تهزك رصاصة
عثمان : تقنعني ان اذا احد صوبك ما تنهز ؟
آسر : عيال زايد جبال مايهزهم شي ولو مدافع مب رصاص
عثمان : يلا رجال اهدأ من كذا مسوي فيها انا القوي العضلات ترا محد رفعك الا القانون ولا لو تنسحب رتبتك منك والله تصير ماتسوى وزيك زي الجدار
آسر : حلوووو انا رجل قانون ؟ الحين رجل القانون ذا جالس يلعن والديك وانت عاجز شرأيك يا حبيبي بهالكلام ؟
عثمان : انا ليه رايق ؟
آسر : محد مهتم لروقانك
عثمان : بعتبرك سألتني ليه ، بجاوبك لأني مارح اطول هنا وبطلع و بعلمك مين اللي بيلعن والدين الثاني
ابتسم آسر بسخرية وقال : تخسيي
صقر : آسر لا تتجادل معه واجد ترا هو يبي يستفزك
عثمان : استغفر الله وش هالحكي يا حضرة المحقق صقر انا افكر بشي اكبر من الاستفزاز
صقر : ابلع لسانك يا عثمان
عثمان : ماني بالعه وش بيصير ؟
صقر : مارح يصير شي
سحب صقر الكرسي وهو يجلس عليه بالعكس بحيث يصير ظهر الكرسي على صدره وقال : جالس جلسة وماني متحرك
عثمان : مو حلوة تترك حبيبتك نواهل و تقعد عندي ولا انا ودي تجلس عندي العمر كله تراني خاق عليك
ضحك صقر بسخرية وقال : اسمها ثقيل على لسانك مب متعود تقول اسماء اكبر منك
عثمان : نواهل نواهل نواهل ، ابد مب ثقيل بالعكس حلو ومتأكد ان صاحبة الاسم احلى
قام صقر وهو يشوت بطنه بقوة وقال : اقطع لسانك قبل لا تتحاكى عنها يا كلب
دخلت وهي بيدينها الملفات وقالت : يا حلوه حلواه وهو منجلد مب مقصرين كان تركتو لي نصيب ودي اصفّق احد
ضحك صقر وقال : يفداتس يا عيوني سوي به اللي ودتس
نواهل : ماودي اوصخ يديني فيه مقرف لدرجة الغثيان وعع
تقشعر جسمها بقرف وهي ترمي اوراق بوجهه عثمان وجلست جمب صقر وقالت : قتلت اكثر من 11 شخص لا تسوق ام امها علينا انت قتلت 11 واحد بالرصاص بس يعني قتلت 3 خنقا و 7 بالطعن و 23 قصيت رؤوسهم يعني قاتل 44 شخص تحسب بتطلع منها سالم ؟ ولا ازيدك من الشعر بيت مروج مخدرات بعد لأكثر من محافظة بالسعودية وخارج السعودية لدول الخليج كافة و كان وده يوصل للغرب لكن عجز لأن رجاله انمسكو وقتلهم قبل لا يتكلمون و تهريب الاسلحة هرّبهم للاردن و مصر والعراق و لبنان وماقصر بالكويت
عثمان : انا كريم والعرب يستاهلون
نواهل : واحنا كريمين بالجلد ومارح نبخل عليك
حكت رقبتها وقالت : اخوي سعد له فترة متضايق شرايك تتصفق منه ؟ بيعجبك ترا
عثمان : ايه جيبه اتعرف عليه عشان ما اضرك انتي لحالك اضرك انتي واهلك كلهم
نواهل : تخسيي و تعقب وعلى فكرة اخوي دكتور قلب يعني يعرف منطقة قلبك بالضبططط يعني حركة منّي و لا منّاك على طول يطعنك بقلبك واتحداك تعيش بعد رحمة ربي سبحانه ومارح ينمسك ابد دامني وراه
عثمان : والله انكم قانونين على الفاضي وانتم تسوون كل شي من ورا القانون
آسر : قاهرك هالشي ؟ نسوي اللي نبي حنا مبتغانا رفعة ضغطك اصلا الزبدة سالم مارح يقصر معك انا عندي اشغال اهم منك
طلعو كلهم ودخل سالم وهو يسحب منه كلام
●
●
●
في بيت الليث
كانو جالسين وهم يتقهوون مع بعض ولا وحدة منهم طايقة الثانية
مناهل : تدرين يا مي
مي بقرف : نعممم ؟؟
مناهل : اذا كان في مجلسين المجلس الاول فيه رجال والمجلس الثاني فيه حريم ودخلتي عليهم بملابس مفصخة تأخذين ذنب يوم تدخلين عند الحريم اكثر من الذنب اللي تاخذينه يوم تدخلين عند الرجال ؟
مي : طيب انتي وش دخلك ؟
مناهل : لانك مب انتي اللي تاخذين الذنب لحالك حتى الناس ياخذون ذنب معك يعني يوم انك جالسة لابسة قصير الحين انا اخذ ذنب لاني اطالعك بلا قلة حيا والبسي زين البسي كذا عند ليث واذا ودك اقعدي بدون ملابس عنده
مي : اقول ابلعي تبن يشيخة
مناهل : بقوم اصفقك واعلمك شلون ابلع تبن
مي : اكرهك
مناهل : نفس الشعور والله وماني طايقتك ابد
دخل الليث وهو يتوسطهم الثنتين وقال : شلونكم ؟
جلست مناهل وهي تتسحب بعيد عنه وهو ملاحظ وساكت
مي : دامني شايفتك صرت طيبة وانت ؟
حاوطها من خصرها وهو يبوسها متقصد يخلي مناهل تغار وقال : وانا والله دامني شفتك غصب علي اصير بخير
الليث : حبيبتي والله ، بقولتس شي بس ماتزعلين ولا تعصبين
مي : ما اقوى ازعل واعصب منك لاني احبك
ضحك الليث وهو يقربها لحضنه وهي تطالعهم
الليث : بس موضوع مرا يزعّل
مي : دامه رح يزعلني لاتقوله
الليث : ترضين يقعد شي بخاطري ؟
مي : لا
الليث : وش قلتيلي انتي قبل لا اتزوجتس على مناهل ؟
مي : ما اذكر صار لهالموضوع 6 شهور
الليث : قلتيلي ان الشرع محلل اربع
ابتسمت مناهل وهي تطقطق على جوالها وفاهمة قصده وهو شاف ابتسامتها وابتسم من عرف انها فاهمته
الليث : طيب الشرع حلل اربع وانا معي ثنتين
مي : لازم تكتفي
الليث : عندي مكانين فاضين و ودي اعبّي واحد
مي : شلون يعني ؟
الليث : بتزوج
قامت مي ومسكها الليث وهو يجلسها على رجوله وقال : مي
مي : وخر عني يا ليثث
الليث : حرام عليتس وحلال على مناهل ؟
مي : بس انا مو مناهل ؟ مناهل راضية انا مب راضية ، ليث انا وش قصرت فيه يوم تبي تتزوج علي ؟
مناهل قالت من غير ماترفع عيونها عن الجوال : حتى انا ماقصرت معه وتزوجك علي
الليث بحدة : مناهلل
وقفت مناهل وقال لها بصوت مرتفع : اقعدييي
جلست مناهل بتملل وهي تحط رجل على رجل وقالت : وش ؟
الليث : موضوعي ما خلصته
مناهل : يا ابن الحلال تتزوج ماتتزوج انت معد تهمني ، انت بالنسبة لي فالوقت الحالي ولا شي يا ليث روح لو تبي تروح بستين الف مليون داهية ماعلي واذا كان يهمك رأيي انا اقولك تزوج وسوي اللي تبي واذا كان تبي رأي غير رأيي خذ رأي مي صار رأيها اهم من رأيي
طلعت غرفتها وهي تضرب الباب بقوة فزت منه مي
الليث : مي وافقي بالله
مي : شلون اوافق وانت تبي وحدة ثانية تشاركني فيك ما ابي يا ليث ما ابي لو سمحتت
الليث : قلتلتس البنت بخاطري واعجبتني
مي : شلون تقول لي كذا ببرودة يا ليث
الليث : مي ابي عيال يا مي متزوجتس لي ستة شهور ومناهل متزوجها لي سنة و ماشفت منكم شي
مي : يعني كل ستة شهور بتكون تسوي تجديد ؟ إقامة هي إقامة
ضحك وهو يبوس شفايفها وقال : اعجبتني الذبة
مي بنبرة باكية : ليث انا اتكلم منجدي ما استهبل
الليث : ميي ترا ان ما صار برضاتس بيصير غصب عليتس خليه بالرضى احسن
مي : دامك بتتزوج غصب عني ليه جالس تقنعني ؟ سوي اللي تبي وش علي انا
قامت مي وهي تدخل غرفتها وتبكي
الليث : ياليل البلشة بس الحين بدل ما يصيرون ثنتين يصيرون ثلاث
ضحك وهو يدق على امه وقال : هلا بالغالية
ام صقر : هلا حبيبي
الليث : شلونتس ؟ عساتس طيبة بس
ام صقر : اي الحمدلله بخير ، وانت شلونك وشلون حريمك ؟
الليث : طيبات الحمدلله يا يمه بخير وصحة وسلامة ماعليهم قاصر
ام صقر : آمرني وش بغيت ؟
الليث : بمرتس يا يمه وبكلمتس بموضوع انتي و ابوي اذا فاضيين
ام صقر : اي فاضية تعال حياك
الليث : زين يلا مع السلامة اشوفتس بالليل
ام صقر : مع السلامة
قفل وهو يدخل غرفة مناهل ويلبس بدون ما يكلمها ويعاملها معاملة الجدار وهي بالمثل
لف وهو يشوفها تركض للحمام وتستفرغ و وقف قدام الباب وقال : سلامات ؟
اشرت له بيدها بمعنى " روح "
الليث : حتى وهي تعبانة ماتترك عنادها
رمى نفسه على السرير بتعب وهو يسمعها تبكي و تستفرغ
الليث بصوت عالي : اوديتس المستشفى ؟؟
طلعت وهي تفتح الشبابيك و المكيف وقالت : لو سمحت لا جيت تتعطر بالعطر ذا لا تجيني لو سمحت لو سمحت لا تمغصني
مسكت بطنها وهي ترجع للحمام وهو قام وراها بخوف وقال : اوديتس المستشفى ؟
رفعت صوتها وهي تبكي : اكرههكككك روووححح روووحح ما ابيك يا لييثث
جلس يغسل وجهها بالمويا وسحبها وجلسها على رجوله وينشف وجهها وقال : انتظري البستس العباية ونروح المستشفى
مناهل : مابي بس اطلع لأن ريحتك كاتمتني والله يوم اشوفك توجعني معدتي اطلع برا لو سمحت
الليث : تراني طالع عند اهلي وبتجين معي انتي و مي
مناهل : طيب بس اطلع
طلع الليث وراح لغرفة مي ودق الباب : مي افتحيلي ابي انام
مي : مابي اشوف وجهك يا ليث
طلع وهو يوقف متوسط غرفة مناهل و مي و يتخصر وضحك وقال : مطرود من الحرمتين شكلها الثالثة بتخارجني من هبالهم الثنتين
نزل وهو يرمي نفسه بكنب الصالة و نام
●
●
●
في المكتب
كانت جالسة فوق الطاولة وهو قدامها جالس بالكرسي و يتكلمون عن قضية مهمة ، كانت تتكلم وهي تشرح له وهو يطالع شفايفها وهايم فيها ، حاوطها من خصرها وهو يقربها لحضنه وقالت : بطيح يا غبي
سحبها وهي تجلس بحضنه وقال : ابيك وش اسوي ؟
كيان : ابيتس يا فهد ابيتتتتسسس
ضحك وقال : ابيتس ابيتس خلاص ابيتس
كيان : اي كذا
فهد : من زمان عنتس
كيان : هذاني لاصقة فيك ليل نهار حتى بالدوام وين تبيني اروح الله يسلمك
اشر على قلبه وقال : هنا
كيان : ليه انا مب فيه ؟
فهد : توسطتي اعماقه والله
كيان : هذا المراد
فهد : و وصلتي له
كيان : ترا بفهي و بسحب على الشغل
فهد : فهّي يا شيخة فهّي
ضحكت وهي تقرب وتطبع بوسة على شفايفه وهو ابتسم
فهد : ناوية شر شكلتس
رفعت اكتافها بلا معرفة وقالت : يمكن ايه ويمكن لا
قامت وهي تبوس خده وقالت : وخر وخلني اشتغل
جلست على كرسيها وهي تشوف ملفاتها وهو يطالعها ولفت للجدار من سمعت صوت الباب يدق عشان مايشوفونها لأنها مب لابسة نقاب
نياف : فهد خلصت القضية ؟ الطرف الثاني استعجل الجلسة يبيها باكر
فهد : تمام
●
●
●
كان جالس على كرسيه ومرجع ظهره لورا ويطالع بالصورة اللي بيده ويفكر : من وين امسكك يا فاروق علمني ؟ من وين اجيك وكيف اجيبك ، يارب اعنّي اني اخارج هالبنت من هالبلا اللي طاحت به مع هالكلب وش اسوي ؟
دخل محمد وقال : مافي مرضى اليوم والظاهر زين لك عشانك مب عاجبني ونفسيتك ماش استقبال مرضى
سعد : محمد انا طالع وان جاني احد استلمه طيب ؟
محمد : حاضر
سعد : تراني احبك
ضحك محمد وقال : بلا قرف وانقلع
ضحك سعد وهو يعلقه مريوله واخذ اغراضه وطلع
●
●
●
في بيت صقر
نواهل : هلا
مناهل : عادي تجيني ؟
نواهل : شفيك ؟ بجيك ابشري
مناهل : تمام انتظرك ولا تطولين
نواهل : تمام
قفلت نواهل وهي تتجهز ودقت على صقر
صقر : هلا حبيبي
نواهل : صقر بروح لاختي عادي ؟
صقر : ليه في شي ؟
نواهل : مدري بس مب عاجبتني اخواني كلهم مب على بعضهم فهد سعد مناهل محد فيه تمام الا سعود
صقر : روحي يا حبيبي و طمنيني بعدين تمام ؟
نواهل : تمام
صقر : اجيتس انا ؟
نواهل : لا لا مقدر انتظرك بتأخر بروح مع تاكسي
صقر : انتبهي على نفستس
نواهل : طيب
طلعت وهي توقف بالشارع و وقفت تاكسي و ركبت وتوجهت لبيت الليث
●
●
●
كانت جالسة بغرفتها ومنسدحة وتبكي وهي مغطية عيونها بيدها
لين دق الباب
مي : هيه
مناهل : مي ترا ماني ناقصتك انقلعي من قدام وجهي
مي : ترا ماني متشققة عليك اختك تحت
قامت مناهل وهي تفتح الباب ونزلت تحت و مي راحت غرفتها
نواهل : وش فيك ؟
حضنتها مناهل وهي تبكي وكانت تبكي صدق من قلبها و نواهل خافت تحسب ان احد صار له شي
نواهل : ابوي وامي صاير لهم شي ؟ ليث صاير له شي ؟ احد من اخواني صاير لهم شي وش فيك تكلمي ؟
مناهل : لييث يا نواهل ليثث
نواهل : اجلسي يا مناهل اجلسي
جلستها وهي تعطيها كاس مويا وتشربها وقالت : وش فيك الحين ؟
مناهل : يبي يتزوج الثالثة
ضحكت نواهل وقالت : مب منجدك ؟
مناهل : والله يا نواهل لين متى انا بجلس اكذب واتغلى واكابر واسوي نفسي مايهمني وانا احترق كل مرا اكثر يوم اشوفه مع مي ويضحك معها ويبوسها ويحضنها قدام عيني تعودت اصحى من النوم وهو جمبي او اصحى وهو نايم علي او انا نايمة بحضنه الحين صرت اصحى يوم القاه ويوم ما القاه تعبت اسوي نفسي ما اهتم وانا اتقطع كل يوم يا نواهل تعبت والله كسرني وهد حيلي واستنزف كل طاقتي جفت دموعي معد بقى لي دمع ابكي به يا نواهل وش اسوي يا نواهل وش اسوي
نواهل : وانا تعبت وانا اقولك عامليه بالمثل عامليييه بالمثل يطنشك طنشيه يكسرك اكسريه يهدك هديه
مناهل : مب بهالسهولة يا نواهل انا احبه احبه والله اموت فيه بعد
نواهل : لا ضاقـت الدنيا قل الحمدللـه حتى ولو إنـك مـن الوقـت ، هايـم ما خاب منهـو يحسن الظن باللـه وما ضاق صدرن يذكر اللـه دايـم
استغفرت ربها وقامت تصلي ركعتين ورجعت تجلس جمب نواهل بهدوء
مناهل : كنت أحسبهه لاهي مع ضـروف ألايامم أثاريه مع غـيري يـعـيش السعاده
نواهل : لا تهتمين ترا زود الاهتمام بيتعبك روحي بيتنا ارتاحي
مناهل : مابي امي وابوي يشوفوني بهالحال
نواهل : طيب تعالي اقعدي عندي
مناهل : ودي اتركه اليوم قبل بكرا يا نواهل بس يوم افكر بهالشي في شي والله في شي يمنعني اتركه مدري ليه احس اني باقي ابيه وعندي امل يتغير ويصير لي لحالي بدل مايشاركوني اكثر من وحدة فيه ، اليوم قال بنروح انا وهو ومي عند اهله
نواهل : تمام ولاترجعين معه اقعدي عندي بالجناح
مناهل : لالا خليني بجلس ببيتي ونشوف وين بنوصل
نواهل : نشوف العاصفة ما بعد الهدوء كيف بتكون
رجعت ظهرها لورا وهي تشرب القهوة وتطالع مناهل