لو قلت لقلبي توب عيني تكذبني

الجزء السادس عشر

الليث : طيب واللي يبي ورع منتس ؟
طالعته وقالت : وش تبي ؟
الليث : بنات
مناهل : ايوه ؟
مسك يدها بحماس وقال : ابي بنت صغيرة تشبهتس بكل شي ابي شعرها طويل زي شعرتس وابي بشرتها نفس لون بشرتتس ابي جمالها زي جمالتس وابي اسلوبها وشخصيتها زيتس يعني ابي مناهل نسخة مصغرة
مناهل : بس انا مابي
الليث : وش ماتبينه ؟
مناهل : مابي اخلّف من بدري انا ابي ادرس بعدين انا باقيلي 5 سنوات واتخرج عقبها يصير خير
الليث : اشوف عيالي يوم يصير عمري 30 ؟
مناهل : عادي بعدين يوم يصير عمرك 30 تكون قد المسؤولية اكثر بعدين انا بنتك ماني مالية عينك ؟
الليث : الا يا حبيبي
قاطعته وهي تحس انها بتصير سالفة كبيرة وقالت : بعدين يصير خير تمام ؟
سكت الليث وقال : تمام ، يلا انا رايح
مناهل : تمام
باسها بخدها وقال : استودعتتس الله واذا جيت مرا ثانية والمكيف كذا زي الثلج بكسره على راستس تمام ياقلبي ؟
ضحكت وهي تهز راسها بمعنى " ايه "
الليث : تبين شي اجيبه لتس بكرا ؟
مناهل : ليه وش بتجي بكرا تسوي ؟
الليث : اجيبلتس جوالتس
مناهل : مع انه ماله داعي بس اللي ودك سويه
الليث : يلا وش تبين
مناهل : من باسكن روبنز ايسكريم بنكهة اللوتس الحجم الكبير
أشر على خشمه وقال : على ذا الخشم
وقفت وهي تبوس خشمه وقالت : احبك ياخي
حاوطها من خصرها وقال : وانا اموت والله خليني امشي عشان ما اتهور
طلعت وهي تضحك عشان تأخذ له طريق وطلع
سعد : سنة داخل عندك ؟
مناهل : وش تبي حاط دوبك دوبي ؟
فهد : طالع والابتسامة شاقة وجهه شصار ؟
نواهل : الله العالم
سعود : فجرها ؟
ضحك ابو فهد وقال : استحي على وجهك يا وصخ
استحت مناهل وهي تجلس جمب امها
ام فهد : ان شاء الله علاقتكم تحسنت ؟
مناهل : اي صار مؤدب ما يزعلني
ابو فهد : يخسي يزعلك وانتي بنت هادي
●
●
●
في بيت ابو صقر
رجع الليث وهو يغني واهله يطالعون فيه
ذيب : ضبطت الامور ؟
الليث : كله تمام مية مية
كيان : واضح من وجهك ان الامور طيبة
ام صقر : عسى اموركم دايم طيبة وزينة يارب
الليث : امين يارب
ابو صقر : متى حددتو زواجكم ؟
الليث : بعد 4 شهور
ابو صقر : وشوله 4 شهور ؟
الليث : شهر تبي تطلع تتقضى لي
صقر : وانت بزر تتقضى لك
ضحك الليث وقال : طالع لك لسان خلها تسوي اللي تبي وش قاهرك انت
ذياب : ايوه
الليث : شهرين عشان تتقضى هي وشهر عشان تخلص امور الزواج يعني القاعة الكوشة والفستان قروشة الحريم مالي فيها انا
اريج : بتضبط زواجها وانت ماتتدخل ؟
الليث : لا انا وهي يعني
لين : نبي نجي معكم تكفى
الليث : بعد 3 شهور يصير خير تمام يا بابا ؟
لين : مب بزر عند اهلك انا
طالع فيها ابوها وسكتت بخوف وقالت : طلعت بالغلط 
تعشو وكل واحد طلع غرفته ونامو
●
●
●
بعد اسبوعين يوم الاثنين الساعة 7:00 مساءً
في بيت ابو فهد كانو جالسين كلهم بالحوش مع بعض
سعود : اقولك من يوم تزوجتي ما كفخنا احد
ضحكت مناهل وقالت : اووه اكثر شي يونس ان الليث يعطيني على جوي لاكفخت احد كفخه معي مارح يتغير شي كبير بحياتي
سعود بتمثيل للزعل : الليث يعوض مكاني ؟
مناهل : لااا ماقلت كذا
لفو كلهم وهم يسمعو بواري متتالية
فهد : كسر الله يدك يا ليث
قامو العيال وطلعو وشافوه وهو مشغل اغاني صوتها واصل للشارع العاشر و مستمر بضرب البوري وهو يضحك
سعد : سلامات ؟
الليث : الله يسلمك يا حبيب قلبي انت
طالعه سعد بقرف وقال : عض شحمة تكفى
ضحك الليث وقال : حرمي المصون وينهي ؟
سعود : معليش محجوزة اليوم
الليث : والله تخسي تاخذها اليوم يومي
فهد : مخططين نطلع اليوم مع بعض اخوان بيطلعون مع خواتهم بعدين المفروض هالفترة نقعد معها اطول فترة ممكنة لانها خلاص بتتزوج وتبعد عننا
الليث : اقول ابلع هواء وهاتو حرمتي
طلعت مناهل وهي تعدل نقابها وركبت قدام واخوانها يطالعونها
سعد : وش ذا الغدرة ؟
ابتسمت مناهل وهي تطالع فيهم وقال الليث : تاخذون مين من مين ؟
فهد : رح لا افرشك رح
ضحك الليث وهو يحرك
الليث : كيفتس ؟
مناهل : تمام
الليث : وين نروح ؟
مناهل : نبي نروح اول شي نفصل مليون ثوب
ضحك الليث وقال : وشوله مليون اثنين يكفون
مناهل : لا مب مليون بس مب اثنين وش اثنين هذا وانت غني تبي اثنين اقل شي نفصل 20 واحد
الليث : ياغبية نفصل شوي يمكن اكبر ويصير ضيق علي يمكن اطول
مناهل : ليه وين ناوي توصل ؟ لاتنطح السحاب بس وتقفل الطُرق خلك مكانك
ضحك وهو يلف للجهة الثانية وقالت : شعندك اليوم تضحك ؟
الليث : مبسوط
مناهل : ليه ؟ ابسطني معك
الليث : كسبت 4 قضايا بالأسبوع ذا
مناهل : طيب مب غريبة ودايم تكسب اكثر ، انت مبسوط حيل بشكل مريب
الليث : اللي يشوفتس ماينبسط ؟
مناهل : ليث وضعك ترا مشكوك فيه
الليث : مب مشكوك معليك
مناهل : ليث تكفى قل لي لاتصير حيوان عاد
الليث : مافي شي
مناهل : انقلع يا بابا
وقفو للمحل ونزلو وجلس الليث يقيس
مناهل : الكتف لاينساه
الليث : اعدمي صوتتس بس وكل شي يصير كويس
سكتت وهي تتحلطم منه شوي يقولها غطي عيونك شوي يقولها غطي يدك شوي يقولها قفلي عبايتك من تحت شوي يقولها اسكتي كرهت عمرها يوم دخلت محل فيه رجال
مناهل بقلبها : بالله قول لي لاتتنفسين باقي ذي اصلا عيونه شوي وتحرقني عمى
اشر لها بيده بمعنى طالعي الارض وقالت بانفعال : واجد كذا
طالعوها الرجال وهي سكتت وضرب جبهته وقال بهمس : غبية غبية غبية
ضحكت وهي تجلس بهدوء وخلص يقيس وقال : قومي ياحمارة
مناهل : وين ؟
الليث : تعالي شوفي الخامات اتركي الفهاوة
وقفت وهي تشوف الخامات واختارو احسن الخامات والاقمشة و بعدها اشترو الاشمغة والعقالات وطلعو للسيارة و وصلتها رسالة بقروب البنات ودقو كام
الهنوف : تخيلوووو
مناهل : فقع الله طبلة اذنك بشويش يا تبن
الهنوف : مرام ونايف حددو زواجهم
نواهل : قليلين حيا وحنا اخر من يعلم
مناهل : اي والله قلة حيا
الهنوف : عضو شحمة انتي وياها تو سمعنا الخبر وجيناكم
مناهل : المهم متى ؟
هيام : بعد شهر
مناهل : مستعجلين الله يحفظهم
مرام : وش تبين نسوي زيك انتي وخطيبك بعد ترليون شهر نتزوج
مناهل : عشان نجهز عمرنا مب كل شي سريع سريع ميتين بالزواج
مرام : على هواء بس انتي وينك
لفت الجوال على الليث وهو يرفع شماغه ويعدله ومبتسم
وئام : هذا مالو كذا حلو ؟
ضحك الليث وقالت مناهل : ماتستحين انتي ؟
وئام : يسمع ؟
مناهل : يسمع يسمع
عهد : يجنن
مناهل : عهددد
عهد : بسكت بسكت
مناهل بدلع : يلااا انا مشغولة مع ( رفعت صوتها شوي ) زوجيي زوجي زووووججججيييي
ضحك الليث وقال : خلاص يا بابا زوجتس زوجتس
مناهل : عشان محد يحط عينه عليك
الليث : وان انحطّت العيون علي عيني ماتطالع الا انتي
ضحكو البنات وقفلو ولفت مناهل وتربعت وصار ظهرها مستند على الباب وقالت : ليث ابوي انت استحي بس شوي لاتقول كلام كذا قدامهم
الليث : مب زوجتس انا ؟ زوجتي حلالي نصيبي حرمي اقول اللي ابي مايمنع حتى لو قدامهم كل ابوهم
مناهل : امم
●
●
●
تسريع احداث بيوم زواج مرام
تروشت مناهل ولبست فستان كحلي عاري الاكتاف بدون اكمام مفتوح من الصدر طويل ماسك عالجسم وفيه كرستالات صغيرة من عند الصدر ولبست كعب فضي وحلق طويل فضي وسوت مناكير احمر وشعرها سوته تكسير والميك اب كان ايلاينر ورموش طرفية وعدسات رمادية وبلاشر برونزي وهايلاتر و روج احمر كان شكلها يذوب الصخر ويوجع القلب حرفيا ملكة جمال تعطرت وتبخرت ونزلت لاهلها
نواهل : من يومك تغطين علينا بعدين مابتروحين للمشغل معنا ؟
مناهل : لا سويت شعري ومكياجي من نفسي بروح على طول للقاعة
ابو فهد : بيجي ليث ياخذك ؟
مناهل : لا بروح مع مالك
ابو فهد : زين
لبست عباية كانت من اطرافها خط فضي و من طرف الاكمام خط فضي اخذت شنطتها الحمرا وركبت السيارة وراحت للقاعة
وما كان في احد الا مرام و نايف والمصورة تصورهم
طلعت فوق الغرفة وهي تجلس تطقطق بجوالها لين دخلو ميهاف وسمر والاء وليلاس وعهد
ميهاف : من متى وانتي هنا ؟
مناهل : من ثلاث ساعات اتوقع
عهد : و نواهل وين ؟
مناهل : راحت هي وامي للمشغل لاني انا مارحت سويت كل شي بالبيت
ليلاس : مع ان مكياجك هادئ بس شكلك فخم
مناهل : من يومي فخمة
دخلو الهنوف و نوف وريوف وامهم وهم يفصخون عبايتهم ويفتحون الشنطة عشان يلبسون
الاء : نايف طلع ؟
نوف : اي من الظهر يتصورون طلع له ساعة
مناهل : وصلو المعازيم يا عمة ؟
ام نايف : وش معازيمه تونا بالمغرب
مناهل : زين
دخلو ام ماجد و ام فهد ونواهل وفصخو عباياتهم ويلبسون فساتينهم ويتعطرون ويتبخرون وسرعان ما وصلو ام مرام وهيام و رهام و وئام ولبسو ونزلو كلهم عشان يستقبلون الضيوف
ام فهد : حياكم الله تفضلو
بدأت القاعة تكتض بالمعازيم و مناهل جالسة فوق مع العروس
كيان : يا خالة مناهل وينها ؟
ام ماجد : فوق عند مرام
نزلت مناهل والكل يطالع فيها بأعجاب واضح من عيونهم كانت تجنن لأبعد درجة كل الانظار صارت عليها
ابتسمت وهي تروح تسلم على اهل الليث
ام سلمان : بسم الله عليتس كل يوم تزيدين جمال
مناهل : مشكورة يا خالة عيونك
اشتغلت اغنية وقامت مناهل وهي ترقص والكل يطالعها شلون كانت ترقص وتتمايل بخصرها وشعرها يروح يمين ويسار وسرعان ما طلعو كيان ولين واريج يرقصون معها ويمسكون يدها ويرقصونها
وطلعو كل البنات يرقصون معها ويعززون لها فعلا كانو كلهم معجبين بجمالها
وخلصت الاغنية وشغلو دبكة وقامت عهد و معها ميهاف و الاء ومناهل و هيام يدبكون وباقي البنات يصفرون لهم ويصفقون
وبعد ما خلصت اشتغلت اغنية شرقية وقامت مناهل و معها نواهل واخذو كل الانظار كانت مناهل نسخة نواهل بكل شي
أريج : اشغلني ذا وهو يدقدق خلني بروح اشوفه واجي
طلعت اريج تدور على الليث وشافته قدامها كان يطالعها من فوق لين تحت لين تداركت الوضع وبعدت عنه وهو كذلك صد عنها وقال : وش تبين ؟
اريج : ليث من اليوم يدق علي يبيني
احمد : تمام الحين اناديه لتس
راح احمد وسرعان ما رجع الليث وفزت له اريج
اريج : تخيل
الليث : وشو
اريج : مناهل يا ليث مناهل
الليث بخوف : شفيها ؟
اريج : كانو يبون يخطبونها كثير بس امي الله يحفظها ماسكتها من يدها وكل ما جاء احد يسالها وين امتس تقول هذي زوجة ولدي والحريم يسكتون وتخيل شكلها يا ليث اههخخ شكلها يجنن
الليث : ابي اشوفها
اريج : اصبر يزفون العروسة عشان تدخل للغرفة عندها
الليث : سريع سريع هاه ابي شوفها
ضحكت اريج وقالت : اثقل بس
الليث : على خقتس انتي ما اعتقد بثقل
اريج : والله تخقق تخقق
الليث : الله لا ياخذتس انقلعي
مشت اريج وهي تضحك عليه واضح من لهفته لها يموت ويشوفها
انزفت مرام وهي تطالع نايف اللي كان يطالع فيها تحت والابتسامة شاقة وجهه
كانت ماسكة البوكيه ويدينها ترجف لين وصلت عنده حضنها والبنات يصارخون
نايف : جعلني ما افقد ذا الوجه
نزلت دمعتها وقال نايف : لا يا ابوي لااا لااا
حضنها بقوة وقال : شدعوه تصيحين ما اذبحك والله
ضحكت وقال لها : اطلق يوم بالحياة والله
عند البنات كانو يصورونهم وخاقين
اريج : مناهل
مناهل : هلا
اريج : اطلعي فوق بالله
مناهل : ليه ؟
اريج : زوجتس اشغلني يبي يشوفتس
ضحكت مناهل وهي تطلع للغرفة وفصخت عبايتها وشافته قدامها يطالعها بدون اي ردة فعل
مناهل : شايف وحش يا حبيبي
مسك اطراف شماغه وهو يفتحه ويحطه على كتفها ويضمها لصدره
وقال : وش مسوي انا من خير ؟ وش الخير اللي سويته يا ليثث وشوو
ضحكت وهي ترفع يدينها لظهره وحضنته وقالت : وش مسوي ؟
بعد عنها وهو يطالع شفايفها جابت راسه بلونها الاحمر
عض شفته وهو يقرب منها وطبع قبلة على شفايفها وهو ذايب لأخر درجة
سكتت وهي مستحية منه بالموت شوي وتنفجر حطت كفوف يدها على صدره وهي تحاول تبعده وهو يشد على خصرها
الليث : خليتس
مناهل : لييثث
الليث : زوجتس انا زوجتس
ابتسمت وهي تطبع قبلة خفيفة على خده وبغى يموت
الليث : ماترفقين بي ؟
ضحكت وهي تحاوط رقبته وقالت : البادي اظلم
ضحك وهو يحط جبينه بجبينها وقال : وانا شلون اردها
بعدت عنه وهي تحك لحيته وهو دايم تخدره هالحركة وقالت : ابعد
الليث : تندمين على ذا الحركة
ضحكت وهي تلف وهو شدها نحوه صار ظهرها على صدره بعّد شعرها للجهة الثانية وهو يبوس نحرها وقال : ما شبعت متى تمر هالشهرين بسرعة تعبت والله
لفت له وهي تحط كفوف يدينها على وجهه وقال : تدري كنت افكر نطول الفترة
الليث : عشان اصفقتس
مناهل : خلاص وخر زواجنا ماباقي له شي لازم احرمك شوفتي
الليث : اموت والله
مناهل : ولو مت انت انا وين اروح
الليث : اجل لاتحرمينا
مناهل : ابي انزل خلاص
الليث : وش بكرا ؟
مناهل : ثلاثاء
الليث : اليوم يومنا المفروض نطلع فيه
ضحكت مناهل وقالت : كلن على همه سرا
ضحك وهو يوخر يدينه ويشوفها تمشي لين طلعت ورمى نفسه على الكنبة وحط يده على قلبه وقال : وش هالحال بشوفتس يا مناهل
ضحك وهو يضبط نفسه ونزل عند الرجال
●
●
●
بعد يومين
عند عرساننا
نايف : مرام
مرام : سم
نايف : تعالي يا روحي
قربت مناهل وهي تجلس على فخذه وقالت : امرني
نايف : تبين نكمل اسبوع هنا وبعدين نرجع للبيت نريح يومين و بعدها نسافر ولا نطلع الحين ؟
مرام : اللي ودك
نايف : يا حبيبي معليك مني انتي قولي وش تبين ؟
مرام : ودي اطلع نجلس بالبيت يومين ونسافر
نايف : ابشري
مرام : تمام انا اقوم اجهز الشنط
نايف : اتركي هذول الحين
جلست تطالع نظراته اللي كانت على لبسها وجسمها
مرام : نايف ؟
سحبها وهو يعتليها وقال : ضعيف انا
حاوطته من رقبته وقال : وش تسوين انتي فيني ؟
ابتسمت وهي تعض شفايفها وسرعان ما استقرت شفايفه بشفايفها
وو....🌚
●
●
●
في بيت ابو صقر
كانت لين جالسة بغرفتها وجالسة قدام التسريحة وهي ترطب شعرها وتمشطه
لين : ادق ؟ على اي اساس ؟ ودي اسمع صوته مشتاقة له ؟ بدق وبقوله بالغلط ؟
ضحكت وهي تمشي ورمت نفسها على السرير وهي ترفع يدينها لين فوق وسحبت جوالها ودقت عليه
لين : هلا مشاعل
سعود بتنعيم صوته : هلا حبيبتي لين
كتمت لين ضحكتها وقالت : شلونتس ؟
سعود : انا بخير انتي اخبارتس ؟
لين : تمام شلونه مشعل ؟
سعود : يسلم عليتس حبيبتي ويقول وده بشوفتس
لين : اووه حتى انا مشتاقة له عاد يوم شفته بزواج بنت عمة مناهل ذبت فيه يهبل
سعود : صح كلامتس يجنن بس سمعته يمدح اخو مناهل عرفتيه هذاك الصغير
لين بابتسامة قالت : ايه وش قال ؟
سعود : يقول انه يجنن وهادئ و مرا يهبل علومه غانمة رجال وابن رجال
حطت لين كتم وانفجرت ضحك ورجعت فكته وقالت : اي ما شاء الله بس انا شفته ماعجبني ابد
سعود : عمياء انتي ماتشوفين زين
لين : المهم مشاعل حبيبي
ذاب سعود يوم قالت حبيبي وقال بحدة : عيون حبيبك والله
لين : والله لو ما شفت اسمك كان حسبتك صدق بنت ارفع علومك
سعود : رافعها من قبل لا اعرف وجهك مسوية فيها بالغلط هلا مشاعل والله والله والله عادي لو دقيتي وقلتي مشتاق لصوتك
لين : ما اشتاق لصوت احد اكرهه
سعود : احلفي انك تكرهيني ؟
لين : اكرهك لين اموت ومستحيل احبك وانت مو نفس الشخص اللي انا اتمنى
سعود : الله معك
قفل سعود وقالت لين : غبية انتي ؟ وش تقولين الله ياخذتس يا حمارة
حطت جوالها بالشاحن وهي تروح لغرفة شغل اريج وشافتها تخيّط
لين : الحين الواحد مايدري هو انتي مصممة ولا تفصلين ؟ ولا وش وضعتس ؟
اريج : اصمم وافصل فساتيني اللي صممتها
لين : يعني مايمديني اسولف لتس ؟
اريج : اقول تعالي بس في فستان بفصّله ابي اقيسه عليتس
لين : فخم ؟
اريج : اي فخم
لين : خلاص اذا ضبط ابيه لزواج ليث
اريج : تمام تعالي
قربت لين من اريج وهي تقيس خصرها وكتفها ومن عند الصدر وطولها وعرضها وقالت : خلاص تمام كذا وش اللون اللي تبينه ؟
لين : ابي زهري
اريج : تمام
لين : يعطيتس العافية يا عيوني
اريج : تمام انقلعي
طلعت لين وكانت اريج تحط الابر على التمثال ودخلت ابرة باصبعها وتأوهت بألم وهي تحط اصبعها بفمها وقالت : الله ياخذك يوم طلعت بوجهي وشتت تفكيري
ضحكت على نفسها وهي تجلس وتسحب كراستها وبدأت ترسم تفاصيل الفستان
●
●
●
بغرفة كيان كانت جالسة و اوراق و ملفات قدامها واللابتوب بحضنها لين دق جوالها ارتسمت ابتسامة عريضة على ثغرها وردت : هلا
فهد : هلا فيك كيفك ؟
كيان : طيبة الحمدلله وانت ؟
فهد : نحمد الله ونشكره بقولك شي اذا فاضية
كيان : آمر
فهد : ما يأمر عليك ظالم بس عندي قضية اثنين متهمين واحد انا مستلم قضيته عشانها جريمة والثانية نهب ورث ابيك تستلمين القضية
كيان : ارسل لي الملفات بالايميل
فهد : ابشري بس تكفين شدي حيلك القضية مهمة بالنسبة لي
كيان : ابشر
فهد : بكون على تواصل معك تمام ؟
كيان : تمام
قفلت كيان وهي مبسوطة وفراشات ببطنها تطير ضحكت و طارت ضحكتها من شافت ذيب وذياب ولين يدخلون عليها
كيان : في اختراع اسمه طق طق طق في شي اسمه دق الباب اتركو القلة الحيا وتعلمو السنع
ذيب : جوعان والله
كيان : حتى انا والله قومو يلا
نزلو كلهم للمطبخ وجلسو على طاولة المطبخ وكيان تقطع وتطبخ على سواليفهم اللي تجيب الصداع بس صاملين يسولفون ويتهاوشون ويحوسون ام ام المطبخ
●
●
●
في غرفة صقر كان جالس هو و آسر
صقر : عجزو يمسكوه
آسر : ارسلت فريقين من عندي وذيب ارسل فريق و ذياب ارسل فريق ورحنا انا والفريق لؤي لين عنده بس ما لقطناه
صقر : حققت انا مع رجاله قالو كل الاماكن اللي كان يروحلها وقالولنا مواقع كل بيوته ارسلته للفريق غازي
آسر : ارسلها لي ورحت للمواقع كلها مب فيه
صقر : ناوي يلعب ذا
ابتسم آسر وهو يسحب زقارة ورماها لصقر وسحب زقارة ثانية وشغلها وقال : وانا العب معه
صقر : وش بتسوي ؟
آسر : يصير خير انا طالع تبي شي ؟
صقر : وين رايح ؟
آسر : عندي كم ملف بالمبنى اخلصهم وارجع
صقر : الله يوفقك
طلع آسر و صقر انسدح بسريره والزقارة باصابعه
●
●
●
في بيت ابو قصي
ابو قصي : قصي اللي هو ولدتس طلع من عندتس لانه مو قادر يتحملتس لا انتي ولا بنتتس خربتي بينه وبين زوجته لين قلتي امين وماكفيتي شرتس عنهم الا يوم جت نور والحين تبين تخربين على مناهل والليث متى تعقلين انتي الناس يقولون يا الله حسن الخاتمة وانتي حالفة تموتين بسوء خاتمتتس موتي وخلي الناس تذكرتس بدعوة
ام قصي : اللي يكسر عاداتنا وتقاليدنا ماله مكانة بيننا
فاطمة : وامي صادقة مدري على وش ميتين عليها هي واهلها سلق و رخوم صدق
ابو قصي : اقضبي لسانتس يا فاطمة وان ما بعدتي عنهم مالي دخل فيتس وباللي بيسوونه تسمعين
فاطمة : يخسون يلمسوني وانا بنت ال فيصل
طلعت غرفتها وابو قصي تنهد بقلة حيلة وقالت ام قصي : اول مرا يمر شخص بحياتي يوقف مع ناس ضد اهله
قامت ام قصي ودخلت غرفتها وتركو ابو قصي لحاله
●
●
●
في بيت ابو ياسر
ابو ياسر : بشويش يا بنيتي على عمرتس اقولتس خل نجيبلتس خدامة
بدور : مابي يا عمي مابي
ياسر : بدور يا بنت الحلال افهمي كذا تضرين عمرتس
بدور : وش من ضرر خله ياعم يروح يجيبلي تفاح اخضر ويفكني شره تكفى
ابو ياسر : قم بسرعة جبلها تفاح الدنيا كلها
قام ياسر وهو ياخذ مفتاح السيارة وهو يضحك و وراه احمد
وركبو السيارة
ياسر : شعندك ؟
احمد : ابد
ياسر : قل قل اعرفك ترا
ضحك احمد وهو يفتح الشباك وقال : وش اقول ؟
ياسر : اللي شاغل مخك من يومين
احمد : واضح اني سارح ؟
ياسر : حيل بعد
احمد : ابي اخطب
ياسر : وش يعني مرا وحدة كلكم كذا
احمد : لا مب الحين
ياسر : متى ؟
احمد : بعد ما اضبط اموري
ياسر : في وحدة ببالك وانا داري
ضحك احمد وقال : ياولد خلني احس نفسي ان غامض
ياسر : غامض على الناس كلها الا علي انا لاتنسى اخوك انا واكثر واحد يعرف وبعدين انا اللي مجرب الحب واعرف بلاويه عشان كذا عرفت انا ان بلاك مب هيّن قل منهي اللي سرقتك كذا
احمد : بنت عمي زايد
ياسر : اي وحدة ؟
احمد : اريج
ضحك ياسر وقال : بعيدة ياخوك
احمد : ليه ؟
ياسر : شف حالك وشف حالها ماتتناسبون ابد البنت عاقلة وراكدة وهادئة وانت اللي يشوفك يقل مهبول
ضحك احمد وقال : فجعت اهلي يا كلب احسب عمي بيرفض
ياسر : مابيرفض وانت الناس تتشرف انها تناسبك لا تستنقص من عمرك وخلك واثق وكل شي يمشي تمام
احمد : ان شاء الله
●
●
●
كانت مناهل جالسة تتجهز عشان الليث بيجي وجلست على السرير كالعادة مستندة بظهرها على ظهر السرير دخل الليث وهو يرمي نفسه على السرير بهدوء وانسدح على بطنه وهو يحط يده على بطنها
مناهل : شفيك ؟
سكت الليث وما عطاها اي رد
مناهل : ليث
رفع الليث رأسه وهي تربعت وجلست تطالعه وكان التعب واضح بعيونه : ليث ؟