نزلت لين للملحق ونادت بصوت واطي : كريهه ! موجود
سعود : موجود
دخلت لين وشافته عاري الصدر و عطته ظهرها على طول
لين : الله يكسر راسك
سعود : اموت واعرف انتي ماتعرفين تقضبين لسانك كل ماشفتيني دعيتي علي ؟ الله ينفخ برطمك الله يكسر خشمك الله يكسر راسك سلامات ؟
لين : اكرهك شسوي ؟
رفع حواجبه وقال : انا المتشقق ؟ ترا نفس الشعور يا حبيبي
لين : لا بموت
سعود : لاتموتين ولا شي هاتي الثوب
مشى سعود بيأخذ الثوب وطاح على يده وفزت له لين : بسم الله عليك جاك شي ؟
سعود : يدي يا الله يدي
مسكت يده وتقشعر جسمه من لمسة يدها الناعمة
لين : بسم الله عليك توجعك ؟
سعود : اصبري
رفعها وتأوه بألم : معد اعرف احركها انكسرت يدي
مسكت يده بشويش وقالت بخوف : اعمى ماتشوف ؟ الحين شلون تقعد توجعك ؟ وش اسوي ؟
كان سعود شايف الخوف بعينها وقال : مايهم بسيطة
تجمعت الدموع بعيون لين وقال : لا مو مايهم مو مايهم لاتصير بارد كذا ادري انها توجعك
طالع فيها باستغراب وقال : شفيك عادي ترا خلاص قدر الله وش نسوي
لين : انا المفروض اجيك
سعود : معليك هاتي الثوب
لين : بتوجعك والله
سعود : معليك اقول
اخذ الثوب ورفع يدينه عشان يلبس وصارخ
سعود : الله يلعن ابليس ياشيخ
سحبت الثوب وقالت : بلبسك انا اصبر
ابتسم بخفوت وجلس على السرير وهي تلبسه لين داهمته ريحة عطرها اللي جاب راس راسه
سعود بهمس : تكفى يارب ثبتني
لين : اسمع انا بدخل يدك بس تكفى تكفى بشويش لا توجع يدك ولا توجعني انا بعد
سعود : ليه ؟
لين : عادي تعض شحمة ؟
سعود : لين يلا
رفعت يده بشويش وهو يحاول يكتم المه وخلصو وقربت منه وهي تقفل زراراته
لين : خلصنا
وقف وهو يحاوطها من خصرها وباسها من خدها : هذي بوسة شكر
ابتسمت وقالت : تمام يلا انقلع
مشى وهي وراه ولحظات وحس بيدينها تحاوطه وحضنته بحيث يصير ظهره ملاصق صدرها
رفع راسه وهو يضحك ومسك يدها ورفعها وباسها وقال : مب تكرهيني
لين : للحين اكرهك
سعود : اجل شعندك لاصقة
لين : مدري
لف وهو يحاوطها من خصرها وقال : ترا مب عيب اذا قلتي ترا يا سعود انا احبك والله عادي
لين : قلتلك ا ك ر ه ك
ضحك وقال : تمام
طلع و دقايق طلعت وراه
●
●
●
بعد صلاة العشاء في بيت ابو فهد
تروشت مناهل ولبست جلابية بيضاء لين الساق من اطرافها ذهبي بأكمام طويلة وطرف الاكمام ذهبي وياقته ذهبية ومع ربطة على الخصر ذهبية وفيه نفشة بسيطة ولبست كعب ابيض وحلق طويل ذهبي وساعة ذهبية وخلخال ذهبي وسوت مناكير احمر و شعرها سوته ويفي والميك اب كان عبارة عن ايلاينر و مسكرا وايشدو ترابي و بلاشر برونزي وهايلاتر و روج احمر
تبخرت وبخرت شعرها و تعطرت بعطرها المفضل ونزلت
تروشت نواهل ولبست نفس جلابية مناهل لونها اسود لين الساق من اطرافها ذهبي واكمام طويلة من طرف الاكمام ذهبي وربطة عالخصر ذهبية وفيه نفشة بسيطة لبست كعب اسود وحلق ذهبي طويل وساعة ذهبية وخلخال ذهبي وسوت مناكير احمر وشعرها سوته ويفي والميك اب كان نفس مناهل
أنت تقرأ
لو قلت لقلبي توب عيني تكذبني
Romanceدخل الليث البيت والتعب لاعب فيه لعب رمى نفسه على الكنبة وهو يهف وجهه يبعد ريحة الدخان الليث : آسر تكفى وخر سكت آسر وهو يطلع زقارته الثانية ويحطها بشفايفه وياخذ الولاعة ويشغل الزقارة دخل ابو صقر وهو يقول : انا كم مرا اقول الزفت ذا لا تقربه ؟ آسر :...
