لو قلت لقلبي توب عيني تكذبني

الجزء الثاني والاربعين

بعد شهر يوم الخميس الساعة 6:00

كانت علاقة كيان و فهد سطحية جدا وكل ما يحاول يقرب منها عشان يعتذر تجفاه عشان يحس بغلطه ولا يشك فيها مرا ثانية حتى لو بالغلط

في بيت ابو فهد
كانو الرجال جالسين بالحوش وشابين النار وقاعدين حولها ويشيشون ومشغلين اغاني قديمة و مروقين و جوهم عال العال
ابو مرام : لو نرجع لأيامنا وزمن الطيبين
ابو قصي : اي والله قبل لا نجيب عيال ولا نتزوج ولا نشيل هم احد بس شايلين هم الوقت لا يروح واحنا باقي ما لعبنا زين
ابو نايف : والحين صرنا اجداد وكبرنا
ابو فهد : بس والله ان الحياة زينة من بعد شوفة العيال والبنات و انا ما زانت حياتي الا بشوفة بناتي وعيالي
ابو صقر : عز الله انك صادق يا ابو فهد
دخلو نور وفيصل وهم يركضون وبيدينهم اكياس ومناهل وراهم
ابو صقر : ان شاء الله نشوف عيالتس يا بنيتي ونفرح لتس و لليث
مناهل : ان شاء الله يا عمي ان شاء الله ، انا بدخل داخل توصون شي ؟
ابو فهد : اي يا بنيتي جيبي القهوة و المويا
مناهل : ابشر
دخلت مناهل وهي ماسكة يدين نور و فيصل ودخلت للمطبخ تجهز القهوة والمويا وبعد ما خلصت طلعتهم للرجال
مناهل : بالعافية
دخلت داخل عند البنات وهم يسولفون ويتقهوون ويحشون بخلق الله جميع
●
●
●
عند الحريم
ام مرام : يا بنيتي انتي اقعدي ارتاحي وانا بمسكها
مرام : يا يمه الله يحفظك ما رضعتها
ام نايف : انا بقوم اسويلها رضاعة انتي تعبتي حيل من بعد ماجت هالوعد اقعدي وريحي عمرك
مرام : الله يسعدك ياعمة ماتقصرين
جلست مرام بتعب وهي تتحسب على نايف
ام مشعل : ليه ماتجيبين لتس خدامة يا بنيتي ؟
مرام : والله يا خالتي ماودي بحريم يدخلون بيتي
ام بدر : اي والله هذا السنع ماتدخلين مره بيت رجلتس
ام قصي : تجي وتغير عادات وتقاليد رجلتس مثل ما بنتكم غيرت عاداتنا وتقاليدنا
ام ماجد : يعني من سنة للحين وانتي باقي معلقة على مناهل ؟ يا بنت الحلال اتركيها هي ورجلها بحالها خليهم يعيشون لاتكتمينهم
ان قصي بهمس : من زينها هي ورجلها وان تركتها انا بحالها مي مابتتركها هه
●
●
●
عند العيال
منصور : سعود صب صب قهوة بالله
سعود : سم الهاري يشيخ منت فاضي تتحرك يقالك شايب
اخذ فنجانه وهو يصب له و للعيال كلهم قهوة
سعود : تبي انت ؟  هيييييه اكلمك انا تبي قهوة ؟
سعد بهدوء : بشويش يا سعود بشويش لاتصب لي شي مابي لا قهوة ولا شي اتركني بس
حط سعود الدلة والفناجين بالصينية وجلس جمب سعد
سعود : وش فيك ضايق ؟ لك شهر و زيادة مب عاجبني كذا هادئ وراكد زيادة عن اللزوم مب عوايدك
رفع سعد يده وهو يبعثر شعر سعود وقال : مافيني شي
سعود : لا يا ورععع
ضحك سعد وهو يوقف وقال : معليش يا عيال انا طالع فوق وان بغيتو شي نادوني
طلع سعد و طلع آسر وراه
آسر : سعد دقايق
وقف سعد وقال : آمرني وش بغيت ؟
آسر : تعال الملحق ودي اكلمك بموضوع
دخلو للملحق وجلسو
آسر : وش فيك ؟ لك فترة منت على بعضك حالك ماتسر احد اخوانك كلهم شايلين همك لا تقول مافيني شي صح ما فيك شي بس فيك اشياء قل ولاتكذب علي وش فيك ؟
سعد : والله مدري وش اقول
آسر : علمني يا سعد يمكن اقدر افيدك بشي
تربع سعد وهو يجلس قدام آسر وشبك اصابع يدينه وهو يشده عليها وقال : فاطمة
آسر : فطيم بنت عمي ماغيرها ؟
سعد : هالله هالله
آسر : لايكون قايلة لاختك شي ؟
سعد : لالا مب قايلة شي
آسر : اجل ؟
سعد : مدري احس اني ابي احبها بس انا ما احبها بس كذا ودي من قلبي اني احبها والله
آسر : شلون تحبها وانت كنت تكرهها و ماتطيقها ؟
سعد : مدري
آسر : طيب الحب يجي من الله وغصب عنك هذا فهمناه ، انت اللي مضيق خلقك وش ؟
سعد : توني قبل شهر ادري انها مخطوبة من واحد اسمه فاروق
آسر : والله مدري وش اقولك يا سعد لكن فاروق ذا ابن خالتها و هو يحبها ويوم جاء يتقدم لها رفضته فاطمة لأنها تكرهه حلو ؟
سعد : ايوه
آسر : بعدين تقدم لها مرتين وثلاث ورفضته لين المرا الرابعة جت خالتها لين البيت وقالت لأم فاطمة اذا ما وافقتو على ولدي لا انتي اختي ولا انا اختتس ويوم جاء يتقدم قالت ام فاطمة لو ترفضينه لا انتي بنتي ولا انا امتس وانا اتبرأ منتس ليوم الدين واضطرو انهم يوافقون هذا غير التهديدات المجهولة اللي كانت تجي لعمي ابو قصي من فاروق
سعد : فاروق ؟؟ كان يهدد عمك
آسر : ايوه ، سألناه وش هددك فيه علمنا مارضى ينطق ابد
سعد : طيب كم لها مخطوبة ؟
آسر : ثلاث سنوات كل مايجي فاروق يقول لها يلا نملك تقول له لسى مو جاهزة يعني جالسة تماطل وتحاول تأخر الزواج قد ماتقدر
سعد : ليه طيب ؟
آسر : عشان تعطينا مجال نمسك شي على فاروق و نحبسه
سعد : يعني لو ما مسكتو شي عليه خلاص بتتزوجه ؟
آسر : للأسف بس ان شاء الله بمسك شي عليه حتى لو بعد ما تتزوج اهم شي ما اخليها تكمل باقي حياتها معه
سعد : هي تبيه ؟
آسر : يوم تممو الخطوبة لو تشوف بكاءها ما تصدق كلنا بكينا معها وقصي بغى يذبح فاروق لكن هجّدناه
سعد : اهاا
آسر : ايه والحين احنا كلنا جالسين نحقق وراه وحاطين وراه مراقبين من غير ما يحس
سعد : اذا بغيت شي علمني
آسر : ان شاء الله ، بس انت لا تشيل هم وتعال ارجع داخل
سعد : تمام انت رح وانا بلحقك
قام آسر وهو يشغل حبة زقارة وراح للعيال وقفل الباب على سعد
●
●
●
عند البنات
كانو جالسات يفصفصون ويشربون شاهي
نواهل : يا زين حياة العزوبية بس
ضحكت بدور وقالت : منجد ، بس خلاص حنا طحنا بالحفرة
مناهل : اي والله
فاطمة : اقول مناهل ، مي ليه ماتجي معتس هنا ؟
مناهل : لاتجي ولا شي مابي اشوف وجهها وبعدين هي تبي تروح لأهلها
قالت لين وهي ترمي قشر الفصفص : مناهل علميني كيف انتي باردة كذا مع الليث وانتي تشوفينه كل الوقت ساحب عليتس وقاعد مع مي
مناهل : حبيبتي الخاطر لا طاب طاب ودامه خلّى وحدة تشاركني فيه خليها تأخدها بكبره ولاتتركلي نصه
وئام : هو ليه تزوج عليك ؟
مشاعل : لا تتحمسين انتي بالاسئلة مرا
ضحكت مناهل وقالت ريوف : من زمان عن العود
مناهل : يدي صارت تتعب بس انتو بخاطركم ؟
قالو البنات بصوت واحد : ايه
مناهل : اجل اطلعو الحوش وانا اجيكم
فيصل : انا ابي اقعد معت
مناهل : اقعد معي يا امي انت اقعد
طلعو البنات للحوش و مناهل راحت غرفتها تجيب العود وطلعت للحوش و فيصل جالس بحضنها
●
●
●
عند العيال
دخل سعد وهو يجلس جمب حمد و يصب له قهوة ويشرب
سعد : يا عيال جلستكم نايمة البنات جالسات مع الرجال برا و دام مناهل مسكت العود يعني جلستهم بطلة
قامو مجد وامجد و ماجد و نواف و طلعو برا
نايف : جلسات مناهل ماتفوتهم ابد
بدر : حتى انا مارح تفوتني
قامو العيال وهم يطلعون للحوش وجلسو بجهة والبنات بجهة
الليث : انت ماودك تشيل ورعك وتخليه جمبك ؟
ياسر : خله هو يحب يجلس بحضن امه
ذيب : احذفه احذفه
رمى الليث البيالة على ياسر وهو وخّر قبل لا تصيبه
ذيب : منت قناص زينا
الليث : بحذفك به والله
سكت ذيب وهو يضحك و يدري قد وشو فيصل يقهر الليث بقربه المبالغ من مناهل ويغار عليها منه حتى لو هو طفل ويحس ان فيصل قريب منها اكثر منه
الليث : يا ورعع امك هناك قم قممم
ضحكت مناهل وهي تحاوط كتف فيصل وتقربه لحضنه وتبوسه بخده
الليث : يهووووه تراتس مضيعة انا رجلتس مب هو
ذياب : انت ربي مارح يجيبلك عيال بيجيب لك بنات بس دامك تغار عليها حتى من الورعان
الليث : بتحس فيها ترا انت لا تزوجت شف كيف يلصق بها ما يوخر والله مايوخررر
ضحكو عليه وهم يشوفونه منقهر منجده ومايستهبل ابد
الليث : بدور تكفين خذيه عندتس وخريه عنها لو سمحتي
ضحك ياسر وهو يقوم وياخذ فيصل من حضن مناهل من حس ان الليث منجد منقهر و شوي ويصفق فيصل وهو مب مستغني عن ابنه
ياسر : خلاص يلا يا بابا روح عند ماما يلا
قام فيصل وهو يمشي لحضن بدور
كيان : مناهل غني اغنية طلال مداح " اسمع حياتي "
مناهل : ابشري
غنت مناهل اغنية " اسمع حياتي "
سكت فهد وهو يطالع كيان اللي كانت تقصده بالاغنية
فهد : مناهل غني اغنية " ابعتذر "
مناهل : وشو بتسولفون عن طريقي ؟ دام كذا عز الله ان صوتي راح فيها
ضحكو العيال وقال فهد : تمام اعزفي و سعد يغني
مجد : اتركه المطلقة ذا على جمب شايل هموم الدنيا كلها على راسه
كان جالس ويده على خده ويطالع فاطمة وهو يفكر شلون يخارجها من فاروق
مشعل : يااا اخخخ نحاكيك احنا
سعد : هااا يبوي وش تبي ؟
بندر : لنا سنة نكلمك ماترد
سعد : ما ارد يعني مابي ارد وش ذا المبثرة ؟
ذيب : علامك انت ؟
سعد : ابد سألني قبل شوي سعود وقلت مافي الا العافية
ابو فهد : مناهل يا يبه قومي جيبي الفحم
قامت مناهل وهي تجيب لهم الفحم
مناهل : يبه ابي اجرب
ابو فهد : اقول بلا قلة حيا وانقلعي
مناهل : يعني الحين اللي يشيشون قليلين حيا ؟
ابو فهد : ايه
مناهل : وانت ؟
سكتت بعد ما ادركت انها جابت ابو ام العيد
مناهل : بالغلط بالغلط
قامت بعد ما شافت ابوها يمسك عقاله ونحشت وهي تجلس بمكانها
مناهل : بالغلط my dad شفيك شاد حيلك
ابو فهد : تقلعي
ضحكت مناهل وهي تمسك العود وتعزف وهم يغنون
رفعت جوالها وهي تشوف رسالة منه
" تعالي للمحلق "
قامت وهي تضحك ودخلت الملحق وهو بعد ربع ساعة دخل وراها
تخصرت وقالت له : وش تبي ؟
حاوطها من خصرها وهو يقربها لصدره وقال : مشتاق
رفعت يدينها وهي تحاوط رقبته وقالت : بس انا ابدا مب مشتاقة
ضحك وهو يوخر نقابها وطرحتها وقال : بالله ؟
رجعت شعرها ورا اذنها وقالت : ايه
دفن وجهه بنحرها وهو يبوسها وقال : والله ثم والله اني احبك حب تجهلينه انتي ويعرفه ربي بس لو تدرين قد وشو احبك تتركين الهبل ذا
ضحكت وهي تبوسه من خده و قالت : تمام خلاص احنا اسفين
سعود : ليه ما تتنازلين يوم واحد وتقولين آسفة بدل آسفين ؟
لين : لأن مب بس انا الاسفة
سعود : اجل ؟
لين : انا وقلبي و روحي وعقلي كلنا آسفين
سعود : يلعن امها تصريفة
ضحكت لين وهي تحضنه وهو ضحك من ضحكها
لين : بس ترا حتى انا احبك انت اترك الثقل والتغلي عنك وانا اترك الهبل
سعود : ما اتغلى انا طبعي كذا
لين بقلد : وانا طبعي كذا
سعود : اقول انقلعي يا حبيبي انقلعي
لين : بوسني واروح
ضحك وهو يبوسها بخدها قريب شفايفها وهي باسته بشفايفه وطلعت
سعود : يا ذا البنت جايبة رأسي جايبته وبقووة
خلل اصابعه بشعره وهو يبعثره وطلع
صقر بهمس : لو سمحتي ممكن استفرد فيتس ؟
نواهل : نو ويت
صقر : اقول قومي تحركي بس
نواهل : صقوري لا
صقر : ياحلوها صقوري من منطوقتس قومي قومي
نواهل : صقرررر
صقر : قوميي
قامت نواهل وهي تشوفه يمسك كتوفها ويدفها عشان تمشي وهي تضحك بقلة حيلة
نواهل : صقررررر
وقفو ورا البيت وهو يحاصرها بالجدار ويدينه محاوطتها عشان ماتنحاش منه
نواهل : مضبط وضعك
صقر : اعرفتس بتخليني اتحمس وبتهجّين
ضحكت وهي تدفن وجهها بصدره وهو ابتسم لأنه يحب هالحركة منها تنبسط تضيق تزعل ترضى لازم ما يمر يوم الا وهي دافنة وجهها بصدره تعبر عن اللي داخلها بهالطريقة وهالشي خلاه يعشقها اكثر
صقر : نواهل يا حبيبي
رفعت رأسها وهي تطالعه وقالت : وشو ؟
صقر : ابي شيٍ يربطني بتس
غمضت عيونها وصارت شبه مفتوحة وقالت بشك : يعني
صقر بنفس النبرة : يعنيي
نواهل شددت نبرتها وقالت : يعنيي
ضحك وهو يحاطها من خصرها ودفن وجهه بشعرها وقال : خلاص ما قلنا شي
نواهل : شاطر ، لاتتحمس حيل ترا تو لنا شهر متزوجين
صقر : اطلق شهر ورب الكعبة
نواهل : يعني تقدر تقول اطلق و امحق
بعد عنها وهو يطالعها ورافع حواجبه وتخصر وقال : ليه امحق ؟ جالسة اسبوع بفندق وتوتس قبل يومين راجعة من شهر العسل ومعيشتس اميرة رجولتس ماتلمس الارض ليه امحق ؟
ضحكت وهي تدخل يدينها بين يدينه وحضنته وهو حضنها وابتسم وقال بقلبه : لك الحمد والشكر يا الله
بعدت عنه وقالت : تروح ؟
صقر : ماودي
نواهل : روح روح يلا
ابتسم وهو يبوسها بخدها وطلع للعيال و هي دقايق ولحقته
الليث : اشتقتلكك
رفعو العيال صوتهم وهم يقولون : تحتت المطرر حنيتلك غصبٍ علي كان الله بعون القلووب اللي يحبونك
ضحكو البنات وهم يسمعونهم يغنون من قلبهم ومغمضين عيونهم ويحركون يدينها ومتأثرين لأبعد درجة
سارة : مافيهم واحدٍ صاحي
مشاعل : عز الله انتس صادقة
فاطمة : مرضى
الليث : مريت في بالي مثل
العيال : ومض البرووق اللي تمر
الليث : بالله وش معنى العمر
العيال : لو كان من دونكك
كانو آسر وصقر ساكتين ويطالعونهم ويدخنون بهدوء يحبون هالجلسة لكن مايحبون الازعاج
الليث : كاسرني بعدك واعترفف
قصي : ماني بقد فراقنا
كملو العيال وهم يغنون
ضحكو البنات وهم يصفقون وقالو : الله عليكمم الله
سعود و عمار : لا داعي لا داعي
كانت تطالع فيه بطرف عين وهي تستحقره وتشتمه : وصخخ له عين يقعد معهم شلون كذا عادي عنده بعد سواياه كيف كذا طبيعي بعد ما كلم بنات الناس كلهم ولعب عليهم وهددهم ودخل السجن بسبب وصاختههه وععع
رفع رأسه وهو منتبه لنظراتها بس يطنشها وما يهتم لها ابد
عمار بهمس : يبيلها من يفقع عينها على هالنظرات ماكل ورث ابوها انا يوم انها تطالعني كذا عساتس العمى وجع ان شاء الله
مناهل : جعت
نور : خالة مناهل لعبينا
مناهل : وش تبين تلعبين
نور : اي شي تبينه
مناهل : اممم شرايكم نلعب لعبة وكل اثنين مع بعض
قصي : انا مع زوجتي
صقر : وانا مع زوجتي
فهد : وانا مع حرمتي
احمد : انا حرمي معي
نايف : وانا مع حرمتي
مرام : وش يقويني يا نايف العب ؟
مناهل : لا تخافين مارح تتحركين بس تمشين شوي
مرام : تمام
ياسر : اجل انا مع حرمتي
مناهل : نور و فيصل مع بعض تمام ؟
نور : مابي فيصل ابيتس انتي
فيصل : لاا انا ابي ماما مناهل
مناهل : طيب انا و نور وفيصل مع بعض
الليث : وانا ؟ مع مين ؟ انا ابي معتس
سعود : انا بأخذ لين معي
الليث : انا ابيتس معي كل واحد يشيل ورعه واتركو حرمتي
مناهل : ليث عادي طيب انا وانت وهم معنا
الليث : لا لحالنا
مسك فيصل عباية مناهل و نور بالمثل
الليث : وخرو وخرو
نور : ابي خالة مناهل
فيصل : وانا ابي ماما مناهل
الليث : لا تقول مامااا لا تقول ماما تخسي تكون زوجتي امك يا وصخ
ضحكو العيال عليه وراح آسر وقال : نور حبيبي شرايتس تلعبين معي ؟ ماعندي احد يلعب معي
نور : انا ابي خالة مناهل
آسر : بس خالتتس تبي رجلها
نور : اوكي
مد يده وهي مسكت اصبعه الخنصر وراحت معه وراحت بدور لفيصل
بدور : ماما فصول تعال العب معنا انا وبابا
فيصل : لااا انا ابي ماماا مناهل
بدور : ماما مناهل ماتبيك
قوس شفايفه وهو يرفع راسه ويشد عباية مناهل : ماتبيني ؟؟
شالته مناهل وقالت : بدور خلاص خليه
الليث : تحبينه انتي كذا ليه ؟؟
مناهل : ليث نلعب كلنا مع بعض يلا فصولي حبيبي روح مع عمو ليث يلا
راح فيصل لليث وليث شاله وقال : كريهه
فيصل : بابا ليث
ضحك الليث وقال : تخسي اكون ابوك
فيصل : انت حلو مراا
الليث : وانت مخيس
ياسر : حرام عليك يا كلب شوف كيف يكلمك وانت كيف تكلمه
الليث : مابيه يشاركني حرمتي حرام ؟
مناهل : يلا صقر مع نواهل و آسر مع نور و الليث و فصول معي و احمد مع اريج و فهد مع كيان و سعود مع لين وقصي مع عبير و ياسر مع بدور و الباقين ؟
نوف : مب شرط يكون الثنائي ذكر و انثى ينفع ذكر و ذكر و انثى وانثى
مناهل : ايه ينفع
مشعل : انا باخذ اختي
مشاعل : حبيبي والله
بدر : انا مع بندر
بندر : لا تنشب
بدر : اجل وخر
بندر : امزح امزح شفييكك
بدر : خلك ساكت لا اصفقك
ماجد : الحين انتم مع بعض ولا لا ؟
بندر : اي مع بعض
مجد : انا باخذ امجد
ذيب : انا و تؤامي معي ومحد ياخذه مني
ذياب : والله لو اني زوجتك
سعد : مين معي ؟
نواف : انا
سعد : تم
سلمان : انا بأخذ ليان معي او خولة
خولة : لا وخر عني
سلمان : تكفينن ،m احسبوني مع ليان
حمد : وانا احسبوني مع خولة
عمار : انا مع سارة
جمال : انا مع سلمى
فهد : باقي من العيال نياف و منصور و سامي
نياف : انا بنسحب
منصور : اجل باخذ سامي
الليث : ماتنسحب انثبر
نياف : اجل مع مين العب ؟؟
الليث : آسر ارمي الورعة ذي وانقلع معه
آسر : خلاص اجل تعال معي و نور معنا
نياف : تم
مناهل : البنات ؟
نوف : انا باخذ رهام
وئام : انا مع ريوف
هيام : انا مع الاء
عهد : وانا مع ليلاس
مناهل : وانتي ؟
نوف : تجي معنا
مناهل : و الهنوف ؟
امجد : حتى ماجد ضايع ما معه احد
ماجد : اجل حنا فريق واحد
نايف : يبوي سلامات بتلعب مع اختي ؟
ماجد : يا ابن الحلال وخر لا اصفقك كف اخليك تصحصح خلاص صارت شريكتي
الهنوف : ارفض
ماجد : بتقطّع يا الهنوف تكفين
ضحكت الهنوف وهي توقف جمب ماجد
مناهل : نروح لبيتي ؟ اللعبة رح تكون هناك
كل واحد ركب سيارته وراحو لبيت الليث
مناهل : في ظروف كل فريق رح يأخذ ظرف واحد والظرف هذا داخله لغز وحل اللغز خبيته بمكان اللي يلقى حل اللغز المتناثر بهالبيت له جائزة تمام ؟
قالو كلهم بصوت واحد : تمام
وزعت لهم الظروف وقالت : وااحدد اثنين ثلاثة يبدا وقتكم الان
انتشرو كلهم وهم يدورون حل الغازهم
قصي : الله يسلمها لحست ام مخنا لحس
عبير : منجد ماله حل اصلا اللغز ما فهمناه عشان نحله
قصي : مناهل ذي حالفة تلخم امنا
ضحكت عبير وقالت : تعال شوف بالغرفة الثانية

صقر : بسييييط
نواهل : منجد
صقر : اوك حل اللغز صار معنا وفهمناه بس الاجابة وين بنلقاه ؟
نواهل : وسط السؤال تلقى مكان الظرف الثاني
جلسو يقرؤن اللغز مرة ومرتين وثلاث وقالو مع بعض : الملحقق
ضحكو وهم يروحون بسرعة للملحق ولقو الظرف ملصق فوق الجدار
نواهل : شلون وصلت فوق ؟
صقر : برفعتس على كتفي وجيبيه
نواهل : تمام
مسكها من خصرها وهو يجلسها فوق كتوفه واخذو الظرف وراحو لبيت الشعر ينتظرون الباقين

آسر : شوف مكتوب هنا الليل
نياف : بنلقى الاجابة بالليل
نور : احنا بالليل
سكتو وهم يفكرون وقال نياف : شلون اي ليل تقصد ؟
آسر : مدري
جلسو يمشون بالبيت وهم يدورون شي تقصد فيه الليل
نور : عموو عموو
نياف : هاه يا بابا
نور : شوف في لوحة مرسوم عليها ليل
ضحك آسر وهو يبعد اللوحة ولقى وراها الظرف
نياف : ذكية
آسر : مراا
نور : كفكم
ضربو كفهم بكفها ونزلو لبيت الشعر
صقر : خلصتو ؟
آسر : ايه
جلسو مع بعض يسولفون و نواهل تلعب مع نور

ماجد : مافهمت شلون يعني حمار؟
الهنوف : اللغز يقول ان في حمار منهو الحمار ؟ 
ماجد : مدري هي تقصد مين الحمار
الهنوف : هو يا في صورة حمار ببيتها او تقصد واحد مننا حمار بس مين هو الحمااار ؟
ماجد : تلحس المخ ، مين اكثر شخص تقول عنه حمار بالعايلة ؟
الهنوف : اكثر شي تقول عنه حماااااااررر ، والله مدري
ماجد : تعالي ندور شكله يبيلها شغلة ذا المناهل
ضحكو وهم يلفون بالبيت يدورون شي يوديهم للغزهم
الهنوف : سعوووود
ماجد : الليثث
الهنوف : هي تقول عن سعود الحمار
ماجد : لا ، تقول عن الليث الحمار
الهنوف : نشوفهم الاثنين تعال
مسكت يده وهي تسحبه وهو يطالع اللغز ويفكر فيه وقال : شوفي شوفي
لفت وهي تطالع وقالت : وشو ؟
ماجد : اول حرف من كل كلمة بدون كلمة حمار
الهنوف : ع م ا ر
ضحكو الاثنين وهم يروحون لعمار
عمار : نعم ؟
ماجد : في لغز مستقصدتك مناهل فيه لف بسوي تفتيش
فتشوه ولقو بجيبه ظرف وضحكو
عمار : قليلة حيا والله اعلمها الحين انا صرت حماااار ؟؟؟
ضحكو عليه وهم يروحون لبيت الشعر
ماجد : والله لغزنا البطللل

فهد : كيان
كيان : وش ؟ خلينا نحل الظرف
فهد : انا حليته بس عادي الحين تشوفيني
رفعت رأسها وهي تطالعه وقالت : وش ؟
فهد : تعالي
مسك يدها وهو يدخل غرفة مناهل وفتح الدرج ولقى الظرف
فهد : افتحيه
اخذت كيان الظرف وفتحته وشافت فيه
" تراني احبك ، والله اني آسف ، اعذريني تراني ما اقوى على زعلك "
حضنته وهي تبكي وقالت : لا تشك فينييي
فهد : آسفف والله آسف يا كيان آسف
دفنت وجهها بصدره وقالت : وانا احبك يا فهد
شد عليها وقال : والفهد يموت فيك والله