بعد شهرين
تزوجت مشاعل بدون زواج و استقرت هي وحمد بشقة قريبة من مشعل و سمر ، وطبعا مشعل وسمر تزوجو وسوو زواج حلو وكان راقي مرا
مناهل انهت عدتها وغيرت نفسها للأفضل والتفتت لدراستها ومعد صارت تهتم لشي كثر دراستها وما كانت تدري باللي يعد الايام عد عشانها وماتدري وش ينتظرها بعدين
اما الليث من ناحية رجوعه لمناهل ف هو متطمن مرا ومتأكد بوقوف آسر معه ومرتاح جدا ووسافر لمكة وقعد اسبوع وفعلا انزاح الهم اللي بقلبه
فجر كانت تساند الليث بكل ما فيها وحاولت بكل اللي تقدر عليه انها تقنع مناهل ترجع لليث لكن كانت بكل مرا ترجع بالرفض لكن ما ملت
وبكل مرا يجتمعون فيها تفتح الموضوع مع مناهل مع انها تشوف الضيقة بمناهل اول مايفتحون موضوع الليث قدامها
اما نواهل دخلت شهرها الخامس وبكل يوم يزداد تعبها اكثر وحلطمتها لكن صقر يفداها بروحه ماعنده مشكلة وتحملها لأن هالضنا مو بس ضناها ومثل ما تتعب هي غصب عنه يتعب هو كمان
●
●
●
في بيت احمد
اريج : احمدي
احمد : يا قلبي مب بزر انا تقولين لي احمدي
اريج : سم
احمد : الزبدة وش بغيتي ؟
اريج : ابي اروح عند اهلي ابقعد عندهم شه
طالع فيها بحدة خلاها تنثبر وتنطم وقال : نعم ؟
ابتسمت بخوف وقالت : امزح
احمد : قولي اللي تبينه بدون مبالغة ، تبين تروحين عند اهلتس روحي بس ثلاثة ايام اسبوع بالكثير شهررر لااا
اريج : ابشر اسبوع بس
احمد : تمام ، دقي علي كل شوي عشان ما اشتاقلتس حتى لو اني مشغول اشغليني زيادة عادي
ضحكت اريج واشرت على عيونها وقالت : من عيوني
قام وباس عيونها وقال : جعلي افدى هالعيون ياناس
اريج : اوك انا بقوم اجهز عفشي
احمد : ماودتس تتراجعين ؟
اريج : من زمان ما تجمعت انا واخواني وخواتي نبي نقعد مع بعض نفضفض لبعض نفلها وزي كذا
احمد : تمام
قامت اريج تجهز اغراضها وهو يشتغل ويوصيها على نفسها ويستودعها الله و وصلها لبيت اهلها
احمد : انتبهي على نفستس وقت مابغيتي شي دقي علي وهذي مصروفتس
عطاها فلوس وقال : وصرافتي بجوالتس اي شي خذيه لاتخلين شي بخاطرتس
اريج : حاضر
قرب وباسها بخدها وقال : استودعتتس الله
نزلت اريج واشرت له بيدها بمعنى " باي " وهو بالمثل ومشى وهي دخلت بيت اهلها
●
●
●
في بيت ابو فهد تحديدا جناح فهد
كانت جالسة قدام التسريحة وتسوي ميك اب خفيف وفهد نايم وقام على صوت طقطقة الاغراض حقها
فهد : قروشتينا من صباح الله خير
كيان : يا قلبي انت وش من صباح قيلت القايلة
فهد : ليه الساعة كم ؟
كيان : اذن الظهر
فهد : ليه ماصحيتيني
كيان : صحيتك عشان تصلي الوتر وصحيتك عشان تصلي الفجر وصحيتك عشان تصلي الضحى وتروح دوامك وصحيتك قبل ساعة وماش فطست يقالك سنة مانمت
ضحك فهد وفرك عيونه وقال : وانتي شعندك من الحين تكشخين ؟
قامت كيان بعد ماتعطرت وجلست جمبه وقالت : اول شي صح النوم تو ماتصحى الدنيا و تنور ومابدأ يومي الا قبل شوي يوم انك تضحك
ابتسم ورفع حواجبه وقال : الله ، من متى ؟ قولي شعندك اخلصي
كيان : ابي اروح اقعد عند اهلي اسبوع ، نبي نروح نجتمع ونقعد انا وياهم نرجع لايامنا قبل لا نتزوج وبعدين عشان نفسية ليث تتغير
فهد : ابلشنا الليث ذا الله يبلشه بعمره
كيان : اءاءاء عن الغلط
فهد : اقول دزيها بس انتي واخوك
كيان : شفيك عصبت طيب ؟
فهد : ماعصبت ، بعدين انتي تقولين بتجتمعون كلكم يعني اكيد اختك لين بتكون فيه صح ؟
كيان : ايه ؟
فهد : اكيد اللي بيودي لين سعود روحي معهم مصروفك تلقينه بجيب ثوبي
كيان : تمام
●
●
●
في جناح سعود
لين : سعود
سعود : هاه
لين : ترا غلط تقول هاه المفروض تقول
قاطعها وهو يحاوطها من خصرها وقال : لبيه يا قلب وعيون وكل سعود
ضحكت وعدلت ياقة ثوبه وقالت : ابروح لاهلي اليوم وبقعد عندهم اسبوع ترضى صح ؟
سعود : وانا انام بحضن مين ؟
لين : خذ عطري وبخه بالمخدة كأنه انا
سعود : واذا اشتقتلك ؟
لين : تعال عندي
سعود : ماش ما اقتنعت
لين بدلع : سعوووددد
سعود : يععع خلاص طييب
ضحكت لين وباسته من شفايفه وقالت : احبك انا
سعود : وانا اموت فيك
بعدت عنه وقامت تجهز ملابسها وهو يحارشها ويخرب عليها بأمل انها تكنسل وماتروح عند اهلها لكن هي كانت باردة لأنها تدري انه مايبيها تروح
●
●
●
في بيت ابو صقر
دخل آسر غرفته ورمى نفسه بالسرير
آسر : انتهت الاربعة الشهور ، خلصت عدتها وقتك يا آسر الحين تتحرك
دخل عليه الليث وقال : بتنزل ؟
آسر : مب الحين
الليث : ليه ؟
آسر : ابد بس بقعد شوي لوحدي
الليث : اسمع يا آسر ، مابي احد يدري بموضوعنا حتى صقر
آسر : ابشر
الليث : تبشر بالجنة ، انا نازل ان بغيت شي نادني
آسر : ان شاء الله
طلع الليث واخذ آسر جواله
آسر : مب وقتك انت الثاني تطفى ابد مب وقتككك
قام يدور شاحنه ولقاه مقطوع
آسر : هذا اللي كان ناقص اصلا
طلع يدور شاحن ما لقى لين دخلو كيان و لين
آسر : مين معها شاحن آيفون ؟
قالو البنات مع بعض : انا
لين : خلاص انا بعطيك حقي
طلعت لين غرفتها وهو وراها وفتحت شنطتها وعطته الشاحن
آسر : بس الايام ذي وبشتري جديد
لين : فداك اذا خلصت منه رجعه واذا انا خلصت منه اجيبه لك
آسر : زين
طلع آسر وراح لغرفته يشحن جواله و نزل عند اخوانه و خواته وكانو كلهم مجتمعين بالحوش
ذيب : اي علومكم اخباركم من زمان عن هالقعدة والله
صقر : اصلا في واحد ناقص للحين مو معنا
لفو يدورون بعض وكانو كلهم موجودين
ذياب : مريض ؟
صقر : ذا ذا
أشر على آسر وقال : ذا مب معنا
ضحك آسر وقال : يا شينك حاط دوبك دوبي
صقر : الحين كل واحد يسدح الموضوع اللي مضايقه يلا نبدأ من الورعة
لين : انا الحمدلله له الحمد والشكر مافيني الا العافية الحمدلله ولو اوزع سعادتي على العالم كله كان نشوف العالم كله مبسوط وانا باقي مبسوطة
الليث : دوم ان شاء الله
اريج : وانا مافيني الا العافية
ذيب : انا بس ابي اتزوج
طالعو فيه وضحكو
ذياب : الله يرزقني همومك بس
ذيب : ذي اقصى مراحل ضيقتي وش تبي انت تبي اقول بموت ؟
ذياب : لا شدعوه بسم الله عليك استهبل انا ، انا اللي مضيق خاطري ولا شي والله مافيني الا العافية
كيان : انا
كانو اصلا كلهم ملاحظين ضيقة كيان و سووها حركة على اساس كل واحد يقول وش مضيق خلقه عشان ماتستحي منهم
كيان : فهد
عقد الليث حواجبه وهو يحسب ان فهد ينتقم منه بأخته كيان
الليث : وش فيه ؟
كيان : صار يتحسس من أي شي ويزعل من اي شي ويعصب من اي شي معد يتحملني وكل وقته بشغله واذا رجع البيت يقعد مع اهله
و وقت النوم ينام ويصحى ويمشي مايعطيني وجه
سكتو العيال وهم ماودهم يسوون مشكلة اولا لأن الليث زودها مع اختهم ولو قومو القيامة على فهد بيقومون القيامة على الليث ثانيا لأن علاقة فهد واخوانه قوية مرا مثل ماتضررت علاقة فهد وكيان بسبب مناهل رح تتضرر علاقة سعود ولين بسبب فهد
لين : كلميه طيب
كيان : اذا قلت اء بس يعطيني هذيك النظرة اللي تسكتني طول عمري
آسر : معليه ضغوطات شغله اكيد اجبرته يسوي كذا بيرجع طبيعي مع الايام ان شاء الله
كيان : ان شاء الله
صقر : وانت ؟
الليث : وانا وش مضايقني غير اللي صاير معي ؟
سكتو كلهم اول ما شافو دموعه وغيرو الموضوع
صقر : فعالية ؟
لين : اي جوي
اريج : كل واحد يدق على زوجته او زوجها
طالعو البنات في اريج وقال ذياب : تدكرون ايام كانت تستحي ؟ الحين تبي تدق على زوجها وعادي
ضحكت اريج وقالت : زوجي خلاص
صقر : لا انا معي شريحة ندق عليهم
ذيب : تفهمم
الليث : انتو ذيب وذياب وآسر اطلعو من القائمة
ضحكو وقال آسر : وش عليك اهم شي مشاركة
اخذو جوال صقر و اول شخص دقو عليه نواهل
صقر : انت كلمها
اخذ آسر الجوال وقال بصوته الرخيم : هلا
نواهل : ايه ؟
آسر : كيفك ؟
نواهل : مال امك دخل
آسر : شدعوه يعني ذا جزاة اللي خاق ؟
نواهل : بجي العن والديك ترا واطلعك من تحت الارض والله
آسر : روقي طيب ما يسوى ، انتي متزوجة
نواهل : يووه لو تعرف مين زوجي بيوقف شعر رأسك مب بس زوجي لو تعرف اخواني واخوان زوجي وقبايلنا بكبرها والله تموت دزها يلا يا رخمة
قفلت فوجهه وقال صقر : ياحبي لتس ياشيخة
لين : مسترجلة
صقر : وش عليتس ؟
لين : امزحح
الليث : يلا فجر
دقو على فجر و سرعان ماوصلهم صوتها
فجر : الو السلام عليكم مين معي ؟
آسر : وعليكم السلام ، شلونك
فجر : اول شي مين ؟
آسر : والله شايفك وخقيت
فجر : عسى عينك الفقع يا وصخ انقلع
قفلت فوجهه وضحك الليث وقال : تعجبني كفوو
آسر : وش ذا الادب الزايد
رمى الجوال لكيان وقال : دقي على احمد
دقو على احمد وجاهم صوته الثقيل : هاه ؟
كيان : اهلين فيك
احمد : اخوو سارة ، مين انتي ؟
كيان : انت احمد ؟؟
احمد : هالله هالله ، مين انتي ؟
كيان : محبة
احمد : قولي امين
كيان : امين
احمد : حببوك بجهنم ياربي ياكريم
كتمت ضحكتها وقفلت وانفجرو ضحك
اريج : هذا الزوج الصالح اتحداكم تجيبون زيه
لين : سعود سعود
دقت كيان على سعود
كيان : اهلين
سعود : هلا
كيان : كيفك
سعود : تمام ، عطيني الزبدة ؟
كيان : ابي اتعرف عليك
سعود : قدام
وسعت لين عيونها بصدمة والعيال انصدمو
سعود : تراي قافطكم يا دلخة جيبي اريج تكلمني اللي ما اعرف صوتها واسمعه نادر اما تجيني انتي اللي عايشة معي بنفس البيت غبية انتي ؟ بعدين قول لاختك الورعة بجي اخذها الليل مقدر على الفرقى
ضحكو كلهم وسحبت لين الجوال : لو كنت صادق كنت بصفقكك
سعود : شدعوه اطالع غيرك انا مكتفي
لين : بعدين دزها وش اللي بجي الليل اخذك
سعود : اشتقنا
لين : لا تشتاق
سعود : اقول لاتصدقين عمرك بس بتجين الحين تدقين علي تقولين تعال خذني اخوانك ما ينطاقون بالذات الكريهين ذول ليث وآسر يعع اععع اعع اعع
لين : سعود كل تبن
سعود : ما اعتقد ان في احد من اخواني غثيث زيهم
لين : ليه ؟
سعود : ذا آسر مسوي فيها الثقيل اللي يعنني و وخرو عني و لحد يكلمني انا لواء ومدري وش قوليله يطقع بس
ضحكت ليه وهي تطالع الليث وآسر منصدمين
سعود : وذا ليث الله يكون بعونه على نفسه ، الزبدة تبين شي
لين : سلامتك
سعود : استودعتك الله اذا احتجتي شي كلميني صرافتي بجوالك اصرفي منها اللي تبين قولي لصقر انتي امانة عنده ما اوثق الا فيه وشوي بذيب وذياب مساكين ماشفت منهم شي
ضحكت لين وقالت : ابشر
احتد صوت سعود وقال : شوفي ويميين الله لو يوصلنييي خبررر انك متروشة وطلعتي للتكييف على طول بجي اصفقك قفلي المكيف بعدين تروشي ، لاتكثري غازات مو زين
لين : ان شاء الله
سعود : لا تقعدين جمب آسر يعلمك شوفة النفس
ضحك آسر وقال بهمس : متعقد مني ذا
سعود : ولا تقعدين جمب الليث يعلمك الملعنة والخباثة وتخلعيني وتتزوجين غيري
ضحك الليث وقال سعود : اقعدي جمب صقر و ذياب عاقلين
لين : وذيب ؟
سعود : لا ذا طالع على الليث بكل شي اكيد زيه بالاطباع
لين : يصير خير
سعود : يلا انقلعي
لين : باي
قفلت لين وقعدت تطالع اخوانها وضحكو
لين : ناقد عليكم
الليث : مراا
كيان : دور فهد كلميه انتي
اخذت اريج الجوال وكانت متوترة شوي ودقو على فهد و وصلهم صوته
فهد : سلام
اريج : وعليكم السلام
فهد : هلا اختي
اريج : مابي اكون اختك
فهد : اصلا احمدي ربتس تصيرين اختي ولا وين وحدة زيتس توصل لخواتي ، المهم اخلصي وش عندتس
اريج : ابيك انت
فهد : الله يلعنتس ويلعن من رباتس ويلعن رجالتس
قفل بوجهها وهي منصدمة وكيان تضحك
اريج : معصب ليه ؟؟
كيان : هذا فهدهد اللي اعرفهه كفوو يعجبني
كانو الليث يطالع آسر و آسر فهم نظراته
آسر : شرأيكم نتوسع ونطلع برا الازواج ندق على اخوان الازواج
فهمو قصده على طول واخذ ذياب الجوال ودق على مناهل
ذياب : سلام
مناهل : عليك السلام
ذياب : شلونكك
مناهل : مين ؟
ذياب : شايفك بطريق الجامع واعجبتيني
مناهل : اسمع ، ورب الكعبههههه لو تدقق مرا ثانية اني لا اجيك والعن والد والد والد والدينك تسمع حبيبي ؟ لحجي مين باقي يدقدق ويقول انا معجب وعع وعع وععععععع
قفلت بوجهه وضحك آسر : عليهم ذول كلام مدري من وين يجيبونه
ذيب : سعد سعد
اخذ صقر الجوال ودقو على سعد
سعد : هاه
كيان : اهلين
سعد : سمي وش بغيتي ؟
كيان : سمعت انك مو متزوج وابيك انت
سعد : لا لا متزوج بالسر ابشرك محد يدري الا اخواني واخو البنت يعني كنسليني شوفي غيري
كيان : لاتستهبل ادري انك مو متزوج
سعد : يشيخة و رب الكعبة اني متزوج
قفلو وهم يطالعون بعض باستغراب
ذياب : متزوج ؟؟؟
لين : اييهه وانا اقووللل ليه يطلع برا البيت يقعد اسبوع اسبوعين ويرجع بعطر نسائيييي والله طلع مب هين ذا المعفن
ذيب : يقول اخوها واخوانه يدرون
كيان : يعني سعود وفهد يدرونن
لين : ماعلمنيي سعووودددد
كيان : حتى فهدددد
لين وكيان : حيوانيييييننننن
ذياب : اللقافة شينة وش عليكم فيه
لين : والله لاعرف مين ذي اللي تزوجها
آسر : ذيب قم جب جوالي فوق
قام ذيب وجاب جوال آسر
لين : شرايكم نعزم الاهل عندنا
كيان : اليوم وش ؟
لين : ثلاثاء
اريج : اجل عندنا الخميس نعزمهم
لين : تم
●
●
●
في بيت ابو فهد
رجعت مناهل للبيت بتعب ورمت نفسها بالكنب وماحست الا بشنطة
نواهل تصفق بوجهها
مناهل : عمى ياربييييي
نواهل : اسفة اسفة
قامت مناهل وجلست نواهل مكانها
نواهل : خلاص وربي تعبتتت
ام فهد : لازم تمشين واجد
نواهل : وين يمه الله يحفظك انا امشي خطوتين اتعب
ام فهد : لازم عشان تتسهل ولادتك
ابو فهد : قمم
وقف فهد بسرعة وقال : سم طال عمرك
ابو فهد : اقضبها وخلها تلفلف الشوارع كلها
نواهل : لااااااا
مسكها فهد من يدها اليمين وسعد من يدها اليسار وسعود يلبسها جزمتها و مناهل تعدل نقابها
نواهل : مابيييي مابييييي
ابو فهد : خلوها تمتر الطريق
طلعوها بالغصب وسعود استلمها طقطقة و مناهل تصورها
مناهل : كفو عليكمم اخواني لفلفوها الشارع لاترجع الا وهي متكسرة
سعود : يا عزتي لك يا نواهل
مناهل : الله يكون بعونها صدق
سعود : والله ما اخليها
طلع سعود وراهم وجلس يطقطق على نواهل وهي تهاوشه
نواهل : شوف واللي خلقني يا سعود ما اخليك خلني بس اولد خلنيي بس اولدددد ( ضربت فهد ) وخرر انت الثاني الله ياخذك
ضحك فهد وقال : الله يعين صدق
●
●
●
يوم الخميس الساعة 4 العصر
في المبنى
كان قاعد ويشتغل على الملفات ويحوس وباله اصلا مب معه قاعد يفكر وخايف مايدري وش يسوي ومتوهق
آسر : وش اللي بلاني ؟ الله يقروشك يا ليث ويقروشني انا معك مسوي فيها الاخ الكفو
دخل جلال وضرب له تحية
آسر : استرح
جلال : تمت كل المهمات طالع عمرك
آسر : تمام الله يسعدك وقع وتوكل
جلال : ابشر
وقعو الاثنين وطلعو كل واحد متوجهه لبيته
دخل آسر البيت و وصله اشعار وتأفف
آسر : ايه بس وقت ما بغيناك تطفى الله يأخذكك
سعل من ريحة البخور وقال : سلامات ؟
اريج : بيوصلون البنات الحين والعيال اطلع البس
طلع آسر غرفته وتروش ولبس ثوب وتعطر وقعد بغرفته يفكر وش بيسوي
●
●
●
في بيت ابو فهد
كانت جالسة وحاطة رجل على رجل وتطقطق بجوالها
نواهل : خلصتي ؟
مناهل : اي لي سنة مخلصة انتو اللي قاعدين سنين
ام فهد : قومي جيبي الكيك اللي بالفرن وانتي ساكتة
مناهل : ابشري
قامت مناهل وجابت الكيك
مناهل : خلصتو ؟
نواهل : تو بدري ماسوينا شي وشوله العجلة ؟
مناهل : تستهبلون ؟ متفقين يجتمعون الساعة ٣ الحين اربع ونصصص انا بخلي مالك يوصلني دزو امها انتو
طلعت وركبت مع مالك
مالك : وين ؟
مناهل : بيت عمي ابو صقر
حرك مالك وراح لبيت ابو صقر وضربت مناهل جبهتها
مناهل : لو اني ماكلة تبن وقاعدة معهم مب احسن للحين محد جاء ؟
مالك : ارجعك للبيت ؟
طلع ذيب وشافها وفتح لها الباب : حياتس الله
مناهل : كأنك ماشفتني
ضحك ذيب وقال : انزلي انزلي
نزلت مناهل وهي متفشلة منه
ذيب : شدعوه ادخلي البيت بيتتس
دخلت مناهل وسحبتها لين لغرفتها
لين : اقعدي هنا على بال ما يطلعون اخواني من الصالة طيب ؟
مناهل : احس اني جيت بوقت غلط يععع ما اقرفني
لين : اقول كلي تبن وانثبري وبجيتس بلا يع لا اجي ايعع وجهتس
طلعت لين وضحكت مناهل وفصخت عبايتها وعلقتها وكانت كاشخة شكلها مرا بيرفكت و وقفت قدام المرايا تجدد عطرها وروجها
●
●
●
في غرفة آسر
قام وهو يتحلطم وكاره نفسه لأبعد درجة يحس انه غبي وكلب و وصخخ وكل شي فيه
آسر : وفوق ضيم الدنيا ذا يطفى
طلع وصادف كيان : لين وينهي ؟
كيان : مدري اخذت مناهل ومدري وين ودتها وش تبي ؟
آسر : ابي شاحنها
كيان : اكيد تلقاه بالغرفة
مشى آسر وترك كيان متوجه لغرفة لين ودخل وهو مو مركز ابد شاف بس احد منسدح على السرير ورافع يدينه يطقطق بالجوال ما ركز مين هالشخص ابد وتوقعها لين
آسر : ورعة شاحنتس وينه ؟
فزت مناهل بسرعة وهو انخرش
آسر : مناهل ؟
مناهل : وش تبي ؟؟؟
آسر : اركدي مابي شي جاي ادور شاحن
مناهل : بيشوفونك هنااا
آسر : مارح يشوفوني بطلع
سمعو صوت لين وهي تسولف و خافت مناهل وظهر على صوتها نبرة البكاء وقالت : بيستحقرونيي
سحبها آسر بسرعة ودخلو جواء الدولاب وكان شوي ضيق يعني لاصقين ببعض باختصار وانفاسهم تخالطت كان صدره لاصق بصدرها وهي من الخوف بكت وهو قفل فمها بشويش بيدينه وقال بهمس : اهجدي شوي ونطلع
مسكت يده و وخرتها عنها وكانت صدق خايفة منه
عند لين
لين : طولتو انا قلت الساعة ٣
مشاعل : يا شيخة خلاص وصلنا وخلاص
لين : طيب البسو هنا وانا بنزل واذا خلصتو الحقوني
أنت تقرأ
لو قلت لقلبي توب عيني تكذبني
Storie d'amoreدخل الليث البيت والتعب لاعب فيه لعب رمى نفسه على الكنبة وهو يهف وجهه يبعد ريحة الدخان الليث : آسر تكفى وخر سكت آسر وهو يطلع زقارته الثانية ويحطها بشفايفه وياخذ الولاعة ويشغل الزقارة دخل ابو صقر وهو يقول : انا كم مرا اقول الزفت ذا لا تقربه ؟ آسر :...
