في بيت ابو صقر
ابو صقر : يا وليدي احتري لين باكر عشان يهجدون شوي وانا بكلم ابو قصي يقضب حرمته ان رحت الحين مارح تستفيد شي
مسح آسر وجهه بقهر و طلع للغرفة
الليث بقلبه : كل هالقهر ليه ؟ مقهور ليه ؟
تنهد بعصبية وطلع جناحه و فجر وراه
فجر : ليث شفيك ؟
الليث : تعالي بكلمتس
جلست فجر جمبه وقعدت تطالع فيه وهو ساكت
فجر : ليث قول وش فيك
الليث : فجر والله اني احبتس ما ابي بالايام الجاية تشوفين مني زلة وتخليني والله اني ابيتس معي دايم
فجر : وش جاب هالطاري طيب ؟
الليث : مدري
فجر : طيب حتى انا احبك وابيك و والله لو تبي عيوني تفداك ما ابيك تفكر اني بيوم من الايام اخليك مالي احد بهالدنيا غيرك اصلا انت امي و ابوي واخوي واختي وحبيبي وقلبي ودنيتي و زوجي شلون اخليك
ابتسم الليث وقال : يا بعد عيني والله
قرب منها وطبع بوسة على شفايفها وو ... 🌚
●
●
●
في بيت ابو فهد
ام فهد : وشوله تأخذونها
فهد : يا يمه تنهان تنهههاااان افهموني الله يرحم امكم
كيان : بس آسر حل الموضوع
فهد بحدة : اطلعي منهاا انتيي ، اهل يتكلمون مالك صلاح انقلعي فوق
طالعته كيان بصدمة ولين انقهرت
لين : امشي كيان مالنا دخل حنا
سعود : لينن ابلعي العافية لا اعلمك الادب
طلعو كيان و لين فوق وهم بيموتون قهر
ابو فهد : اللي بشوفه يكلم زوجته بهالطريقة مرا ثانية والله لا اجلده تخافون على اختكم وماتبونها تنضر خافو الله فحريمكم تطلعون وكل واحد يطيب خاطر حرمته بكلمة
سعود : يا يبه ماعلينا بحريمنا ، احنا نتكلم في مناهل الحين
ام فهد : مناهل لها ام واب باقي عايشين لا متنا هذاك الوقت انتو تتكفلون بالموضوع انا قلت آسر دخل و هاوشها وشوي وكان بيصفقها وش تبون يسوي ؟ هددها قال ان تكلمتي بحرمتي مرا ثانية مارح احترم لا عم ولا ابن عم ، مب رجال هو اذا مد يده على حرمة وكبيرة
ابو فهد : احنا بنحل موضوع مناهل و آسر انتو اطلعو لحريمكم
طلعو سعود و فهد كل واحد لجناحه
●
●
●
بغرفة مناهل كانت منسدحة على بطنها و رافعة رجولها وتسولف مع بنات اهلها
نوف : والله يا بنات خلاص الصدق طفشنا حنا من المشاكل نبي نبعد عن ذيك العايلة شوي
هيام : اي والله نوخر عنهم فترة كذا اسبوع اسبوعين ثلاثة ايام تعبنا الصدق من المشاكل
ريوف : شفيك ساكتة انتي ؟
مناهل : انا ؟
وئام : اي انتي
مناهل : ابد مافي شي اقوله
الهنوف : لا تفكرين بالموضوع كثير متأكدة آسر بيجي وبيحل الموضوع
رهام : امداك تحبينه ؟
سكتو البنات كلهم و مناهل ماتدري وش تقول اصلا ماتدري هي تحبه ولا لا
رهام : لا تقولين لا
مناهل : مدري ، يعني اشوفه كيف يهتم فيني ويخاف علي و يدلعني واي شي ابيه يسويه لي مايخلي شي بخاطري صح مانسولف مع بعض و مانكلم بعض يعني هو بدوامه وانا بجامعتي واذا رجع يقعد يشتغل واذا رجعت انا اقعد اذاكر بالقوة تطلع سالفة ما اقول اني احبه لكن احس براحة معه مو طبيعية
هيام : كلمتيه ؟
مناهل : متى ؟
هيام : بعد مارجعتي بيتكم
مناهل : لا
نوف : لا تكلميه اصبري لين يجي
مناهل : تمام
مرام : الحين وش صار على السفرة
مناهل : اتفقو وكلمو الرجال
الهنوف : تمام ، نواهل بتجي ؟
مناهل : مدري بكلمها وبشوف
هيام : تمام ، باي
قفلو البنات و قعدت مناهل تذاكر
●
●
●
اليوم الثاني الساعة 6 المغرب
في بيت ابو صقر
قام آسر من النوم كان اول مراا ينام نومة وهو شايل هم مايدري ليه
تروش و لبس ثوب وشماغ وعقال تشخص تشخيص سريع وتبخر وتعطر ، طبعا هو كل يوم يكشخ سواء في سبب ولا لا
نزل وشافهم كلهم مجتمعين
آسر : سلام عليكم
الكل : وعليكم السلام
آسر : انا ماشي تبون شي ؟
ابو صقر : بتروح لحرمتك ؟
آسر : بروح مشوار بعدين بروح لها
ام صقر : يا وليدي طيب خاطرها ترا مناهل ماتستاهل الشين ابد يكفي ما ذاقت بحياتها
سكت الليث وهو يدري قد وشو قهر مناهل
آسر : ابشري يا يمه ، توصين شي يا أم زياد
نواهل : ابد سلامتك سلم على اهلي
آسر : يوصل ان شاء الله
طلع آسر و ركب سيارته وطلع متوجهه لبيت ابو ياسر
●
●
●
في بيت ابو فهد
ابو فهد : اجل ان شاء الله لا صارو كلهم فاضين ومحد عنده شغل مشينا
ابو مرام : ان شاء الله خير
ابو فهد : يلا فمان الله
ابو مرام : فمان الكريم
قفل ابو فهد
و اخذ الريموت وقعد يقلب بالتلفزيون ويتقهوى
أنت تقرأ
لو قلت لقلبي توب عيني تكذبني
Romanceدخل الليث البيت والتعب لاعب فيه لعب رمى نفسه على الكنبة وهو يهف وجهه يبعد ريحة الدخان الليث : آسر تكفى وخر سكت آسر وهو يطلع زقارته الثانية ويحطها بشفايفه وياخذ الولاعة ويشغل الزقارة دخل ابو صقر وهو يقول : انا كم مرا اقول الزفت ذا لا تقربه ؟ آسر :...
