في سيارة الليث
كان رافع راسه وشماغه بوجهه
سامي : الحين وش فيك ؟
منصور : لك ساعة على نفس الوضعية ، قل وش مضيق خلقك ؟
الليث : ابد مافي شي
سامي : وش فيك يا ليث
الليث : مشاكل بالبيت
سكتو منصور و قال سامي : ندق على نياف و نطلع
منصور : ما تكمل الطلعة الا مع فهد
ضحك الليث واخذ سامي جواله ودق عليه
فهد : ياخوفي اصير بقبري وتدق علي ! يا رجال معرس معرس لي يوم تو امس عرسي تدق علي ليه ؟ لا اله الا الله
سامي : واحشنا
فهد : لاتوحشني انقلع
منصور : بتتغير علينا يعني عشان تزوجت ؟ لازم نتزوج ؟
فهد : اوووووه انصحكم وبقوة
سامي : الله لا ياخذك يا كلب بتدخل الفكرة برأسي و بقوة وماني ناقص ابد
منصور : ضبط لنا انت
فهد : من وين ؟
سامي : كلم حرمتك شوف من طرفها ولا من طرف خواتك اي شي ترا يمشي معنا
فهد : اقول لا تكثر حكي ، غريبة مجتمعين
منصور : ابد جاء ليث واخذنا من المستشفى والحين بنروح لنياف
فهد : يعني يا سلقة انت وياه يوم اني تزوجت قمتو تجتمعون الايام كثير قول للنسيب الايام كثثثيييييير
الليث : يا رجال عض شحمة ، تزوج معد شفناه
فهد : صاحي انت اللي يسمعك يقول لي سنة متزوج ترا توي امس امس امسس وبعدين شفناك انت ، انت آخر من يتكلم
سامي : يا فهدهد السبب اللي كان ياخذه مننا هو اللي جايبه لنا ضايق ( يقصد ان الزواج اخذ الليث منهم والحين جاهم متضايق من مناهل )
منصور : انتبه على نفسك لا تطيح بالحفرة
فهد : والرخمة ذا جاي يتبكبك عندكم يتكلم بمشاكله
الليث : كل تبن ماقلت لهم شي
فهد : كب كب العشاء عندهم
الليث بحدة : فهدد
فهد : يا رجال كل تبن انقلع
قفل فهد وهو منقهر من الليث مرا
منصور : معليك يمزح وانت تعرف فهد ما يزعل امش لنياف يلا
راحو للمكتب ودخلو بمكتب نياف
نياف : هلا
منصور : يا رجال والله اني مشتاقلك
ابتسم نياف وهو يقفل ملفاته وقال : الله يزيدكم محبة
وقف وهو ياخذ جواله وقال : امشو يلا
ركبو السيارة و نياف يطقطق بجواله
الليث : على وين ؟
نياف : اللي ودكم وراكم
حرّك الليث والكل حاس بضيقه اخذ جواله على اسمها وهو متردد يدق ولا لا وسامي ومنصور و نياف شايفين حاله
سامي : دق يا ليث دق
قفل جواله ورماه وقال : وش اقول ، معلينا المهم
اخذ سامي الجوال ودق وحطه سبيكر وقربه من فم الليث
الليث : يا رجال قلت لا
سامي : حاكها لا اصفقك
وصله صوت مناهل وهي تقول : هلا ؟
الليث : هلا فيتس
سكت الليث وهو يحك رقبته بتوتر
مناهل : تبي شي ؟
الليث : هاه ؟
كتمو العيال ضحكهم وقال الليث : لا مابي شي دقيت اطمن بس
مناهل : كثر الله خيرك ، شي ثاني ؟
الليث : لا
مناهل : تمام ، مع السلامة
الليث : انتبهي لنفستس
مناهل : مشكور
سامي بهمس : قول لها دقيقة
الليث : مناهل دقيقة
مناهل : ايوه ؟
سامي بهمس : قولها تجهزي بجي اخذك
الليث : تجهزي شويات واجي اخذتس
مناهل : البنات بيجون مقدر اطلع
الليث : تمام
مناهل : باي ( وقفلت الخط )
الليث : ليه خليتوني ادق
منصور : انت بيدك خليتها تعاملك كذا تحمل
نياف : ايه مدخل طرف ثالث بينكم وش متوقع تقولك يا حبيبي وقلبي ماتستاهل حتى الهلا اللي قالتها ماتستاهلها
الليث : الله يسلمكم ابيكم عون صرتولي فرعون قصرتو
سكت الليث وهو منقهر حيل دق جواله وسرعان ما ارتسمت ابتسامة عريضة على ثغره وشاف منصور الاسم من ورا وسحب الجوال
منصور : بقوم العنك هاه
الليث بحدة : منصور رجع الجوال يمكن في شي يخص الشغل
منصور : والابتسامة اللي شقت وجهك بلا سنون ان شاء الله
الليث : زوجتي انت ؟
منصور : لاترد
الليث بعصبية قال : منصووورر رجع الجواللل
رمى له منصور الجوال بقهر وأخذه ودق على ميّ
ابتسم بروقان وقال : هلا ميّ
ميّ بدلع : اهلين فيك من زمان عنكك
طالعو سامي و نياف ومنصور فيه بقرف وقال : والله تو امس شايفتس بس ماعليه الشوق ذباح
ضحكت ميّ وقالت : لانكذب و نقول ما اشتقنا
ضحك الليث وقال : آمريني وش بغيتي ؟
ميّ : ابد بس جيت على بالي قلت ادق عليك
الليث : تطورت الاوضاع بس كذا عاجبني
ميّ : ليث بقول شي
الليث : سمي
ميّ : انا احبك
ابتسم الليث وقال : يعني نتكلم بخصوص هالموضوع باكر بالمكتب احسن و نتفاهم
ميّ : لاتعصب يا ليث مني بس ماقدرت اكتم من زمان احبك من يوم شفتك
الليث : تغلبيني كذا
كانو سامي ومنصور ونياف يشتمونه و يشتمونها معه
نياف بهمس : عسى لسانك القطع يارب انت وهي
منصور بنفس الهمس : امين يارب ، حرام فيه ظفر اخت فهد
سامي بهمس : لعنتي عليكم الاثنين
الليث : تمام بكلمتس بكرا
ميّ : باي
الليث : استودعتتس الله
قفل الليث وهو مبسوط من بعد ما كلمها
سامي : وش قالتلك ؟
الليث : ملفات وقضايا وشغل يعني
نياف : اهاا عشان كذا قلت انها تغلبك
ابتسم الليث وقال : تسحبون كلام كذا ؟
منصور : ليث ترا ابد مالك داعي
الليث : تمام تمام تراني رايق لاتبدأون فيني الحين ماني ناقص
●
●
●
عند مناهل كانت جالسة و وصلو مرام ونوف والهنوف وريوف
مرام : باقي محد وصل غيرنا ؟
مناهل : اي
الهنوف : تمام
وصلت نواهل وهي تفحط برجولها : انا جيييييتتتت
ضحكت مناهل وقالت : اطلق من يجي والله
دخلو هيام و وئام ورهام
رهام : يا ربااااه تكسرتتتت
مناهل : تجلسون بالحديقة ولا السطح ؟
الهنوف : بالسطح نبي نسوي جو
وصلو ميهاف وسمر والاء وعهد وليلاس
مناهل : شدو الهمة توني ماسويت ولا شي ترا
مناهل ونواهل كانو يسوون الكيك والحلا والكعك والفطاير
الهنوف و نوف كانو يجهزون البطاطسات و الحلويات والبسكوتات
ريوف و مرام كانو يجهزون المقرمشات والمكسرات و الفصفص واهم شي حب دوار الشمس
هيام و وئام و رهام كانو يجهزون الصحون البلاستيكية و القهوة والشاهي وحطو الاكل بالصينية وطلعو السطح
سمر وميهاف استلمو طلبهم من دانكن و من باسكن روبنز وحطوهم بصينيات وطلعوهم فوق وجهزو العصاير والببسيات
الاء و ليلاس و عهد كانو بالسطح يفرشون الفرش وجهزو الانوار الصفراء و جهزو المسجل والعود واللابتوب وحطو الصينيات على طاولة كبيرة واخذو الالحفة
مناهل : انتو اجلسو انا بنزل عشان باقي البنات اذا وصلو
نزلت مناهل و وصلو بدور و سلمى و سارة ومشاعل ومن بعدهم عبير وخولة و ليان و اخيرا لين و تولين و وجدان
مناهل : يلا يلا فصخو عباياتكم
اخذت عباياتهم وعلقتهم وطلعو فوق
مشاعل : اووووه شكلها بتجي جلسة جبارة
الهنوف : يلا يلا
جلسو البنات حول بعض و اخذت مناهل العود
مناهل : يلا ابهروني وش تسمعون
خولة : اللي يجي منتس خير وبركة
مناهل : تم اححم
أنت تقرأ
لو قلت لقلبي توب عيني تكذبني
Romantikدخل الليث البيت والتعب لاعب فيه لعب رمى نفسه على الكنبة وهو يهف وجهه يبعد ريحة الدخان الليث : آسر تكفى وخر سكت آسر وهو يطلع زقارته الثانية ويحطها بشفايفه وياخذ الولاعة ويشغل الزقارة دخل ابو صقر وهو يقول : انا كم مرا اقول الزفت ذا لا تقربه ؟ آسر :...
