لو قلت لقلبي توب عيني تكذبني

الجزء الرابع والخمسين

في بيت الليث
كانت جالسة تكلم امها بالمطبخ بصوت واطي
مي : يمه من يوم عرفت انها حامل جلست اعطيها اعشاب و استمريت اعطيها الاعشاب شهرين ورا بعض كل يوم اعطيها كوبين كوب الصباح وكوب العشاء وبعد شهرين راحت للدكتورة وقالولها ان الجنين مافيه اي ضرر وثابت يعني الاعشاب يا يمه ما أثرت فيه
ام مي : طيب طيحتيها ؟
مي : اي دفيتها من الدرج وطاحت ونزفت بس مدري طاح الضنا ولا لا
ام مي : كيف ماتدرين خبلة انتي ؟
مي : يمهه خذاها الليث للمستشفى و مارجعها معه يقول انها ببيت اهلها
ام مي : اجل شكله طاح الحمدلله عسى يطلقها يارب
مي : امين يااارب ادعيلي يمه تكفين
ام مي : مانسيتك يا بنيتي من دعواتي مانسيتك

ورا الباب كانت واقفة وابتسمت ابتسامة عريضة من سمعت كل الحكي وقالت بهمس : اجل اعشاب و ضنا ، والله وصارت رقبتك بيدي يا مي
ضحكت بصوت عالي وهي تجلس بالصالة ورااايقة لأبعد درجة وتفكر بالوقت المناسب عشان تطيح مي مب حباً في مناهل ، لا هي رح تطيح مي ومن بعدها مناهل عشان تنفرد بالليث لحالها ويصير لها لوحدها
نزل الليث وهو لابس سروال وفنيلة ويبعثر شعره ويطرطش المويا اللي عليه وطلعت مي من المطبخ وقالت : صباح الخير حبيبي
ندين : صباح الخير
ابتسم الليث بتسليك وقال : صباح النور ، ندين جهزي ثوبي وشماغي واكويهم وعطريهم وبخريهم
ندين : ابشر
الليث : و جهزي القلم مع الكبك مع النعال البني ( الله يعزكم )
ندين : من عيوني
الليث : وانتي يا مي جهزي لي الفطور ، بصلي وبشرب قهوتي وكل شي جاهز
طلعو مي و ندين يسوون الاشياء اللي طلبها منهم الليث وهو صلّى الضحى وشرب قهوته و جلس يفكر
الليث بقلبه : وش السواة الحين ؟
طلعت مي وقالت : ليث يا قلبي الفطور جاهز
جلس على الطاولة و هو يفطر بهدوء وبعد ما خلص نزلت ندين وهي ماسكة العلاقة وقالت : يلا حبيبي كل شي جاهز
وقف الليث و لبس الثوب و النعال و الكبك وحط القلم بجيبه و وقف قدام المرايا يعدّل شماغه و عقاله وندين واقفة جمبه ماسكة البخور والعطر
ندين : الحين بكل جلسة لازم تتشخص كذا ؟
ابتسم الليث وقال : هالله هالله ، لازم اصير مزيون عشان اجيب رأس القاضي واخليه يوقف معي
ضحكت ندين وقالت : مزيون من غير ماتتشخص
قرب منها وهو يبوس خدها قريب من شفايفها وبعد وهو يفتح شماغه وهي تبخره وتعطره وقالت : بسم الله عليك تجنن
الليث : والله ماخذ من زينتس
قربت مي وقالت : ابعد العيون عنك
ضحك الليث وقال : العيون عندكم
مي : استودعتك الله
باسها الليث بخدها وطلع ركب سيارته وحرك وهو يستعد لجلسته
●
●
●
في بيت قصي
قامت من النوم وصلّت الضحى و جهزت الحمام و اخذت ثوب قصي و شماغه وهي تكويهم وجهزت عقاله واغراضه وراحت تصحيه
عبير : قصي يلا قوم
قصي : هاه
عبير : يلا لا تتأخر على الجلسة ، ارسلك الليث بجوالك انه رايح للمحكمة الحين
فز قصي وهو يدخل ويتروش بسرعة وطلع وصلّى ولبس و وقف قدام المرايا عبير وهو يضبط شماغه وهي تبخره وتعطره
عبير : رايح عرس مب جلسة
قصي : والله اني خايف بينزل الليث بطلع انا بنزل انا بيطلع ياسر بينزل ياسر بيطلع مشعل بينزل مشعل بيطلع فهد بينزل فهد بيطلع سلمان بينزل سلمان بيطلع نياف
عبير : وجع كلكم ماسكين قضيتها ؟
قصي : قضيتها صعبة ولأننا كلنا محامين لازم نشتغل مع بعض
عبير : بس احس ماله داعي 7 محامين
قصي : كل واحد فينا له اسلوبه بأقناع القاضي وبعد ما نخلص اقوالنا بيطلعون صقر و نواهل و احمد وبدر وبيتكلمون لأنهم محققين
عبير : ايوه ؟
قصي : بعدين بنعطيهم التقارير الطبية عن الاضرار اللي جتها والاشياء ذي بعدين امور زي كذا انتي وش عليتس فيها
ضحكت عبير وقالت : اقول روح لاتقوم نور من النوم الحين وتشوفك موجود
قصي : اي والله معد بتخليني اطلع
باسها بشفايفها وطلع متوجهه للمحكمة
●
●
●
بالمكتب
كانو فهد و ياسر و مشعل ونياف و سلمان و صقر و نواهل واحمد و بدر جالسين بهدوء ينتظرون وصول قصي و الليث لين وصلت رسالة لجوال صقر
صقر : ياخي هذول بهايم
بدر : ليه وش فيه ؟
صقر : قصي و ليث سبقونا للمحكمة واحنا قاعدين هنا نحتريهم
مشو فهد و نواهل متوجهين للسيارة والباقين وراهم تقسمو سيارتين وطلعو للمحكمة يتناقشون ينتظرون القاضي يجي وتبدأ الجلسة
رفعت نواهل رأسها وهي تشوف محامي الطرف الثاني يتكلم مع اصحاب الضحية
نواهل : مب ممنوع المحامي يتكلم مع ناس ثانين ؟
فهد : اتوقع الشهود
نواهل : الشهود مايتكلم معهم الا يوم يجي القاضي
دخل القاضي وضرب بالمطرقة و وقفو كلهم وجلسو مع بعض و اول من استرسل بالكلام الليث وهو يلجمهم بكلامه المقنع حتى عيال اعمامه انصدمو لأنهم اول مرا يشوفونه بقضية ، صح يدرون انه دايم يكسب قضاياه لكن ماشافوه بعينهم اما صقر كان مبتسم بفخر
الليث : حضرة القاضي ان كانك تسمح لي اخلي ابن عمي يكمل من بعدي
القاضي : محامي ؟
الليث : ايه كل اللي هنا محامين
القاضي : خله يتفضل
قام قصي بثقة ومافيه ذرة خوف او توتر وبدأ يستأنف كلام الليث ومحامي الطرف الثاني كان يحاول قد مايقدر يدافع عن موكله لكن يحس انه ينطرم من كلام قصي وجاء يكملها فهد على اساس انه شاهد و من بعده نياف وياسر ومشعل وسلمان ومن بعدهم نواهل و صقر وبدر واحمد
سكت القاضي وهو يشاور اللي جمبه بهدوء والكل ينتظر الحكم ونواهل تهدّي فجر بعيونها اللي كانت شوي وتنهار
القاضي : نأجل الحكم للجلسة القادمة يوم الجمعة
قام القاضي وهو يطلع وكلهم طلعو متوترين وحسو بحرارة شديدة تحرقهم
نواهل : ان شاء الله بيكون كل شي مثل ماتحبين لاتخافين
فجر : والله هو اللي خلاني اسوي فيه كذا انا والله ما اضر نملة والله
نواهل : ادري ادري بس انتي اهدي شي وخلي نفسيتك زينة وكل شي بيصير مضبوط
فجر : اهلي ماحضرو صح ؟ ماشفتهم
نواهل : ماودي اقولك لا لكن للأسف ماجو
نزلت دموع فجر وهي تبكي وقالت : ليه كل شي وقف كذا بوجهي ؟ ليه يصير معي كذاا
نواهل : اهدي تكفين لا تدهورين نفسيتك اذا نفسيتك تدهورت مارح يكون بصالحنا
فجر : طالعي طالعي
رفعت فجر بلوزتها وصدو العيال عنها بسرعة وقالت : طعنيي والله طعني
نواهل : ليه ماقلتي من قبل ؟؟
فجر : خفت من تهديدات اخويااه كانو يهددونيي كانو يكلمون السجينات اللي معي وهم يجون يكلموني ويهددوني حتى شوفي قصو شعري والله حتى بالسجن معد ارتحت والله تعبتت ابي اموت خلاص قوليلهم يقصوني ويرحموني
مسكت نواهل يدها وقالت : خلاصص بسس اسكتي وش ذا الكلام اللي تقولينه حقك بيجيك ولا بيقصونك وانتي كنتي تدافعين عن حقك وشرفك
كان الليث يسمعهم وهو منقهرر انه ماكسب القضية من اول مرا ورح يتحدد مصير فجر بعد كم يوم بالجلسة الثانية
الليث : يصير خير
طلعو كلهم والعساكر اخذو فجر و رجعوها السجن وهي من يوم طاحت بهالمصيبة ما وخرت عن سجادتها ابد وهي تدعي ربها انها يفرجها عليها وييسرها
●
●
●
في الجامعة
كانت جالسة بهدوء و وجهها شااحب مرا وباهت
الاء : مناهل وش فيك ؟ ليه كذا وجهك ؟؟
ليلاس : حتى امس قلتي بتجينا الشاليه وماجيتينا وماعطيتينا خبر انك مارح تجين
عهد : في شي صاير ؟
غطت وجهها بكفوف يدينها وانهارت تبكي وتشهق وهم انفجعو
ليلاس : وش صار تكلمي ؟ وش فيك كذا انفجرتي ؟
مناهل : يبي يأخذ ولدي منيي وهو باقي ما جاء
سكتو البنات بصدمة وقالت الاء : وشو ؟
مناهل : تخيلو من يوم عرف اني حامل كان يجيب لي اعشاب مرتين باليوم ويخليني اشربها غصب عني وانا كنت احسبها اعشاب مفيدة لي ولضناي وتو ادري من الدكتور امس ان الاعشاب تطيح الجنين
شهقو البنات وقالو : تطيح الجنيييينننن ؟؟؟؟
بكت مناهل وقالت : امس مي دفتني من الدرج عشان جنيني يطيح هو اللي متفق معها
عهد : مب سوايا ليث ذي
ليلاس : اجلل سوايا مين ؟؟
الاء : طيب قلتي لليث ان مي دفتك ؟
مناهل : مابي اقوله مابي اتكلم معه حتى ، تكفون لا تقولون لأحد شي حتى نواهل ماعلمتها
قالو البنات بصوت واحد : طيب
مسحت مناهل دموعها بعشوائية وقامت للحمام ( الله يعزكم )
عهد : ياخي الليث ذا قسم بالله اهلكها واهلك عمرها وحياتها
ليلاس : حسبي الله عليه بس
رجعت الاء ظهرها لورا وحطت رجل على رجل وهي تأخذ القهوة وتشربها وقالت بثقة : اهلكها لكنها بتهلكه بعدين
●
●
●
في بيت الليث
لبست ندين ملابسها المعتادة اللي معروفة بكشفها للمستور وجراءتها بالميك اب وبالفساتين حتى بريحة العطر
ندين : اجنن بسم بالله علي
قربت وهي تبوس نفسها بالمرايا ولبست عبايتها ونزلت وهي تروح للوجهة المجهولة اللي رح نعرفها بالبارتات الجاية
●
●
●
في محل اريج و وجدان
كانت وجدان جالسة تفصل الفساتين و اريج تصممها وترسم
وجدان : اقول اريجوه
اريج : هاه
وجدان : الاجازة بتبدأ قريب نبي نسوي شي جديد
اريج : اي والله كنا ونيسين الفترة اللي راحت كلها زواجات اول شي ليث وبعده انا وبعدهم لين وبعدهم كيان وبعدين صقر تزوجنا كلنا مرا وحدة الحين مافي احد بيتزوج جلسنا طفشانين كذا
وجدان : وش نسوي طيب ؟
اريج : اذا بدأت الاجازة يصير خير نشوف وين نروح
وجدان : امم
اريج : علامتس
وجدان : والله طفشانة مرااا
اريج : طيب اهجدي
اخذت اريج جوالها وهي ترسل بقروب البنات
" الساعة 7:30 تكونون كلكم متواجدات في بيتي رح نسهر مع بعض لين الساعة 2 ومابي اي اعتراضات رح تكون جلسة وناسة و حش وسواليف وفضفضة وشكرا لكم "
●
●
●
الساعة 6:00 بالمغرب في بيت احمد
قامت وهي تنظف البيت وتكنسه وتمسحه وبخرته وطلبت فطاير و حلا و كيك و ورق عنب و سوت قهوة وشاهي و طلبت من بقالة حلويات و بطاطسات ومقرمشات للبنات و جهزت الحوش وفرشت الفرش و جتها وجدان
وجدان : والله هالقعدة جت بوقتها
اريج : الشماعة داخل بالصالة علقي عبايتتس
دخلت وجدان تعلق عبايتها و دخلو لين و تولين مع بعض وعلقو عباياتهم و وقفو قدام المرايا يعدلون اشكالهم
وجدان : بس انتو اللي جيتو للحين ؟
لين : ايه
دخلو نواهل و سمر و ميهاف و الاء و ليلاس و عهد وفصخو عباياتهم و طلعو للحوش ينتظرون الباقين و وصلو فاطمة وعبير و نور ومن بعدهم بدور و سلمى وسارة و بعدهم وصلو على طول مشاعل و خولة و ليان مع بعض
اريج : وين الباقين ؟
دخلو مرام و الهنوف و ريوف و نوف وهيام و وئام ورهام وجلسو و وصلت كيان
نواهل : مناهل ماجت ؟
ليلاس : احسبها بتجي معك
نواهل : وانا احسبها بتجي معكم
عهد : دقي دقي
اخذت نواهل جوالها وهي تدق على مناهل وعطتها مشغول
نواهل : الله يستر انا من امس قايلة في بلاا محد صدقني
سكتو عهد وليلاس و الاء بخوف لأن حال مناهل الصبح ما كان يبشر بالخير ابد لكن وعدوها ما يتحاكون ابد
اريج : ترا العيال جاين بعد يمكن تجي معهم
قامو البنات وهم يلبسون عباياتهم لأن العيال اذا جو اكيد بيجلسون معهم وفعلا وصلو سلمان و حمد واحمد وعمار وجمال وياسر وفيصل مع بعض و من بعدهم مشعل وبدر و بندر ومجد وماجد وامجد مع بعض وبعدهم نايف و نواف وقصي و الليث وآسر وصقر وذيب وذياب وسعد وسعود و فهد و تركي ونياف و منصور وسامي
نواهل : ماجت مناهل معكم ؟
فهد : لا ليه هي مب معكم ؟
نواهل : لاا
وقف الليث بخوف وهو يدق عليها وهي ماترد
الليث : يا رب
سعود : ليث وش صاير بينكم ؟ من امس وهي مب خير
قرب آسر من سعود وهو يمسك كتوفه وقال : مافي الا كل خير اهدأ بس
سعود : والذي نفسي بيده ماتسلم يا ليث اذا جا اختي شي
رفع الليث صوته وقال : رح شف اختكك علامها و وينها مب كل ما جاها شي قلت ليث ليث انا المفروض الومكم تركتها امس عندكم امانة والحين ماتدرون وينهي ؟؟
سعد : امانة وعندنا ؟ حنا اللي حاطينها عندك امانة وانت تلطم فيها
الليث بحدة : اقضببب لسانكك
قصي : اذكرو الله البنت مب بزر تصايحون قدام الحريم كذا اصبرو
ياسر : صديقاتها ما عيّنتوها
ليلاس : شفناها بالجامعة وتركناها يوم جاها السايق وخذاها
الليث : فهد دق على مالك
اخذ فهد جواله وهو يدق على مالك
مالك : هلا فهد
فهد : هلا مالك وينك فيه ؟
مالك : تبيني ؟
فهد : لا وين مناهل ؟
مالك : ليه ؟
فهد : اسألك بس
مالك : بالبر انا وهي
فهد : بالبر ؟؟؟ بالليل ؟ ولحالكم ؟؟؟؟
مالك : هي اللي بغت يا فهد
فهد : زين ارسل لي اللوكيشن جايكم الان
مالك : لا تكفى لاتجي
فهد : ليه ؟
مالك : نفسيتها ماش ماتبي احد حولها حتى انا مب قريب منها مرا انا بعيد عنها بس عيني عليها
فهد : ارسل انت يا مالك ومعليك
مالك : ابشر
قفل فهد وهو يحط جواله بجيبه
الليث : وينها ؟
فهد : بالبر
ركب فهد سيارته هو واخوانها وحركو والعيال لحقوهم
نواهل : يا الله انك تحفظها يارب
●
●
●
بالبر كانت ماسكة العود حقها وهي تعزف وتبكي و مالك بعيد عنها جالس فوق السيارة ويطالعها
مناهل : هانت عليك ايامنا والحب هان
وانت الذي قد قلتلي فرقاي موت
إيه اكتفى صدري طعون مابه مكان
كنت اعشقك جرح والم حكي وسكوت