لو قلت لقلبي توب عيني تكذبني

الجزء العاشر

الساعة 8:00 مساءً
صلّى الليث العشاء ودخل يتروش ولبس ثوب ابيض و شماغ وعقال ونعال بني ( الله يكرمكم ) وقف قدام المرايا وهو يسوي الكبك ويعدل شماغه ودخلت كيان تبخره
كيان : وش ذا الجمال بسم الله عليك الله يثبت مناهل بس بتنهار
ضحك الليث وهو يسحب المبخرة ويفتح شماغه ويبخره
الليث : هي بتثبت ثقل بنت ال حزام انا اللي اتوقع بنهار
دخلت لين وهي تسحب العطر وتعطره وقالت : اثقل لاتفشلنا
الليث : ان شاء الله اقدر يارب ادعولي بس
دخلت امه ومعها اريج ويزغرطون
ام صقر : الله يوفقك يا وليدي ويتمم عليكم يارب
باس رأس امه ويدها وقال : امين يا يمه امين
نزل وهو يسلم على ابوه
ابو صقر : سوق زين واترك الجنان عنك واثقل
ضحك الليث وقال : مقدر يبه بس ابشر بحاول عشان خاطرك
ضحك ابو صقر وطلع الليث بعد مابخرته امه للمرة الترليون وتوجهه لبيت ابو فهد
●
●
●
صلت مناهل العشاء ودخلت تتروش وجلست بالارض تسوي ميك اب ونواهل تسويلها شعرها ويفي
مناهل : وش البس ؟
نواهل : نخلص القروشة ذي وبعدين يصير خير
مناهل : لاتحرقين شعري وش بتسوين ؟
نواهل : بسويلك ويفي من تحت
دخلو اخوان نواهل وامها وابوها
مناهل : حياكم الله
وقف سعود يختار لها عطر وبخور و فهد يختار لها فستان وكعب وسعد يختار لها اكسسوارات وامها تجهز لها الفحم وحطت البخور تبخر فستانها وابوها جالس جمبها ويدعيلها

خلصت مناهل وطلعو ابوها واخوانها ولبست فستانها
كان لونه احمر كان بنص اكمام منفوخة وفيه كسرات من الخصر ومنفوش نفشة بسيطة وقصير لين تحت الركبة ولبست كعب فضي و خلخال فضي واكسسوارات من سوارفسكي وسوت مناكير ابيض وشعرها ويفي والميك اب كان خفيف وناعم مايخفي ملامحها ابد رتبت حواجبها وركبت رموش طرفية وسوت ايلاينر وايشدو ترابي خفيف وبلاشر برونزي وهايلاتر وروج احمر وختمتها بعطرها المفضل و وطلعت
ابو فهد : بسم الله عليك يا يبه الله يحميك
حضنت ابوها وهي تحاول قد ماتقدر تمسك دموعها
ابو فهد : لا يخرب مكياجك هاتي البخور يا ميساء
اخذ البخور وهو يبخر شعرها وطبع بوسة على رأسها وقال : الله يوفقكم يارب و يجمع بينكم على خير
ابتسمت مناهل وقالت : امين
قربو اخوانها يسلمون عليها وشوي ويبكون
كانت نواهل تهف وجهها تنشف دموعها : لاتخلوني اصيح انتو بعد خلاص ابلعو العافية وخلوها تنزل وفكونا
دق الباب ونزلو العيال بعد ماضبطو اشمغتهم واستقبلو الليث ودخلوه المجلس
ابو فهد : حياك الله ليث بس وش تبي ؟
حك دقنه بفشلة وقال : ليه ما اتفقنا اليوم الشوفة ؟
ابو فهد : شوفة وش الله يصلحك ماعندنا شوفات احنا
الليث : معليش اذا احرجتكم بس انا ماخذ منكم امس كلمة لكن ماعليه عادي ننتظر لحفلة الخطوبة ماعندكم مشكلة
وقف ابو فهد وقال : ساعة وحدة وادرعم عليكم
ضحك الليث وهو يشوفهم يطلعون وماهي الا دقايق ودخلت مناهل وهي تطالع الارض وتلعب باصابعها بخجل
وقف الليث وهو منهبل عليها يعني طاح ومحد سمّى عليه
الليث : يا الله حرام عليتس توجعين قلبي كذا
قرب منها وهو يحاوط خصرها : بسم الله لا اله الا الله ما شاء الله تبارك الله
انربط لسان مناهل من نظراته وهي تحس بحرارة من قربه المبالغ
نزلت راسها وقالت : ليث تبعد شوي عادي ؟
الليث : لا مب عادي
حط يده على فكها ورفع راسها وطالع بعيونها وقال : ارفعي راستس بنت ال حزام وحرم الليث ماتنزل راسها
ابتسمت بخجل وقالت : ماودك تجلس ؟
الليث : اي بجلس اخاف اطيح
كتمت ضحكتها وجلسو وهي تطالع بالارض وهو يطالعها ومارمش حتى ابد
مناهل : نشفت عينك ارمش تكفى
ضحك وهو يرمش رمشات متتالية وقال : خلني ارمش كثير عشان ما ارمش بعدين وانا اطالع فيتس
قربها منه واصابعه تتخلل باصابعها وباس ظاهر كفها وقال : عرفيني عنتس
ابتسمت وقالت : اسمي مناهل بنت هادي بن سلطان ال حزام ادرس جامعة تخصص طب بشري جراحة قلب سنة ثانية عمري 20 سنة
ابتسم الليث وهو يحط شعرها ورا اذنها ويمسك اطرافه ويبوسه
الليث : بعرفتس عن نفسي انا
ضحكت وهي تهز راسها بمعنى " ايه "
الليث : اسمي الليث بن زايد بن مشعل ال فيصل اشتغل محامي  عمري 25 سنة احب وحدة اسمها مناهل جابتني على وجهي خرفنتني وعذبتني وتعبتني واوجعت قلبي بجمالها
ابتسمت بحياء وقال : اليوم وش ؟
سحبت جوالها وفتحته وقالت : اربعاء
الليث : الخطوبة الرسمية الخميس
شهقت مناهل وقالت : هذاااا ؟؟ يعني بكراا ؟
الليث : لا الجاي
مناهل : لا اصبر لين اخلص تجهيزات يعني اول شي يبيلي شاليه احجزه وبعدين تجهيزات الشاليه وبعدين الاكل والبوفيه والتوزيعات وبعدين فستاني وتجهيزاتي وبعدين حجز المشغل وبعدين انتظر لين بنات اهلي وبنات اهلك يجهزون ونسوي حفلة خطوبة
هز راسه بمعنى " تمام " : سوي اللي يريحتس
مناهل : عادي اقول شي ؟
الليث : وش ؟
مناهل : الملكة ابيها بعد 4 شهور
الليث : ليه 4 شهور
مناهل : تكفى
الليث : كثيرة
طالعته بنظرات رجاء ضعف قدامها حيل وقفل عيونها بكف يده وقال : خلاص يابزر بعد 4 شهور
رفعت رأسها وضحكت وقالت : تمام
الليث : بكرا او بعده بجي اخذتس انتي واخوتس فهد ونروح نشتري الشبكات والدبلتين تمام ؟
مناهل : شبكات ودبلتين ؟
الليث : ايه انتي خطيبة الليث اعطيتس شبكة وحدة ودبلة وحدة
مناهل : ليه كم بتجيب ؟
الليث : شبكتين ذهب ودبلة ذهب وشبكتين الماس ودبلة الماس
مناهل : ماله داعي يكفي شبكة ذهب ودبلة ذهب وبس
الليث : وش عليتس ؟
مناهل : ماله داعي والله عندي واجد
الليث : انا اقول وش عليتس ؟
سكتت وهي تميّل فمها وقالت : بكيفك
باسها بخدها ودفن وجهه بعنقها وهو يستنشق ريحتها : اخيراً
كانت تبي تبعد عنه وكل محاولة منها تحس بأيده اللي تشد على ايدها بقوة وتمنعها من الحركة لين دق الباب ورفع الليث يده يشوف ساعته ورفع صوته وقال : باقي وقت
دخل سعود ومعه صينية قهوة وعصير حطها قدامهم وغمز لمناهل وضحك وطلع وهي غطت وجهها بخجل وصرخت صرخة مكتومة والليث ضحك وهو يسحب كأس العصير ويشرب
الليث : وناسة اني جالس جمبتس ومحد يعترض
مناهل : امم
الليث : وش ذا الفرق بالجوال أسد وبالواقع قطوة
ضحكت مناهل لأن الكلام اللي قاله حقيقي لكن مو مع كل الناس بس معه هو تضيع قدامه وتحس بخجل العالم كله يصير فيها يوم يقرب منها
مناهل : احس لو نشتري الشبكات قبل الحفلة بيومين
الليث بحدة : بكرااا او بعده
مناهل : تمام تمام بكرا او بعده اللي تقوله ما بعده كلام
ابتسم وقال : اي كذا خليتس كويسة
جلس الليث يتغزل فيها وبكل كلمة غزل يقولها ترتفع حرارتها اكثر لين مرت ساعة دخل فهد وهو يشوفهم قريبين من بعض و الليث يبوس باطن كفها
فهد : وش ذا الخرنسيات
ضحك الليث وقال : قليل حيا انت خطيب جالس مع خطيبته تدرعم علينا بذا الشكل ليه
فهد : احمد ربك كان ابوي اللي بيجي بس عتقتكم منه
حاوط الليث خصر مناهل وقربها لين لصقت فيه : ترضى تفرق بين حبيبين
سحب فهد مناهل من الليث وقال : اغار لو سمحت
حضنها الليث من ورا وهي تضيع بين جراءتهم الليث جريئ وفهد اخص منه والعن
مناهل : لييث
فهد : بعدين بعدين بعد الزواج سوي اللي تبي حتى لو تبي تفجرها بيوم الملكة
تجمعت الدموع بمحاجر مناهل من الحياء وطلعت وهي مغطية وجهها بكفوفها وهم يضحكون عليها
الليث : وصخ
ضحك فهد وقال : خجولة اختي جعلني فداها
الليث : اسمع انا بدق عليك بكرا او بعده بجي اخذك انت ومناهل بنطلع نشتري الشبكات تمام
فهد : تم
الليث : يلا انا استأذنك
فهد : الحين معد بنشوفك الا يوم تجي تشوف مناهل ؟ يعني اوكي انا كنت ادري انك خفيف كما الريشة بس انت الله يحفظك الريشة اثقل منك تمام انا المفروض انبسط انك كذا ميت عليها واوثق فيك وارتاح انك تحبها بس اثقل يا بابا اثقلل
الليث : مالك دخل حبيبتي ودنيتي وخطيبتي حاليا خلني اموت فيها انت وش حارق دمك وفاقع مرارتك
فهد : يا ابني موت حتى وش دخلني انقلع انقلع
طلع الليث وهو يضحك وراح
●
●
●
طلعت مناهل من المجلس وهي تبكي وجلست بالصالة
مناهل : قليلين ادب وصخين كلاب حيوانين يارب خذهم كريهين يقهرون يا ربي يقهرووووووون
جلست نواهل ببرود وهي تتقهوى : شفيك ؟
مناهل : اخوك كلب وجهه مغسول بمرق مايستحي يقول فجرها بيوم الملكة
انفجرت نواهل ضحك وطرطشت القهوة على مناهل
مناهل : الله لا يوفقك انتي بعد
طلعت غرفتها بحلطمة ونواهل تضحك عليها للحين : يا رباااه وش ذا يا فهد
دخل فهد وهو يضحك وقالت نواهل : خف عليها ياوصخ
ضحك فهد وقال : مسوية تستحي دخلت عليهم وهم لاصقين فبعض شوي وتدخل بوجهه
تخيلت نواهل شكلهم ورجعت تضحك
●
●
●
في بيت ابو صقر دخل الليث وهو يغني ويدندن
الليث : انا بتقطع من جوااااييي
ذياب : بسم الله على جواك
رمى نفسه على الكنبة وقال : قلبي يا يمه خذته بنت ال حزام شلعته مرا وحدة مارفقت بي يا ييمااااه
ضحكت ام صقر وقالت : ودي بشوفها اشوف معك حق تموت كذا عليها ولا لا
كيان : اووه يا يمه ملكة جمال يعني ما الوم ليث فيها انا شفتها وانهبلت ولو اني ولد كان خطبتها على طول وهو زين متمالك نفسه 4 سنوات
لين : ما شاء الله ما شاء الله ما شاء الله احس من جمالها الزايد الواحد وده يبكي
الليث : خلاص لاتمدحونها قدام اخوانكم خير
اريج : منجد مايجوز ترا
الليث : يمه بتجين معنا بكرا
ام صقر : على وين ؟
الليث : بروح انا وخويي فهد ومناهل نشتري الشبكات وتعالي معنا
ام صقر : زين بكرا يصير خير
الليث : يلا انا بغيّر ملابسي واجيكم
طلع الليث غرفته وغيّر ملابسه ولبس شورت اسود وتيشيرت ابيض
وبعثر شعره ونزل
الليث : ايوه علومكم
ابتسمت اريج بهدوء وقالت : تو تذكر عندك اهل
الليث : بدأ يطلعلتس لسان
لين : ايه لما رحنا عند مناهل اول مرا قالتلها انتي هادئة زيادة عن اللزوم واللحين تغيرت
ذيب : اصبرو بس لاتسموني ذيب اذا مادخلت مناهل على حياتنا وغيرتها 180 درجة للاحسن طبعا
ام صقر : الله يتمم على خير لاتتحمسون زيادة
اخذ الليث جواله وهو يسجل فويس لقروب العائلة اللي الكل موجود فيه حريم ورجال وبنات وعيال
الليث : خطوبة الليث من مناهل رح تكون خلال هالاسبوعين اللي عنده تجهيزات او يبي يشتري شي يشتري من الحين لان خطيبتي حبيبتي قالت رح تأجل الحفل عشان تتجهزون على مهلكم
ابو ياسر : اعقب وش حبيبتي ؟
قصي : خله يا عمي طاير بأحلامه
جمال : لا اوصيك يا ليث اصفقني عشان اتزوج بعدك
سلمان : اي البنات عندهم العروسة تقبصهم واحنا تكفيخ
الليث : ابشر بصفقكم كلكم حتى ياسر وقصي
بدور : عض شحمة
عبير : مالك دخل بأزواجنا
خولة : تسوي فيهم خير انا اشوف ياسر و قصي يتعذبون يبون يتزوجون
سلمى : ايه دايم اسمع ياسر يبكي من الضيم قهرته بدور حسبي الله
ياسر : كذابة الله لا يوفقك انا اوريك
سلمى : اذا مرّت دقيقة من غير اي رسالة مني اعرفو انه ذبحني وما اسامحه يا ال فيصل
قفل الليث جواله وقام
ابو صقر : وين ؟
الليث : بكلم خطيبتي
ابو صقر : اقول اجلس واترك الخفة لاهلها
اريج : هو من اهلها يبه
الليث : خلتس على هدوءتس احسن
جلس الليث وهو يتأفف
●
●
●
كانت مناهل واقفة قدام المرايا وداقة على صديقاتها وقريباتها فيديو كام وتشيل اكسسواراتها وتمسح الميك اب وتسولف
مناهل : تجهزو يا بنات خطوبتي رح تكون خلال هالاسبوعين
وئام : نطلع بكرا مع بعض نشتري فساتين ؟
مناهل : لا مايمدي بكرا خلوها بعد بكرا او بعده
ليلاس : ليه وش عندك ؟
مناهل : بطلع اشري الشبكة والدبلة
ريوف : كم مهرك ؟
نواهل : وش دخلك ؟
ريوف : انتي اللي وش دخلك يا حبي جاوبيني
مناهل : تدرون اني ما أخبي عليكم شي لكن المهر ما اتفقنا عليه وبيتفقون عليه بعد الملكة
نوف : متى بيكون زواجك ؟
مناهل : مدري والله لكن الملكة بتكون بعد 4 شهور وقبل الملكة نتفق على المهر وبعد الملكة نتفق على الزواج المهم انا الحين بنام
ليلاس : بتجين الجامعة بكرا ؟
مناهل : ايه
قفلو البنات وكل وحدة راحت تنام بتعب من يوم طويل واولهم مناهل
●
●
●
اليوم الثاني
الساعة 7:00 الصباح يوم الخميس
في بيت ابو صقر
قام الليث من النوم صلّى الفجر ولبس ثوب اسود شتوي وشماغ ابيض وعقال ونعال اسود ( الله يعزكم ) وتعطر ونزل يفطر
الليث : صبحكم الله بالخير
الكل : صبحك الله بالنور
قرب من ابوه وباس رأسه ويده وكذلك امه وجلسو على الطاولة وبدأو يفطرون بهدوء كالعادة ومحد يتجرأ يتكلم وقت الأكل
ابو صقر : متى بترجعون البيت اليوم ؟
لين : انا برجع الساعة 2
اريج : انا بأخذ لين وبرجع معها
كيان : انا عندي جلسة يمكن ارجع 12 الظهر او 11
ذيب : انا وذيّاب بنرجع الساعة 4
صقر : انا برجع بعد صلاة المغرب
آسر : انا الساعة 8 بالليل
ابو صقر : وانت ؟
الليث : عندي جلسة بخلصها الساعة 3 برجع نتغداء ونروح لبيت عمي ابو فهد انا وامي
ابو صقر : متى ترجعون ؟
الليث : مدري على حسب مناهل يمكن يعجبها طقم من اول محل و يمكن مايعجبها شي
ام صقر : زين
قامو بعد ماخلصو يفطرون وكل واحد راح دوامه
●
●
●
في بيت ابو فهد
قامت مناهل من النوم صلّت الفجر ونظفت غرفتها ولبست لبس دوامها وسوّت ميك اب يومي ونزلت
مناهل : صباح الخير والسرور والسعادة والطيبة
قاطعتها نواهل : شششش ششش
مناهل : كلي هواء
قربت وهي تبوس خد ابوها وامها
مناهل : احسن صباح بالعالم
فهد : اكيد احسن صباح بعد التبويس مشافيح
قامت مناهل وطلعت بسرعة من غير ماتفطر وانفجرو ضحك عليها
ام فهد : حرام عليك كان خليتها تفطر
فهد : تهبل يمه وجهها يصير حلو يوم تنحرج
ركبت مناهل السيارة وهي تتحلطم
مالك : صباح الخير
مناهل : هلا صباح النور شلونك ؟
مالك : طيب الحمدلله انتي شلونك ؟
مناهل : والله دامك بخير انا كويسة فطرت ؟
مالك : لا
مناهل : تمام سيدا على المطعم
هز راسه بمعنى " ايه " وراحو للمطعم
مالك : انا بستنى هنا
مناهل : انزل يا مالك انزل
نزل مالك ودخلو المطعم
مناهل : سم وش تفطر ؟
مالك : ماني مشتهي
مناهل : بتقعد بخاطري ترا
ابتسم مالك وقال : اللي ودك
●
●
●
في المكتب
الليث : لا اله الا الله وش ذا ؟
نياف : كل القضايا اللي عندك
الليث : كم ؟
نياف : 7
الليث : ذا الاسبوع بس ؟
نياف : يس
الليث : وش ذا الضغط ؟
نياف : معليك تتسهل
الليث : تمام الجلسة بتبدأ الساعة كم ؟
نياف : ليث وين مساعدك ؟ انا ليه واقف قدامك ؟ انقلع ياخي
طلع نياف والليث يطالع فيه بصدمة وقال : كلب
شويات ودخل منيب
الليث : وينك انت من اليوم ؟
منيب : رحت اجيب بلقي الملفات
الليث : وش باقي بعد ؟
منيب : معد باقي شي رحت اشوف قالو خلاص الملفات ذي وننتهي
فتح الليث الملف وهو يسمع كلام منيب
منيب : جلستك اليوم بتبدأ الساعة 1 ونص الظهر يوم الجمعة
قاطعه الليث : الجمعة بكرا ؟ ولا الجمعة الجاية ؟
منيب : لا بكرا لان الاسبوع ذا عندك جلسات متتالية
الليث : الله يعين كمل
منيب : جلسة يوم الجمعة بتكون الساعة 4 العصر
الليث : طيب واذا القاضي أجّل بعض الجلسات نقدر نأجّل الجلسات اللي مارح نقدر نحضرها ؟
منيب : اي تقدر
الليث : حلو
●
●
●
بالمكتب المجاور
كيان : ما اعتقد تقدر انت مأخذ املاك العائلة كلها وجايني تقول مظلوم انا مقدر اساعدك بعدين ممكن اساعدك لو ماتعرضت لهم لا تعمي عينك الفلوس وثاني شي العقد ليه تسوي فيه كذا ؟ انت قطعت العقد وحرقته على أي اساس تبيني ادافع عنك لو يجيني اخوك اكيد بدافع عنه واخليهم يسحبون املاكك كلها
علي : الحين مب انا موكلك ؟
اخذت الملف ورمته على علي وقالت : اعتذر ما امسك قضيتك تقدر تتفضل
طلع علي بغضب ودخلت نجلاء
كيان : هلا نجلاء
نجلاء : هلا فيك الاسبوع هذا عندك 3 جلسات بس وهذي ملفاتها
كيان : مشكورة حبيبتي
نجلاء : تأمرين على شي ثاني ؟
كيان : ذا اللي طلع قبل شوي لو وش مايصير مايدخل لي تسمعين ؟
نجلاء : ابشري
كيان : تمام ابي قهوة تركي سادة بسرعة
نجلاء : ابشري
●
●
●
بالمكتب المجاور لمكتب كيان
كمال : ماينفع يتأجل
فهد : ليه طيب ؟
كمال : أجّلت الجلسة مرتين معد تقدر تأجّل اكثر من كذا
فهد : تمام متى بتكون ؟
كمال : بعد ربع ساعة
انصدم فهد وقال : كيف يعني ؟
كمال : للأسف محامي الطرف الثاني يبي يقلب الطاولة عليك عشان كذا قرّب الجلسة من دون ماتدري وتو قبل شوي وصلني الخبر
فهد : انا اوريهم ان ماخليته يخيس بالسجن ما يكون اسمي فهد
كمال : موكلك موجود
فهد : تمام
●
●
●
بمكتب نياف
سيف : وصلتني الاجراءات كلها والتحاليل والتقارير وشفتها
نياف : ايوه
سيف : يقول المحقق اللي حقق بالقضية ان المجرم يقول تعرض للتهديد عشان كذا سوا كل هذا
نياف : والضحية وش فيها ؟
سيف : تعرضت للاعتداء تم اغتصابها وخنقها وضربها بشكل سيئ و كان في آثار زقاير على جسمها ويوم شرحوها طلع انها توفت أثر سم
نياف : يعني التعذيب ذا كله كان بعد ما توفت ؟
سيف : اي
نياف : تمام
اخذ نياف الملفات وهو يشتغل على قضيته الجديدة
●
●
●
بمستشفى الملك فيصل
سامي : شوف انت يحتاج لك عملية وفوراً وماينفع تطول اكثر ياعم وبيسويلك العملية افضل دكتورين بالمستشفى انا والدكتور منصور واذا ودك بدكاترة غير عادي بس التحاليل هنا تقول ان لازملك عملية فورية
ابو صالح : كم نسبة نجاح العملية يا وليدي
سامي : 65% ياعمي
ابو صالح : واقرب وقت متى يكون ؟
سامي : اليوم نكمل الاجراءات ونجهز غرفة العمليات ونسويلك اخر التحاليل ونتوكل على الله
ابو صالح : على بركة الله

عند منصور كان يجهز غرفة العمليات هو والممرضين ويجهز نفسه واغراض سامي لانه يدري ان سامي يقدر يقنع المرضى انهم يسوون عملية ويشيل كل الخوف منهم
●
●
●
في مدرسة لين
كانت لين جالسة وحاطة راسها على الطاولة وبنت عمها وصديقتها جمبها
سلمى : قسم بالله ملل الف مدري متى نتخارج ونخلص ونرتاح ونفتك
تولين : كل ما ينهد حيلي اتذكر انها اخر سنة واقول الحمدلله
رفعت لين راسها وقالت : ابي انااام
تولين : نهج ؟
ضحكت لين وقالت وهي تشرح بيدينها : عشان يجي ابوي ويمصعع رقبتي اذا درى
حطت سلمى يدها على خدها وقالت : وابوي كمان يقولون ذي حركات دشير
تولين : انا اخاف البدو توصل فيهم المواصيل ويمنعونكم تقولون حتى اء واذا قلتوها تصيرون داشرات
حطت رجل على رجل وقالت : الله يكون بعونكم
لين : اكثر شي يخليني اكره اني بدوية التشديد
سلمى : بس احب اني بدوية وما اتمنى اصير حضرية ابد
تولين : ايه اوكي
●
●
●
في الجامعة
الاء : اهخخ بس ودي اتزوج
ليلاس : كلنا نبي نتزوج
عهد : اي اوكي نبي نتزوج بس مثل الليث لكن اذا مو زي الليث مابي
مناهل : وش قلة الحيا ذي اعطيك رقمه سولفي معه اذا ودك عادي ترا صدق قلة حيا
الاء : اقول تكفين ميتين عليه من زينه
مناهل : من ناحية من زينه هو صدق من زينه بس احبه
عهد : حرام عليك يجنن
مناهل : عهد ترا اشك فيك عيني عليككك هااه
ضحكت عهد وقالت : المحاضرة بتبدأ الحين
●
●
●
الساعة 3 العصر
في بيت ابو صقر
رجع الليث بتعب وجلس بالكنبة وقال : يمه يلا انتظرك
ام صقر : يلا البس عبايتي وانزل
الليث : تمام
طلع الليث يجدد عطره ونزل وركبت امه سيارته وتوجهه لبيت ابو فهد
فهد : منجده ذا جاء
الليث : اجل ؟
فهد : مناهل مو موجودة
وصلت مناهل وماركزت على الليث وكانت تمشي وتدور وتلف وتغني وتدندن
مناهل : عيني عيني عليك و رموشي حواليك اسقيني من حبك بصرخ لبييييييييك
فهد : اللي رموشك حواليه قدامك
وقف مناهل وهي تطالع الليث وهو مبتسم ابتسامة عريضة شاقة وجهه واظهرت اسنانه
مناهل مسكت جبينها وقالت بهمس : وش ذا الفشلة
الليث : هلا بحبيبي ودنيتي كلها
قرب منها وهي بعدت عنه وطالعته بنظرات تهديد وضحكو عليها
الليث : انتظركم انا وامي بالسيارة
فهد : امك موجودة معنا ؟
الليث : ايه
فهد : كلب قل من اول ليه تخليها تنتظر ؟
الليث : خلاص رح يلا
فهد : بمشي لما تمشي مناهل قدامي
الليث : ياخي والله انك كلب
ضحكت مناهل وهي تمشي وفهد وراها
الليث : طيب طيب
راح الليث وركب سيارته
ام صقر : ابطيت يا يمه
الليث : مناهل تو رجعت من الجامعة تتجهز وتجي
ام صقر : تمام يا وليدي
نزلت ام صقر وقال الليث : يمه وين ؟
ام صقر : بنزل ويركب فهد قدام
الليث : اركبي يا يمه الله يصلحتس اركبي وهو بيركب ورا مايقدر يبعد عن اختههه
وصلو فهد ومناهل وركبو كانت مناهل ورا الليث و فهد جمبها
عدل الليث مرايته وصارت على عيون مناهل
الليث : مناهل يا ابوي انتي في محل محدد تبينه ؟
استحت مناهل وقالت : لا اللي تروحله انت نشوفه
ام صقر : يا يمه انتي اللي بتلبسينهم مب هو
فهد : في محل مجوهرات كنتي دايم تشترين من عنده
سكتت مناهل وقال الليث : ياحبيبي قولي علامتس مستحية بناكلتس ؟ اخوتس خطيبتس ام خطيبتس تستحين من وشو تمام انا كنت ادري انتس خجولة بس مب كذا
انسدح فهد على رجل مناهل وقالت : اسمه ○○○○
الليث : تمام نروح نقش المحل واصحابه
ضحكو كلهم وحركو للمحل