بيوم زواج سعود و لين
الصباح الساعة 12 الظهر في بيت الليث
كان منسدح بالصالة وهو ينتظر مي و ندين يتجهزون عشان يوديهم للمشغل
نزلت مي وقالت : ليوثي وينها حرمتك ؟
الليث : مين ؟ ندين فوق
مي : لا اقصد مناهل
الليث : ببيت اهلها صار لها اسبوع هناك ماشفتها
مي : ماتلاحظ انها عافتك ؟
قام الليث بسرعة وهو يمسك ذراع مي وشد عليها وقال : وش عليتتس بهالحكيي ؟؟
مي : ليثث قاعدد توجعننييي
دفها الليث وهو يرميها واخذ جواله وطلع برا يدق على مناهل
الليث : وينتس فيه ؟؟؟
مناهل ببرود : الناس تصحى على صباح الخير تصحى على زقزقة العصافير الا مناهل تصحى وتنام وتمسي وتصبح على صراخ و هواش ، آمرني ؟
الليث : كثرة الكلام مب وقتها الحين ، انتي وينتس ؟
مناهل : قاعدة اقولك اني تو اصحى يعني وين بكون ؟ نايمة ببسطة بالشارع
الليث بحدة : منااهللل لا ترفعيين ضغطيي
مناهل بصوت ناعم يخرفن الليث قالت : ليث حبيبي مين اللي زعلتك وخلتك تجي تطلع حرتك فيني ؟
ابتسم الليث وهو يحك رقبته وقال : اسلوبتس صاير يقهر
شددت على كلامها وقالت بحدة وبرود : اخلصص وش تبي
الليث : بجي اخذتس و انا بوصلتس للمشغل حريمي انا اللي اوديهم
مناهل : عطيت ابوي خبر اني بروح معه ، مب حلوة اقوله خلاص ليث بيجيني وبروح معه
الليث : بس الليث رجلتس مب واحد من الشارع
مناهل : انا بروح مع ابوي ، شكرا لانك فكرت تدق او شكرا لأنك تذكرت ان معك زوجة اولى ، مع السلامة
قفلت مناهل بوجهه وهو وخر الجوال ويطالع فيه بقهر
الليث : نشوف يا مناهل شوفة نفستس و غرورتس و عزة النفس والكرامة والكبرياء لين وين بتوصلتس بشوف الثقل وين بيوديتس
حط جواله بجيبه و دخل البيت و ندين ومي واقفات قدامه ولابسات العباية واخذ شنطهم وحطهم بالسيارة وحركو للمشغل
●
●
●
في بيت ابو فهد
حست ان مزاجها تعكر و انقلب من يوم دق عليها صار صوته يزعجها و يكركب عقلها ويشوشها ، قامت و تروشت وبعد ماطلعت جلست قدام المرايا وهي لابسة المنشفة ورابطة ربطتها على خصرها وتنشف شعرها بالاستشوار وطالعت نفسها وابتسمت
مناهل : ماتوقعت يجي يوم واقص شعري حتى لو قصيت توقعت اني بقصه لين نص ظهري ماتوقعت ابدا اني بقصه لين نص رقبتي ، بس الصدق طالع بيرفكت مرا عاجبني
اخذت الكريم وهي ترطب جسمها وعطرته بمعطر جسم خاص وحطت تنت على خدودها و قلوس وردي ولبست بنطلون ابيض وبلوزة بيضاء بأكمام قصيرة وعريضة على الكتف و نص البطن مع شوز سبورت ابيض واخذت اصغر شنطة عندها وهي تحط فستانها وكعبها و طقمها و عطورها والبخور ودخلت كيان
كيان : خلصتي ؟
مناهل : ايه البس عبايتي وانزل
كيان : ليث تحت
قفلت الشنطة ورفعت نفسها وهي تتوجهه للشماعة وتأخذ عبايتها المعلقة كأنها ماسمعت شي
كيان : سمعتيني وش قلت ؟
مناهل : دق علي وقلتله لاتجي وش اسويله ؟
كيان : تمام
طلعت كيان و وقفت مناهل قدام المرايا وهي تعدل طرحتها ونقابها واخذت شنطتها ونزلت للحوش
فهد : اخلصي يلا
اخذ فهد شنطتها ورفعها لسيارة الليث
مناهل : شدعوه فهود شنطتي بسيارة وانا بسيارة
سعد : ليه مابتروحين معه ؟
مناهل : لا بجي معكم ولا ماودكم فيني
عقد الليث حواجبه بغضب وقال : مناهل اطلعي
رفعت رأسها وهي تحط عينها بعينه وقالت : عطيتك خبر اني بروح مع اهلي
الليث : مناهل اركبي
سعود : خلاص ياخي تبي تجي معنا هي ، كل شي عندك بالغصب ؟
الليث بهمس : لاحول ولا قوة الا بالله
ركبت مناهل سيارة ابوها وكيان طلعت مع فهد
فهد : هيه وش عندك انتي ؟
كيان : انا بروح مع اخوي
رفع حواجبه وهو يطنشها ، معروف عن عيال هادي انهم اكثر ناس يقدرون يتجاهلون الناس ويطنشوهم وينفونهم من الحياة اذا اضطرو
ركب سيارته وتوجهو كلهم للمشغل اللي يجمع كل البنات هناك
نزلو كيان و مناهل و مي و ندين بهدوء وهم يدخلون للمشغل ومناهل على طول راحت للكوفيرة اللي حجزت عندها وبدأت تسويلها مكياجها على طول
أنت تقرأ
لو قلت لقلبي توب عيني تكذبني
Storie d'amoreدخل الليث البيت والتعب لاعب فيه لعب رمى نفسه على الكنبة وهو يهف وجهه يبعد ريحة الدخان الليث : آسر تكفى وخر سكت آسر وهو يطلع زقارته الثانية ويحطها بشفايفه وياخذ الولاعة ويشغل الزقارة دخل ابو صقر وهو يقول : انا كم مرا اقول الزفت ذا لا تقربه ؟ آسر :...
