لو قلت لقلبي توب عيني تكذبني

الجزء الخامس والاربعين

الساعة 7:00 في بيت ابو ياسر
دخل البيت وهو تعبان ورمى شماغه فوق السرير وقال : تكسرت تكسير من قلب
بدور : بسم الله عليك
فتح عيونه وهو يطالعها و فيصل بحضنها
ياسر : العب يالطقم
ضحكت بدور وقالت : لو كنت فيه كنا بنخليك تطقم معنا بس راحت عليك
رفع صوته وهو يقول : سلموووووووههههه
دخلت سلمى وقالت : خير اخوي ؟
وسعت عيونها وهي تطالع لبس بدور وقالت : استحو على وجيهكم شوي
ياسر : ضبطي اخوتس حبيبتس وخذي فيصل عندتس
غمزت له سلمى وقالت : وش بتسوون ؟
ضحك ياسر وقال : اللي بالي بالك
ضحكت وهي تاخذ فيصل وطلعت
بدور : شلون كذا انتو جريئيييننن كيف كذاا
ياسر : انتي تعالي الحين
قامت وهي تجلس فوق رجوله وهو يطالعها ومبتسم
ياسر : يا زينتس زيناه بس
رفعت يدها وهي تلعب بشعره وهو رفع حواجبه وقال : شوفي حركتتس ذي تجيبلي الخمول فوق ما انه فيني نوم وانا مابي انام واخليتس
بدور : تمام نام وبعدين قوم عادي
طالع فيها وهو مقوس شفايفه كأنه طفل وهي ضحكت
بدور : لا تطالعني كذا يا حيوان
ضحك وهو يدفن وجهه بشعرها وقال : اهه ما زان البخور الا على شعرتس
بدور : ياسر طالعني شوي
رفع رأسه وهو يطالع عيونها وقالت : احبك والله احبك
ابتسم وهو يبوسها بشفايفها وو ...🌚
●
●
●
في بيت قصي
رجع البيت وهو يدوّر نور
قصي : وين بنتي وينها نور البيت وينها نور حياتي
ركضت نور وهو شالها : هوباااا
نور : بقولك سر
قرب اذنه وهمست ونزلها وقال : خلاص انتي خليتس هنا وانا اروح اشوف وش فيها ، طيب ؟
نور : ايوه
راحت نور للحوش وهي تلعب و قصي طلع للغرفة وشاف عبير جالسة وساكتة
قصي : عبير يا حبيبي وش فيتس ؟
وقفت وهي تدفن وجهها بصدره وبكت : مابيي يا قصي مابي
قصي : وش فيتس طيب علميني ؟
جلس وهو يجلسها على رجوله ورفع رأسها وهو يمسح دموعها
قصي : لا توجعين قلبي عليتس وانتي تدرين ماتهون علي دموعتس
عبير : ما ابي انا طييب
قصي : وش اللي ماتبينه طيب و محد يجبرتس فيه
عبير : مارح تزعل مني ؟
قصي : اذا كان الشي اللي يزعلني يسعدتس طز بزعلي
عبير : انا حامل
ابتسم قصي وسرعان ماتلاشت ابتسامته وقال : ماتبينه ؟
عبير : لا
قصي : ليه ؟
عبير : ما اتحمل ياقصي و نور توها صغيرة مافيني حيل
قصي : حرام طيب ، بملي هالبيت كله قدامات ومربيات اطفال بس لا تنزلينه تكفين
عبير : ما ابي يا قصي ما ابي ، مب تو تقول اهم شي رضاي ؟
قصي : طيب بس مب بهالطريقة يا عبير ما كان كذا قصدي تكفين يا عبير
وقفت وقالت : ما ابيه وبروح للمستشفى و بنزله
طالعها بنظرات رجاء وقال : تكفين انا بتحمله مارح اخليتس تسوين شي بس ترضعينه انا بروشه و بلبسه و بسوي كل شي يخصه بس لا تنزلينه طلبتتس يا عبير لا تكسريني
عبير : آسفة يا قصي بس مقدر
قصي : عبير بتخسريني كذا والله
عبير : سعادتي و راحتي اهم
قصي : اجل الله يفتح عليتس
قام وهو يطلع برا واخذ بنته نور وطلعو يتمشون عشان ماتحس نور بالتوتر اما عبير اخذت اغراضها وراحت لبيت اهلها
●
●
●
في بيت الليث
الليث : يلا يا بنااات يلااااا لا نطول على الناس اخلصو علي
نزلو مي و مناهل وقالو : خلصنا
مسكت مناهل بطنها وهي تقفل فمها و دخلت الحمامات و الليث لحقها
الليث : حالتس ابد مب عاجبني و بنروح للمستشفى غصب
طاحت مغمى عليها وهو شالها و ركبو وراحو للمستشفى
الليث : مييي حركيها اضربي وجهها بشويش خذي المويا سوي شي لين نوصل
مي : معرفف ماتتحرك يا ليث كأنها ميتة
خاف الليث من كلام مي واسرع وشالها ونزلو للمستشفى
الليث : سااامييي ممننصصووورر
جو سامي و منصور وهم منخرشين من صراخه
سامي : علامك ؟
الليث : مدري وش فيها تكفون يا عيااال تكفونن
منصور : اهدأ طيب
جابو سرير ونقلوها والليث و مي ينتظرون برا ، كان رايح جاي رايح جاي وهو يدعي ومتوتر
طلع منصور وهو يعطيه التحاليل والابتسامة شاقة وجهه شق
الليث : وش فيه؟
منصور : مبروك زوجتك حامل بالشهر الثاني
الليث : تستهبل ؟؟؟
منصور : والله
حضنه الليث وهو يضحك وقال : الله يبشرك بالخير يا منصور
كانت مي تطالعه بطرف عين وتدعي عليها وعلى ضناها
الليث : الله يسعدك يا منصور
طلعت مناهل وهي تمسك ذراع الليث وقالت : يلا يا ليث ابمشي
الليث : ابشري
مسكها وهو يمشيها بشويش و نسى مي وركبها جمبه
مي : بنروح للحين عشان تخطب ؟
الليث : لا
مناهل : الا يا ليث الا نروح
الليث : انتي تعبانة خلاص تجلسي مع مي مب لازم تجون
وصلهم للبيت و نزلو وهو راح يأخذ اهله
كيان : وين مناهل ومي ؟
الليث : مناهل تعبانة و مي جلست جمبها
ام صقر : مي تجلس مع مناهل ؟ وش صار بالدنيا ؟ وبعدين علامها مناهل
الليث : حامل
سكتو كلهم بصدمة وقالو : حاااملللل
ضحك الليث وقال : جايك الحفيد يا يبه
آسر : صادق انت
الليث : اي والله صادق
ضحط آسر وهو يحضنه و كلهم يباركون له وبشرو العائلة كلها واتفقو يجتمعون بكرا ببيت الليث
الليث : الفرحة فرحتين حمل حرمتي و زواجي
ابو صقر : والله اتك ماتستحي زوجتك حامل وانت رايح تتزوج
الليث : يبه لا تنكد علي الله يحفظك
وصلو بيت ابو نادية ودخلو الرجال للمجلس و قهواهم فادي اخو ندين
ابو فادي : حياكم الله تو مانور البيت
ابو صقر : منور بأهله
ابو فادي : آمرني يا ابو صقر
ابو صقر : والله احنا جايين نخطب بنتك ندين على سنة الله و رسوله لولدي الليث واحنا من الحين موافقين على كل شروطكم و بنتك عندها خبر ان وليدي متزوج حرمتين
ابو فادي : بتعيش مع حريمه ؟
ابو صقر : هالله هالله بيعيشون ببيت واحد لأن الليث معه فيلا يعيش هو وحريمه فيها
ابو فادي : كم مهرها ؟
ابو صقر بهمس : كم تقدر تدفع يا وليدي ؟
الليث : 50 الف
ابو صقر : 50 الف من غير الشبكة والدبلة و الزواج علينا
فادي : ندين ماتبي زواج
آسر : ليث تعال شوي ابيك
طلعو آسر والليث
الليث : وشو ؟
آسر : من وين عرفتها ؟
الليث : هذي مساعدتك اللي تشتغل معك
آسر : ليث تستهبل انت ذي مب كويسة
الليث : وش فيها مب كويسة انا عاجبتني
آسر : سمعتها ماش يا ليث مااش
الليث : ماعليك انت
آسر : انا عطيتك خبر وانت بكيفك
رجعو داخل عند الرجال واتفقو على كل شي وكان اتفاقهم ان الليث يملك على ندين بعد بكرا و يأخذها عنده بدون حفل ولا شي ورجعو لبيوتهم
دخل وبيدينه اكياس ونادى بصوت عالي : ميييي
نزلت مي وقالت : الحين عشانها حامل بتقعد تناديني انا ؟
الليث : لالا بس ابيتس تدخلين معي المطبخ انا بطبخ مابي احوس الدنيا
مي : ليه تطبخ والطبخ عليها ؟
الليث : مي ياقلبي شلون اخليها تطبخ وهي حامل
مي : خلاص روح ارتاح وانا اسويلك عشاء وهي اسويلها شوربة
الليث : اكيد ؟
مي : اي اكيد
الليث : حبيبتي والله
باسها بخدها وطلع غرفة مناهل
مي : الو السلام عليكم هلا يعقوب كيفك
يعقوب : ارحبي من زمان عنك
مي : مب وقتك اسمع
يعقوب : هاه وشو
مي : ابي منك شي
●
●
●
عند سعد
سعد : اسمع ابيك وراه زي ظله تسمع ابيك تكون اذني و عيوني وكل حواسي طيب ؟
طارق : ابشر
سعد : ابيك تصيده و تقول لي وش علله يا طارق تكفى
طارق : لا تشيل هم ابشر كم يوم واجيبلك اخباره
سعد : كفو عليك يا طارق
طارق : كفوك الطيب انا ابيك تصفيلي هالراس الحلو وتروق لي عمرك و اللي يسرك يجيك
سعد : حبيب والله حبيب
طارق : يلا تقلع
ضحك سعد وهو يقوم وهم يبوسون خشوم بعض ( سلام رجال )
سعد : فمان الله
طارق : بحفظه
طلع سعد وهو يركب سيارته متوجهه للمستشفى و يستعد لعمليته الجاية وهو راايق و نص الهم اللي كان بقلبه راح
●
●
●
في بيت ابو نايف
مرام : نايف ودي اكلمك بموضوع بس لا تزعل مني لو سمحت
نايف : آمريني
مرام : نايف انا وياك صار عندنا ضنا و وعد الله يسعدها مب مقصرة بالصراخ والبكاء والازعاج وامك وابوك كبار بالعمر مايقوون يتحملون ازعاجها
نايف : طيب ؟
مرام : ودي نطلع بيت لحالنا حتى لو غرفتين و حمام مايهمني اهم شي مابي ازعج عمي وعمتي والله اني متفشلة منهم بالحيل يا نايف افهمني ولا تسحب مني استلعان يا نايف وانت تدري اني احب اهلك وهم قبل لايكونون اهل زوجي كانو اهل عمتي
ابتسم نايف وقال : اشك بمكانة اهلي بقلبك ؟ لا والله ما اشك يا مرام وان كان هذا اللي تشوفينه ابشري على هالخشم ( واشر على خشمه )
باست خشمه وقالت : لاتزعل يا نايف تكفى
نايف : وانا اقوى ازعل ؟ والله ما اقوى ، المهم تدرين ان مناهل حامل و بكرا رايحين لهم وبعد بكرا ان شاء الله نروح وندور لنا على بيتٍ زين يرضيك و يرضي هالوجه الحلو
ابتسمت وقالت : والله ما اخطيت يوم حبيتك
نايف : وانا ما اخطيت يوم ازعل الدنيا ذي عشان رضاك ، ابيك اليوم
ضحكت مرام وهو قرّب منها وباسها من شفايفها وو ...🌚
●
●
●
عند سعود ولين
لين : هذا يجنن يا سعووودد يجنن
سعود : تبينه ؟
لين : لا
سعود : غبية انتي ؟
لين : لا بس هو حلو يجنن بس بنفس الوقت فخممم حييل مابي شي فخم بعدين ماتشوف وش مكتوب ؟ شف شف ب 300 الف البلاطة الوحدة والله لو بندعسها وبندخل الجنة
ضحك سعود وهو يمسكها ويدخلون محل ثاني وقال : شوفي هنا طيب
لين : امممم ماش ماش ماعندهم شي حلو
سعود : لين ياحبي من العصر وحنا نفرفر بذا الاسواق ماعجبك شي وش تبين بالضبط ؟
لين : ابي بلاط سادة مابي زخارف احس لحجي
سعود : طيب تبين سادة ؟ نخترع لك بلاط سادة كم معي لين انا امشي والله البلشة امشي
ركبو السيارة وهو يوديها محل فيه اشكال وانواع
سعود : آخر محل نروحه اليوم سريع سريع دواميي لا اتأخر يلا
لين : تمام
دخلو وهم يطالعون البلاط وقالت : هذا ابيه لغرفتي مع الصالة
سعود : طيب
لين : والنوع اللي جمبه ابيه لباقي الغرف
سعود : تمام
لين : وهذا للحمامات
سعود : تمام
لين : بس
سعود : تمام كل شي بيكون مثل ماتحبين
لين : تمام
سعود : انتهينا من البويا والبلاط اذا خلصنا ان شاء الله نبدأ نشتري غرفة النوم والاشياء ذي
لين : مارح نشتري لوحات و اثاث للبيت ؟
سعود : الا ياحبيبي الا بس احنا بدينا بالبويا والبلاط حلو ؟
لين : ايوه
سعود : بعدين بشتري غرفة النوم وكنب الصالة حلو
لين : ايوه
سعود : و بعدين بشتري المطبخ و الحمام
لين : طيب ؟
سعود : وبعدين الاشياء الكهربائية مثلا الغسالة التلفزيون بعدين نبدأ نشتري الاثاث وتزينين البيت اذا ودك تبين تشترين لوحات والفرش و المزهريات و كل شي تبينه بيصير بس حبة حبة
لين : تمام
سعود : ايه خليك كذا عاقلة شاطرة لاتخليني اشيل هم شي
لين : ترا لو ماتقدر تدفع علمني بساعدك
لف وهو يطالعها بطرف عين وقال : خلي مساعداتك لك انا الحمدلله معي فلوس مب قاصرني شي واقدر اشتري قصر بعد بس ابوي خاطره نعيش معه هالفترة واذا كنت ابي مساعدة كان خليت ابوي يساعدني مب انتي
لين : لاتزعل يا سعود مب قصدي شي
سعود : تمام يا لين تمام
ركبو السيارة و وصلها لبيتهم و راح للكوفي
عادل : اررححببب
سعود : البقى
عادل : الله يبقيك