👼 කෑදරයෝ 😈 (සම්පූර්ණයි) ✅

16-

දැන් දවස් තුනක් වෙනවා. මම බලන් හිටියට වැඩක් වුනේ නෑ. අන්තිමටම ලෝ එක වටේට ඔලුව දැන්මත් ඇබයා හොයාගන්න නෑ. එක හරි හිස් හැගීමක්. නිකන් මැරුණ මලකදක් වගෙ. මම අර එයාගෙ gf ව වත් හෙව්වා. එකිත් නෑ. මුන් දෙන්නා දරු පවුල් වෙන්න ගිහින්ද මන්දා.

ඔහෙ ඉන්නවට ඉන්නවා.

කැම්පස් එක පාලු වෙලා
ඇබ කොල්ලා තරහා වෙලා
ග්‍රවුන්ඩ් එකෙ තණකොළත් වැවිලා ගිහිල්ලා....
කැම්පස් එක පාලු වෙලා
ඇබ කොල්ලා නෑ.......

😭😭😭😭😭😭 පාපකාරි මනෝ කොල්ලට සමාව දෙන සෙක්වා... දෙවියනේ මගෙ කොල්ලව කැම්පස් එවන්න... මට ඒ මූණ බලන්න...

"මූ දැන් දවස් ගානක ඉදලා ඇයි මේ මනෝ ගහන්නෙ."
"ආ බං ටොපා... මූ මනෝ ගැහුවේ අදක ඊයෙකද බං... ඕකා නිතරම කරේ ඕකනෙ."
"එත් දැන් වැඩි වගෙනෙ."
"ඔව් ඔව්... ඔය ගෑණි නැති ශෝකෙ..." අද ලෙක්චර් කැන්සල් වුන නිසා අපි ටොපාගෙ කාමරේ අස්සට ආවා. මොනවා කරන්නද දුකට නමක් දෙනවා නම් කියලා මම නිදාගත්තා. එත් මට ඇහෙනවා මගෙ මිතුරො රැල මට දෙන නම්බු නාම..

"දසුනි එහෙම නෑ බං." මම හෙමින් කිව්වා.
"දසුනි ඕල්ඩ් වෙරශන් නේහ් මනෝ..."
"නිව් අප්ඩේට් ආවේ කවදද?"
"ආවෙ 19 බැජ් එකෙන්... නිකන් නෙවේ ලෝ බැජ් එකෙන්." ආයෙ ඉතින් මූන් මේ කියන්නෙ ඇබා ගැන. තර්ක කරලා වැඩක් නෑ. ඌ මගෙ ගෑණි නොවෙන නිසා මම ආයෙ නිදාගත්තා.

"එත් මචන් ලොකු කණ්නාඩි වල හොදේ මොකක්ද? බලපන් උඹේ දෛවයෙ කුරිරු කම. උඹට හිත ගියොත් අන්සතුයි, නැත්තම් පර සතුයි, එහෙමත් නැත්තම් පොදුයි." ආයෙ ආයෙ ටකාගෙ කරච්චලේ වැඩි වෙද්දි මම මයික් එක අතට ගත්තා

"මොකක්ද දැන් උඹ කියන්නෙ කවුද දැන් මගෙ ගෑණි."
"අර කණ්නාඩි කෙල්ල නේද? ලෝ ඇටයාගෙ ගෑණි... උඹ එකිටනෙ ලයින්." එතකොටයි මට මතක් වුනෙ. පලවෙනි දවසෙ ඇබයා වෙනුවට මම කිව්වේ එකි ගැනනෙ විනෝදයට.

"මම දැක්කා ඇබා එකි නිසා සුදා එක්ක ගහගද්දි තොගෙ මූණ... අම්මොහ්... එවෙලෙ නම් සිරාවටම උඹ එකිට කැමති කියලා නම් මම හිතුවා."

ඇත්තටම මම එක නිසා නෙවේ. මම දන්නෙ නෑ. මම ඔලුව ඉදන් රෙද්දක් පොරව ගත්තා.