👼 කෑදරයෝ 😈 (සම්පූර්ණයි) ✅

40-

"පොඩි කාලෙ මම ගොඩාක් බයයි. මොකද හැමතැනම තිබ්බේ බොරුව. අපේ තාත්තා අනාථයෙක්. එයාව හදාගන්න ගත්ත ඩොක්ට විල්සන් කැටගොඩ තමයි තාත්තාට උගන්නලා තියෙන්නෙ. අපේ තාත්තාට එයා සැලකුවේ පිට කෙනෙක්ට වගෙ නෙවේ. එත් සරත් මාමා එහෙම නෑ. විරාජිනිගෙ තාත්තා."
"එයා මොකක්ද?"
"නාස්තිකාරයෙක්. ඉගෙන ගත්තෙ නෑ. නිතරම තාත්තාගෙ පිහිටෙන් ගොඩ ආවා. එක්සෑම් වලට ලිව්වෙත් එහෙම. මිනිස්සුන්ට සල්ලි වලට මොනවද ආෂ් කරන්න බැරි."
"ඉතින් මොකද වුනේ. නවත්තන්නෙ නැතුව කියන්නෙ."
"ඉතින් සීයා තාත්තාව හදාගන්න ගත්ත එකෙ මිල වුනෙ එයාගෙ ටයිම් එකයි, එයාගෙ ජිවිතෙයි, තව එයාගෙ පුතාගෙ ජිවිතෙයි. තාත්තා ඇමරිකා ගිහින් ගත්ත ඩොක්ට උපාධිය නිසා ලංකාවේ එයාට හොද තැනක් හැදුනා. එත් ෂැංගිලා එක  දාපු මාමා නම් කරේම බලු දේශපාලනෙ."

"ඒ කියන්නෙ ඔයා දන්නවා.."
"පොඩ්ඩක් ඉන්න කතාව කියද්දි මැද්දට පනින්න එපා.."
"කුතුහලේ."
"එහෙනම් තමුසෙ හොයන් යනවා මගෙන් අහන්න එපා."
"අනේ අනේ දෙව් කියන්න.. දැන් අපි දෙන්නා විතරනෙ ඉන්නෙත්."
"ම්ම්ම්ම්... මාමා එයාගෙ තැන හදාගන්න තාත්තාව උගස් කරා. මොකද එයාට රැදෙන්න නම් එයා ගෙවන්න ඕනෙ ගාන වැඩි. එත් අපෙ තාත්තාගෙ රිසර්ච් දේශප්‍රියට වික්කොත් එකෙන්  ලොකු ගානක් ඌට එන නිසා දේශප්‍රිය කැටගොඩට උදව් කරා. ඔය අතරේ අපේ අම්මා තාත්තාට හම්බවුනේ ඇමරිකාවේදි. එදා අම්මා ගිහින් හිටියෙ ඔපෙරාවක් බලන්න. මොකද අපේ අම්මා ඇමරිකා වල විශාරද කරන ගමන් හිටියෙ. එයාගෙ ආසාව වුනේ ගායිකාවක් වෙන්න."

මම දැන් ටික වේලාවක ඉදලා දෙව්ගෙ කතාව අහගෙන ඉන්නවා. එයාගෙ ඇස් ඔහෙ පාවෙනවා. එයා එක තැනක රැදුනේ නෑ. එත් දැන් ඇදේ නිදන් හිටිය මන් ගාවට ආවා..

"එයටත් තිබ්බා ඔයාට වගෙ ලස්සන කටහඩක්, වගෙම ටැලන්ට් එකක්..." ඒ ඇස් වල කදුලු. ඉන්න ඉන්න.. මේක වැරදි ටොපික් එකක්. මට ඕනේ නෑ මේ හල්ක් අඩනවා බලන්න. හේයි මේක හෙන විකාරයක්. දැන් පැයකට කලින් මලිත්, ටොප් එක්ක බෝඩිම් හවුස් එකට ගියාම මම වද දිදී ඇහුවා මොකක්ද මේ වෙන්නෙ කියලා. ඒ නිසා කෙකර බාලා, කෙකර බාලා මූ කතාව පටන් ගත්තෙ. එත් දැන් අඩනවා. මේක අසාධාරණයි..