👼 කෑදරයෝ 😈 (සම්පූර්ණයි) ✅

17-

මම ගෙදර එද්දි තාත්තා හිටියෙ නෑ. එත් ටිකකින් හුටු හුටුවේ සද්දේ ආවා. මම දෙව් දිහා ආයෙත් බැලුවා.

"ඔයා දැන් කලිසම ගලවන්නෙ නැද්ද?"
"නෑ"
මූගෙ යකෝ ඕක දැක්කා කියලා අහවල් එකක් වෙනවද? අනික දෙක දෙකක්ද? නෑනේ එකක්... මම ඒ පොකට් කලිසම ඉස්සුවා...

"ආෂු එපා..." යකෝ මූගෙ කකුල් මරුනෙ... මූ වීට් කරලද? ගිය පාර සයිලන්සරේට පිච්චුනාම මීට වඩා මයිල් තිබ්බානෙ.
"තෞසෙ කකුල වීට් කරාද?"
"ඔව්..." හෑ මූ මොකෙක්ද? වීට් කරා කකුල... මොකක්...

"ඒ මොකටද ඒ..."
"අවුරුදු කුමාරයාට අන්දපු ඌන් කැප්පුවා."
"හෑ තෝ බලන් හිටියද කපනකල්.."
"ඔව්..."
"ඕයිෂ් තමුසෙට මන් ඇල්ලුවොත් තමා බෙරිහන් දෙන්නෙ අනික් ඌන් මයිල් නෙවේ මොනවා ගැලෙව්වත් කටවහන් ඉන්නවා..."

"ආෂු තෝ ගෙදරට ගෑණුත් ගෙනාවද? මෙතන ලැජ්ජාවක් නැතුව කියවන කතා.. ගලවනවා තොගෙ මයිල් මම" තාත්තා කෑ ගහන් කාමරේට එද්දි ඇබා වගෙම මමත් එක පාරම බැලුවේ දොර දිහා. දොර ලග සෙරෙප්පුවත් උස්සන් ගහන්න වගෙ හිටිය තාත්තාව දැක්කම මටත් හිනා...

"ගෑණු ගෙන්න... මේ ගෙදරට.... නෑ නෑ ඔයාගෙ පොඩි පුතාව ගෙනාවේ. මෙන්න මූ කකුල කඩාගෙන."

"එහෙනම් තෝ මොනවද බල්ලො ගලවන්න කියන්නෙ. මේ අහිංසකයාට.. නිකන් වෙන දෙයක්නෙ අහන් ඉන්න මිනිස්සු හිතන්නෙ.."
"මෙන්න මූ කකුල තුවාල කරන් නිසා බෙහෙත් දාන්න." මම තාත්තාට කේන්තියෙන් කියලා පහලට ගියා. එත් ඇයි මට කේන්ති යන්නෙ. නෑ ඉතින් මූ මට එක චරිතයක් අනික් ඌන්ට බබා චරිතයක්. මයිල් ගලවනකල් කටවහන් හිටියා. යකෝ ඌ කකුල පෙන්න නෙවේනෙ ඇදුම ඇන්දේ. අනික ඇන්දත් මොකද අපි ගෑණු නෙවේනෙ.

ඕනෙ මගුලක් කර ගන්න කියලා පහලට ආවා බීම ටිකක් හදලා දෙන්න. බීම නෙවේ පොවන්න ඕනේ යකෝ අර කොල්ලව ඕකුන් ගෑණියෙක් කරලා. අහු වෙයන්කො ඔය විශාකාව මට මම උපාසක අම්මාගෙ මයිල් ගලවන්න. බීම ජෝග්ගුවක් අරන් උඩට යද්දි තාත්තා අර යකාගෙ තුවාල සුද්ද කරනවා. ඇත්තටම ලේ බලන්න අකමැති මම ඕක නොකරන එක හොදයි. නැත්තම් මම ඔක්කොටම කලින් බිම.

"ආ හාම්පුතා ආවද?"
"ඔව් ආවා..."
"බලන්න දරුවො එකට එක කියන විදිය. දවසක මම මූගෙ දත් කඩනවා."
"...."
"ඔය පේනවද දැන් හුම් නෑ." යකෝ මේක මාර වැඩක් වුනානෙ කතා කරත් බනිනවා නැතත් බනිනවා. මම අරු දිහා බැලුවා සරමක් ගහගෙන ඉන්නෙ. කකුල හොදටම දම් පාට වෙලා.