අද මම කරපු දේ හරි වැරැද්ද මට තීරණේ කරන්න බෑ. මම කරන්න යන්නෙ නෑ. දෙව් නිදි අතරේ මම ආවේ අම්මාගෙ සේපාලිකා ගහා පේනමානෙට. මට තාම තේරුම් ගන්න බෑ උදේට සුවද බෙදන මලක් තෝර ගන්නෙ නැතුව ඇයි අම්මා රෑට පිපෙන, සුවද බෙදන මලක්ම තෝර ගන්න ඇත්තෙ. මම දන්නෙ කොහොමද? මම ඕවා අහන කෙනෙක් නෙවේනෙ.
"මොකො ඉලන්දාරියා අදත් මෙතන..." තාත්තා එවෙලෙයි ගෙදර එන්නෙ. මෙච්චර රෑ වෙලා මෙයා කොහෙද ගියෙ.
"තාත්තා කොහෙද ගියෙ දැන් මහා පාන්දරත් කිට්ටුයි."
"මම ලමයෙක්ගෙ මල ගේක ගියා... පාන්දර වෙනකල් ඉතින් පොඩ්ඩක් හිටියා."
"ළමයෙක්.."
"ඔව් ඔව්... සූසයිඩ් කර ගෙන. ජනෙල්ලෙට ලණුව දාලා."
"යකෝ එච්චර මොනවද ඌට තිබ්බ ප්‍රශ්න"
"ගෑණු ළමයෙක් ඇති ඔය කොහෙට හරි වෙන්න. ඒක නෙවේ උඹ මොකො මෙතන. සුදු පුතා කෝ."
"එයා ඉන්න හැම තැනම මම ඉන්න ඕනේ නෑනෙ තාත්තේ."
"උඹලා දෙන්නා ඉස්සර නයයි මුගටියයි වගෙ වුනට දැන් ඉන්නවනෙ සෙරෙප්පු දෙකක් වගෙ..."
"ඉතින් එක සෙරෙප්පුවක් කැඩිලා යන්න ඇති"
"එතකොට පුතේ ඉබේම අනික් සෙරෙප්පුවෙත් වැලිව්ඩ් එක සීරෝ වෙනවා."
"තාත්තා එක්ක කතා කරලා බේරෙන්න මම දන්නෙ නෑ..."
"එකට දෙව් කොල්ලා නම් මාව ඇපත් නැතුව හිර කරනවා."
"ඉතින් එයා කියවන්න දක්ෂ වෙන්න එපැයි කොහොමත්."
"උඹ තාම මම අහපු දේට කිව්වේ නෑ."
"නෑ තාත්තේ නින්ද ගියෙ නෑ. අපි දන්සලක් දෙනවා. එකෙ වැඩ ඉවර වෙලා ඇබයි මායි දැන් ටිකකට කලින් ආවේ."
"ආහ් එහෙමත් එකක්ද?" තාත්තා යන්න හැදුවේ.
"එත් තාත්තේ..."
"මොකො..."
"ඇයි අම්මට මේ වත්තෙ එකම එක ගහක් හිටවන්න ඕනෙ වුනේ.. එකත් සේපාලිකා ගහක්."
"ම්ම්ම්ම්.... රෑට පිපෙන නිසා."
"දවල්ට නෙවේද ලස්සන පෙන්න ඕනේ." අපේ අම්මගෙ චොයිස් ඇත්තටම අච්චාරුයි.
"උඹ ෂ්‍රේක් බැලුවා නේද? ඒ කතාවේ කියනවා දහවලේ එක් අයෙක්, රැයෙ තව අයෙක්..."
"තාත්තේ එක කාර්ටුන් එකක් විතරයි..."
"එත් ඇත්ත එකනෙ බං. උඹ දවල්ට කට පුරෝලා හිනා වෙලා හිටියත් රෑ තනි වෙද්දි උඹට ඕනේ වෙයි කෑ ගහලා අඩන්න... ඉතින් අම්මා හිතුවා උඹට එහෙම දුකක් ආවොත් කෑ ගහලා අඩද්දී මේ මල් වල ලස්සනයි, සුවදයි විදලා උඹ ලස්සනට හිනා වෙයි කියලා."
YOU ARE READING
👼 කෑදරයෝ 😈 (සම්පූර්ණයි) ✅
Non-Fictionදුක සැප එකම නූලක වෛරයක් වේ අහස උසට ලේ වල උතුරන තරුණ හීනෙට වල කපන තුරු ඉන්නද හැමදාම ඉවසාන.... 🥲 උරහිස්සක් තියෙනවා නම් වේදනා විදලා විදලා සතුටු වෙන්න මම පොතොක් මලක් වගෙ ගොඩක් දරාගන්නම්... 👿🧚 devil & angel 👿🧚
