ဆိတ်ငြိမ်နေသည့်ခြံကျယ်ကြီးထဲတွင်ထီးထီးကြီးတည်ရှိသောမဟာဂုဏ်ထည်စံအိမ်တော်ကြီးအတွင်းမှလှုပ်ရှားနေသောပုံရိပ်သဏ္ဍာန်များ။
ထိုအသွင်သဏ္ဍာန်များကအကြောင်းမဲ့လှုပ်ရှားနေသည်တော့မဟုတ်။
ယနေ့တွင်မဟာဂုဏ်ထည်စံအိမ်ကြီး၏အရှင်သခင်သစ်မကြာမှီအချိန်တွင်းရောက်ရှိလာတော့မည်ဆိုသောကြောင့်ပင်။
"တီး...တီး...တီး"
ကျယ်လောင်စူးရှစွာထွက်ပေါ်လာသည့်ကားဟွန်းသံနှင့်အတူခြံကြီးထဲသို့ချို့ကွေ့ဝင်လာသောမာစီတီးကားနက်ကြီးတစ်စီး။
ကားနက်ကြီးကိုမြင်သည်နှင့်အိမ်ထိန်းဟုယူဆရသောလူကြီးတစ်ဦးကအိမ်ထဲမှတည်ငြိမ်သောခြေလှမ်းတွေကိုလှမ်းလျက်ခရီးဦးကြိုပြုရန်ထွက်စောင့်နေလေသည်။
လူကြီး၏နောက်တွင်အစီအရီစီတန်းရပ်နေကြသည့်မဟာဂုဏ်ထည်စံအိမ်ဝန်ထမ်းများကလည်းသူတို့၏အရှင်သခင်သစ်ကိုစိတ်ဝင်တစားဖြင့်စောင့်ကြိုလျက်ရှိနေကြ၏။
မာစီတီးကားနက်ကြီးကစောင့်ကြိုနေသူတို့၏မလှမ်းမကမ်းတွင်ထိုးရပ်သွားပြီးနောက်စံအိမ်၏လုံခြုံရေးဝန်ထမ်းတစ်ဦးကအလိုက်တသိဖြင့်ကားနောက်ခန်းတံခါးကိုတရိုတသေဆွဲဖွင့်ပေးလိုက်လေသည်။
ရို့ရို့လေးရပ်နေကြသည့််ဝန်ထမ်းအားလုံး၏အကြည့်တို့ကပွင့်ဟသွားသောကားတံခါးဆီသို့စုပြုံကာရောက်ရှိလို့သွားရသည်။
သူတို့အရင်ဆုံးတွေ့မြင်လိုက်ရသည်ကသမံသလင်းပေါ်သို့ခြေချလာသည့်ရှည်လျားသောခြေထောက်တစ်စုံ။
ထိုခြေထောက်တွင်စီနင်းထားသည့် ALDO Dress Shoes ဖိနပ်ပေါလစ်ရောင်ကတဖိတ်ဖိတ်လက်ထနေပြီးဖိနပ်တစ်ရံ၏ထည်ဝါမှုကိုပြသလို့နေလေသည်။
ထို့နောက်အနက်ရောင်ဝတ်စုံပြည့်ကိုဝတ်ဆင်ထားပြီးတည်ငြိမ်သောဟန်ဖြင့်ကားတွင်းမှဆင်းလာသောသူ။
ထိုသူက မဟာဂုဏ်ထည်စံအိမ်ကြီး၏အရှင်သခင်သစ် တုနှိုင်းမဟာ ပင်။
တည်ကြည်ချောမွေ့နေသောမျက်နှာပေါ်တွင်ရိတ်သင်ပြီးကာစပါးမြိုင်မွှေးစိမ်းဖန့်ဖန့်ကနုသန့်နေသည့်မျက်နှာသွင်ပြင်ကိုရုပ်လုံးပိုကြွစေသလိုယောင်္ကျားပီသခန့်ညားမှုကိုသိမြင်နေစေသည်။
YOU ARE READING
🔥ခြွေ🔥
Romanceမင်းမျက်ရည်တွေကငါ့ရင်ကိုအေးချမ်းစေတဲ့မိုးဘဲ ငယ်ဆူးခက် တုနှိုင်းမဟာ နာကျင်မှုကြောင့်ကျတဲ့မျက်ရည်စက်တိုင်းမှာအငြိုးတွေသိုဝှက်ထားတယ်ဆိုတာခင်ဗျားကိုသိစေချင်တယ် ငယ်ဆူးခက်
