အိမ်တော်ထိန်းရှိန် ကို တုနှိုင်းမဟာ များတစ်ခုခုပြန်ပြောလိုက်လေမလားဟူသည့်စိုးထိတ်စိတ်ဖြင့် ခြွေ ကြည့်လိုက်မိရာ
"ဟင်"
ခေါင်းကြီးငိုက်စိုက်ကျလျှက်ငြိမ်သက်နေသော တုနှိုင်းမဟာ ကြောင့် ခြွေ အနားသို့မရဲတရဲတိုးကပ်သွားလိုက်ပြီးစူးစမ်းလိုက်မိ၏။
ခြွေ သေချာအကဲခတ်ပြီးချိန်မှာတော့စိတ်အေးသွားပုံဖြင့်ပင့်သက်ကိုဖြေးဖြေးချင်းချလိုက်၍
"ဟူး...တော်သေးတာပေါ့...အချိန်ကိုက်ဖြစ်သွားလို့"
ဝိုင်ထဲတွင် ခြွေ ခပ်ထားသည့်အိပ်ဆေးအရှိန်ကြောင့်အိပ်မောကျနေသည့် တုနှိုင်းမဟာ မှာဘာကိုမှသိပုံမရတော့။
တုနှိုင်းမဟာ ဘယ်လောက်ထိထန်တယ်ဆိုတာ ခြွေ သိထားပြီးသားမို့ကိုယ့်အန္တရာယ်ကိုယ်ကာကွယ်တဲ့အနေနဲ့ခုလိုကြိုတင်စီစဥ်ခဲ့ခြင်းဖြစ်သည်။
မဟုတ်လျှင်အသားစားကြူးသည့်ကျားရဲကြီး၏ဝါးမျိုခြင်းကိုမရှူ့မလှခံရနိုင်သည်။
ဒီလိုတော့ ခြွေ အဖြစ်မခံနိုင်ပါ။
ခြွေ သူ့လုပ်ရပ်အတွက်ကျေနပ်နေတုန်းရှိသေးသည်။
"သခင်လေးမဟာ အဆင်ပြေရဲ့လား"
အိမ်တော်ထိန်းရှိန် ကစိုးရိမ်မကင်းပုံမျိုးနှင့်ထပ်မံမေးလာတာကြောင့်
"ငါဒီလိုနေလို့မဖြစ်သေးဘူး"
ခြွေ အလျင်စလိုဖြင့်အထိန်းအကွပ်မဲ့နေသောနို့နှစ်ရောင်ရင်နှစ်မွှာကိုချိတ်ပါသည့်သားရေပြားအပျော့စားဖြင့်အမြန်ပတ်လိုက်ကာဗီဒိုတွင်အသင့်ချိတ်ထားသောညဝတ်အင်္ကျီကိုဝတ်လိုက်လေသည်။
ထို့နောက်သံကြိုးတန်းလန်းဖြစ်နေသည့် တုနှိုင်းမဟာ လက်ကိုအမြန်ဖြည်လိုက်၍ပျော့ကျလာသောကိုယ်ကြီးကိုကုတင်ပေါ်တွင်ပက်လက်အနေအထားပြောင်းထားလိုက်ပြီးစောင်ကိုသေချာခြုံပေးလိုက်၏။
ခြွေ လုပ်စရာရှိတာလုပ်ပြီးသည်နှင့်အခန်းတံခါးနားကိုတိုးကပ်သွားလိုက်ကာ
"ဟိုလေ မောင်အိပ်ပျော်သွားပြီ အိမ်တော်ထိန်းရှိန်...ခြွေ နဲ့ဝိုင်အတူသောက်နေရင်းပင်ပန်းလို့စောစောနားတော့မယ်ဆိုပြီးအိပ်ရာဝင်သွားတာ...ခြွေ လဲထမင်းမဆာတော့တာနဲ့အောက်ထပ်ကိုဆင်းမလာဖြစ်တာ"
VOUS LISEZ
🔥ခြွေ🔥
Roman d'amourမင်းမျက်ရည်တွေကငါ့ရင်ကိုအေးချမ်းစေတဲ့မိုးဘဲ ငယ်ဆူးခက် တုနှိုင်းမဟာ နာကျင်မှုကြောင့်ကျတဲ့မျက်ရည်စက်တိုင်းမှာအငြိုးတွေသိုဝှက်ထားတယ်ဆိုတာခင်ဗျားကိုသိစေချင်တယ် ငယ်ဆူးခက်
